BURN IN DESIRE (TAGALOG)

CHAPTER 3

ELIZABETH

     Pagkapasok niya sa kanyang opisina ay agad niyang hinahanap ang kanyang sekretarya upang malaman kung ano pa ang naka-schedule sa kanya ngayong araw na ito.

“Where’s, Bella?” tanong niya kay Christian, ang kanyang farm manager na abala sa pag-aayos ng papeles. Napatigil ito sa ginagawa nito, at bumaling ito sa kanya.

     He has been employed at the hacienda for roughly four years. He excels in his field, which makes her proud of him.

“Ma’am Liza, hindi pa po dumating si Bella dahil sa nasiraan ang bus na sinasakyan niya."

     Tumango siya rito sabay sabi, “Pakisabi sa kanya kapag dumating siya ay puntahan niya ako sa opisina dahil may kailangan kaming pag-usapan.”

     Tumungo na siya sa kanyang opisina nang matapos niyang makipag-usap kay Christian. Habang patungo siya sa opisina niya ay binabati siya ng kanyang mga empleyado.

     Nang makapasok siya sa kanyang opisina ay agad siyang naglakad patungo sa kanyang mesa. Nang nasa harap na siya ng kanyang swivel chair ay agad niyang sinampay muna ang kanyang satin tuxedo blazer bago siya umupo.

       Inabot niya ang mga papeles na nasa mesa niya, at binasa kung ano ang nakasaad. Nakatutok ang atensyon niya sa farm inventory records mula sa labor costs, chemical/pesticide tracking, harvest, and revenue, planting records, shipping records, at iba pang kailangan sa farm.

       

     Napatango siya sa kanyang nabasa. May pagkakataon talaga na bumaba, at tumaas ang kita nila sa isang taon, pero ngayon ay hindi siya makapaniwala na nalagpasan nila ang kita nila noong nakaraang taon. Mas malaki ang dumagdag. 

“Good Morning, Ma’am Liza!”

     Napatingin siya sa unahan at nakita niya si Bella na hinihingal na dumating. 

“Good Morning, tell me about my schedule for today, Bella,” tugon niya rito habang pinagpatuloy niya ang kanyang pagbabasa.

“Ngayong hapon, bandang alas quatro ay may meeting po kayo sa mga distributor, at pagkatapos ng meeting ninyo ay pupunta kayo sa factory dahil may kailangan kayong aasikasuhin sa mga orders."

    Tumango siya rito. Kahit may mga tauhan pa siya ay kailangan niyang maging hands-on. Umalis na rin ito nang matapos nitong sabihin sa kanya kung ano pa ang kailangan niya.

  Inaabala niya ang kanyang sarili sa harap ng mga papeles na kailangan niyang basahin, at aprobahan. Habang siya’y abala sa kanyang ginagawa, narinig niya ang kanyang mga empleyado na nagkayayaang kumain, pero siya ay patuloy pa rin sa kanyang ginagawa. Kailangan niyang matapos ang tatlo o apat na papeles na kailangan niyang basahin bago mag-alas quarto ng hapon. 

       Napaangat ang kanyang tingin nang marinig niyang may kumatok. Nakita niya si Bella na may bitbit na lunchbox. 

“Hindi ka sana nag-abala, Bella. Alam mong hindi ako kumakain ng ganitong oras.”

“Ma’am, kailangan ninyo pong kumain. Kanina pa kayo diyan at hindi man lang ninyo ginalaw ang dinala kong apple pie.”

     Napatingin siya sa mesa niya. Nakita nga niya na may apple pie na nakalagay.

“Hindi ko namalayan na may bitbit ka pala kanina.”

“Abala ka po kasi sa ginagawa ninyo kaya hindi ninyo ako nakita. Kumain ka na po. Masarap kapag mainit pa ang pagkain. Saan ko po ito ilagay?”