သင်းပျံ့နေသောမွှေးရနံ့နှင့်အတူပွင့်နေသော စံပယ်ပင်လေး။ သူတို့ကိုဆုံစည်းစေခဲ့တာ ဒီစံပယ်ပင်ဘဲမလား။ သူသေချာဂရုစိုက်ရမည်။
"ကလေး...."
ခြံထဲကိုငေးကြည့်နေရာကနေ ဘေးကိုလှည့်ကြည့်လိုက်သည်။ သိပ်လှသောမျက်ဝန်းနှင့်သူ့အားမော့ကြည့်နေသော ဦး ကိုတွေ့လိုက်ရသည်။
"အွန်း ... ဦး "
" တစ်ခုခုဖြစ်လို့လား ... ပျော်စရာလား ဝမ်းနည်းစရာလား.."
" စံပယ်ပင်ကိုကြည့်နေတာပါ ... ပွင့်နေတာအများကြီးမို့လို့ ... "
သူ့အဖြေကိုကြားတော့ ဦးနှုတ်ခမ်းလေးကွေးကာပြုံးလာခဲ့သည်။
"ဘာများလဲလို့ ... စိတ်တောင်ပူသွားတာ..."
အခုတလော ဦး ကသူ့မျက်နှာအရိပ်အကဲကိုအတော် ကြည့်ကာအကဲခတ်နေသည်။ ကောင်းလားဆိုးလား သူမသိပေ ။ သေချာပြောရရင် ဦး က သူ့ကိုမှီခိုစေချင်နေတာဘဲ ။ ဒါပေမဲ့ သူကလည်း အဲ့ မာန်ကိုမချနိုင်သေးဘူး။
"ဦး ကျွန်တော့်အပေါ်ကို အတော် လေး စိတ်နှစ်ထားတာဘဲ ..."
"ဘာဖြစ်သလဲ .... ကိုယ့်ချစ်သူအပေါ် ကိုယ်စိတ်နစ်တာ ဘယ်သူ့ကိုသွားထိခိုက်နေလို့လဲ "
"ဟင်း !!. ဦး အပေါ်စိတ်နစ်တော့ အတ္တဖြစ်တယ် ဦး ကျတော့ရော .. ဘာများထူးခြားသွားတာမို့လို့လဲ ..."
"အ့ဆို ... မကြိုက်ဘူးပေါ့..."
"ကြိုက်ပါတယ် .... ဘာဖြစ်ဖြစ်အဆင်ပြေတာမို့လို့ . ..."
"....."
မာန် က အစကတည်းက တည်တံ့သောမျက်နှာထာနှင့် အပြုံးနည်းသည်။ ဒီလိုမျိုးဖြေလာတော့ စည်းစိမ် စိတ်ထဲ မပျော်နိုင်ပေ။ တကယ်ဘဲ မာန့် အပေါ်ကိုအနိုင်ကျင့်သလိုဖြစ်နေပြီလား ။
"ကလေး..."
ခေတ်စကားတွေက တစ်နေ့ပြီးတစ်နေ့ပြောင်းလဲနေပေမဲ့ ထိုအမျိုးသမီး သုံးခဲ့သော "မောင်" ဆိုသော နာမကို သူလုံးဝသုံးမည်မဟုတ်။ ငယ်ငယ်တကည်းက ခေါ်ဆိုနေကျ ထိုအသုံးအနှုန်းကိုသာ သူသုံးမည်။
"ပြောလေ ဦး ..."
"ကိုယ့်ကိုပွင့်ပွင့်လင်းလင်းပြောလို့ရတယ် ... မာန် ဘာကိုမကျေနပ်သလဲ အလိုရှိသလဲ ကိုယ့်ကို အားလုံးပြောနိုင်ပါတယ် ..."
YOU ARE READING
ရေစက်
General Fictionရေစက် ဆိုတာကိုယုံကြလား အထူးသဖြင့်ကောင်လေးနှစ်ယောက်ကြားက ရေစက်....။ ဇာတ်လမ်းပါအကြောင်းအရာများသည် စိတ်ကူးယဉ်ရေးသားထားခြင်းသာဖြစ်သည်။
