BOYFRIEND: For Sale

3rd Sale

3rd Sale

Hinila ako ni Ian papasok sa kotse nya, kasunod din namin sa likod si Zia na mukhang excited na excited. Itinulak ako papasok ni Zia nung papasok na ko sa pinto ng kotse. Muntik na kong masubsob! Grabe!

Kaming dalawa ni Ian ang nakaupo sa unahan at ang walangya kong pinsan ang nag-okupa ng upuan sa likod namin. Ang ngiti nya, abot hanggang tenga. Samantalang ako, kinakabahan.

Ano ba talagang meron sa tindahan na yan?

Malakas talaga ang tibok ng puso ko eh, ang bilis bilis. Dinaig pa ang tigidig ng isang kabayo. Nagmumukha naman akong desperado nito ee! Pero sabagay, desperado na talaga kong makahanap ng boyfriend. Ikaw ba naman ang tanggihan ng lalaking gusto mo, ewan ko lang kung hindi ka masaktan.

Pero sa totoo lang, hindi sya masakit dahil sa hindi nya ko gusto. Masakit kasi, inalis ko ang pride ko para sabihin yun sa kanya pero tinanggihan nya ang isang dyosang tulad ko. Kainis naman!

“Hoy Bruha! Excited ka na noh?”

Napatingin naman ako sa babaeng humigit ng buhok ko sa likod. Ngising ngisi sya at halatang excited ng makarating sa pupuntahan namin.

Sumandal na lang ako sa bintana. Magpapahinga muna ko.

***

“INSAN! GUMISING KA NA DYAN!”

Napamulat naman ang mga mata ko dahil sa pagyugyog na ginagawa sa’kin. Ano bang akala nitong si Zia? Namatay na ko? Kainis!

“Gising na nga oh, tigil na sa pagyugyog..”

“Sus! Alam ko namang kinakabahan ka kaya ka ganyan!”

“HINDI. AKO. KINAKABAHAN!”

“Oo na, hindi daw pero guilty naman”

Tsk. Bumaba ako ng sasakyan at sumalubong sa’kin ang isang malaking bahay na parang tindahan na malapit sa dagat. Wala actually itong kalapit na bahay o iba pang tindahan, nag-iisa lang talaga. Hindi ko alam kung bakit, pero natatakot ako.

Baka naman kasi ma wrong turn kami o kaya naman ay final destination, pwede ding mashake rattle and roll kami dito. Iba naman kasi yung aura ng place.

“Ang ganda dito insan noh?”

Tumingin ako sa paligid. Maganda nga, hindi ko lang agad napansin kasi puro horror movies yung iniisip ko. Asul na asul ang langit at ang madadaanan namin bago makarating sa pinto ng tindahan ay punong luntian at mga bulaklak. Parang kumakaway ang mga ito sa amin dahil sa nadadala ang mga dahon ng ihip ng hangin.

Napatingin ako sa parking lot, hindi ganun kadami ang mga nakapark.

Bibili din kaya sila kaya sila nandito?

“Ready?”

Tumingin ako kay Ian at inirapan ko na lang sya. Kaasar ee! Tanggihan ba naman daw ako at dalhin sa place na toh?

“Tsk! Haha. Sinabi ko naman sa’yo Sydney eh, hindi ako pwede. Na explain ko na di ba?”

“Yeah, ayaw mo kasi mahal mo yung girlfriend mo!”

“RIGHT! I LOVE HER VERY MUCH!”

“IDC. I. Don’t. Care!”

Duh. Bagay lang sa kanya ang pagsusungit kong toh. Sarap naman kasing iumpog sa sahig ee! Baka naman mukhang tambay sa kanto ang mga nanditong lalaki. Gusto ko naman syempre yung may manners at maihaharap ko kay papa at sa dalawa kong ate.

“Tama na nga yang pagtataray mo, tara na sa loob!”

“Ano pa nga ba!”

Mga dalawang minuto din kaming naglakad bago makarating sa pinto. Nung papasok na kami, isang magandang babae ang lumabas at kasunod nya ay isang super duper hot na papa. Kumapit sya sa braso nito at hindi man lang pumalag yung lalaki.