4.
Friday ngayon at nagkayayaan ang buong department para sa welcome party ni Clyde ko -- Sir Kester para sa kanila. Isang lingo pa lang siya dito pero magaan na loob sa kanya ng lahat. Palangiti kasi.
Naasar lang ako kasi madali niyang nakuha ang loob ng mga katrabaho namin. Don’t get me wrong ah. Di naman sa ayaw ko na maging kaibigan niya ang lahat, dadami lang kasi future karibal ko. Madami pa namang dalaga dito, di lang kami nina Dette.
Nung college pati kami, madaming madalas dumikit sa kanya at wine-welcome naman niya. Di ba pwede siyang maging cold sa kanila tapos sa akin lang warm. Muahaha. Eh sa selfish ako eh.. XD
Maarte talaga kasi ako. Gusto ko nung pareho sa nababasa ko sa pocketbook at nakikita ko sa TV na yung lalaki eh masungit halos sa lahat pero sa partner niya eh super sweet. Walanjo, di ganyan si Clyde ko eh. Luha.
“Bebe, ready na ba you? Alis na us.” Si April, isa sa ka department ko na nasa kabilang mesa lang.
“Wait lang, CR muna ako.”
Tumayo ako at hinanap si Bernadette, magpapasama sana ako sa CR. Di kasi ako sanay na lumalayo sa grupo na mag-isa. Mahirap na, baka maiwanan, buti na ‘yung may kadamay. Wahehe..
At ang bruha ay ayaw ako samahan kasi galing na daw siya ‘dun. Kay April na lang ako nakisuyo.
Di naman talaga ako naiihi, retouch lang.
“Teh, gwapo ni Sir K. noh?” Nakaharap din si April sa salamin at nagpa-powder. Kaming dalawa na lang ata sa CR, kalalabas lang nung isa eh.
“I know.” Naumay na ako jan, pagmamahal niya na lang ang di ko nauumayan.
“Ano kaya feeling maging boyfriend siya noh? Laging naka-smile, gwapo, mabango. In short, papable. Hmmm..”
“Boring yan kasama.. Ngiti ng ngiti lang.”
“Ano yun teh?”
Ay nasabi ko ba ‘yun?? Hehe.. “Sabi ko, ba’t di natin i-try.”
“Ang ano, ang boyprenen siya?”
“Bakit di natin i-try gumora na diba? Baka maiwanan tayo.”
“Seryoso teh Jan, sasama ka sa gimik?” ‘Wag na magtaka kung ina-ate ako nyan. Ganyan talaga dito ang mga maliit, nang-aate kahit konti lang ang age gap.
“Ano ba ang nakapagtataka? Eh sa gusto kong sumama.”
“Wala lang. Kasi mag-i-isang taon na tayo dito pero di pa kita nakikitang sumasama pag nagba-bar kami.”
