'Eight forty five na, tsk! Late na naman ako.'
Kung natulog ka lang sana ng maaga eh di maaga ka rin sanang magigising ngayon. Kung bakit naman kasi tinapos mong panuorin ang Chinese drama na A Love So Beautiful samantalang sinabi mong patatapusin mo lang ang isang episode. Kung di mo na lang sana tinignan ang To Watch Drama list mo eh hindi sana natukso na manuod. Kung tinapos mo na lang sana sa school ang Computer research mo eh nagpahinga ka na lang sana pag-uwi mo. Kung hindi ka sana natutulog habang nagdi-discuss ang instructor mo eh wala ka sanang kailangang gawin na research.
"Haaay buhay, parang life."
"Ano na naman bang nangyayari sa'yo, Anj?"
"Kung bakit naman kasi ang dami-dami mong ginawang kapalpakan kahapon. Kung umayos ka lang sana eh hindi ka sana nanghihinayang ngayon."
