ဒီမှာ ကိုကိုကြီး"
ကောင်တာကို ဗြန်းခနဲပုတ်ပြီးခပ်စောင့်စောင့်ခေါ်လိုက်တဲ့ကောင်လေးကြောင့် Pond သေချင်စော်နံသွားသည်။
ဘာမွှေအုံးမလို့လဲမသိ.....။
နောက်ကတစ်ယောက်ကလဲမျက်နှာကို ဇွတ်တင်းထားပြီး ခါးကထောက်ထားလိုက်သေးသည်။
အဝါရောင်နုနုတီရှပ်အပွနဲ့ ကာကီရောင်ဘောင်းဘီ ဒူးအကျကိုဆင်တူဝတ်ဆင်ထားကာ ထော်ပါတယ်ဆိုတဲ့နှုတ်ခမ်းတွေကို တမင်တကာပိုထော်ပြီး မျက်မှောင်တွေကျုံ့ရင်း Pond ကိုစိုက်ကြည့်နေကြတဲ့အမွှာနှစ်ကောင်က အစာမဝသေးတဲ့ဘဲပေါက်နှစ်ကောင်သခင်ကိုရန်လုပ်တဲ့အတိုင်း။
အမြင်ကပ်စရာလေးတွေ
"ဘာတုန်းကွာ....."
Pond ကိတ်မုန့်တွေကို ကောင်တာဘေးက မှန် show case လေးထဲစီထည့်ရင်း စိတ်ကုန်တဲ့လေသံနဲ့ပြန်ထူးလိုက်သည်။
"ကိုကိုကြီး ကျွန်တော့်ကိုဘယ်တော့ပြန်ကြိုက်မှာလဲ"
"ဟုတ်တယ် ကိုကိုကြီး ကျွန်တော့်ကိုကို ကိုမြန်မြန်ပြန်ကြိုက်လိုက်တော့"
အောင်မာ လာ လာချည်သေး။ အသက်တွေကြည့်တော့ဖြင့်နှစ်ယောက်ပေါင်းလို့ သုံးဆယ့်ငါးမပြည့်သေး။
စကားပြောတဲ့ပုံက မာဖီးယားလိုလို ဘာလိုလို။
အစ်ကိုလုပ်တဲ့သူက ရည်းစားစကားကိုအကြွေးတောင်းသလိုလာပြောနေပြီး ညီဖြစ်သူအချိုးကလဲ အကြွေးရှင်နောက်ကလိုက်တဲ့လူမိုက်အထာနဲ့။
တစ်ယောက်တစ်ချက်စီခေါင်းပိတ်ခေါက်ပေးလိုက်ရရင်တော့မကောင်းရှိတော့မယ်။
"မင်းတို့နှစ်ယောက် Fourth ကိုလာခေါ်တာမလား အနောက်မှာရှိတယ် ခေါ်ပြီးမြန်မြန်သွားကြတော့ ငါ့ကိုပြဿနာမရှာကြနဲ့"
"ကိုကိုကြီး စကားလမ်းကြောင်းမလွှဲပါနဲ့ ကျွန်တော် ကိုကိုကြီးကို ဖွင့်ပြောထားတာဖြင့်ကြာလှပြီ
အခုထိအဖြေမပေးပဲနဲ့ ဘာဖြစ်လို့အဲ့လောက်မူနေရတာလဲ
ကျွန်တော်ကချောလည်းချောတယ်အိမ်ကလည်းချမ်းသာတယ်
ကျွန်တော့်မှာဘာတွေများချို့ယွင်းနေလို့လဲ"
"ဟုတ်တယ် ကိုကိုကြီး
ယောက်ျားပဲ ကြိုက်ရင်ကြိုက်တယ် မကြိုက်လည်းကြိုက်တယ် ပြောလိုက်ပေါ့
ဘာလို့အလကားသက်သက်အချိန်ဆွဲနေတာလဲ
ဒီကမ္ဘာမှာကျွန်တော့်ကိုကိုကလွဲပြီး ကိုကိုကြီးကိုကြိုက်တဲ့လူရှိတော့တာလဲမဟုတ်ပဲနဲ့"
YOU ARE READING
ငယ်ချစ်
Randomလူ့ဘဝဆိုတာတိုတိုလေး အဲ့ဒီတော့.... အချိန်ရှိတုန်းလေးမုန့်များများစားထားရမယ် #Gemini သောက်စားနဲ့ သောက်ဆော့ပဲမက်မနေနဲ့ ဒီမှာ flirt နေတယ် နဲနဲလေးသောက်ဖက်လုပ်အုံး #Fourth
