Nagpatukso (NagpaSeries #1)

Ngptkso 10

Ngptkso 10 // Dad and Dream

Hindi kami nag-usap ni Sir Marco. Inalis ko kasi ang hawak niya sa braso ko at umalis nang walang pasabi. Not minding him calling my name. Walang pagsisisi na hindi ko siya pinapansin dahil sa klase the next day, panay ang tingin sa akin ni Sir. Madalas din niya akong tawagin para sa recitation.

Tatayo lang ako, o minsan nakaupo at magsasagot. Hindi ako ngingiti. Hindi ako titingin sa mata niya.

If he really wants to talk to me, gagawa siya ng paraan.

"So hanggang kailan ang pagpapabebe mo kay Sir?" tanong ni Unica. Hindi na obvious ang pasa at sugat niya dahil hinayaan niyang lagyan ko ng concealer ang mga ito. "Alam mo dapat sumali ka sa bagong pakulo ng Univ, eh. Yung radio booth? Naghahanap sila ng mga DJ at segments. Pwede ka doon with a title of 'Sir, Wag Po – kwentong pabebe sa mga professors'," natatawa niyang sabi.

Natatawa akong pinalo siya sa braso. "Magpapabebe ako hanggang sa bumigay siya."

Ikinuwento ko kasi sa kanya ang dahilan ng pag-alis ko bigla pagkarating ni Sir Marco last time. Sinabi ko rin sa kanya ang gusto kong mangyari. Pati na rin ang babaeng tumawag kay Sir Marco ng 'Coco'.

"Sigurado ka bang girlfriend niya 'yun?" sabi niya.

Lumiko kami sa hallway para makapunta sa library. May kailangan kasi akong kuhaning ancient book na pinapahanap ng professor ko sa History.

"Pwede rin namang kalandian."

"Kasi naman, naghihintay ka ata ng himala," sabi ni Unica nang mahismasmasan. "Ganito na lang, sa birthday ko."

"Ano?" tanong ko.

Medyo bumigat din ang loob ko dahil isang linggo na lang 'yon. Wala pa rin akong nabibiling regalo para kay Unica dahil nasa kanya naman na ang lahat. Their family basically owns a lot of properties and businesses. Ano pa ba ang kulang sa babaeng ito pwera sa class?

"Iimbitahin ko si Sir Mar—speaking of, Sir Marco!"

Hindi ako lumingon nang makarinig ako ng papalapit na yabag mula sa likuran ko. Naramdaman ko ang presensya ni Sir Marco sa likuran ko. Tiningnan ako ni Unica nang nakangiti, letting me know Sir Marco is eyeing my back.

"Ms. Valentine, maayos na ba ang mga sugat mo?"

Pumikit ako at nagkagat labi dahil sa gwapong boses ni Sir Marco. Ngumisi sa akin si Unica at binaling ang tingin kay Sir.

"Medyo po, Sir. Next week pala, birthday ko na." May kinuha si Unica sa bag niya. Isang invitation. Binigay niya ang invitation kay Sir Marco. "Overnight. Swimming at inuman lang. Hindi pwedeng humindi kayo."

Nanlaki ang mata kong tinititigan si Unica na hindi mawala ang ngiti sa labi.

"Ako? Isasama mo ako?" pagtataka ni Sir. "Celebration ito ng mga estudyante."

"Ayaw mo ba, Sir? Malulungkot si Sinteya n'yan." Hindi ako makapaniwala sa pinagsasasabi ni Unica! "Siya pa naman namilit sa akin na imbitahan kayo."

"Totoo?"

Lumingon ako kay Sir. Nakatingin siya sa akin na tila gulat at hindi makapaniwala. Nagpabalik-balik ang tingin ko sa gulat na mukha ni Sir at kay Unica na ngumingisi. Gusto kong makapatay ngayon pero mas pinili kong ngumiti. Iwas tingin akong sumagot.

"Sama ka, Sir," sabi ko.

"Alright." Huminto ang puso ko sa sinabi ni Sir. "I'll free my schedule next week."

Panay ang palo ko kay Unica hanggang sa makarating kami sa library. Hindi ko rin maiwasan ang ngiti ko habang hinahanap ang badtrip na ancient book. Galit nga ako tapos papasamahin ko si Sir?! Still, I like the idea of me with Sir Marco in an overnight party. No one knows what will happen. Tama nga siguro ang sinabi ni Unica.