'' أنتِ أمانتي ''
للكاتبة زهراء المياحي
~'~'~'~'~'~'~'~'~'~
اسيل: متمدده اغمض عيني واسدها كل ما اغمض عيني اتذكر الي سواه بيه ارجع افتحها أنعس من التعب يوم واحد بس وهد حيلي تعبت من التفگير استسلمت ونمت فزيت احس بأنفاسه تضرب رگبتي واذني مصدگت صدك عود يحچي؟ جمدت متحرگت حجه بهدوء وكسره
سالم: اني اسف اسيل اذيتج سامحيني.
اسيل: هو گال هيچ واني شصار بيه دفعته ارفس اريد اعيط صار فوگاي شل حلگتي لازم ايدي يهمس باذني
سالم؛ بس اسمعيني افهمي علي الي صار شنو اسيل بس اصبري حتگعد نور
اسيل؛ من لزمني يهمس باذني جسمي كله باد ونحل حتى نفسي نگطع هو حسباله وگفت عن مقاومته؟
تمدد بصفي حضني بكل قوته يهمس ويعتذر مني وانو الي سواه لسه مصدوم شلون سواه باسني براسي وخدي يتوسل بيه اسامحه واني مجمده ماتحرگت حرگه وحده؛ مقاومت بس صافنه ومصدومه نسيت شلون احجي تمدد ورجع شبكني حجه بصوت شبه للهمس
سالم: اسيل..
أسيل: فزيت من صدمتي گفختني ريحته؛ بطني گامت تگلب باوعتله صرخت دفعته واعيط؛ حررررااااام عللللليك اللللي دسووووي الللي حرررراااام... لزم ايدي وحطها على حلكي ضغط عليها
سالم: صوتج... اني اعتذر بس بساعة غضب سويتها ضل بالي عليج والله... اجيت للمدرسة وسئلت عنج بعد ما فتقدتج بس افهمي علي الي صار...
اسيل: صرخت بي؛
ما اريد اسمع منك نفس كارهتك بعد عني يااااا شيطااان ياافاااسق تسوي بنت عمك الله وين بين عيونك ليش تحرك كلبي ليش تاذيني ليش اني شمسوية... اني شسويتلك بس كووول ليش هيج ليششش... سد حلكي.. وشبكني يحجي بهدوء وهمس
سالم: سامحيني اسيل... اني اسف... كتلج جنت ضايج اجة حامد كلي اسيل هيج وهيج كلتلي من سمعت متت شلون ترحين وتكولين الة شلووون... وفوك هذا كلة يكول كلامها صح... لو حبج اني وين اروح؟؟
اسيل: بعدت ايدة عن حلكي... روح لجهنم الحمرة لك ياااااا بشررر هيج يسوووي وووين غيرررتك انت مااعندك غيررررة انتتت حيووووااان مووو بشرررر...
سالم: كتلج صوتج.
اسيل: اااي اااي رااااح اصييييح مناا لمن اافضحكك اني بسس اااصيررر ززززينة ماا اروح لامي ولا ابوي ارروح لابوووك هووو يعرررف شغغغلة ووويااااك... لزم ايدي وباس باطنهن.
سالم: حقج ضايجة علي اعرف اذيتج اني اسف فقدت.... بسب الحبوب.
اسيل: لا تبررر الي لا تبررر مااا اسمع حرف منك اطلع احسلك لا اصرررخخ بعددددد عني... هو كام دار وجها اني كمت من فراشي ارجف...
سالم: سامحتيني؟؟
اسيل: ااااامشي حيووووان ماااا ساااامحك لللموووت الله لا يوووفقك اااانت ووومرررتك دمرتوااا حياااتي ااامشي حيووووان..
سالم: بسطية لعد انتي كل ماا اريد اصير زين وياج تسدين الباب بوجهي... ابقي هيج تتندمين بعدين.
اسيل: اااطلع بررره ماا اررريد اسمع صوتك سديت اذاناتي بايدي هو صفن بية دقايق اخذ نفس... مد ايدة بجيبة وطلع محفضته اشوف عيونه حمر كلب وجها الي واني ارجف.. حط شي على بطانيتي... بلعت ريكي شنوو هااااي؟
سالم: فلوس.
اسيل: رجفت يااافلوووس يااااافلووووس شسوي بيهن كووول كمت ارجف مصدومة من ردة فعلة.
سالم: غير متعود اني كل ما انام يم وحدة احطلها فلوس... مرات بصدرها بس انتي متقبلين انطيج فلوس اخذيهن الج... اتعاب اليوم... اعرف اذيتج اتحمليني بعدين اصير زين وياج... وتتعودين علي... ثاني مرة من *** راح ترتاحين..
اسيل: حطيت ايدي على حلكي... الكلام الي سمعتة اكبر من كل كلمة سمعتها بحياتي... طلع وخلاني بصدمتي باوعت للفلوس على رجلي ركضت اخذتهن اشگ بيهن وايدي يرعشن لا اجه ينطيني فلوس اتعابي؟؟
_ كعدت بالارض حاطة ايدي على اذني اني مو مثلهن اني مو مثلهن فتحت الكلوب حطيت ملابسي كلها بجنطة وحطيتها جوة الجرباية ما لازم ابقى هنا لا لا ملازم لا لا اني لازم اطلع لازم اطلع....
_صارت سبعة ونص واني حاطة راسي على الحايط وصافنة... لتفت لنور نايمة ومازن هم... الي صار بية البارحة... مثل المقطع ويمر على بالي ينعاد الف مرة سلب النوم مني... سلب طاقتي وقوتي... سلب كل شي احسن خيار الي لازم اشررد من الي ديصير بية لازم اشرد...صارت تسعة ونص دورت على تلفوني ماكو هذا وين راح؟؟ كمت ادور جوة الجرباية جوة الميز ماكو نفتح الباب رفعت راسي امي..
حياة: هاا شدسوين؟
اسيل: تلفوني من البارحة لليوم ضايع تعرفين وين؟؟
حياة: تلفونج؟؟ ما دري والله... وين اخر مرة حطيتي؟
اسيل: راسلت صديقتي خولة.. اخر مرة وبعدين صفنت تذكر سالم... هاا اي اخر مررة ما اعرف هيج اتذكرت نسيتة بعدها رحت للمدرسة..
حياة: هاا... اليوم ابوج اصر ترحين لدكتورة النفسية... شوفي اسيل اني...
اسيل: قاطعتها... اقبل بشرط.
حياة: شنو؟؟
اسيل: اروح لبيت خالة هيل.
حياة: هو خالتج راح تجي هنا.
اسيل: ليش؟؟
حياة: مو رجلها سافر اسبوع ويرجع...
اسيل: اسبوع ويرجع؟؟ اريد اروح الها اشوي اخذ نفس دتضغطين علي وكلها فوك راسي وحتى داصير حسااسة من مازن..
حياة: اخابرها واشوف.
أسيل: هزيت راسي.
حياة: تعالي نزلي تريكي.
أسيل: لا لا ما اريد
حياة: امشي اصلا وحدنا بالبيت.
اسيل: ليش بابا وين؟
حياة: غير كلهم بالشغل.
اسيل: هزيت راسي... عافتني ونزلت بدلت ملابسي لتفت للمرايه وجهي اصفر وشفايفي بيض كوه نزلت الدرج دادخل للمطبخ اسمع صوت تقي وسالم وحامد رجعت ليوره مصدومه هي مو گالت محد بالبيت؟؟ تقربت مني مبتسمه بلعت ريگي
حياة: يالة تعالي نزلي شمنتضرة؟؟
اسيل: بقيت مجمدة بمكاني لا اكدر اتحرك ولا اكدر ابقى واكفة... اذا رحت عيوني راح تفضحني... واذا بقيت واكفة راح تعرف اكو خللل...هاا اي تذكررت تلفوني لحظة اجيبة واجي... صعدت ارجف كمت افتر بالغرفة دورت علي التلفون ماكو يربي وين راح ووين.. اشوف الساعة صارت بالعشرة... هذوووولة وووين ووووين رررحوااا...
_نزلت اتلفت اسمع صوت سالم وتقي... يربي انت وياي اريد معجزة بهاي اللحظة... دخلت جان سالم مدنك ياكل سم أن شاء الله؛ وتقي واكف يريد يطلع... شافني صبح علي؛ باوعتله بطرف عيني ايدي كامت تتصبب عرگ؛ وجوي وياه نفس المكان عاد كل اللقطات الي سواها الي والفلوس؟؟؟ هو مدنگ بتلفونه ولا گأن اني هنا
حياة: وينج ولج.
اسيل: هاا اي اجيت... جريت الكرسي... هي صبتلي... دخل حامد..
حياة: حامد تعال كمل اكل.
حامد: هاا لا والله خالة شبعت... مجوعان.
حياة: لعد تعال اصبلك جاي.
حامد: ماشي هياتني جاي.
اسيل: اسمعها تحجي وياه واني مدنكه مرفعت راسي ابداً بس جسمي يرجف ماكدر اشرب مي شوف شلون شكت بية تريد تكعد سالم وحامد وتشوفني من منو اضوج... والله ما تعوفني اذا ما طلعها من عيني
حامد: خالة نور وين؟
حياة: اسيل نور كعدت؟
اسيل: تحجي وتوجه الكلام الي... بلعت ريكي.. لتفت اله هااا نور نايمة هو هز راسة ودنك باوعتلها هي مدنكة تاكل اصلا مبين عليها ولا مشتهية شي بس تريد تكعد وتكابلني
_اكل وايدي يرجفن مخليتها تنتبه عليهن اخذت نفس هدي اسيل هدي راح تفضحين نفسج خلص خلص هسه ياكل ويكوم ميسوي شي هدي شوي ويغمى علي احس تعبت ماكدر اقاوم اعيش وياه واكل وياه نفس السفره هو كام احس مي نزل ع كلبي عافنا ووطلع بدون ميباوعلي اشكد رتاحيت حامد هم كام هما خلصوا اني عفتها وصعدت فوك افتر بالغرفه كعدت ع الجربايه مهدود حيلي..
حياة: اخوج راح يوصلج لبيت عمتج..
اسيل: هزيت راسي.. اي.
حياة: شنو اي روحي لمي ملابسج... يااالة..
اسيل: صعدت فوك طلعت جنطتي نور ومازن كاعدين.. ضميت كل ملابسي... اخذت نفس..
اخخخ... وكفت اعدل بملابسي رحت رتبت غرفتي وحطيت الزبالة بسطلة الزبل صفنت على الفلوس... اصير زين وياج... وتتعودين علي... ثاني مرة من *** راح ترتاحين..
_مسحت دموعي واخذت ملابسي ونزلت... اجة تقي رحت ودعت ماما... بابا جان ماموجود... اخذني تقي لبيت خالتي نزلت جان لتفتلي.
تقي: ديري بالج على نفسج اذا ردتي شي اني موجود اتصلي.... هذني الج اخذيهن.
اسيل: لتفت انطاني فلوس صفنت بيهن.... لا لا ما اريد عندي والله سديت باب السيارة حيل ودكيت الباب ارجف... لتفت اله هو رافع حاجبة يباوعلي رجعت رجفت... اني شسويت
تقي: ااااسيل تعااالي.
اسيل: بلعت ريكي... اجيت هاا
تقي: لا تستحين اخذي ياالة... ابوي انطاني اااخذي ولج..
اسيل: لا ان....قاطعني لزم ايدي.
تقي: اخذي ولج اخذي ليش تستحين قابل هاي اول مرة انطيج فلوس؟؟ شبيج؟
اسيل: هاا لا مو هيج... يعني شكررا درت وجهي واني ميتة قهرر... باوعت للفلوس عصرتهن بيدي...تذكرتة من حجة...
...اني كل ما انام يم وحدة احطلها فلوس...
اني مو وحدة يستمتع بيها وينام وياها... نفتح الباب شافتني خالتي.
هيل: هلا باسول تعالي تعالي... يالة تقي مع السلامه.
اسيل: راح تقي واني دخلت اخذت جنطتي ودخلت.
هيل: ردت اجي الكم همزين انتي اجيتي... وحدي بالبيت رجلي سافر... تعالي..
اسيل: وين رضا؟
هيل: بالمدرسة.... يحل ساعة ٢ ونص.
اسيل: بتسمتلها بتصنع رجعت اختفت ابتسامتي
هيل: اخذي راحتج بالغرفة الفوك يالة.
اسيل: صعدت غراضي فوك ونزلت جوة... تقربت كعدت يمها.
هيل: اي اسول سولفيلي..
اسيل: اريد احجي نتبهت تلفونها على الميز...خالة اني نسيت تلفوني.. بالبيت..
هيل: صدك.
اسيل: اي واريد اشوف دروسي... يعني... قاطعتني.
هيل: لا لا ارتاحي ماكو دروس هاي اجازة اسبوع كعدي ارتاحي انسي كل شي وياي...
اسيل: داحجي وياها دك التلفون مالتها...
هيل: خاف هاي امج... هاا حياة... اي اي وصلت يالة مع السلامه.
اسيل: حطت تلفونها على الميز وبتسمت..
هيل: كولي ليش هيج زعلانه؟؟
اسيل: اخذت نفس... لان... خالة ما بيه شي امي مكبرة الموضوع... اني مو كتلج بسالفة حامد... امي عرفت ضغطت علي وعرفت.
هيل: صدك والله ياااا... شنو كالت؟
اسيل: كالت بس يخلص ابوج نشيل... حتى لو اجار احسن.
هيل: صدك وتعوفون سعاد وحدها وي هذولة؟؟
اسيل: دنكت... اي ما اعرف يجوز تزوج حامد.
هيل: حاااامد وانتي مو تحبي؟
اسيل: خالة حامد عرفت بي يدري اني احبه.. بس دنكت... بس هو يحب وحدة ثانية... واني رحت البارحة... اقصد اولت البارحة اعترفت اله وكتلة.. يعني ليش هيج تعرف ومتكلي انت شبيك وهيج... يعني اكو شغلات ما اعرف لزمت راسي... ما كدرت اتذكرها كد تعبانه وامي مدرت بهاي.
هيل: اي مو مرات الام يعني صح هي كل شي....اني جانت امي الله يرحمها ما اسولف كل شيء الها... جانت سعاد هي كل شي الي.
اسيل: هي جرت حسره لتفت الي بتسمت
هيل: شبيج ترجفين؟
اسيل: ها لا لزمت ايدي جو بارد وتعبانه بس
هيل: نور اكيد سالم مقبل تاخذيها وياج مو؟؟
اسيل: هزيت راسي اي ميقبل اصلا بالي يمها ماكدر امن عليها يم مازن صاير يضربها هذاك اليوم ضربها كدام ابوها هو ساكت ابوها قافل ما اعرف شبي اكلج هو ابوها ما دخل مستشفى مجانين؟؟ ... عضة جلب مجلوب مثلا مرة؟؟ كولي.. شبي تخبل هذااا؟؟ زين هو جان يحب وحدة قبل ومحد انطاها اله وهيج صار مخبل؟؟
هيل: اصلا سالم هو من زمان هيج تعرفني الولد يومية علاقة... بس هو يكول اني حبيت علياء
وبعدها ما اعتقد جانت اكو وحدة بحياتة لان اتذكر اجة اصر على امه يخطب علياء احنا
تفاجئنا سالم يريد يتزوج هذا الصايع الضايع..
_كال اي اريد ابني حياة واريد اتزوجها لان الظاهر
هو من تحارش بعلياء هذيج الله يرحمها رفضته وصيحت علي هو من شاف هيج تخبل عليها يعني
يحب وحدة تصدة... من شفنا هيج تغير تعجبنا
واصلا فرحنا انتي جنتي اصغيرة متفهمين بهيج سوالف او الاصح ما نكلج ومن تزوجت علياء.
_چانت علاقتهم متوتره تقريبا بس هي صاحبه سر ابدا ولا بينت النا هو مو زين؛ بالعكس غيرت سالم اهواي چان وين ومن تزوجها صار وين صح صعب شوي شوي بس من ماتت رجع كلشي لطبيتعه وصار بعد اسوء هو مشكلته بالضبط ما اعرف وين... يجوز مريض نفسي صار او تخبل من ماتت علياء... وو الله يعلم هو هم بعدة يصيح عليج اكول لامج؟؟
اسيل: هاا لا لا مستحيل اصلا ولا يسوي بس اكول ليش هيج هو صعب
هيل: على العموم... اني اضايجة... نروح نطلع يمتىٰ ترحين لدكتورة مالتج؟
اسيل: امي ما نست السالفة؟؟
هيل: شنسيها اذا هي شاكة بيج تنسىٰ لو تعترفين لو تبقين خايفة
اسيل: صح بس اني..
هيل: امشي نبدل ونطلع نفتر امشي... الكعدة تضوج.
اسيل: بدلت وطلعت...افترينا مولات بغداد كلها... ما بقينا مكان ما رحنا اله تغدينا ورجعنا لزمت علاليكي... وصعدت فوك ميته تعب اشكد مشيت طبيت سبحت ما مشطت شعري... خليته مفتوح ونمت من التعب؛ على صوت الأذان
هيل: ياا كعدتي... رحت اكعدج من زمان تاجل موعد روحتج للدكتورة... تكول امج اذا صارت زينة اسيل فاكو مشكلة بالبيت واذا ما صارت زينة يعني صاير شي الها
اسيل: خاله مشگلتي مخنوكه
هيل: حقج الي يكابل حامد وسالم شيترجىٰ غير التعب....هم يتعبوج؟؟ يعني... يدزولج تسوين هيج وهيج؟؟
اسيل: هزيت راسي بنفي..
هيل: يالة مشاكل تصير عادي مو يضل بالج.
اسيل: اني يضل بالي بس على سالم رفعت راسي الها تحاجي ابنها... اريد اطلع اريد اخلص من سالم من كلامه القذر... من حروفة النكسه مثله من شوفته عمري كله ماكرهت بشر بگده
هيل: اني اتصلت بسالم يكول ما اقبل اجيب نور
اسيل: كلت بگلبي؛ طبعا قبل چنت استقتل على نور واريدها هسه من شافني عفتها ورحت مايدزها يريدني اشتاق وارجع الها؛ بسيطه اذا مابقه أسبوع هنا ولا يرفلي چفن
هيل: تسوين بيتزا وياي؟
اسيل: بتسمت اي جاية... رحت ساعدتها بالبيتزا ونسولف اني وياها ونضحك... ومحد بحالنا خلصنا اكل اسولف وي خالتي دك تلفونها راحت تخابر بي واجتي
هيل: سمعي نور
اسيل: اسمعها تريد تحجي... لا لا ما اريد حباابه سدي
هيل: هاا اي
اسيل: سدتة واني رجعت اغسل وضايجة شنو مينطي بنتة ويرجع يسمعنا صوتها
هيل: اي والله... اشك حلكة بعد اذا اتصل
اسيل: ههههه
هيل: اي ضحكي شبيچ وججهج اصفر وروحچ رايحه؛ الدنيا متسوه
اسيل: بتسمت الها
هيل: تخبل الولد... اني اكول لامه تاخذة للكشافة وتكشف علي خاف بي جني لو بي شي.
اسيل: لتفت الها... تذكرت من اذاني نص ساعه اني تحت رحمته وهو اخذني شهوه؛ وگع مني الصحن فزيت هي ركضت علي
هيل: الله دير بالج
اسيل: دنكت الملم بالكزاز وهي تباوعلي
هيل: بعدي اني اكمل
اسيل: جريت نفس؛ وخرت عنها هي تلم الكزاز؛ احس نهبطت؛ خلصنا شغل وداصعد انام فوگ صاحتلي
هيل: والله فكره تنامين وحدج فوك متعجبني تعالي نامي يمي... مو احسن؟
اسيل: لتفت الها... اي جايه
هيل: صعدي جيبي فراشج وتعالي
اسيل: جبت فراشي ونزلت وهي تباوعلي فرشت بالارض هي بتسمت
هيل: يالة رضا على النوم انطيني ايبادك.
رضا: لا حباابة خالة هيل حبااابة بس اشوي.
هيل: حبيبي مو زين عليك...
رضا: ماشي... تصبحين على خير اسيل... تصبحين على خير خالة.
هيل: وانت من اهلو...
اسيل: خالة ليش رضا ما يصيحلج ماما؟؟
هيل: من يوم ما عرف اني مو امه ماگام يصيحلي ماما؛ احسه تحسس اهواي ابو سولف وياه بس هو بعد تعرفين اطفال هل وگت اذكياء ويتحسسون هم
اسيل: هو من ماتت امه اشكد عمره؟
هيل: من ماتت عمره تسع اشهر... بعده صغير... واني تزوجت ابو وره خمس اشهر
اسيل: ليش تزوجتي واحد عندة اطفال؟
هيل: لان احبه... وهو يحبني... بس ابو فرض علي بنت عمه وتزوج وبعد خلف وصار رضا وره تسع اشهر امه نتلت بالكهرباء وماتت الله يرحمها؛ وبعدها تزوجني
اسيل: تحبي؟؟
هيل: اي..
اسيل: لعد ليش بيناتكم مشاكل؟؟
هيل: هي مو مشاكل نكدر نكول... امه اهواي مدخلة بحياتنا... اهواي بس هو يحبني ويعرف امه غلط واني الصح؛ ويشوف تعاملي وي ابنه يحس انو اني امه الحقيقية نكدر نكول مرته ذيج جانت تحبه بس اذته لان يحبني من تزوجها ماحبها
اسيل: ما حبها وخلف منها؟؟ ابتسمت الي وهزت راسها بمعنىٰ ما أعرف
هيل: بعد هي صارت...
اسيل: بس حتى لو انتي صرتي امه وصارلچ سبع سنوات من تزوجتي المفروض يگلج ماما
هيل: لا اني توني ربيته؛ اول متزوجت بيبته خذته يمها وربته وعمته هم من عمره خمس سنوات تزوجت عمته وابو هم اشتاق اله جابه النا واني ثلاث سنوات درت بالي علي؛ مع ذالك يعرف اني مو امه والظاهر جان متعذب اهواي وي بيت جده وكل شهرين يدزون علي لحد ماكبر وصار ميروحلهم واني كعدت وياه كتله الأم كلش عظيمه ف انت يايوم تحسني عظيمه وتحبني اهواي وماتگدر بدوني صيحلي ماما
اسيل: خاف نور هيج تسوي بيه بعدين من تكبر؟
هيل: اول شي نور بنية... ثاني شي تكدرين تسيطرين عليها هو منو يكول نور راح تبقين وياها.
اسيل: صح... هو راح نشيل ماما كالت..
هيل: هاي هي من تشيلين يتزوج سالم حتى يزوج تنساج.
اسيل: كمت افرك بيدي بخوف.... ما حبيت انسان بكدها خالة حيل احبها... ما كدر كل ما اتراجع واكول ما اريد اعودها بعدين اتندم وارجع...تصيح الي ماما.. شسوي؟
هيل: هههههه ماكو حل غير تزوجين سالم
اسيل: رفعت راسي بصدمه شنوووو
هيل: شبيج اشاقة
اسيل: هي تمددت جريت نفس؛ خاله؛ لو حامد بادرني المشاعر شنو رايج؟؟ واذا سالم تزوجني غصب؟
هيل: اني لو مكان حامد واصير ذكي وازوجج.. وين يلكىٰ وحدة مثلج تدارين نور وهم تداري؛ لان سالم اذا تزوجتي راح نجرم بمستقبلج
اسيل: جسمي كلة كزبر... جرمون بمستقبلي؟
هيل: سالم شاب طايش... وخالتج سعاد مرادت تخطب علياء قنعناها علياء ترا سالم هيج وهيج عيبة هي وافقت اصلا تكول ما عندي اي مشكلة... اني اعودة علي..
اسيل: وبعدين؟
هيل: يروح للملاهي... هو وحامد.. هذاك هم يدفعة.
اسيل: دنكت... اي صح منو يكول اذا تزوج مراح يورط زوجته.
هيل: والله خالتج كنالها عن سالم.. هيج وهيج لا تزوجي... اصلا خالتج ماكلة اصابيع الندم... على نور تخاف يكون سالم مو زين وياها.
اسيل: شنو مو زين اني اشوفة زين بنته يموت عليها؛ بس بنات الناس لا
هيل: اوكي هو يحبها... بس لو تفكرين اشوي.. راح تلكين انتي مسيطرة عليها... انتي الي تسوين طلباتها... باجر من تتخلين عليها وتروح اله... شنو راح يسوي؟ يتحمل مسؤليتها؟؟ وهاي اختي ما باقية اله ولا حامد.. راح تبقى بين الرجلين... لو ياخذوها بيت خالتها وتبقى يا رايحة ياجاية... وهنا نور راح تدمر يامة يامة ناس هيج صار بيهم... هو مو بس نور اهواي ناس... تحطمت بسبب هذا الموضوع..
اسيل: تنهدت بصعوبة... بس...
هيل: نعسانه انتي؟؟
اسيل: هزيت راسي.
هيل: يالة نام واذا منعسانه اخذي تلفوني... على متلكين تلفونج... ما حاطة رقم سري بي.
اسيل: اي... تمددت هي طفت الاضويه؛ غمضت عيوني مكدرت انام تذكرت الي صار بيه شلون انام ؟؟ الي سواة سالم عمري مراح انسىٰ كدر بسهوله ياذيني كدر يستضعفني... ما عندي طريقة او حل.. غير ابقى هنا لو نشيل.. اذا تزوجته راح انتهي راح ادمر مو انسان صاحي حتى اكدر اتزوجة هذا مخبل... مستحيل بيوم افكر احبه... شحب منه شحب
_كعدتني ثاني يوم خالتي راسي راح ينفجر تحجي وياي واهز براسي
هيل: كومي اكو كوفي حيل احبه جنت اروح اله اني ووياسر... يالة... نروح نتريك هناك مو احسن؟
اسيل: طبيت للحمام غسلت وجهي حطيت ايدي على حلگي ابجي؛ ياربي صبرني كل ساع اتذكر حتى نوم ما رتاحيت شلون بيه شلووووون؛ طلعت وجهي باهت هي انتبهت علي راحت اخذت صبغ اظافر تصبغلي اظافيري
هيل: تعالي يمي.. اسرح شعرج.
اسيل: كعدت وهي تسرح شعري..
هيل: حسويلج ضفيرة هندية... ثنين.
اسيل: بكيفج..
هيل: هياتني خلصت كومي... انطني صبغ أضافيرج.
اسيل: هذا.. اخذت ايدي وتصبغ بيهن.
هيل: ايديج حلوات متبتبات... صبغيهن دائما مو تهمليهن... شفتي الزواج والاطفال مسؤلية.
اسيل: خالة ليش ياسر ميقبل يصير عندج اطفال؟
هيل: يصيرون بس اسقط
اسيل: وهسة ما مفكره... يصير منج...
هيل: اشوف رضا احسن واحد يكفي؛ بله باوعلي شتگول انت؟
رضا: اريد اخت.
اسيل: شوفي هو يريد..
هيل: الله كريم يالة امشي
اسيل: اخذت جنطتي ورحنا للمطعم تريگنا وشربنا قهوة
هيل: اسيل ضحكي... اريد اصورج.. حدزها لامج
اسيل: بتسمت... لتفت اكو جان شاب كاعد هو واصدقائة... لتفت اله هو باوعلي اني درت وجهي
احسه بعده يباوعلي
هيل: رضا دير بالك... اخذ..
اسيل: خالة اريد اروح للحمامات
هيل: اي روحي من هذاك الاتجاه روحي غسلي
اسيل: كمت واني اتمشىٰ... احس كام وراي الشاب بتسمت...وكفت داغسل طلعت هو واكف بتسملي اني بتسمت بوجها.. داطلع هو وكف كبالي
ايمن: شنو اسمج؟
اسيل: رفعت حاجبي... ليش... هو بتسم
ايمن: نكدر نكول اعجاب من اول نضره
اسيل: احزر انت... عفته ورحت رجعت كعدت مبتسمه
هيل: هاا ولج دتضحكين..
اسيل: هههههه لا بس هيج صار موقف
هيل: هسة اخذلج صورة... هنا احسن تضحكين
اسيل: بتسمت... سويت حركة.. قدمت شفايفي مبتسمه هي اخذت الي صوره
هيل: ياا شوفي شلون حلوه
اسيل: هههههه اي... لتفت اله هو يباوعلي وجماعته هم...اشوفه ضاج... دنك
رضا: خالة نروح لهناك اريد اشتري فلاش للبلي.
هيل: يالة... اسيل خلصتي؟
اسيل: هزيت راسي اي خلصت..
هيل: يالة حبيبي رضاوي امشي.
أسيل: اخذت جنطتي وفتحتها دانطلع اني عبرت من جها الشاب هو وكف داتمشى احسه حط شي بجنطتي مشيت دنكت افتح جنطتي شفت رقم بتسمت....
يتبع...