မှင်စက်များရဲ့စေနှင်ရာ

အဖော်...

အေးစက်လာတဲ့အခါ ထွေးဖက်ပေးမယ့်ရင်ခွင်မလိုပါဘူး
ငါ့ကိုယ်ငါပွေ့ဖက်မယ် အနဲဆုံးတော့အနွေးဓာတ်သဲ့သဲ့ငါခံစားနိုင်တယ်

ပြိုလဲတဲ့အခါ ‌ထူမတ်ပေးမဲ့လက်တွေမလိုပါဘူး
ကူထောက်ပြီးကုန်းထလို့ရနိုင်မယ့်လက်တွေငါ့မှာရှိတယ်

ငိုယိုဝမ်းနဲရတဲ့အခါ မျက်ရည်သုပ်ပေးလာမဲ့သူမလိုပါဘူး
ငါ့ရဲ့အင်္ကျီက ငါ့မျက်ရည်သုပ်မယ့်အကောင်းဆုံးတာဝါပါပဲ

အထီးကျန်တယ်ခံစားရတဲ့အခါ အဖော်ပြုပေးမယ့်သူမမျှော်လင့်တော့ဘူး
ငါ့မှာရုပ်နဲ့နာမ်ဆိုတာနှစ်ကို့တစ်စိပ်မို့ ရုပ်တရားကိုနာမ်ကကြည့်ရှုဆင်ခြင်စေမယ်

လောကမှာဘာတွေပဲကြုံရကြုံရ အဖော်မပါလဲဖြစ်တယ်
ငါ့ရဲ့ရုပ် ငါ့ရဲ့နာမ် တစ်ဦးနဲ့တစ်ဦးအဖော်ပြုထွေးဖတ်ထားကြလိမ့်မယ်

ရင်ဆိုင်ဖြေရှင်းရခက်လို့ အဆုံးသတ်နီးလာတဲ့အခါ
ဒီရုပ်ဒီနာမ်တောင်ခွဲခွာရမှာပဲ ဘာလို့များမရေရာခြင်းတွေရှာဖွေရမှာပါလဲ

အဆင်ပြေပါတယ် နှစ်သိမ့်စရာတွေမလိုပဲနေတတ်လာတဲ့အခါ
ဘဝကခြောက်ကပ်ရင်တောင် ပူလောင်မနေတော့တဲ့အခါ
အနဲဆုံးတော့နေပျော်လာမှာပါ...

#24,11,22
#8:00pm