Style Me, Baby

Bonfire of the Vanities

"PACK UP! Good job guys! Thanks! Smooth sailing ang shoot today for a change. See you all later sa team bonfire."

"Boss bukas yung drone shots diba?"

"Yep kaya hinay lang sa inom mamaya."

"Naku boss, yung mga models ang sabihan mo niyan. Daig pa kami nung dalawang yun sa lakas tumoma. Aakalain mong mga beteranong mambobote sa Tondo kung magwalwal."

"Kinausap ko na yung mga handlers nila pati yung agency nila. Pag binigyan pa ko ng sakit ng ulo ng dalaw--- Jenny! Si Dei?"

"Bumalik na sa villa. Kanina pa kasi medyo masama timpla nun eh. Amputla tapos hilo hilo."

"Ah ok. Sige daanan ko na lang mamaya. Balik na din ako sa villa ko. Danny ikaw na bahala dito."

"Yes boss!"

"Jay, kausapin ka daw saglit ng EIC. May concerns yata about tomorrow's shoot."

"Sige Lou, sunod ako. Ahm Jenny, pa-check na lang si Dei kung may oras ka."

"Kasama din daw ako sa pinapatawag eh."

"Ayun lang. Sige tara sabay na tayo."

"Jay! Will you be at tonight's bonfire? I have something to show you eh. Be there ha?"

"Malamang. Team Bonfire nga eh. Ano na naman ipapakita mo, Bitsy?"

"It's a surprise! See you there!"

"Surprise daw boss! Nakow baka biglang mag-topless yang si Bitsy mamaya!"

"Eh asan naman ang surprise dun? Pati yata mga alien sa Jupiter nakita na hinaharap niya. Mas gusto kong surprise yung hindi siya dadating mamaya para everyone happy."

"Hahaha loko ka boss!"

"Totoo yun. Ano Jenny? Tara na? Baka matagalan sa meeting, gusto ko sana check muna si Dei bago mag-bonfire."

"Okay, ready na. Gorabells."

~•~•~

"Mamita, you think Jay will like this bikini on me? Ang ganda diba? Ang virginal and innocent ng peg."

"Nung bikini oo. Ikaw, butas na lang ata ng ilong mo ang innocent at virginal."

"What did you say?"

"Sabi ko, I'm sure magagandahan si Jay sayo mamaya. Taob lahat ng ibang girlaloo dito sa Amanpu-loo."

"That's not what you said."

"Eto cotton buds, maglinis ka ng tenga. Kung ano anong naririnig mo. Sige na magsimula ka na mag-ayos para mamaya."