Uni ❤️
ကျိုးချန်တစ်ယောက်ထမင်းစားပွဲထိပ်မှာထိုင်နေရင်းတော်တော်ကိုအေးတိအေးစက်နိုင်နေတဲ့အခြေအနေနဲ့ဘေးကနှစ်ယောက်ကိုသတိထားမိလိုက်သည် ။
" ဝမ်လေး .. ကျန့်ကျန့် .. "
" ဗျာ "
နှစ်ယောက်လုံးကိုဆက်တိုက်ခေါ်လိုက်သည်မို့ နှစ်ယောက်လုံးကတပြိုင်တည်းထူးလာသည် ။
" ကျောင်းတတ်ရတာအဆင်ပြေကြရဲ့လား "
" ပြေပါတယ်ကိုကြီး "
" မဆိုးပါဘူး "
ရှောင်းကျန့်ကပြေတယ်လို့ဆိုလိုက်ပေမဲ့ ဝမ်ရိပေါ်ကတော့ပြေတယ်မထင်ပါဘူး အဖြေကိုပဲကြည့်လေ မဆိုးပါဘူးတဲ့ ။
" မဆိုးပါဘူးဆိုတော့အဆင်မပြေတာလည်းရှိတယ်ပေါ့ "
" ဘယ်အရာမှပြီးပြည့်စုံနေတာမှမဟုတ်တာ အကုန်အဆင်ပြေတယ်လို့ရှိပါ့မလား .. အဲ့ဒါကြောင့်မဆိုးပါဘူးလို့ပြောတာပါ "
" ဟားးဟားး .. ငါ့ညီကတော့ပြောလိုက်ရင်ဒဲ့ပဲကွာ "
ရှောင်းကျန့်ကတော့သူတို့ဘယ်လိုပုံတွေဘယ်လိုမျက်နှာတွေဖြစ်နေကြမလဲစိတ်မဝင်စားချင်တော့တာနဲ့ကြီးကြီးလာချပေးတဲ့ထမင်းပန်းကန်တွေထဲဦးချပြီး ကိုယ့်ပန်းကန်ထဲကထမင်းနဲ့ဟင်းကိုသာတိတ်တိတ်လေးငုံ့ပြီးစားနေလိုက်တယ် ။
မနေ့ကသန့်စင်ခန်းထဲကကိစ္စဖြစ်ပြီးကတည်းကဒီနေ့မနက်အခုချိန်ထိကိုငယ်နဲ့စကားမပြောဖြစ်သေး ။ နမ်းလို့စိတ်ဆိုးတာလားမေးရင်တော့မဟုတ်ဘူးလို့ပဲဖြေရမယ် ။ နမ်းတာကတော့ညီအစ်ကိုအချင်းချင်းပဲဘာစိတ်မှလည်းမရှိဘူး ။
အဲ့ဒါဆိုဘာလို့စကားမပြောသလဲမေးရင်ရော ?
အဖြေကတစ်ခုတည်းရယ် .. သူကိုယ့်ကိုအရင်ကတည်းကအလိုမရှိဘူးလို့ထင်ခဲ့တုန်းကသူကပြောတယ်ထင်ရာလျှောက်မတွေးနေနဲ့ သူ့ပါးစပ်ကပြောမှသာအဲ့ဒါဟာအမှန်တဲ့ ။
အခုသူ့ပါးစပ်ကပြောတယ်လေ " မင်းတစ်ခုခုဖြစ်ရင် ခေါ်စောင့်ရှောက်ထားတဲ့ငါတို့အပြစ်လာမှာ အဲ့တော့မင်းဘာသာမင်းထိန်းသိမ်းပါ " တဲ့ ။ စိုးရိမ်လို့မဟုတ်ဘဲသူအပြစ်ပြောခံရမှာစိုးလို့ဆိုတော့ သူတို့အတွက်ဝန်ထုပ်ဝန်ပိုးဖြစ်စေမဲ့ကိစ္စမျိုးကိုရှောင်ဖို့ကသာကိုယ့်တာဝန်ဖြစ်တယ် ။
YOU ARE READING
Apologize , my baby's father ( Complete )
Randomဒီဇာတ်လမ်းသည်စာရေးသူ၏စိတ်ကူးယဉ်သက်သက်သာဖြစ်သည် ။
