Wonderland Magical Academy: Escaping Darkness

Chapter 14: Bad Move!

XYRA's POV

"Everyone!"

Pareho kaming natigilan ni Akira nang marinig ang boses na 'yon. Nagpalinga-linga kami sa paligid pero hindi namin alam kung saan nanggaling ang tinig ng nagsalita.

"What's that? Narinig mo rin ba?" takang tanong ni Akira. Tumango ako. Pamilyar ang tinig ng babae.

"It's me Claudette. I'm using telepathy. Can you hear me? Talk to me through your minds," paliwanag ni Claudette. Kaya naman pala pamilyar sa'kin ang boses niya. Si Claudette pala ang narinig namin.

Sinubukan ko ang sinabi niya. I used my mind to talk to her and it worked!

"Claudette, we can hear you, loud and clear. What's up? Kamusta kayo?" nag-aalalang tanong ko. Narinig ko ang tinig nina Bryan, Xander at Xavier na nagsasabing maayos lang ang lagay nila. Naririnig ko silang lahat sa utak ko. 

"We got a problem. Sa tingin namin, alam ni Jeanne ang mga ginagawa natin. Nakalaban namin si Jill. He's using mirror magic. He tested my brother's power. Sa tingin ko marami sila. Mag-ingat kayo," paalala ni Claudette. Pero mukhang huli na ang paalala niya dahil nakalaban na namin si Angel. She's also with Jeanne.

"You're right. Nakalaban naman namin si Angel. She has the ability to manipulate our dreams. She's quite dangerous," seryosong sabi ko. Ang laki ng problema namin. Ang dami naming kalaban.

"Where are you? Are you alright?" tanong ni Clauss. May pag-aalala sa tinig niya. Napangiti ako. Ano kaya ang gagawin niya kung sabihin ko na hindi maayos ang lagay ko?

"I was hit by a monster. I just lost some blood and my back hit a tree. But don't worry I'm fine. I'm not hurt at all," sagot ko kay Clauss. Kalahati lang ng katotohanan ang sinabi ko. Hindi ko sinabi na sa panaginip lang 'yon nangyari. Gusto ko lang malaman kung ano'ng sasabihin o gagawin niya.

Nakakunot ang noo na tiningnan ako ni Akira. Sumenyas ako sa kanya na huwag siyang maingay. Napabuntong-hininga siya at napailing.

"Girls," he muttered softly. Ako lang ang nakarinig ng sinabi niya. Medyo na-guilty tuloy ako.

"What? Nasaan ka?" malakas na tanong niya. Medyo sumakit ang ulo ko sa lakas ng tinig niya.

"Lower your voice a bit, Kuya Clauss," saway ni Claudette. Halatang sumakit din ang ulo niya sa ginawa ng kuya niya.

"At the middle of the forest. But I'm fine, really," napakagat-labing sagot ko sa kanya. Tiyak na magagalit siya kapag nalaman niya na wala naman akong sugat o galos man lang. Hindi ko na narinig ang boses ni Clauss. Mukhang wala naman siyang pakialam sa nangyari sa'kin. Nakaramdam ako nang konting lungkot.

"Xander, kamusta kayo ni Cyril? Did you fight someone in the list?" seryosong tanong ni Bryan.

"Yes, unfortunately. Mabuti na lang kasama ko si Cyril. We fought Krisha. She's using poison magic. Just being in contact with her is risky. Nabanggit niya si Jeanne kaya mukhang kasamahan din siya ng mga ito. But we're heading back to the academy now," sagot ni Xander.

"How about you, Xavier?" tanong naman ni Bryan kay Xavier.

"I will tell you later. May importante akong sasabihin sa'yo. We better have a good plan to deal with them," sagot ni Xavier. "Babalik na rin kami ni Frances sa academy. It's already late," dagdag pa nito.