The Emperor's Downfall

Part 2

Hindi ko alam kung ano bang iisipin ko. Dahil sa ilang buwan palang naming pagtira dito sa mansion ay nagiging maligalig na rin ang asawa ko. Ilang buwan palang silang magkakasama ni Lola at Mama. Hindi ko na nga siya masolo dahil lagi siyang karay nila Mama at Lola kung saan.

Tinanong ko sila kung kailan ang permanenteng balik nila sa Hacienda pero hindi nila ako pinapansin. Basta pabalik balik sila dito sa metro. Ginawa nilang kapit bahay. Meron pa daw kase silang project. At iyon ay walang iba kung hindi ang manugang na hilaw ni Tita Ezra.

Tapos naging busy pa sila sa mga gowns na ginamit ni Maria sa Binibining Nueva Ecija. Hands on na hands on si Cassandra kaya wala naman kaming naging normal na honeymoon kung hindi iyong dalawang linggo lang naming bakasyon pagkatapos ng kasal.

Hindi naman nasayang iyong pagod ng asawa ko. Nanalo naman si Maria iyon nga lang hopia daw siya sa pag ibig. Kaya ito kami ngayon ng asawa ko at mga kaibigan ko para tulungan ito sa pang babaliw kay Matt. Natapos naman na namin ang eksena nito sa ospital.

"Tang ina nyo naman! Papaakyatin nyo ako dyan? Kung sumabit itong super long hair ko? Kung malaglag ako? Edi sira ang puhunan ko? Aba't sasali pa akong Binibining Pilipinas! Nakapasa na nga ako sa screening!" talak nito.

Ang dami niyang sinasabi pero hindi ko naman siya pinapansin. Si Cassandra naman ay natatawa lang sa tabi ko.

"Babe, she's so funny!" bulong nito sa akin.

I smirked. Mukang libang na libang sa kabaliwan nito ang asawa ko. Kaya ko siya sinosoportahan dahil sa hiling ni Casey ko. Pero kung hindi hahayaan ko silang dalawa ni Mattheo, tutal ay malalaki naman na sila. Pero dahil napapasaya niya si Cassandra, kaya ito kaming lahat ngayon. Pinapatulan ang kalokohan nito.

"Hermes, wala pa ring balita?" pasimpleng bulong ko kay Hermes. Umiling ito.

"Mukang mahina yata si Rizza Mae Pascual." napailing pa ako.

Ayoko na siyang tawaging Ekang dahil hindi naman pala totoong iyon ang pangalan niya. Hindi ko lang alam kung may idea na si Maria sa pagkatao ng kaibigan niya. Pero tingin ko hindi pa siya nakakahalata.

"Just give her more time. Hindi ganon kadali ang pinagagawa mo, lalo na at kahit pangalan ng Tatay niya hindi natin alam. Nakakuha naman na siya ng sample para sa DNA test ni Maria at ng Papa mo." sagot nito.

Hindi nalang ako kumibo. Sa totoo lang ayokong kumpirmahin ang hinala ko na baka nga kapatid ko siya. Dahil kapag nagkataon masasaktan ang Mama ko. Ayokong isipin na kayang gawin ni Papa iyon pero may posibilidad. I sighed. And if ever three years lang ang agwat ng edad naming dalawa.

"Babe, nagugutom ako." pasimple pang hinila ni Cassandra iyong laylayan ng polo shirt ko. I smiled at her.

"What do you want to eat?" masuyong tanong ko dito at inaya ko itong maupo sa loob ng sasakyan.

"I don't know. Basta nagugutom lang ako." Nakapout pa ito.

I chuckled. Inayos ko iyong buhok niyang nakatabing sa maganda niyang muka.

"Gusto mo ako nalang ang kainin mo? Mas masarap ako?" I even winked at her.

Namula naman iyong pisngi niya tapos ay tinakpan nito iyong bibig ko at nagpalinga linga.

"Ang bad mo! Baka kung anong isipin nila kapag narinig ka!" She hissed.

"Bakit? Masarap naman talaga ako, Hindi ba? You scream my name everytime we made love." I even wiggled my eyebrows.

Sinabunutan na nito iyong buhok ko. I gasped. Kinakarinyo brutal na naman ako nito. Talagang hindi tama na lagi niyang kasama sila Mama at Lola. Isama pa si Maria.