Pagtatapos
Written by: warrior Mulan16Sa mga magtatapos ngayong taong ito
buong galak na binabati ko kayo.
Sa sipag at tiyaga n'yo
kayo'y hinahangaan ko.Ako sa inyo'y sumasaludo.
Sapagkat di lingid sa kaalaman ko
ang hirap na dinanas n'yo,
ang mga luha at pawis na inyong tinuyo.Nararapat kayong salubungin ng masigabong palakpakan,
Sapagkat di biro ang inyong pinagdaanan.
K to 12 na programa kayo ang kauna unahan,
mga estudyanteng tila pinag eksperimentuhan.Nagpatuloy kayo kahit hindi ito lubusang nawatasan.
Kayo'y bumagtas ng panibagong daan;
daan na malayo sa inyong kinamulatan;
Ang daan na may tatlong patutunguhan.Magulo man ang isip ngunit kayo'y nagpatuloy
Nagpatianod sa tubig na dumadaloy
Hinayaan ng sariling muling sumibol
Sa di pangkaraniwang dimensyonMatapos ang dalawang taon ng paglalakbay sekondarya'y
Tuluyan nyo ng iniwan
at tinahak ang huling yugto ng pag-aaral
Nang walang pagsisisi't pag-aalinlanganNgunit sa kalagitnaan ng inyong paglalakbay
isang dagok muli ang lumatay
kaya't panibagong sistema ang lumitaw
na nagresulta sa kalituhan at pagkaligawSa pagkakataong ito ay teknolohiya ang nangibabaw
Hindi maikakaila na lahat ay nahirapan
sapagkat kayo muling naging dayuhan
dito sa panibagong sistema ng pagpapanday ng kaalamanAng iba sa inyo'y isipan ng huminto
dahil sa hirap ay na nais ng sumuko
ngunit kanilang napagtanto
na sayang ang puyat at pagod na kanilang binunokaya't sila ay nagpatuloy
tinanggap ang panibagong hamon
Muling tumayo't bumangon
para sa kanilang misyonKaya't ito na kayo...
masayang nakangiti sa harap ko
Suot ang itim na togang pangarap n'yo
bitbit ang diploma ng inaasam niyoBinabati ko kayo sa inyong tagumpay
nawa'y gabayan kayo ng Maykapal
sa inyong paglalakbay
sa panibagong pahina ng inyong buhayWakas
Kindly visit my yt channel
warriorMulan16 for more spoken word poetry 😊...Thank you 😊❤️
YOU ARE READING
Crashing Waves (POETRY)
PoetrySpoken word poetry compilation Waves symbolize peace and turmoil. It eases our struggling minds and brings havoc to peaceful moments. This piece is a collection of poems that talk about life, struggles, and dreams. Visit my fb page: warriorM yt ch...