YOUR ANNOYING BULLY ( SERIES 1 )

KABANATA 67

Kabanata 67

_______________

JEAU P.O.V.

Mahina akong napanguso at kagat labing nag-iisip ng sasabihin, gusto kong magtanong pero sa sitwasyon niya ngayon ay ipapaisantabi ko nalang muna. Hindi ko alam kung ano talaga ang meron sa kanila ni Monica pero wala na ako sa linya para mangialam. Nasaisip ko parin talaga ang mga katunungan para kay pangit. Kahit ako lang na nakakarinig ay nasaktan rin ako, ano pa kaya kung siya na.

"A-ahmm..sinong naghatid sakin sa kotse. Ikaw ba?" Tanong ko agad para mawala ang kakaibang presensya.

"Anong silbi ng bouncer." Hindi tanong at hindi sagot na sabi niya.

"A-ahh..ganon ba eh bat pa tayo huminto?" saad ko at napatingin sa may relo. Lampas ala-tres na pala!. Naiilang pa akong magtanong sa kanya.

"Lasing ako. Bawal magmaneho." Simpleng aniya at napapikit na tinangal ang seatbelt bago iniba ang porma ng driverseat para makaayos siyang makahiga. Grabe parang pag-aari niya talaga ang sasakyan ko!.

"Eh di ako nalang ang magmaneho!" Saad ko at payak siyang natawa.

"Nagpapatawa kaba? Ni mas lasing kapa nga sakin"

"Ayssh! pangit! Palit nalang tayo ng pwesto!" Saad ko pero hindi siya sumagot. " Uy ako diyan! Mas gusto ko dyan!" Reklamo ko at pilit kong tinangal ang seatbelt ko at akma siyang yuyog-yugin sana ng madulas ang kamay ko sa hinahawakan ko at namilog nalang ang mata ng mapapunta ang mukha ko sa may dibdib niya!.

P-parang naramdaman ko ang ano niya?.

Mabilis niya akong tinulak at sa lakas nito ay napasalpak ako pabalik sa upuan ko at napakamot sa ulo ko!.

"Anong pinag-gagawa mo." Seryusong aniya, namula ako bigla ng mapatingin ako sa may dibdib niya at napasalpak ulit ako sa upuan ng malakas niya pa akong itinulak.

"H-hoy! Sumusobra kana ah!" Reklamo ko sa kanya na napaiwas tingin na napalunok, nakakailang na talaga! Nawala saglit ang antok ko!

"Kung ganon anong nilulunok at pamumula mo diyan?" Taas kilay na aniya na ikinasulyap ko!.

"Wala nga! Wala ka namang dede! F-foam lang yon nahawakan ko na walang laman." Pagsisinungaling ko at naramdaman ko ang mabilisang pagmaneho niya!
"U-uy sandali!!!! Dahan-dahanin mo yang sasakyan ko pangit!" Bilog matang sigaw ko sa kaba! Ang bilis ba naman ng takbo!. Galit ba siya sa nasabi ko!?.

"B-binabawi ko na ang sinabi ko! M-malaman yang dede mo!" Naiilang at namumulang sabi na mas ikinabilis pa ng tabok, parang ihahatid niya talaga ako sa langit o baka naman naghihintay na ang panginoon samin sa may unahan!. "B-binabawi ko lahat ang mga pinagsasabi ko! Diko sinasadya!" sigaw ko sa takot ng inovertake-kan niya ang isang malaking truck!. Nahawakan ko nga ang dibdib niya pero wala lang naman to sakin kahit unang beses akong makahawak pero! Bakit iba sa pakiramdam! Nakakahiya! Nakakailang at mas nakakaba lalo na siya!.

"Nandito na tayo."tipid na aniya at doon lang ako nakahinga ng maayos! At may kung ano sa tiyan ko ang lalabas parang nasusuka narin ako. "B-buksan mo na!" Asik ko habang kinikimkim ko pa ang nasa loob ko.

"Sandali--" naputol ang sasabihin niya ng masukahan ko talaga siya, para akong nawalan ng tinik matapos kong mailabas yon at nanghihina akong napatingin sa kanya na ngayon ay nakakagat labing napapikit sa inis. Mahinang napangiti ako bago nawalan ng malay, ngayon ko lang siya nakitang nainis. Sa wakas nanalo ako.