#وكر الأشتر

بارت ٤١

بارت ٤١
رواية .. وكر الاشتر
بقلمي .. نور سمو العراق

💔💔💔💔💔💔💔💔💔💔💔

كادوا أن يطيروا من خفة عقولهم
لكن ثقل دمهم أنقذ الموقف .!

غلسوا عن السحك والاخطاء 🥺💔
.........................

جيهان

هن من حجن هيج اني بلعت العافيه  والرجفه اعتلت كل جسمي جنت خايفه خايفه لان اعرف ابوي شنو وداخله شنو وخاصه هو يكره بيت جدي كهلان اكيد ما يقبل ويروح يهجم عليهم بعد ما يهجم عليه

فتحت عيوني مصدومة من كملت كلامها وهي تكول .. لك عيني اخويه والله ميصير هيج انت تشوفنا وجوه سحوره اتهموا بنتي باطل بسبب بنتك واني عيني مو تشوف النوم ابجي ليل مع نهار ادري تحب كريم بس هو ما يحبها وهي محروكة لو يريد اخذها من قبل مو اخذ بنتي وكسر ظهرها وانوب يتزوجها وهي تحرك بكلب ايـــــــــو وتغورها ودكلها حل همزين تطلكتي

اني جنت مصدومة من كلامها صدمة حياتي هاي شتحجي شلون هيج تحجي اني شوكت هيج سويت عزااا هاي صدك تحجي يعني معقوله اكو انسان هيج عنده قابليه للجذب

باوعت الابويه جان ممهتم الكلامها كلها بغضب ... اني ما عندي بنات يتمعشكن ويحبن التحب وتسوي علاقات اكسر ظهرها

ردت عليه ودموعها عشره عشره .. والله والله بنتك لعبت بعقل زوج بنتي ولفقو عليها تهمه وهي ايو فقيره ومسكينة وكلها تحلف بأخلاقها

ردت عليه ايـــــــــو وهي تبجي بجي ما صاير .. عمو تدري اني ممتحسفه كريم بس اكول ليش هيج الانسان الفقير بأول حياته يوكع بهيج ناس والله حرامات هاي كسرة ما اكدر اتخطاها ولا اكدر انساها

يعني ممعقوله اني اتزوج واتطلك ومنو السبب بنيه مالها وجود بحياتي وحتى من قدري وقيمتي

تفاجئت بأبوية لاول مره وهو يكولها .. عمي كفنة شرجن وشرج سوالفجن وشنو هو كريم فرخ جاهل ولعبت بعقله بتي امشن امشششن

طلعت افيان من الغرفه كفشتها واكفه وهي تحك بشعرها كالت بانزعاج .. شبيكم تصيحون ما تكولون ناس نايمة منطمره منخمدة شلون بله ما انام منا ابو الغاز انوب ابو النفط انوب انتم فوكانه

باوعتلها صحت عليها بحده ... تعالي شوفي المصيبه الطاحت على راسي تعالي شوفي ذن الغضب شلون جايات يذبن تهايم عليه

اجت افيان تركض وهي منزعجة هي شافت ايو وامها وهي انصرعت تخصرت وهي تكول ... هاااا امهات السحورة وين ناويات تدفن سحرجن اليوم

صاحت ايو بيها بغضب... انيييي ام السحورة لو انتن خبلتن زوجي واخذتنه منه اني لو سحاره مثلجن جان حويت زوجي بس مو مثلجن