✔ 02 | Flames Of Madness [Soon To Be Published Under PSICOM]

CAPITULUM 34

Main Office
Eastwood Fire Department
6:45 p.m.
---

Masayang naku-kwentuhan ang ilang mga bumbero habang nanonood ng telebisyon sa lobby ng kanilang headquarters. Thankfully, nothing serious happened in Eastwood today. Mukhang wala ang notorious na "Robinhood Arsonist" na kinatatakutan ng mga tao, kaya't sinusulit na nila ang sandaling pahinga.

"Media lang naman ang nagpapagulo ng sitwasyon. Dahil sa kanila, nagpa-panic ang mga tao! Tsk." Mahinang reklamo ni Jack sabay inom sa kanyang tumbler.

Napangiwi na lang ang kasamahan nitong si Terrence. Alam kasi niyang hindi tubig ang laman 'non. Sa ilang buwan nilang magkatrabaho, napag-alaman niyang pasimpleng pinupuslit ni Jack ang kanyang beer at inilalagay ito sa tumbler para hindi siya mapaghalataan ng boss nila.

'Maparaan talaga ang isang 'to, basta sa alak.'

Terrence Hidalgo sighed and stared at the screen again. Ilang sandali pa, tumawa nang malakas ang isa pa nilang katrabaho at itinuro ang pinapanood ito sa cellphone.

"Tingnan mo 'tol, o! Sikat ka na. Hahaha! Viral ngayon sa Facebook yung pagsigaw sa'yo nung babaeng detective na yun."

Napabuntong-hininga na lang si Terrence at pabirong tinulak papalayo si Ken. "Oo, tapos naki-share ka pang gago ka! Baka mamaya makarating pa kay boss 'to. Sabihin pa niyang nasangkot pa ako sa scandal."

"Eh, ano naman? Yung malditang 'yon naman ang may kasalanan eh! Sinigaw-sigawan ka ba naman dahil lang excited siyang iligtas ang boyfriend niya. Nagmukha tuloy tayong kawawa!"

Sandaling natigil sa pag-inom ng kanyang beer si Jack, "I-report mo kaya yan sa agency nila? Para naman masuspende siya nung si Mister Y. Balita ko istrikto daw yun sa mga empleyado niya."

Napapailing na lang si Terrence. Minsan talaga, takaw-gulo ang mga kasama niya.

"Baliw talaga kayo. Hayaan na natin.. nag-aalala lang naman siya para doon sa kasama niya eh. Saka kasama siya ni Rizee sa kasong hinahawakan nila ngayon."

Umismid naman si Ken. "Bahala ka na nga.. masyado kang pa-goodboy eh." At bumalik na ito sa pagii-scroll sa kanyang social media account. Ilang sandali pa, biglang nag-vibrate ang cellphone ni Terrence. Agad niya itong kinuha mula sa kanyang bulsa at nakitang may message pala sa kanya ang kapatid.

'Ano naman kaya ang kailangan ni Dan?'

Terrence rubbed his eyes. 'Mukhang kailangan ko na ring magpasalamin,' at akmang babasahin na sana ang message ni Dan nang biglang may sumulpot na janitor sa kanilang gilid.

Napalingon silang tatlo nang aksidenteng nahulog ng janitor ang dala-dala niyang walis.

"Sorry ho, mga ser."

Paghingi nito ng tawad. May itinutulak pa itong malaking drum na ginagamit sa koleksyon ng mga basura. Terrence smiled reassuringly at the old man, "Kailangan mo ng tulong, manong? Mukhang mabigat 'yang bitbit niyo eh."

But the janitor just shook his head. "Hindi na ho. Salamat na lang po, ser." At ipinagpatuloy na nito ang pagpunta sa kaliwang pasilyo dala ang kanyang mga panlinis. Terrence watched the janitor disappear. 'Bakit parang ngayon ko lang siya nakita dito?'

But the firefighter just shrugged, dismissing the thought.

*

When they reached the door at the end of the hallway, mabilis na kinuha ng janitor ang nakatagong lock-picking kit sa bulsa ng kanyang maluwag na pantalon. Nang masigurado niyang nasa blindspot siya ng mga CCTV cameras, agad niyang sinimulan ang pagkalikot ng lock ng pinto.