Bukas ang isip sa pagkabalisa ng nakaraan
Hinagpis at pagkatakot ay hindi makalimutan
Nagbabagyang pangamba sa bawat araw na lumilipas
Tulirong nagtatanong, ikaw ba'y pampalipas
Sa pagsagi mo sa isipan waring pinagpawisan
Kahapong kay saya, sa bandang huli'y iniwan
Ligaya mong ibinigay ay sya ring sakit ang nakamtam
Sa pag-aakalang kailanman hindi mo maipararamdam
Lumipas ang panahon,nagkaroon tayo ng sariling buhay
Wala na sa tabi, pagkalungkot pa din ang nanalaytay
Madami na ang nakasalamuha, ikaw pa rin ang hinahanap
Humiling ng pagkakataon, sana'y ikaw pa rin ang mahanap
