#وكر الأشتر

٣٤

بارت ٣٤
رواية وكر الاشتر
بقلمي .. نور سمو العراق

💔💔💔💔💔💔💔💔💔💔💔💔💔

ستتألم ستعتاد ومن ثم يصبح الامر شيئًا لا يطاق

بنات فافي دكول دا اشوف بالتعليقات كلها تعتذر مني لان عساس غالطات عليه بالبداية من جنت جلبه 🌚وهسه يحبني ويعتذرن مني اعتذارهن مقبول بس يحلمن يحصلن من خلطاتي 🤭

منقول من فافي حصرا🥺💔

......................

صفاء

ركضت عليها بعد ما شفت الدم مغطي وجهها وشعرها والنزيف ماخذها صرخت باسمها واني احاول اصحيها بعد ما رفعتها من الارض وضرب بخدها .. سوليين سوليين اكعدي شبييج سولين

لزمت نبض ايدها حسيت بيها نبض شالتها بسرعه وركضت عثرت بيها و وكعت لان ما كدرت اشيلها وكذلك جنت حييل متوتر وخايف

حطيتها بالسياره وسقت بسرعه اسرع من البرق واديه ترجف اجيت اسوي حادث كد ما متوتر وهي لا حس ولا نفس

رفعت موبايلي بعد ما اتصل عليه الاشتر بسرعه فتحت خط هو هاي الفتره حييل يخاف عليها ويوصي عليها بس شغله حكم عليه يبتعد عنها وتكون بهيج مكان

كال .. الووو ها صفاوي ماكو شي مو ؟

جاوبته واني الهث وارجف .. ما ادري ادري تعالي لمستشفى ال (.. ) سولين تخربطت

رد بلهفه وخووف ... شكو شبيها شلوون تخربطت

جاوبته بسرعه .. ما اعرف جبتلها عشا دكيت الباب ماكو فتحت لكيتها واكعه وفاضيه بدمها

جاوبني بسرعة وقلق .. يله يله هسه اني تلكاني كدامك بالمستشفى

قفلت الخط بسرعه واتجهت للمستشفى وصلت اخذوها مني بالطوارى وهو ماكو شويه واجه ملهوف ويركض لزمني بخوف و وجهه ما يتفسر كال .. شكو شبيهااا سولين وينهاااا

جاوبته واني اهدي .. على كيفك ان شاء الله ما بيها شي بس ما اعرف شبيها هو دخلت لكيتها واكعه ودمها بطولها

مسح ايده على شعره بتوتر ورجعها ليوره باوعلي ... اخاف واحد ضاربها اخاف واحد ماذيها انت وين جنت ما حسيت بشي

صفنت واني افكر .. والله ما اعرف رحت تقريبا عشر دقايق ورجعت دكيت عليها ماكو دفعت الباب دخلت لكيتها واكعه وهذا كل الي صار

راح بسرعه ودخل الغرفتها شافها تفتحت عيونها على كيف وترجع تسدهن وجهه اصفررر شاحب مثل واحد مسحوبة منه الروح

والدكتوره جانت يمها وهي تلف بالفاف على راسها وشعرها مبلل بقطرات الدم

تقرب منها الاشتر وهو يلزمها من ايدها بخوف واضح على ملامحه كلها .. هااا سولين ها حبيبتي شبيج احجي منو وياج