ကွာရှင်းပြီးမှ ကိုယ်ဝန်ရ || ဘာသာပြန် [COMPLETED]

အပိုင်း - ၄ (U+Z)

Unicode

ဇိမ်ခံသင်္ဘောက တရွေ့ရွေ့။

အကန့်အသတ်မဲ့သောလရောင်ကြားမှာ လွင့်မျော
နေသည်။

တစ်ခါတစ်ခါတွင် ရေထဲနစ်ဝင်သွားကာ တစ်ချက်
တစ်ချက် အပြည့်အဝခုန်ထွက်လာလျှင်လည်း
တင့်တယ်သောလှုပ်ခတ်မှုနှင့်အတူ ရေပွက်
ဖြစ်‌ပေါ်လာစေသည်။

မြစ်ရေမျက်နှာပြင်ပေါ်သို့ ကျောက်တုံးတစ်တုံးက
ဝုန်းခနဲကျလာချိန်ဝယ် လရိပ်က တလှုပ်လှုပ်နှင့်
အပိုင်းပိုင်းကွဲသွားလေ၏။

အစပထမတွင် ဖရိုဖရဲဖြစ်နေရာမှ နင့်နဲသော
နာကျင်မှုကြောင့် လင်းကျစ်ရှ၏ကိုယ်က
ထိရှလွယ်လာကာ သူ့ကိုယ်သူ ထိန်းချုပ်နိုင်စွမ်း
မရှိတော့။ သူ့ထံ ထပ်ခါထပ်ခါတိုးဝင်မှုကို
လိုက်လျောထားရကာ လွတ်မြောက်ဖို့ကြိုးစားသော်လည်း ခပ်ကြမ်းကြမ်းဟန့်တားခံလိုက်ရ၏။

နာကျင်ခြင်းနှင့် အထိန်းအကွပ်မဲ့သောရူးသွပ်မှု
ကြောင့် သူကိုယ်တိုင်ပင် မသိလိုက်ပါဘဲ အရှေ့သို့
တွားသွားမိသော်ငြား ခြေချင်းဝတ်ကနေ
အနောက်ဘက်ကို ဆွဲယူခံလိုက်ရပြန်သည်။

လင်းကျစ်ရှသည် ရေထဲက လရိပ်အလား
ဖြစ်နေချေ၏။
.
.
.
နောက်တစ်နေ့ မနက်စောစောတွင်။

လင်းကျစ်ရှ နိုးလာပြီး တစ်ကိုယ်လုံးနာကျင်
ကိုက်ခဲနေသည်မှာ မသိလျှင် တစ်စစီပြိုလဲတော့
မည့်အတိုင်း။

မနေ့ညက ဘာတွေဖြစ်ပျက်ခဲ့တာလဲ၊ ဘာလို့
နေရာတိုင်း နာနေရတာလဲ၊ အထူးသဖြင့်
ထုတ်ပြောဖို့ခက်တဲ့အစိတ်အပိုင်းက...

သူ ကိုက်ခဲနေသောခေါင်းကို ပွတ်လိုက်ကာ
မနေ့ညမှ အသိလွတ်သွားသောအဖြစ်က
သူ့စိတ်ထဲ ပြန်ထင်ဟပ်လာသည်။

ချောင်မေ့ပေးသောဝိုင်ကို သောက်ပြီးနောက် ရုတ်တရက်ဆိုသလိုပဲ သူ့တစ်ကိုယ်လုံး နေရာအနှံ့
မသက်မသာခံစားခဲ့ရ၏။ သူ အခန်းသို့ရောက်ပြီး
သိပ်မကြာလိုက်၊ တစ်ကိုယ်လုံးပူလောင်ပြင်းပြ
လာခဲ့၏။ ထိုစဉ်ကတော့ သူ ဘာကိုမှ သေချာ
မစဉ်းစားနိုင်ခဲ့။ ညဘက် အပူရှိန်မြင့်သောကြောင့်
ဖြစ်မည်ဟုတွေးကာ ရေချိုးခဲ့သေးသည်။ ထိုသို့
ပူလောင်မှုမျိုးက ရေချိုးလိုက်လျှင် သက်သာသွား
တတ်သော်လည်း သူ ယခုပြန်တွေးကြည့်တော့မှ
မူမမှန်သလိုခံစားရသည်။ ထိုဝိုင်မှာ တစ်စုံတစ်ခု
ပါဝင်နေတာဖြစ်ရမည်။