Uni❤️
" ဘေဘီထိုင်လေ "
" ဟုတ်ကဲ့ "
ကျောက်ယွီကကိုယ့်ဘေးကိုဝင်ထိုင်တော့ ကိုငယ်ကအသာမော့ကြည့်သည် ။ ပြီးတာနဲ့ချက်ချင်းအကြည့်လွှဲသွားပြီး အင်္ကျီအိတ်ကပ်ထဲကသူ့ဖုန်းကိုထုတ်လေသည် ။
" ကိုကို ကျွန်တော်ဒီညသူငယ်ချင်းတစ်ယောက်အိမ်မှာပဲအိပ်ဖြစ်မယ်၊အလုပ်ကိစ္စလေးရှိလို့ "
" ... "
" ဟုတ်ကဲ့ ကိုကို၊ဒါပဲ "
ကိုငယ်က ကိုကြီးကိုဖုန်းဆက်ပြီးတာနဲ့ မတ်တပ်ထရပ်ပြီး ကိုယ့်ကိုမေးငေါ့ပြပြီး 'ပြန်မယ်'လို့ပြောလာသည် ။ သူ့ကိုကျောက်ယွီနဲ့တောင်မိတ်ဆက်မပေးရသေးဘူး ပြီးတော့ကျောက်ယွီတစ်ယောက်လုံးထိုင်နေတာကိုမသိချင်ယောင်ဆောင်ပြီးရုတ်တရက်ထပြီးပြန်မယ်ဆိုတာ ဘယ်လိုတောင်မယဉ်ကျေးတဲ့အပြုအမူလဲ ။
ပြန်မယ်ဆိုပြီးကိုယ့်ကိုအသိပေးပြီးမစောင့်ပဲတစ်ယောက်ထဲဆိုင်ထဲကထွက်သွားတဲ့ကိုငယ်ကိုလုံးဝနားမလည်ဘူး ။ ကျောက်ယွီကိုလည်းအားနာရသေးသည် နောက်မှသေချာမိတ်ဆက်ပေးမယ်လို့ပြောပြီးကိုငယ့်နောက်ကပြေးလိုက်ခဲ့ရသည် ။ ကျောက်ယွီလဲနဲနဲတော့မျက်နှာပျက်သွားသည် ။
ကားပေါ်ရောက်တော့လည်းသူကအားနာခြင်းမရှိတဲ့မျက်နှာထားနဲ့ကားကိုအေးဆေးမောင်းနေသည် ။ မနေနိုင်တဲ့ကိုယ်ကပဲမကျေနပ်ကြောင်းစကားစရတော့မည်ဖြစ်သည် ။
" ကိုငယ် "
" ... "
ဘာလဲ ! သူကမကြားချင်ယောင်ဆောင်တာလား ။
" ကိုငယ်ဘယ်လိုလုပ်တာလဲ ကိုငယ့်ကိုလည်းကျွန်တော့်ချစ်သူနဲ့မိတ်ဆက်မပေးလိုက်ရဘူး ၊ သူရောက်လာပြီးမှရုတ်တရက်ကြီးထပြန်တာရိုင်းရာမကျဘူးလား ၊ ဧည့်လည်းမခံလိုက်ရဘူး "
" ပြန်သွားပြီးဧည့်ခံချင်လို့လား "
" ကိုငယ် !! "
ယောက်ျားကြီးဖြစ်ပြီးအဲ့လိုရွဲ့တတ်သေးတာ !
" ငါအဲ့ဒီဆိုင်ကိုသွားတာကမင်းရည်းစားကိုဧည့်ခံဖို့မဟုတ်ဘူး မင်းရည်းစားနဲ့အပြန်အလှန်မိတ်ဆက်ဖို့လည်းမဟုတ်ဘူး၊ ညစာစားဖို့သွားတာ ညစာစားပြီးလို့ပြန်လာတာမှားသလား "
YOU ARE READING
Apologize , my baby's father ( Complete )
Randomဒီဇာတ်လမ်းသည်စာရေးသူ၏စိတ်ကူးယဉ်သက်သက်သာဖြစ်သည် ။