Mister Fanboy, Itanan Mo Ako Pakiusap!

Kabanata 5

Kabanata 5

Hindi Magkakagusto

"WELCOME to Happy Island, Sinta!"

Inirapan ni Jade Paris si Koa. Nakaka-inis ang malawak na ngiti nito. Samantalang siya ay nanlalagkit na ang pakiramadam.  My god!  Hindi niya inaasahang sasama siya dito.  Anu bang pumasok sa isipan niya't pumayag siya sa gusto ng lalakeng ito?

Puyat siya. Masakit din ang pang-upo niya dahil sa matagal na pagkakaupo.  Mula Araneta Cubao, sumakay sila ng Provincial Bus at labing dalawang oras iyon bumyahe. Inaasahan niyang mga apat na oras lang ang itatagal ng byahe nila. Nakakainis lang!

Hindi niya itatangging kahit paano, hindi siya nahirapan sa byahe dahil pantatlong upuan ang kinuha nila.  Nakaunan pa siya sa balikat o di kaya nama'y sa hita ng lalake kapag antok na antok na siya.  Iyon nga lang ay hindi komportable dahil sa nakatakip na mukha niya upang walang makakilala sa kanya.

Makakahinga na sana siya ng maluwag nang bumaba sila sa bus pero sumakay naman sila ng barko ng apat na oras bago nakarating sa Catanduanes-ang sinasabi nitong Happy Island.

Gusto na niyang magpalit ng damit.  Pakiramdam niya'y ang baho-baho na niya. Pero itong lalakeng kasama niya ay tila walang pake at sinasamantala pa ang pagkakataon dahil panay ang akbay sa kanya habang tinutungo nila ang sakayan ng jeep.

"Sinta, ayusin na muna natin iyang takip sa mukha mo.  Baka may makakilala sa 'yo."

Inirapan niya si Koa at tinabig ang kamay nito. "Ako na! And please, don't talk to me! Naiirita ako!"

Napaiwas siya ng tingin nang ngumuso ito.

"Ang harsh mo naman."

Hindi siya nagkomento saka inayos ang takip sa mukha niya.

"Malayo pa ba tayo?" aniya nang makasakay sa jeep.  Pinagpapawisan na siya at naiinitan dahil siksikan sa loob.  Naghalo pa ang mga amoy ng kasama niya.

Akala niya'y hindi narinig ni Koa ang tanong niya kaya inulit niya iyon pero sa pangalawang pagkakataon ay wala siyang nakuhang sagot dito.  Nginitian lang siya saka inakbayan.

"I am asking you! Malayo pa ba tayo?" Alam niyang may napalingon sa kanya dahil sa tono ng boses niya pero pake niya ba? Naiinis na siya.

"Sabi mo kasi, 'wag kitang kausapin.  Sinusunod ko lang ang gusto ng Sinta ko." Inihapit siya nito saka pinasandig sa balikat. "Tulog ka muna. Medyo malayo pa ang byahe."

Mayamaya'y nakaramdam siya ng marahang tapik sa pisngi.  Inalalayan siyang bumaba ni Koa sa Dyip saka iginaya sa mga sakayan pa ng bus.

"Are we here already?"

Her forehead creased when Koa shook his head.

"Ano pala? Wala pa ba tayo sa tutuluyan natin? Nanlalagkit na ako Mister Labastete! My god! Una pa lang alam kong mali ang pagsama sa 'yo dito!"

Tuluyan nang uminit ang ulo ni Paris Jade lalo na nang ilibot ang paningin.  Isang landmark ang nakita niya at sa harapan ay puro mga bus at tricycle. Wala siyang makitang magandang bahay na may posibilidad na bahay ng lalakeng kasama niya.

Inirapan niya si Koa nang magkamot ito ng ulo. "Isang sakay pa kasi tayo ng bus, Sinta eh. Sa pinakadulong munisipyo tayo ng Catanduanes pupunta."

Napatirik siya ng mata. "Fine! Pero wala bang malapit na restroom dito? I wanna change my clothes already!  Nanlalagkit na ako!"

Mas lalong naiinis si Jade Paris dahil mukhang hindi man lang naaapektuhan si Koa sa pagsigaw at pagsungit niya dito.

"Sa bahay ka na lang pumalit. Aalis na kasi ang bus. Baka maiwan tayo, mas lalo tayong matatagalan. Saka okay lang 'yan, kahit mabaho ka na, hindi pa rin nabawasan ang paghanga ko sa 'yo--"