Kathang Isip

KKK (Kamalasan, Katangahan, Kahihiyan)

Graduate na ako ngayon pero hindi ko parin talaga makakalimutan ang katawa-tawang pangyayari during my freshman year. I used to be a silent type girl but since this incidence came, i got the name "JOKER".

Isa akong college student, laking probinsiya pero hindi naman pahuhuli sa modern world kahit papaano. Dahil sa magiging future career ko, napilitan akong mamuhay sa siyudad.

Kinagabihan bago magsimula ang pasukan, hindi na ako mapakali sa kwarto ko. Labas pasok sa bag ko ang mga gamit ko. Kung hindi man ako nakaharap sa salamin, nakahiga ako habang paulit-ulit na binabasa ang magiging sched. ko kinaumagahan. Hindi ako makatulog at lalong hindi ko maipaliwanag ang nararamdaman ko. Yun bang hindi mo malaman kung excited ka o kinakabahan ka lang pumasok sa bago mong school. Nilingon ko ang wall clock sa taas ng pinto. 10:30 na pala pero hindi parin talaga ako dinadalaw ng antok. Kinuha ko si Lappy Top at nag-internet muna ako.

 Kinabukasan...

"Bunsoy, 5:30 na, gising na. May pasok ka na, hoi gising ka na diyan bunsoy." ramdam ko ang pagyug-yog sa akin ni kuya para gisingin pero ayaw dumilat ng mata ko gawa ng pagpupuyat ko kagabi.

Ilang sandali pa, naalimpungatan ako ng makita kong 5:45 na. OMG! 7 ang klase ko. Dali-dali akong naligo at nagbihis. Kanina pa ako tinatawag ng kuya dahil ihahatid na niya daw ako. 7 daw kasi ang schedule ng check-up niya. Sermon pa ang inabot ko pagkababa ko kasi, kababaeng tao ko daw hindi ako marunong maglagay ng neck tie. Mas lalo na naman akong pinagalitan.

Sa school...

"Bunsoy, susunduin na kita mamaya huh! Itxt mo ako kung pauwi ka na." paalala ng kuya ko sakin habang nagmamadali akong lumabas ng saakyan.

"Yes kuya, Ba bye." sabi ko at humalik ako sa pisngi niya.

"Bunsoy, ingat ka. GOODLUCK." pahabol pa niya.

"Yes kuya." nilingon ko siya at nagwave ng goodbye sa kanya.

"BUNSOY." ano nanaman ba, papasok na ako o. Kuya naman eh.

"YES! kuya." napatigil ako sa paglalakad at nilingon ulit siya.

"Bunsoy yung zipper ng palda mo bukas." kinapa ko yung may side ng palda ko at OMG bukas nga. Agad kung sinara to. Tiningnan ko naman ang mga tao sa paligid ko, nakatigin silang lahat sa akin. Nag-V sign na lang ako sa kanila. Hindi ko na nilingon pa ang kuya ko at dali-dali na akong pumasok ng gate habang nakayuko sa sobrang kahihiyan.

Sa may gate, kelangan mo munang itap yung ID mo sa tapping machine bago makapasok sa school. Nagpakiramdam muna ako at sakto may pumasok na isang babae at tinap yung ID niya at nung makita niyang naread na ang barcode sa may ID, dumaan siya sa isang bakal at tuluyan ng nakapasok sa classroom. Ginaya ko yung babae.

Pagkatap ko ng ID ko at nakita kong nabasa na yung barcode sa may ID ko, papasok na sana ako kaso sumabit yung laylayan ng palda ko sa may bakal na daraanan mo kaya napilitan akong bumalik para hawiin yung palda ko at papasok na sana ulit ako ng biglang tumigas yung bakal at hindi na ako makapasok ibig sabihin, kelangan mong itap ulit yung ID para makapasok. Tinitigan ako ng guard at hinihintay kung anong susunod na gagawin ko. Nararamdaman ko ang mga tao sa paligid na pinagtatawanan nila ako. Nakapagdesisyon na ako, dumaan ako sa may visitor's entrance at nag sorry sa guard at nagpaliwanag ako. Siyempre sinabi ko yung totoo na hindi ko alam paano gamitin yung tapping machine na yun. Buti na lang pinagbigyan niya ako kasi freshman pa lang daw ako. Sinermonan lang ako ng kaunti tapos pinaalis na din ako.

Hawak ko ngayon yung sched. ko at tiningnan kung saang room ako ngayon. A10 room ako, saan kaya yun. Di bale maaga pa, may time pa akong maghanap. Nilingon ko yung buong paligid at nagbakasakaling makita ko yung A10 room pero nabigo ako. Kaya napilitan akong hanapin yung A1 room para dun magsimulang maghanap. Dire-diretso lang ako sa paglalakad.