مَـــــسْك الرُّوُسْـــــفِـــيِ (باللـــهجـة الجـــزائريـــة)

🌹الــــــفصل الثـــــــامــــن🌹

🔥حصريا فقط على مجموعة لهيب الضوء 🔥

# لا_يـــــــــــــحـــــــلل_نشر_نهائـــيا

⎓⎓⎓⎓⎓⎓⎓⎓⎓⎓⎓⎓⎓
🌹القصة بعنوان 🌹

#مَـــــسْك_الرُّوُسْـــــفِـــيِ
بقلم#أضـــواء

⎓⎓⎓⎓⎓⎓⎓⎓⎓⎓⎓⎓⎓

يوم جديد و احداث جديدة بين مسك و روسفي اللي راح يخليهم متقربين من بعضاهم اكثر والشي اللي راح يخلي العايلة ماتتقبلش العلاقة هادي كأن الزمان راح يعاود نفس قصة ياسمين و مروان بصح مسك ماشي ياسمين باش تتقبل تسلط تاعهم

ناضت مسك صبح دوشت نحات تعب تع السفر خدمت شوية شغل نحات الغبرة و في راسها بزاف صوالح ملي لحقت لأسبانيا وعقلها مازالو تم عند جداتها كيفاه مش متقبلين روسفي في راسها فكرة تحب تنفذها باش تخرجلهم خرجة من القصب باش يعرفو بنت مروان شكون هيا 

⎓⎓⎓⎓⎓⎓⎓⎓⎓⎓⎓⎓⎓

راحت وجدت روحها لبست وزادت شوية ماكياج كانت الزوج تع العشية راحت لدار روسفي و في طريقها شرات شوية قضيان وصلت فتحت الباب لقات الدنيا ساكتة
مسك : زعما خرج ولا مازالو راقد نعيطلوا (كي عيطت صوتا تيليفون كوبات باش ماينوضش عرفاتو مازالو راقد راحت للبيت فتحت الباب بالعقل لقاتو راقد
مسك : ههههههه مازالو راقد كوالا حمد الله مانيش وحدي ههههههه خلات الباب مفتوح شوية راحت الكوزينة كاشما تلقا الحمد الله مالقاتهاش قاحلة طيبت القهوة و روسفي نوضاتو الريحة

روسفي (فطن): بسم الله الرحمن الرحيم ريحة القهوة ... رحت 15 يوم جنون سكنو داري ولا كيفاه خرج من شمبرة عريان من فوق وسروال تع دار وراح للكوزينة لقا مسك تم

مسك : buenos tardes amor

روسفي : كي شميت قهوة حسباتلي جنون سكنو داري

مسك : ههههههههه هيا روح تغسل تشرب قهوة

روسفي : شحال الساعة

مسك : اممممم العشية

روسفي : العشية ؟؟

مسك(وراتلو تيليفون ): راهي ثلاثة ونص

روسفي : رقدت يااه ... المشكل كي نكون فالجزاير نوض صبح كي سردوك هنا نلقا روحي نضت العشية

مسك : رانا كيف كيف هههههههه بصحتك

روسفي : دك نجي ( راح دوش ديركت 15 دقيقة وكمل بدا عليه رجع لقاها وجداتلو قهوة رفد كايسو وباسها من راسها وراح للشباك وخرج دخان ) رقدتي مليح

مسك : ايه ونتا

روسفي : راكي تشوفي

مسك : هههههههه انا مالقيت ماندير جيت لعندك

روسفي : ايه دارك حتى تقولي ... (حط فنجان تع قهوة تاعو وراح يلبس باش يخرج )

مسك : وين تروح

روسفي : علابالي ماتشربيش القهوة نشري شي صوالح

مسك : شريت كي جيت جاية (ناضت من الكرسي فتحت فريجيدار خرجت شوية خضرة اللي شرات )علابالي نلقاها فارغة ههههه

روسفي : واش راح تديري

مسك رفدت حبة بصلة و ماطيشة في يدها وتبسمتلو: الفطور

وحدت مسك الفطور وفطروا مع بعض كملوا غسلت مسك المواعين

روسفي باسها من يدها : يسلمك عالفطور

مسك : بلا مزيا

راحو قعدو فالصالون شعلوا تيلي يشوفو فيلم لأن روسفي عندو حتى الليل باش يخدم

روسفي: مسك

مسك : هممم
روسفي و هو يشوف في
وجهها اللي مقابل التيلي: نتزوجوا

مسك دارت شاف مع وجهو: وشنو

روسفي : ايه

مسك : ههههه علاه هكذا فجاة

روسفي عدل روحو شدلها يديها وشاف فيها و عينيه يقولو بزاف صوالح : بغيت نكمل معاك حياتي بغيت ولادي يكونو منك بغيت نولي شيخ معاك ( ثانية وحدة نبدا ولا يهدر بالزعاف ) ماراح نخلي حتى واحد يخرب هاد الشي نتي تاعي و اصلاً قابلة ولا لا المهم انا قابل

مسك وعينيها يبرقوا : هههههههههه يااه ماعليه اسيدي بصح عندي شرط

روسفي : اللي بغيتيه

مسك : العرس ...

روسفي : نديرلك عشر ايام و عشر ليالي ماشي حتى سبعة

مسك : ههههههه لالا مبغيتش حتى ليلة وحدة

روسفي : كيفاه هادي ماديريش العرس

مسك : في ولايتي في دارنا مابغيتش يندار العرس مايندرا والو الصراحة انا نتا اذا بغيت تدير فالعاصمةنديروه وراح نكونو تما في ولايتي ماحبيت حد يعرف بلي تزوجت خاصة بيك

روسفي شاف فيها واحد الشوفة غير هيا اللي فهماتها
مسك عرفت واش راه يخمم شدتلو وجهو بيديها : علابالي واش خممت و ماتعاودش تخمم فيه ابداً انا ماحشمتش منك ماراحش نحشم العكس خايفة يسحروك و لا كاش عين تنحط عليك ههههه نخرج انا فلوسي

روسفي قعد يضحك : يسحروا و لا يقعدوا قلبي عند وحدة برك

مسك : بومبا راح تتطرق على واش راح ندير
هههههههههه ......

⎓⎓⎓⎓⎓⎓⎓⎓⎓⎓⎓⎓⎓

‎تأكدوا من ان النجمة مفعلة ⭐️🟠 كل ماكان تصويت اكثر راح نكثر من الحلقات فالاسبوع