كابوس اليقظة

18

مساء الورد

كابوس اليقظة
الجزء الثامن عشر

بقيت صافنة مناضل يحجي بعصبية ومقهور..جاوبته بخوف
شصارر!؟ليش بالمركز ؟؟
يعني تسوين نفسج ماتدرين،؟؟مو اشتيكتو عليهم سرقة واعتداء
وماحسبتي حساب الي وكلتي اهله شلون ابهذلهم..
مما اشتكيت مناضل انا..بقيت امتمت ماعرفت شجاوبه..
جرت الفون رشا وفتحت سبيكر..اخووها اشتكى هي معليها متدري..
شنو اخوج؟؟يمتى اصايل امجد اشتكى؟؟

جاوبت رشا..اي عيني امجد من عرف بالصارلها اشتكى
عليكم ولو مانهدي ونحجي ويا جان راح لعمامهم ودكو بيتكم
انت ماتدري بعشيرة اصايل كلها واصلة وناس ثكال شلون
تتورطون وياهم هيج وتأذوها شنو عبالهم اهلك هي تايهة لو
ماوراها احد..
شو وينها اصايل يمج؟؟وينج اصايل..حجه مناضل ورشا
تأشرلي احجي بزعل..

جاوبته..ها مناضل؟
عجبج السواه اخوج؟؟تقبليها نسوان جرجروهن للمركز،؟
هسه اخابر امجد واشوف ..قاطعتني رشا..الحجي مو يمنا يم
امجد يلا من رخصتك..
سد الخط وهي استلمتني.. دكي ع امجد بسرعة بسرعة..
صدك تحجين؟؟شلون تكليله امجد اشتكى؟؟هسه اذا خابرنا
امجد شنكله؟؟لو مناضل يخابر امجد يعاتبه وهو يكله ماشتكيت؟؟؟

انا شلون بيه مااخلص من المخابيل بحياتي كلها..كله منه اسياد الصخام
راح يخرب عليه حياتي ..
شو دجييييبي..هسه اخابره اكله رجل صديقتي بالشرطة وانا
الكتله يرفع عليهم دعوة بعد شتريدين انا المشتكية..بس لازم ننطي
امجد علم ونتفق وياه حتى لا يستضعفج مناضل ويذبها براسج..
اخذت فوني وخابرت امجد وفتحت سبيكر..

ها هلو امجد انا رشا..
هلو رشا وين اصايل انتظر منها خبر..
مو خابرت مناضل وملتهي وي اهله ماخذيهم الشرطة..
اي وهو شعليه بيهم الشرطة اخذتهم هم ويستاهلون هو ماعليه
القاء قبض..
شنو!يعني تدري؟؟؟؟عطت من سمعت امجد حجه بقيت صافنة
بوجه رشا وهي نفس صفنتي..
اي البارحة بس رجعت منج انرفعت عليهم دعوة ..
مشى بيها واحد اعرفه
كفو وواصل وعساج ماتنخينه اخو اخيته..كال اطلع منها وخليها
يمي انا اطلع حليب امهم من خشمهم..

عزاا امجد حتى النسوان ماخذيها مو هيجي عاد صعبة
مرة تدخل مركز..
اي ومو صعبة من طردنج هدومج مشككة وباكن ذهبج وفلوسج؟؟هيج
نماذج تحتاج كرصة اذن حتى تلزم كاعها وتستقر..ع العموم
ماحاجة مناضل انا راح اكمل الشقة والعصر اجي عليج
اشتري المحتاجته من اثاث وفراش حتى اليوم تنتقلين الها..

ومناضل شلون؟؟
مناضل بعيد عن القضية بس اهله اكيد يستنجدون بي عود
يردون نتنازل وكذا بس خيحلمون احسنلهم..زالغين عليهم
واير من واحد ثكيل لا يستحي ولا يخاف..
كالت رشا..منو هذا امجد يعني قرايبكم لو شنو شدخله بالموضوع؟!
لا كتلج شريكنا والبارحة صدفت جاي نشتغل وهو يمنا
وامي خابرتني وعرفت بالسالفة
وتحلفت اروح احرك بيتهم عليهم.. بس هو
كلي خليها بالقانون احلى وارتب حتى ماعليكم خطر
لو يصير تراضي وتنسي السالفة..