مَـــــسْك الرُّوُسْـــــفِـــيِ (باللـــهجـة الجـــزائريـــة)

🌹الــــــفصل الثـــــالــــث عــــشـــــر 🌹

🔥حصريا فقط على مجموعة لهيب الضوء 🔥

# لا_يـــــــــــــحـــــــلل_نشر_نهائـــيا

⎓⎓⎓⎓⎓⎓⎓⎓⎓⎓⎓⎓⎓
🌹القصة بعنوان 🌹

#مَـــــسْك_الرُّوُسْـــــفِـــيِ
بقلم#أضـــواء

⎓⎓⎓⎓⎓⎓⎓⎓⎓⎓⎓⎓⎓

بعد يومين

لحق اليوم المنتظر اللي راح يتفضحوا بزاف صوالح و اولهم الوجه الصحيح لعايلة مسك
كانت الوحدة تم عيطت ياسمين لمسك قالتها بلي راهي تستناها .....

⎓⎓⎓⎓⎓⎓⎓⎓⎓⎓⎓⎓⎓

مسك : دااااك زيننننن زعما صح واني متزوجة بيك روسفي

روسفي: وش بداك ثاني

مسك قعدت تقرص فيه : راك شباااب لا مانروحوش تشوفك ندى لا لا

روسفي: هههه مهبولة و انا زعما نشوف فيها لوكان تقعد قدامي كيما خرجت من كرش يماها مايهمنيش

مسك : بغيت نقولك حاجة

روسفي : وشنو

مسك شداتلو يديه : نحبك و نموت عليك و اعرف بلي متقبلاتك كامل كيما راك و مايهمنيش راي الناس فيك ولا في علاقتنا و اصلا لوكان ماراكش هاكا مانقبلش بيك هههههه (تعلات و باستو عاودت هبطت )

روسفي: قوليلي برك وش نديرلك نردك للفراش و ماكاش خروج و لا نتكي مك هنا عالسريع هممم

مسك : حتى وحدة خلي التطبيق لعشيا (غمزاتو)
روسفي هبط لعندها باسها حتى نفس راحلها

مسك ولا نتهج: لا لا اقتلني خير

روسفيقعد يردلها شعرها للور : بعيد شر على حبيبتي

مسك : هيا نروحو

روسفي: هيا

مسك كانت لابسة طالون جاي ستيل كوري و رجليها دارت لون احمر دموي و جين زرق سليم و من فوق تريكو بيض سامبل و بلازار بالابيض ساك بيض شعرها بوكلي خفيف و لاماش طايحة على عينيها حاجة سامبل و روسفي قاتلو دبر راسك البس كلاسك كحل و لبسو علاه يقول لالا تقولو ارمي روحك فالبير يرمي روحو و وخلاتلو شوميز مفتوحة باش وشمو يبان زكارة فالعائلة

⎓⎓⎓⎓⎓⎓⎓⎓⎓⎓⎓⎓⎓

ساعة تع طريق كانو وصلو

مسك : راح نطلع كي يحما الطرح نصونيلك اطلع ياك

روسفي : ايه ماتكثريش الهدرة باش مايحماش راسي في بلاصت الطرح