اطلقت طلقه وماتدري اطلقت بقلبي

1

ورد
بنت طيبه وجميله مره وتحب القطاوه والخيل وتعرف لرمايه بالقوس وبالمسدس ووتحب جدها فهاد وتحب عيال خوالها وخوالها وهي عاشت مع جدها من يوم صغيره اهلها توفو بحادث امها فرح وابوها ماجد وعمرها كان 4سنوات واذا احد تكلم عنها تبكي بس خوالها واخوها عبدالعزيز معوضينها عن اهلها وعمرها 18
عبدالعزيز
اخو ورد وحبوب وطيب ويحب عيال خواله ويحب يمزح ويحب ورد اخته مره ومايرضى عليها وكمل دراسته ببريطانيا وعمره 23
...........................................................................
يوم جديد الساعه 5:00الفجر
قام الجد فهاد يروح يصلي دخل الغرفه لقى العيال نايمين وعرف انهم سهرانين
الجد فهاد :قوومووو ياعيالل الصلاه
خالد:ابوي تكفى 5دقايق
الجد:وش 5دقايق قومو لاجيب مويه الحينن اخلصو
خالد :ابشر بنقوم
طلع الجد فهاد راح المسجد
خالد:هيه قومو قبل مايجي ابوي ويجلدكم
مازن :يالله قايمين
...........................................................................
بالبيت قامت الجده ساره
راحت قومت البنات
قامت اشواق :بنات اخلصو قومو عشان نصلي قامو البنات صلو ورجعت ينامون
جو العيال وراحو ينامون
جات الساعه 7:00راحت الجده تقوم البنات يساعدونها بالفطور
الجده :بنات يالله قومو نسوي فطور لجدكم
اشواق :ياالله جاييين
طلعت الجده
اشواق:بنات قومو
ريفال وهي فيها نوم :يوهه ابي انام
اشواق:تستاهلون لو نمتو الليل ازين من السهر
نوره:ياخي ويكند مو لازم ننام بدري
اشواق:اقول اخلصو بس وقومو لاتجي جدتي وتعلمكم السهر على اصوله
قامو البنات وراحو ياساعدون جدتهم وامهاتهم
...........................................................................
جهزو الفطور وحطوه برا
الجد فهاد:اشواق روحي قومي السلق يفطرون
اشواق:ابشر ياجدي
قامت اشواق تلبس طرحتها عشان عيال عمها
اشواق طقت الباب وفتحته
اشواق:خالد مازن مشعل محمد سياف قومو الفطور جاهز
مشعل:يالله الحين بنقوم
طلعت اشواق وجو العيال
سلمو على جدهم وجلسو يفطرون
خالد :الله من مسوي الفطور اليوم اكيد امي
الجده:لا والله اشواق اليوم هي اللي مسويه
مشعل :اختي ماتسوي الا الزين
ناظره خالد بطرف عين وقال:ادري تربيتي
ناظره مشعل :لا طبعا تربيبتي انت لو بتجي هي تربيتك عزالله كدينا خير
قال الجد :بس انت وياه تربيه محزم ومنيره
ضحكت اشواق عليهم
تكلم الجد فهاد :عندي لكم خبر
خالد :وش الخبر
الجد فهاد:بكره بيجون عايله سامي وفيه غدا وعشاء وبنادي الجماعه وابيكم تروحون العزبه تخلصون الاشغال
مازن : ان شاءالله
خالد :يابوي لازم نروح العزبه
الجد:اي لازم وروح وانت ساكت
ضحك مشعل ناظره خالد بطرف عين وضحكت اشواق ومازن ناظرها وابتسم وهو كان يحبها ومشبكينه من يوم هم صغار وهي تحبه
وخلصو وقامو وراحو العزبه
ريفال :الله حماس ابغى البنات يجون من ززمان عنهم
اشواق:اي والله اشتقتلهم
نوره :الحين الجدول بيزين
ريفال :اي والله والسهراتتت اخيراا
اشواق:اي الحين نبدا جمعاتنا والسهره بالسطح يالبيه
ورد :عاد اف اشتقت لهيام دايم تضحكني
ضحكو البنات وبدو ينظفون متحمسين مره عشان البنات
...........................................................................
عند العيال بالعزبه
خالد وهو يتحلطم
محمد:اقول خل حلطمتك بعدين وخل نخلص عشان نروح للعيال بالليل
مازن:يوه عاد من زمان ماجتمعنا
سياف:ايي عاد بيجون بكره عيال عمي سامي  ويطربنا صوت سعود وقصايد مازن
مازن :سعود مو هنا
سياف :الا جاء اليوم بس بناديه بكره عشان يكونون العيال موجودين
مشعل :والشاهي حقي اكيد تحبونه
خالد:ابك اهجد بتعطينا سم من يوم اخر مره مسويه وانا غاسل يدي
مازن :اقول اخلصو لايقوم جدي الحين علينا
الجد:انتووو خلو عنكم السوالف واخلصو ورانا شغل
العيال كلهم انحاشو لشغلهم
...........................................................................
بالرياض عند عايله مشاري
ترف :اخيراا بنروح الديره اشتقت للبنات
سحاب:اي والله ياخي مره لهم فقده وخاصتا ريفال اشتقتلها
هيام:تسجل بالتاريخ سحاب تقول اشتاقت لريفال دايم تكابرين
ضحكو ترف وسحاب
سحاب :شدعوه ماحد يقول اشتقت
ترف:اخرتها اذا شافت ريفال تبدا تكابر انها ماشتاقتلهم
وضحكو دخلت امهم مرام
مرام:انتو يالله اخلصو عشان نمشي بعد الفجر
سحاب :ياويلي الفجررر
مرام :اي الفجر خلصو رتبو وطلعت
مشاري :اخيرا بنروح الديره والله اشتقت للعيال
ماجد :اي والله عاد هناك نبدا فعاليات وسهرات يالبيه
مشاري: اي عاد خويلد يحب يحارش ومصايبه تجلط
ضحكو مشاري وماجد وكملو يجهزون اغراضهم
...........................................................................
الساعه 5:30خلصو العيال شغلهم
خالد :يالله نروح الحين عند العيال
مازن :مو الحين بالليل
مشعل :لا بعدين جدي يمسكنا وننثبر زي قبل
محمد:اي صدق خل نروح من الحين واذا وصلنا ندق عليه نقول بنسهر اليوم ونرجع بدري
راحو العيال ودقو على جدهم ودقو عليه
خالد :سلام ابوي
الجد:نعم وينكم ماجيتو
خالد :الصراحه يابوي احنا رحنا عند العيال وبنرجع بدري
الجد :لاوالله وليه ماقلتو وماستاذنتو
خالد:والله محمد اللي قاله
ناظره محمد بصدمه وصارخ :ياجدييي والله هو اللي قاله مو احنا
الجد:المهم ترجعون بدري 10
خالد :ابوي الوقت قصير
الجد :اقول لايكثر ولا بخليكم ترجعون
خالد: ابشر 10 جايين وقفل
محمد بدا يطارد خالد والعيال يضحكون خالد:والله اخر مره
محمد :يعني انت اللي مطلع الفكره وتقول انا تبي جدي يجلدني
وضحكو وضربه محمد وقامو العيال راحو وقعدو يسهرون
...........................................................................
ببيت الجد الساعه 7:00
قامو الجده وليلى ومنيره يسوون العشاء
وقامو البنات يساعدونهم وجهزو العشاء
الجده :وين العيال ماجو
الجد:يقولون بيسهرون مع العيال
محزم :ابوي عادي خلهم ويكند
راشد :اي ابوي خلهم يستانسون
الجد :لاوالله مغير يدجون بالليل
خلصو وجات الساعه 10
...........................................................................
دق الجد على خالد
والعيال وهم يضحكون مهند اشر على جوال خالد
خالد شاف المتصل ابوه :ياعيال ابوي يتصل
مازن :وقول يالله عنينا بالطريق
رد خالد :سم يبه
الجد :خويلد تعال يالله الساعه 10
خالد:يالله بس تبنشر الكفر وقاعدين نزينه
الجد:سبحان الله تبنشر هجل
خالد:اي يبه بنطول
الجد :اخلصو بنام اذا قمت مالقيتكم ياويلكم
خالد:ابشر وقفل
مازن :العب يالتصريفه الحين وش بيطلعنا
خالد :معليك لعبتي
مازن :نشوف لعبتك هجل واخرتها لاقمين جلد من جدي وكلها من العم خالد
خالد :انا محزمكم اكيد بفزع
مشعل :والله الكذب انت دايم تنكبنا
جات الساعه 1قامو العيال راحو ووصلو البيت
خالد :ياعيال لايكون ابوي واعي
مازن :ماتوقع
مشعل:ياعيال
محمد :هلا وش فيك
مشعل :نسيت المفتاح داخل
مازن :عزالله كدينا خير وش بيدخلنا
خالد:حسبي الله عليكم من عيال دايم تنكبوني معكم
ناظروه كلهم
مازن :لايشيخ مين اللي قال انا الفزعه ومطلع تصريفه زي وجهك
خالد:انا قلت تصريفه عشان مانرجع بس ماحسبنا حساب المفتاح
محمد:خل ندق على البنات اكيد مو نايمين
دق مشعل على اشواق
...........................................................................
عند البنات بالسطح عشان مايدرون امهاتهم وجدتهم انهم سهرانين
عند اشواق شافت جوال وردت:هلا مشعل شتبي
مشعل:افتحي الباب بسرعه
اشواق :لاوالله اخاف جدي صاحي
مشعل :معليك نايم بس افتحي بسرعه نبي ندخل
راحت اشواق تفتح الباب وسمعت صوت جدها
الجد :اشواق وين رايحه مانمتي
اشواق:ها اي ابي مويه
وراح وزفرت اشواق بارتياح وراحت تركض تفتح الباب
اشواق:افف بغيت انقفط من سببكم
خالد:شفتي اقولك اخوانك دايم ينكبونك ناظرته اشواق بطرف عين وقالت:هذا وجهي اذا هذي مو فكرتك
خالد :لاطبعا عمك مايفكر بافكار زي كذا سهله
ناظروه العيال وقال مازن :كذاب انت اللي مطلع الفكره وتصريفه زي وجهك
خالد :احمد ربك ماحطيتها براسك
اشواق :اقول ادخلو قبل مايقوم عليكم جدي
وقامو العيال وراحو بسرعه ينامون واشوواق تضحك
...........................................................................
دخلت عند البنات
قالت ورد :شفيك طولتي
اشواق :والله افتح الباب للعيال وبغيت انقفط من جدي
ريفال :اكيد فكره خويلد
اشواق ضحكت :اي فكرته
ورد:سبحانك ولا مره فكر بشيء صاحي
نوره :لوسمحتو تراه اخوي
ريفال:العب بدت المحاميه تدافع عن اخوها
نوره :اي اخوي لازم
ريفال :تراك دايم تحشين وتتصافقين معه

ان شاءالله اعجبكم البارت ولاتنسون الدعم وان شاءالله البارتات الجايه حلوه وحماس 💕
حسابي تيل وتيك : yalhmmad