اطلقت طلقه وماتدري اطلقت بقلبي

3

بعد ماتعشو الحريم وبدو يروحون
مها:يوهه بنات ابغى اقعد
هيام :قولي لامك تنامين اليوم هنا
مها:ماتوقع بتوافق
اشواق:انتي قولي وشوفي
مها راحت لامها
مها:امي
هيا:هلا حبيبتي
مها:عادي اليوم انام عند البنات تكفينن
هيا:لايحبيبتي مانقدر ابوك بيرفض
مها:خلي ابوي علي
راحت مها تدق على ابوها
ناصر :هلا مهوي
مها :يبه عادي اليوم انام عند البنات تكفى من زمان ماجتمعت معهم
ناصر :خلاص حبيبتي نامي اليوم عندهم وبخلي هايف ينام عندهم
مها:شكرراا
وتروح مها تركض للبنات تعلمهم واستانسو
شمشون بدلع :يعع كيف تقعدين معهم وتنامين اوميقاد قرف
هيام :والله المقرف انتي وع
شمشون :اقول اسكتي بس انتي
هيام :ماعاش من يسكتني مو انتي اللي تسكتيني
شمشون:اقول شب
هيام :اقول لاتحديني اقوم عليك واعلمك كيف تسكتيني
شمشون :وش بتسوين
قامت هيام وبدت تسحبها من شعرها وتضربها وشمشون تصارخ والبنات يفكونها
وجات ريفال تكمل معها لانها قاهرتها شمشون وقامو شمشون وريفال جات ترف وعضت شمشون من يدها وسمعو الحريم الصراخ وقامو يشوفون وانصدمو وبدو يفرقونهم الين بعدوهم شمشون كان شكلها يضحك شعرها طايروماسكه شعرها بيدها وتبكي والمسكره ساحت عليها وهيام ناظرتها نظرات انتصار شمشون :يعع متوحشهه
هيام :شفتي انا كيف متوحشه وضحكو البنات
وراحو المعازيم
مرام :انتي وش مسويه بالبنت
هيام :تستاهل ي امي تقهررر يعع
اشواق:مالومها ياعمه تنرفز ماشفتيها كيف تدلع
ريفال :اخخخ لو ماجيتو تفرقونا كان مسحت فيها الارض واطلع حقت السنين اللي راحت اخخ
سحاب:شتبين بعد مسحتو فيها الارض
هيام :كان كملتو معي
ترف:الصراحه بس عضيتها ولا كنت بجي معكم بس ماجالي خلق  وقلت اعضها بس بغت تكسر اسناني بيدها
هيام :والله مافي الا محزمي رفول
ريفال:احم احم تعرفين مولازم اخليك
هيام: تستحقين هنا تصيرين بنت عمي
ناظرته ريفال :خير يعني ماكنت ماليه عينك
هيام :الا بس اول مره اشوفك تفزعين
ريفال : اصلا ماصدقت على الله اضربها دايما اشواق تمسكني
ضحكو البنات وبدو يسولفون ويحشون
............................................................
عند العيال
خالد: عيال شرايكم نسهر اليوم
محمد:اي خل نسهر اليوم
مشعل:جدي بيمسكنا جلد
مازن : لا وش رايكم نروح نجتمع احنا والعيال برا اذا البيت نام
مشاري :والله فكره
دخل الجد وسمعهم يخططون
الجد :اقول سمعت فكرتكم
خالد:ابوي انا من اليوم اقولهم ينامون ماسمعو
ناظروه العيال وكلهم بصوت واحد :كذاااب انت اللي قايل نسهر
ناظره الجد:انت دايم لاتفكر لان تفكيرك زي وجهك
خالد :للاسف زعلت يابوي كيف تصدقهم وانا ولدك من شحمك ودمك
الجد:اقول اخلصو ونامو يالله
راحو العيال ينسدحون وبدو يسولفون بصوت قصير
جات الساعه 10 دخلت الجده :يالله يابناتي النوم
مها:ياخاله تكفين اليوم نسهر
الجده :لا يالله
كلهم ابشري وراحو وجات الساعه12قامو العيال
خالد:هي عيال نايمين
مشعل :لاوالله واعيين ماجانا النوم
مشاري :ياخي شذا النظام ياخي ويكند لازم نحلله
هايف:شرايكم نهج
مازن :للاسف جدي سحب المفتاح وقفل الباب
هايف:نطمر من عند الجدار حق الحوش
محمد :والرجعه مانقدر
هايف:خل نطلع بالحوش ونقعد
خالد:فكره يالله
قامو العيال وبدو يجهزون الفرشه وبدو يشغلون الحطب لان كان برد
......................................................
عند البنات
هيام :بنات وش رايكم ننحاش ونسهر
اشواق:اقول اهجدي
ورد:يالله امانه خل ننزل والله طفشت
سحاب : اخرتها يطلع جدي قدامنا
ريفال:اقول  ياسمجكم خل ننزل لازم نحللل الااجازه هذي قبل الدوامات اخلصو
هيام :كفووو بنت عموو
ريفال :كفوك كالطيب بنت عمو
ورد:اقول اخلصو خل ننزل بشويش
مها :يالله اخلصو بيروح الوقت
سحاب لفت على ترف :ترف
ترف ماتسمع كانت سرحانه
اشواق:ترفوه هيي
ترف :ها
اشواق :قومي بننزل نسهر
قامو البنات ونزلو ريفال :اصبرو بجيب مفرحات واجي هيام :وانا بجي راحو يجيبون سناكات عشان ينبسطون
طلعو اشواق وسحاب وورد وترف ومها اول مانزلو للحوش الخلفي انصدمو من العيال
محمد:وش فيكم مانمتو
ترف:نفسكم انتو ليه مانمتو
خالد:شدخلكم جلسه عيال انتو وش فيكم قاطين
جو هيام وريفال
خالد:عزالله مادام معكم ريفال وهيام عزالله انقفطنا
هيام :اقول احنا اذا سوينا شيء يضبط
ريفال:اي واذا فكرنا مو نفكر وننقفط حريصين
خالد :لا والله غيركم يتنمى افكاري
محمد :والله ماحد يتنماها تطيرنا بداهيه
ضحكو العيال والبنات خالد:الحين انتو بتجلسون معنا
ريفال :اي بنقعد انا جايين على اساس انكم منخمدين
محمد : حياكم والله بتجي السهره فله انتو جوكم فله طولا نايمين
ناظره مازن :على اساس انت جوك زين
هيام :يالبى ولد العم اللي يبغى فعاليه ابشر بالفعاليه والحش
مشعل :يوه كنا حريم اذا حشينا
مشاري :على اساس انت ماتحش بالرجال
ماجد:واليوم قاعد يحش بابو مهند
ريفال:يووه ماعلمناكم وش صار
ماجد :وشش صار اجلسو عندكم اخبار انتو
جلسو البنات وبدو يقولون السالفه للعيال يضحكون
مازن :والله كفوو عليك ياخيتي
ريفال:اعجبك
هيام :خير ترا انا اول من بدا مفروض تعززوني
محمد:ولا يهمك انتي كفوو والله طلعتو حرت السنين كلها اليوم
خالد:والله طلعتو موهينين
هيام وريفال :ندري
هايف :كفوو عليكم وقفوها عند حدها
ورد:اصلا يع ياخي تدلع مره وتسوي نفسها البريئه
مشعل:عاد ابوها واخوها غير عنها الا هي
مشاري :شكل امها متوحمه بشيء خايس
وضحكو العيال والبنات وكملو يسولفون
خالد:وش رايك  يا مازن تقول لنا قصيده
محمد :اي تكفى من زمان ماسمعنا
مازن ابشرو بالقصيده
كلهم عدلو جلستهم وناظرو مازن يبدا
تكلم مازن وهو يناظر اشواق
حلفت ماحب غيرك من البشر مخلوق
يامالكٍ قلبي ترى القلب يغليك
عطيتك عهد مصدق وموثوق
محد غيرك في حياتي يساويك
محمد:صح لسناك
قامو اليعال يصفقون والبنات
خالد:صح لسانك يابو محزم
مشعل :صح لسانك
مشاري:صح لسانك
ماجد :صح لسانك
هايف:صح لسانك
مازن :صح ابدانكم
اشواق وجهه حمر من الاحراج واعجبتها والكل يدري انها لاشواق
ريفال:ياحظ اللي بتاخذك ياخوي ياحظها بس
قرصتها اشواق وضحكو
مازن :والله انا المحظوظ فيها
جات الساعه 3خالد:يالله عاد قومو ننام قامو العيال والبنات راحو ينامون
وريفال تفكر بموقف امس وكيف صد على طول
واشواق تفكر بالشعر
والبنات كلهم نامو والعيال نامو

حسابي تيل وتيك : yalhmmad