الفصل الثالث والثلاثين ...
احمد الصياد ..بصدمه ...انتى بتخرفى بتقولى ايه
عزه بحزن...بقول الحقيقه بقول جابر قتل ابوك
احمد الصياد..... ازاى وعرفتى منين
عزه ...جابر كان بيكتب مذكرات حياته وكان كاتب كل حاجه عملها لان باباك اكتشف خيانته قتله ولما هددته رمانى فى الشارع بعد ما خلانى .اتعذبت كتير وبقيت مش عارفه انا ايه ولا فاكره حاجه وقالى ان دينا ماتت لكن اكتشفت انها عايشه
الطبيب.بقرف...ده حيوان دى بنته
عزه بعصبيه.... دينا مش بنت جابر دينا بنت واحد زميلى كنا حبينا بعض وللاسف غلطنا سوا وكنا مخطوبين وقبل فرحنا بشهر مات. فى الوقت ده جابر كان صاحبه وعارف كل حاجه عرض عليا الجواز كنت فاكره سند ليا كنت فاكره انسان شكرته انه ساعدنى وسترنى بس طلع حيوان عرفته على حقيقته كل همه الفلوس وعرفنا انه مبيخلفش وافق ان يكتب بنتى باسمه ومحدش قالها انها مش بنته بس للاسف ضيعت بنتى بسبب راجل زى ده شيطان
احمد الصياد وهو يقوم بتكسير طفايه سجائر امامه
احمد بصراخ... اه كل يوم بتزيد النار جوايا ورحمه ابويا هقتلك يا جابر هقتلك واخليك عبره
الطبيب. ..دينا يا احمد بيه لازم نوصلها اكيد هياذيها
احمد الصياد ..هلاقيها والله هلاقيها لو تحت الارض هرجعها لحضنى مستحيل اسيبها ومش هرحم حد والله ما هرحمهم
الطبيب.... طيب نمشى احنا لو فى جديد كلمنا وده رقمى
عزه بحرج ...ممكن اطلب منك طلب
احمد الصياد بشرود ...اتفضلى
عزه... ممكن اقعد هنا لانى محتاجه اشم ريحه بنتى محتاجه المس هدومها احس انى فى مكان عاشت فيه ارجوك والله ما هتحس بيا
احمد الصياد..... اكيد طبعا البيت بيتك
الطبيب...بس يا عزه ليه كده
عزه ...ارجوك سامحنى بس محتاجه احس ببنتى
الطبيب بحزن. . على راحتك بس لو احتاجتى حاجه كلمينى
عزه ... حاضر
خرجت عزه لتوديع الطبيب بينما دخل احمد الصياد الى غرفه مكتبه
وحين اغلق الباب بالمفتاح انفجر فى بكاء مرير لاول مره تحدث له لايستطيع التحكم بنفسه
احمد الصياد ببكاء.... انا اسف يا دينا ظلمتك عاملتك وحش اوى سامحينى مكنتش اعرف حاجه مكنتش اعرف ان الحيوان ده مش ابوكى مكنتش اعرف انك تعبانه مصدقتش انك بالبراءة دى مصدقتش تعبك مصدقتش حبك ليا والله غصب عنى كنت عشت ايام صعبه بسبب الكلب ده بس وعد هعوضك وهلاقيكى وهعيشك فى سعاده ومش هخليكى تحتاجى حاجه هكون ليكى الاب والاخ والزوج والابن هكون احن حد عليكى لانى والله بحبك انا بحبك يا دينا بحبك يارب قدرنى ان ارجعها يارب متحرقش قلبى ورجعلى مراتى وابنى يارب
أنت تقرأ
انتقام ثم عشق.. لولو الصياد
Romanceالمقدمه ..... انها فتاه فى ريعان شبابها سحقها القدر وضعها فى يد من لا يرحم جعل حياتها كالجحيم ولكن لاتعلم لماذا وقعت بحبه رغم ما وقع عليها من ظلم هل تكون مكافاتها له هى الحب ولكن لم يكن بيدها حيله وهى لديها والد بتلك البشاعه والقسوه هى .....حرام...
