[Jason's POV]
"Angel," Mahinang usal ko. Hindi makapaniwala, halos kapusin ako ng hininga dahil sa aking nakikita. Siya 'yon diba? Hindi pa rin ako umaalis mula sa aking kinatatayuan. Ni hindi ako makagalaw. Tinitingnang mabuti kung totoo ba ang aking nakikita. Oo, siya nga! Hindi ako maaaring magkamali. Hindi pwede. Kilalang kilala ko ang nagmamay-ari ng mukhang iyon.
"Tsk!" Singhal ko dahil nawala siya sa aking paningin. "Angel!" Sigaw ko pa habang sumisiksik sa mga tao. "Angel.." mahinang usal ko pa at pilit na hinahanap ang mukhang kahit anong mangyari ay hindi ko makakalimutan. At kahit kailan ay mananatili sa kaibuturan ng aking puso.
