15 DAYS WITH YOU [Completed]

DAY 6

DAY 6

Maaga akong nagising para mag ayos. Pupunta kaming airport para sunduin si dad ngayon.

Pagdating ko sa baba nasa dining area na si mom kumakain ng almusal niya.

"Good morning, mom." Binati ko muna siya bago humalik sa pisngi niya saka umupo na sa usual sit ko.

"Good morning too baby." Oh come on, ayan na naman yang baby na yan hello 18 na po kaya ako.

"Mom hindi na ako bata," nagtatampo kunyareng sabi ko. "18 na ko pero tinatawag mo pa din akong baby." Ngumuso pa ako para mas convincing. Pero wala din palang epekto tumuwa lang siya sa sinabi't ginawa ko.

"Kahit umabot ka pa ng 20, 25, 30 o kahit tumanda ka pa ikaw pa rin ang nag iisang baby ko." Napangiti ako.

Celestia Madrigal, isang butihin, mabait, maasahan at mapagmahal na asawa't ina. Palagi niya akong sinusuportahan sa lahat ng bagay na gusto ko. Siya ang unang nag tiwala na kaya kong gawin ang bagay na dating takot akong gawin pero ngayon malaya ko ng ginagawa. Palagi siyang naglalaan ng oras para saamin ni kuya simula bata pa kami. Kaya para sa akin, siya na ang best mom in the world.

"Oh siya, sige na kumain ka na para masundo na natin ang daddy mo." Nakangiting sabi ni mama kaya ngumiti rin ako at sinimulan ng kumain.

Matapos ng halos isa't kalahating oras ng pag aayos ready na kami para pumuntang airport. I really miss my dad.

"Let's go baby malapit ng lumapag ang daddy mo." Tumango nalang ako.

Tahimik lang ako sa buong byahe namin papuntang airport ng tanungin ako ni mommy.

"San mo gusto pumunta? Alam ko sobrang miss mo na ang daddy mo." Nakangiting sabi ni mama.

Kahit gaano ko kagustong makasama si dad ngayon hindi pwede may usapan kami ni Nathan na ngayon kami gagawa ng project eh.

"Sorry mom, pero kasi may usapan kami ng classmate ko na ngayon gagawa ng para sa report namin eh." Nanghihinayang na sabi ko.

"That's good to hear, bukas nalang tayo lumabas."

"Opo." Magalang na sabi ko.

"Sa bahay nalang kayo gumawa ipaghahanda ko kayo ng meryenda mamaya." Nagulat ako sa sinabi niya pero tumango nalang ako. Tinext ko na din si Nathan na sa bahay nalang kami gumawa at pumayag naman siya. As if may choice siya hahaha.

Since malapit lang ang airport samin wala pang 30 minutes nakarating na kami. Ayaw na sana ni dad magpasundi kasi nga malapit lang naman pero ginusto namin to ni mom kaya wala siyang nagawa kundi ang pumayag.

10 minutes na kaming naghihintay ng makita namin si dad na naglalakad papalapit samin kasama ang assistant niyang si Kuya Topher at isa pang bodyguard.

"Daddy!" Tili ko habang sinasalubong siyang papalapit sakin. Agad agad ko naman siyang niyakap ng magtagpo kaming dalawa. He chuckled at my sudden reaction.

"Hey honey, it's been a while how are you? I missed you." Lumabi ako bagay na nakasanayan ko na kapag sila ni mom at Kuya ang kaharap ko.

"You're so cute." Pinaggigilan niya pa ako. Napatingin ako sa paligid at nakaramdam ng hiya ng makitang ang daming tao. Nakakahiya talaga ano ba Celestine muka kang 10 years old.

"Dad naman eh," nakanguso ko pa ring sabi. "Ayos naman po ako daddy nag aaral akong mabuti at mabait din po ako sa bahay promise di ba, Mom?" Tumingin pa ako kay mommy na ngiting ngiti habang nakatingin saming dalawa. Tumango naman si mommy na lalong nagpalawak ng ngiti ko pati na rin ni dad. "And also namiss din po kita, tagal nating di nagkita daddy."