My Sweet Surrender (COMPLETED)

Chapter 5

“Beshiewap.”

Napatingin si Shaine sa kaibigan na si Aileen. Pinagulong nito ang bangko palapit sa kanya bago bumulong, "Beshiewap, kung ice cream ka, tunaw ka na.”

“Ha? Puro ka talaga kalokohan,” napailing na lang si Shaine sa kaibigan. Hindi na bago sa kaya ang mga ganoong salita ni Aileen, ang pinakamasayahing taong nakilala niya.

“Hoy, Mamshie ang manhid mo po! Kanina ka pa tinititigan ni pogi, e. Kilala mo ba yung gwapong lalaking nasa pila? Kanina pa 'yan nandiyan, pero pinapauna yung mga nasa hulihan niya. Mukhang ikaw ang inaantay mabakante. At kanina ka pa rin pinagmamasdan. Hindi ka hinihiwalan ng tingin, ha," muling bulong ni Aileen, pasimpleng itinaas ang kamay at may itinurong kung sino. Nilingon ni Shaine ang itinuro nito.

Euan smiles at her when their eyes met. Shaine was so taken aback she did not return his smile. Hindi niya inaasahan na makikita ang binata ngayon. Matapos ang nagyari noong nakikain sa kanila ang binata ay wala siyang narinig na kahit na ano mula rito.

At imbes na matuwa sa bigla nitong pagkawala, hinanap pa niya ang presensya ng binata.

"Ay, award! Hindi mo na kailangang sumagot. Kilala ko ang ngiting iyon," wika nito bago muling pinagulong ang bangko pabalik sa tapat ng work station.

Huminga siya nang malalim para kalmahin ang pusong biglang lumakas ang pintig. Ipinaalala n'ya sa sarili na baka hindi naman siya ang talagang ipinunta ng binata sa bangko.

Nakatoka silang dalawa ni Aileen sa multiple transaction lane, kaya mas matagal ang pila sa lane nila, kumpara sa single transaction lane, kung saan nakatoka si Cheryl. Matapos ang transaction ng huling kliyente ay tumingin siya sa linya para tawagin ang kasunod.

"Next po," aniya with a ready smile on her lips.

Euan walked confidently towards her. Nakasafety shoes ito, ang abuhing polo shirt na may burda ng logo ng construction company ay nakapaloob sa pantalong maong. But even in his simple get-up, his presence is so commanding that even other clients can't help but look at him.

"Hi!" bati nito sa kanya, iniabot ang hawak na payment slip na may nakasingit na pera.

"Hi, Sir. Good morning po," pormal na tugon niya bago niyuko ang iniabot nito para iprocess.

"Please drop the po, Sweetheart. " 

Hindi niya pinansin ang sinabi ng binata at pinanatiling pormal ang boses at seryoso ang mukha, kahit lalong bumilis ang pintig ng kanyang puso nang marining ang tinig ng binata.

"Single transaction lang po pala kayo. Sana kanina pa po kayo natapos kung pumunta kayo sa kabilang linya," aniya nang makita na iisa lang ang payment slip na ipaprocess.

Nagkibit-balikat si Euan, "Okay lang sa aking mag-antay nang matagal, Sweetheart." A seductive smile appeared on his lips. And dear Lord, Shaine’s heart flutters.

"Let me correct you, Sir. I am not Sweetheart, my name is Shaine," iniharap niya rito ang suot na ID.

"Sabi ko naman sa'yo, you will be. I'll see to it," sagot naman nito.

Para pagtakpan ng totoong nararamdaman ay tinaasan niya ito ng kilay at hindi na rin siya nagkumento. Itinuloy na lang ang pagvalidate sa transaction nito.

"Anong oras ang uwi mo? Ihahatid na kita," wika nito.

"Hindi na kailangan. May kasabay ako pag-uwi mamaya," balewalang sagot ni Shaine.

"I insist. Pupunta lang ako sa site sa Binan, then babalik ako dito para sunduin ka. Kakain muna tayo bago kita ihatid."

"Are you asking me out or demanding me to go out with you?" aniya sa binata. Hindi niya napigilan ang muling pagtaas ng kilay.