“Sinasabi ko naman sayo na kapag pangit ang designs na nagagawa ng mga designers sakin,
huwag mo ng ipakita sakin! Ilang ulit ko ba ‘yang dapat na sabihin sayo ha?!”
“Pero Sir Elmo,
hindi niyo pa po nakikita ang mga design na ‘yan.”
“I’ve seen them for a couple of times now Mariz!”
“Si-sige po sir papapalitan ko nalang po.”
Nanginginig na kinuha ni Mariz ang mga folders na ibinigay niya kay Elmo. Ito kasi ang unang pagkakataon na napagalitan siya ng kanyang boss kaya hindi niya alam kung ano kanyang gagawin sa galit nito. Dali-dali siyang naglakad papalabas sa office ni Elmo. Nang maisara na niya ang pinto ng office nito ay nagulat siya nang makita niya sa kanyang harapan ang isa pa niyang boss, si Alvin. “Sir, good morning po.”
“Badtrip na naman si Elmo, Mariz?”
sambit ng binata habang nakangiti sa empleyado ng kanyang kaibigan.
“Opo sir, nagtataka nga po ako kasi usually naman po good mood siya.”
“Sige ako na ang bahala sa kanya.”
Naiiling na sambit ni Alvin habang binubuksan niya ang pinto ng opisina ni Elmo.
“Ano na naman ba Mariz?!”
“Chill.” Alvin laughed.
“Ano bang nangyayari sayo at para kang nakakain ng isang sakong badvibes ha?”
“Ikaw lang pala Alvin.”
Huminga ng malalim si Elmo sabay sandal sa upuang kinauupuan niya. “Why are you here?”
Umupo muna si Alvin sa harapan ng mesa ni Elmo bago siya magsalitang muli.
“Wala akong magawa sa office, tinatamad akong mag-approve ng mga files kaya naisipan kong puntahan ka.”
“I’m not in the mood Alvin.”
“Bakit? Naiinis ka na naman ba sa babaeng pinakasalan mo?”
“Of course not.”
“Of course not? Nagbago na ba ang ihip ng hangin?
Parang kahapon lang inis na inis ka sa kanya ah.”
“Nagbabago naman talaga ang ihip ng hangin,
wala pa kasing babae ang nagtyaga sakin tulad ng pagtatyaga niya..”
“Even si-”
“I don’t want to hear her name.”
“Okay sorry, mabalik tayo sa asawa mo.
Inlove ka na sa kanya?”
“Hindi na ata ako inlove sa kanya-”
He paused. “Parang obsessed na ako eh.”
“Hahahaha! Nababaliw ka na ba? Panong obsess?”
“Kasi katulad ngayon, hindi kami magkasabay pumasok. Masama raw pakiramdam niya kaya ayun nagpa-iwan sa bahay. Ewan ko ba Alvin pero parang siya na ata ang karma ko, sabi ko dati hindi ako magmamahal ng babae ng sobra-sobra tapos ngayon feeling ko obsess na obsess na ako sa kanya.”
