Apologize , my baby's father ( Complete )

Part : 22 [ U & Z ]

Uni❤️

ဒီနေ့တနင်္ဂနွေဆိုတော့ပုံမှန်အတိုင်းကျောက်ယွီနဲ့ဒိတ်ဖို့ဖြစ်လာပြန်သည် ။ တနင်္ဂနွေနေ့ရောက်တိုင်းလည်းကိုငယ်နဲ့စကားများရတာအမော ။ ဒီတနင်္ဂနွေကတော့ကိုငယ်ခရီးသွားတာမို့စကားတော့မများရတော့ဘူးထင်ပါရဲ့ ။ ကျောက်ယွီနဲ့လည်းလမ်းခွဲမယ်စဉ်းစားတိုင်း အပြစ်မရှိဘဲလမ်းခွဲမယ်လို့ပြောချင်နေတဲ့ကိုယ့်ကိုယ်တိုင်သာလိပ်ပြာမလုံဖြစ်ရတယ် ။ သူ့ကွယ်ရာမှာမဟုတ်တာလုပ်မိ‌နေသလိုဖြစ်နေတော့စိတ်ကပိုပြီးမလုံခြုံတော့ဘူး ။ ဒီနေ့တော့လမ်းခွဲဖို့ကိုကိုယ့်စိတ်ကိုတင်းရင်းပြောဖို့လုပ်ရမည် ။ ကိုငယ်နဲ့ကလည်းအခုချိန်ထိတော့တိကျတဲ့ပတ်သတ်မှုမျိုးမရှိသေးပါဘူး ။ အတူတူနေဖြစ်တာကတော့သုံးရက်ခြားလောက်ပုံမှန်ဖြစ်နေတာပေါ့ ။

အရင်ကဆိုချိန်းထားတဲ့ဆိုင်ကိုကျောက်ယွီကကြိုရောက်နေတတ်ပေမဲ့ ဒီနေ့တော့ရှောင်းကျန့်ကကြိုရောက်နေ၏။ ကိုယ့်စိတ်ကိုလုံလုံခြုံခြုံနေနိုင်ဖို့ အမြဲတမ်းတွေးပြီးစိတ်မလေးတော့ဖို့ အဲ့ဒီလိုကိုယ့်စိတ်ကိုဖြစ်စေတဲ့ကိစ္စကြီးကိုဒီနေ့မှာရပ်တန့်ပစ်နိုင်တော့မှာမို့စိတ်ကပေါ့ပါးနေသယောင် ။ ခနနေတော့ကျောက်ယွီရောက်လာသည် အဲ့ဒီကောင်မလေးကမျက်နှာမကောင်းတာကြောင့် အိမ်ကနေဆိုင်ရောက်တဲ့အထိစိတ်ထဲမှာစီလာခဲ့သမျှစကားတွေကလည်ချောင်းဝမှာတင်ပျောက်ကွယ်သွားရပြန်သည် ။

" မျက်နှာလည်းမကောင်းပါလား ဘေဘီ "

" ကိုကို ~ "

" ဘာဖြစ်လာတာလဲကိုကို့ကိုပြော "

" ကိုကို့ကိုမျက်နှာတောင်မပြရဲပါဘူး "

" ဟမ် ! "

" ဘေဘီရှင်းပြပါ့မယ် ~ ဘေဘီ့ဖေဖေကလွန်ခဲ့တဲ့တစ်လလောက်ကကျန်းမာရေးစဖောက်တယ်၊အဲ့တော့မေမေကလည်းရှိသမျှပိုက်ဆံတွေပစ္စည်းတွေနဲ့ ဆးကုရင်းမနိုင်တော့သူတို့နဲ့ခင်တဲ့မိတ်ဆွေတစ်ယောက်စီကချေးပြီးကုရင်းနဲ့အကြွေးကလည်ပင်းနစ်လာတယ် ~ ပြန်ဆပ်ဖို့ကလည်းမလွယ်ဘူး ~ ဒါတောင်ဖေဖေကအရှင်းမပျောက်သေးဘူးလေ ~ ထပ်ချေးဖို့ဆိုတော့လည်းဟိုဘက်ကပမာဏကအရမ်းများနေပြီဆိုတော့အင်တင်တင်ဖြစ်နေကြပြီ ~ နောက်တော့တောင်းဆိုလာကြတယ် ~ သူ့သားကဘေဘီ့ကို ~ ဟင့် ~ လက်ထပ်ချင်တယ်တဲ့ ~ "