#وكر الأشتر

بارت ٣٥

بارت ٣٥
رواية .. وكر الاشتر
بقلمي .. نور سمو العراق

💔💔💔💔💔💔💔💔💔💔💔💔💔

-‏"واليوم أخطو برفق أكثر، بعد أن ركضت لوقت طويل، خوفًا من أن يفوتني شيء، وفاتني كلّ شيء."

بارت المليون مشاهدة ❤️

البارت طاير منه مشهد بسبب النسخ لذلك ضفته من ضمن الاحداث

واعتذر عن التأخير
.......................

سولين

احس الأمور ساءت بعقلي وما عرفت شلون اربط الامور هو ديحجي واحد اسمة بشار ويساله عن اخته واني خالي اسمة بشار وامي اخته بس يظل الحدث الاكبر بعقلي هو قتل امي كدامي وموتها المعلن كدام الكل

بس جنت منهاره منطفيه متوتره ضايعه بمجرد ما سمعت اسم بشار والحديث الدار اعلنت المواجهة ودخلت عليه بدون سابق انذار

هو من شافني ما بدر منه اي ردة فعل وحسسني ان ماكو شي وتوقعاتي غلط كمل اتصاله وهو يكول .. تمام تمام ارسلي كل اوراقها ومستجداتها واي شي يخصها واهم شي تقارير المستشفى

كمل .. اي بشار شبيك ورقة الطلاق الي وصلت الها واكدت ان هاي الورقه طلاق تعسفي وقد يكون الصالحها مثل ما فهمت سالي كتلها تشوف الها محامي زين يجرجره بالمحاكم ويكدر يكسب القضيه وتقدم كلاواتها للمحكمة بإن هي تحبه وتعشقه وما قابله بالطلاق الغيابي حتى بهيج شي هي تضمن حقوقها كامل

جان يحجي ويباوعلي ومراقب كل تحركاتي بحيث احس فشلت من نفسي شلون دخلت عليه وشلون شكيت بالموضوع واني اصلا ما الي حق الشك لان شفت امي بعيني ماتت شفت ابويه ضربها شفت دمها ينزف

قفل الموبايل من دون ما يبرر ويباوعلي وبعدها رفع عيونه الي وهو يكول .. اخذتي علاجج

حطيت ايدي على گلبي اخفف من خفقانه جاوبته بحزن .. سمعت اسم بشار واخته ضنيته خالي

عقد حواجبه بعدم استيعاب كال .. خااااالج ؟ ليش عندج خال

هزيت رأسي بإي ..اي خالي جان يحب امي حييل يموت عليها وما يرضا عليها بالباطل جان دائما يوكف بصفهه ويحبها

هز راسه بنفي .. بصراحة اول مره اعرف عندج خال بس شعجب ما سجن ابوج اني عبالي امج مكطوعه من شجره لهذا السبب جنت اضن محد اخذ حقها من ابوج من قتلها وانسدت القضيه لهيج اسباب تالي يطلع عندها اخ وما يطالب بدمها عجيب

اردف بتنهيده.. تدرين اختي ماتت ولحد الان شكو واحد جان سبب موتها ادخله بمصيبه واطلعه من مصيبه واصلا جان عمري ١٥ سنه واقدمت على عملية قتل تحسين بس ما رهمت وياي

تقربت منه مستغربه .. يعني شلوون انت عمرك ١٥ سنه شلون كتلت تحسين

ضحك بسخريه .. جنت طايش ما ماشي بنصيحة حجي تحسين هو جلب وعضني ما يصير اعضه بس بعد شسوي كلبي جان محترك رميته طلقه برجله ما سوتله شي بس شويه بلاتين