دارت الدنيا لتدق طبول قلبي

البارت 31

دارت الدنيا لتدق طبول قلبي
جذبني فمك البني٢

البارت الواحد والثلاثون...

سرُّها أنُّها لاتشبّه أحداً
ليّست كَغيرها ،
تُشبه نفسها فقط ،
ليّست نُسخةً عن إحدى الفتيات ،
لذلكَ فهي قويةٌ ، قويةٌ جداً ،
ليس بالإمكان أن تمتلكها بسهولة ،

هي الناضجة بقلب طفلةٍ ،
التّى تُحبُّ الخيّر للغير ،
العاقلةِ التّى تُقدر التضحيّات ،
التّى تهتمُ بالفكرِ ، أكثر من مساحيقِ التجميلِ .

______

نرمان : اي نرمان .

هجان : هلو نرمان وينج ظل بالي عليج معقولة ماكدرتي تتصلين عليه تطمنيني..

نرمان : غيرت خطي وشفت ماكو داعي نتواصل لان طريقنا مبين من بدايته مسدود..

هجان : انتِ سديتيه بكيفج.

نرمان : لا هو غلط من بدايته..

هجان : وين الغلط ؟

نرمان : لا تغشم روحك هجان.

هجان : يعني انتهى كلشي هذا هو؟

نرمان : انت مقتنع بهاي العلاقة؟؟

هجان : اي وهواي هم..

نرمان : شنو السبب ؟؟

هجان : للمرة الألف اكولج اريدج لان انتِ بنت عمي وعاجبتني.

نرمان : زين تحبني ؟؟

هجان : ماصار شي بينا حتى احبج ، سؤال انتِ تحبيني؟

نرمان : الصراحة ؟؟

هجان : اي ..

نرمان : حبيت اصرارك وبس ومن شفت جمعتنا مستحيلة انسحبت من العلاقة..

هجان : انطيني فرصة ..

نرمان : انت ليش تحب الصعب كل طريق مسدود تروح تمشي بيه..

هجان : ماعرف قفلت لو اتزوجج لو اسافر..

نرمان : خلص سافر..

هجان : نرمان شبيج؟ ..

نرمان : صدكني علاقتنا نهايتها الفشل..

هجان : خلينا على تواصل اعتبريني صديق واريد اتعالج يمج.

نرمان : هجان ماريد اتعلق بيك.

ضحك وكال.

هجان : انتِ تقبلي علاقتنا اول واذا تعلقتي ثاني يوم كاطع مهر ..

نرمان : صعبه اخواني شلون .

هجان : ادهم متأكد منه بس فهد اجيبه للدرب صبري.

نرمان : مو بس فهد المشكلة اني وياك ما متوافقين ومختلفين هواي..

هجان : لعلمج انه احب التضاد بكلشي..