#منطقة_خطر🚷
#Yarinya
#السابعة_عشر
سرح بعيد رجع بيه الزمان لقبل سنتين
اسراء:/ بهستيرية وليد حيزوجوني لغيرك ، دير اي شي حلفتك بالله ماتخليني مانبييه راهم غاصبيني 😭😭😭😭
وليد/ايشوف فيها والدموع في عيونه يتظاهر بالقوة وهو منهار من داخله
وليد:/ بصوت مبحوح يادوب طالع وبغصه مدفونه داخله
حاربت يا اسراء حاربت وخسرت
اسراء:/ 😭😭😭😭😭😭لالالا ماتقولي بتسيبنيي باهي نهرب معاااك المهم ماتخليني ما
وليد:/ قاطعها وحط يده ع فمها
لا تهربي لا شي ما تواطي راس باتك ياناخدك قدام الكل يا وتنهد وسكت
اسراء :/يا شنو 😭😭
وليد:/ حطي في بالك ان هالقلب مانبض لغيرك ولا حينبض
راني نبيك لكن كل شي جي ضدنا و
اسراء:/ انهارت تبكي بهستيرية وتضرب في صدر وليد
وليد :/ ضمها ليه وانهار يبكي وبكية الراجل واعره 💔👌
حس الآلم اكبر من قدرته ع تحمله
حس روحه منزوعه
اسراء متشبته فيه ماتبي تطلقه متمنيه انها اتكون في حلم وتوعا وتلقى وليد معاها
معاها بلا مشاكل ولا هموم
وليد:/ بعدها عنه واسراء ماتبيش زايده خاشه في حضنه وتبكي كيف العيل
وليد مش قادر يتحمل
جنى(اخت اسراء) اسراااء هيااا خالي تو ايجي 😨
وليد :/ بعد اسراء عنه ومسح دموعه ومشي
يمشي بخطوات بطيئة مكسور
اسراء طاحت ع ركبيها تبكي وصوت بكاها وشهقاتها يتبعن في وليد
غمض عيونه وتفكر كل لحظات عرسها اللحظات السيئة والمؤلمة الي مرت بيه وكان عااجز ان ايدير اي شي خدوها قدام عيونه ونهو حياته وحياتها💔
خدي المكرفون من خنجر
وليد:/
جيابة الخبر قالن انهن واسنها
نهار فرحها ودموعها سيلين💔
وقالن ظروف احكمن ماهو منها
وقالن انها ماي صابرة واتنين 💔
وقالن من التدميع ماعرفنها
وقالن الموت ارحملها ياعين💔
وقالن في ليلة الاربعاء حننها
وني خاطري كمل الليل حزين💔
وقالن نهار خميس كي زفنها💔💔
وقالن كراهبها مشن صفين💔
وقالن الدنيا قلب ما تامنها💔👌
وقالن اتزهي والزعل في الحين💔
وقالن تبيكم غير غصباً عنها💔💔
وهي اتقول بآعلى حس روحي وين💔💔💔
وقالن انياها بيش ماتلعنها
واني انقول مالعنتي ع الزين
هذي عز مانعرف ونعرف عنها💔
هذي معاشرتني ع الحلا والشين
هذي جروح عمري طببت واجعنها
غير رايقة وهي عند ناس اخرين💔
هذي عزوتي💔😞
غير الآقسام عطنها
هذي كيفها نلقى منين وكيف💔💔
تنهد
جيابة الخبر قالن انهن واسنها نهار فرحها ودموعها سيلين💔
الكل:/👏👏👏👏
سيف:/ اسلمت ياغالي
وليد:/ الله ايسلمك💔
خنجر:/ تنهد
_________
سهى فرحانه وبطير من الفرحة وكل شوي تتصل بليلى تبيها اتكون معاها في كل لحظه في عرسها
ربيعة في العرس هي ودلال
ليلى:/ حابسه روحها وتبكي منقهره حست نفسها بحاجة انها تحكي مع حد وجت في بالها نُهى
ركبت لنهى
الي ليها كم يوم ماتنزلش متسبله بحملها
خبطت ليلى ع الباب
فتحتلها نهى وجها شاحب هالات سوده تحت عيونها
ليلى انصدمت لما شافت نهى بالوضع هدا
نهى الي حتى في عز ضيقتهاتضحك وماتحبش تبين
نهى بمجرد ما شافت ليلى ضمتها وانهارت تبكي
تبكي بهستيرية لدرجة ليلى خافت
قعدت نصيب وهذت شوية
نهى:/ بشقهات متواصله
ا ايحبها يا ليلى م ماشفتي عيونه كيف لما شافهاا ما شفتي وضعه اااه ياقلبي نااار فيا والله نار 😭😭😭😭😭
ضمتها ليلى وبكت هي وياها
مريض علي ميت متكي
كل وحده حالها اعطب من الثانية
بكن نصيب مع بعضهن
نهى:/ ماكنت متوقعه هكي ليا وقت انوهم في نفسي ان حينسى وايحبني الواضح عمره ما بينساها حتى حملت وكنت طايره من الفرحه قلت تو ايلين ايولي كويس معاي ايحبني مافيش فايده ماشفتي وجها يوم خبرته استحقرت نفسي
يا ليلى تعبانه ومش عارفه شن اندير لو حرجت عند هلي
هلي ما بيخلوني في حالي حيردوني ليه وحيعزروني وايقولوا هذا الي تبيه واختيارك انتي اااه ياليلى مش عارفه شن اندير 😭😭😭😭
ليلى:/ نهى سامحيني في الكلام الي بنقوله زي ما انتي كنتي اتوقضي فيا ع سيف وماكنت نسمع فيك بالرغم انك اكثر وحده حاسه بيا وكنتي اتشوفي في الغلط الي اندير فيه حتى اني حنحكي وانتكلم
كان كل شي واضح قدامك وليد من اليوم الي خطبك فيه قالك راني مغصوب عليك وفي قلبي غيرك وانتي شن قلتي قلتي عادي مع الايام ينسى وانخليه ايحبني وينسى ماضيه
فاتت فترة وكل يوم مشاكل انتي وياه واضطريت اني انكلمك بطلب من امي كلمت وحكيتلك نفس الشي كنت صريحة معاك انتي كنتي اتوهمي في نفسك لآنك اتحبيه💔
نهى:/ ماكنت عارفه ان ايحبها للدرجة هذي😭😭😭😭
ليلى:: الشي الي مر بيه وليد مش هيّن يا نهى راهو حارب علي شانها بمعنى الكلمة وقف في وجه الكل واولهم امي ووقف في وجه باتها الي كان رافض قصدي الموضوع راهو معقد بكل
نهى:/ باهي ليش عمتي رفضتها😭
ليلى:/ امي في هديك الفترة كانت كبدها متلعية من سارة ومن دلال ولما جاها وليد وفتح معاها الموضوع رفضت بحكم تبي تختارله وحده كيف ماتبيها هي وماتبيه ايكرر نفس اغلاط كريم وخالد فرفضتها وليد قريب انجن والي كان امهون عليه ان باتي الله يرحمه كان واقف معاه وكان موافق عليها بعدها باتي توفى والقصة خشت بعضها
نهى:/ وبعدها تزوجت هي😢
ليلى:/ لا مش ع طول بعدين بنت عمها الي كانت السبب
نهى:/ كيف شن دخل بنت عمها؟
ليلى:/ بنت عمها خبرت عن علاقتها هي ووليد وباتها ضربها وصارت مصيبه كبيرة وجبرها تاخد اول واحد يتقدملها بالرغم هو ما كان عارف وليد يعني عرف ان بنته تبي واحد بس من هو علي ما حاول معاها ماتكلمتش
نهى:/ يعني انتي ع تواصل معاها لين عارفه بكل شي💔
ليلى:/ آ اي
نهى:/ وتوا💔
ليلى:/ سكتت
نهى:/ لتوا تتواصل معاك صح💔😭
ليلى:/ تنهدت ما ايهم تتواصل معايا او لا بس ديري راي لنفسك لآمتى بتقعدي هكي نهى اني ما نحرض فيك ولا لسمح الله نبيك تطلقي بس من كثر ما اتعزي عليا لآنك كيف اختي مش راضيه ع حياتك هذي
نهى:/ الي مصبرني هالعيل الي في بطني
ليلى:/ لا الي مصبرك انك اتحبيه وعندك امل يتغير
نهى:/ تنهدت 😩
ليلى:/ لهي نفسك ردي لخدمتك نسي روحك ماتبدي مركزه معاه
نهى:/ اي خدمة بالله كرهت كل شي خايفه من الشماتة فيا خايفه نطلق ونقعد ع السان الكل ني خوتي ما يرحموا يا ليلى عندهم المراه ماليها كان حوش راجلها كان اطلقت راني حنتعذب معاهم ونفس الوقت مش قادره نبعد عن وليد
ليلى؛/ مانعرف شن انقولك وضعك صعب
نهى:/ الي مصبرني اكثر ان عمره ما مد يده عليا او سبني محترمني ومخليني في حالي حتى هذي رحمه خير من الي يبدا يضرب فيا
ليلى:/ اي والله وان شاء الله ربي ايفرج عليك وايحنن قلب وليد من ناحيتك
نهى:/ ان شاااااء الله يارب😭
شن صار بتمشي غدوه
ليلى:/ دمعوا عيونها
سهى رفيقة طفولتي مانقدر انخليها في مناسبة كيف هذي حنعفس ع قلبي ع خاطرها مش مصدقه الي درته اني لهدرجة حقيرة😭😭😭😭
نهى:/ لما انحبوا ننعميوا ونلقوا نفسنا انديرو في تصرفات كنا نعتبروها تافها ومش لينا انتي المهم عرفتي غلطك وصلحتيه واهو رجعلها توا والله غالب نصيبه مع غيرك هذي صاحبتك وهو صاحب خوك يعني بيقابلوك واجد في حياتك
ليلى:/ صدقتي😭💔
انحاول ننسى او بالآحر نتعود💔😭
_______________
__________________
ربيعة:/ يافرخ ارجع لعقلك ورد للحوش انت خيييرك
مراد:/ يما ليش ماتبي تفهميني اني رد للحوش مش راد مداما ولدك قاعد
ربيعه:/ بتهبلنييي ياهممم خنجر نهي كل شي خلاص تمت القصة ارحموني
مراد:/ مش راد
ربيعه:/ ومرتك؟
مراد:/ طالبه الطلاق
ربيعه:/ لا حول ولا قوة الا بالله العلي العظيم اني يوم من الايام حتلقوني يابسة ميتة من علايلي معاش عرفت نلقاها من من اتقول عايشة في زريبة هذاك خطفاته مرته ومعاش بدي يعرفنا وفايت حتى امه الثاني هايتلي من مكان لمكان واربعه وعشرين ساعه سامطها ومش واعي بروحه والثالث زايد هبال وتسكير الراس وكل يوم للآسوء وانت الي صارلك صارلك اترد اتعيش في مراهقتك وضايع صايع مسيب بناتك ومرتك وزيدها البلوة الي عندي في البيت ترفض في الي ايجيها بلا سبب واطلع فيهم في مليون عيب اني شن درت في دنيتي لين ربي باليني بيكم راني تعبت ارحموووني والله العظيم اتعبت وبدت تبكي
مراد وجعه قلبه عليها
مراد:/ يما خلاص اهذي دموعك غاليات وما ايهونوا عليا
ربيعة:/ لو ما ايهونوا رد لوعيك رد لمراد العاقل برضاي عليك
مراد:/ حاضر غير ماتبكي بس
__________
سهى:/ ليلى راك متغيره عليا واجد قوليلي شن السبب😭
ليلي:/سهى مافي شي والله تعبانه بس ومارديت عليك كنت مع نهى تعبانه شوي وتلافوني تحت
سهى:/ ليلى اني ما ليا يوم او يومين نعرفك عشرت عمر من ني صغيرة نزبطك قوليلي خيرك
ليلى:/ خنقتها العبرة في بالها صورة سيف وسهى مع بعض
سهى:/ ما تحاوليش تكدبي عليا يا آما زعلانه مني يا آما في شي كبير صاير وماتبي اتقوليه ليلى من امتى تخبي عني😭💔
ليلى:/ جتها هستيرية ضحك
وقعدت نصيب تضحك
سهى:/ ليلى خيرك 😨
ليلى:/ كل مافي الآمر اني عرفت اني ضيعت عمري ع الفاضي وني نرجى في شخص عباره عن سراب
سهى:/ قصدك عن صاحب خوك؟ خيره امالا شن دار تزوج😨
ليلى:/ سكتت
سهى:/ تكلمي
ليلى:/ خبر خنجر فيا
سهى:/ بصدمة تبببصري كددب كيف ايدير هكي😨😨😨
ليلى:/ دار وخلاص هذا الي تعبلي نفسيتي
سهى:/ ليش ما حكيتيلي انتي يوم خطوبتي ماكنتي عاجبتيني
ليلى:/ مابيت انضايقك في يوم زي هذا 💔
سهى:/ معقوله اتقولي هكي ليلى خيرك من امتى احني هكي كيف ماتقوليلي كيييف😨
______________
تمت سهرتهم والكل روحوا
خنجر امطلع تلافونه يتفرج عليه وسرحان
سيف:/ حق ربي ماك طالع مزال بدري
خنجر:/ انت طبيعي؟ بدري شنو والساعة 2:30
سيف:/حتبات هنا
خنجر:/ سيف اطلع من راسي
سيف:/ حتقعد يعني حتقعد بعدين تعال جاي الشعر امتع امبكري تقصد بيه منو🙂
خنجر:/ بعد عيونه عن التلافون وشبح فيه برفعة حاجب
شعر طبيعي وانقال من بنقصد بيه مثلاً😒
سيف:/ امممم عتقتك لوجه الله وابصر شنو ومعاها وموش من ارضاي الحق ماتنعافي🤔
تقصدها صح؟
خنجر:/ من
سيف:/ زوجتك السابقة🙂
وقرب منه وبصوت واطي
اوســـــمــــمــة🙂
خنجر:/ فنص فيه تفنصيه
انت شن جايك اليوم ؟
وبعدين من وين تعرف اسمها؟
سيف:/ ع اساس ماكنت علي تواصل مع خواتها تي العيلة كلها نعرفها لكن عندها اخت طرررف مغبر الي اسمها جود فرخه اكبر من عمرها السانها ملوي علي رقبتها قلت قبل كان ماصار من زواجي بنخطبها🙂
خنجر:/ اقل حاجه احترم هالخيمة الي منصوبه ع خاطر عرسك 🙂
ياراجل تحشم علي وجهك وهذا وغير عابي عليك اتمشي امورهم تاريتك جاي اتكحل في بنتهم
سيف:/ مش مني عارف بإلي مريت بيه الفترة الي فاتت😂
باهي قولي تبيها صح؟
خنجر:/ ناض وقف اني بنروح خلاص صدعتلي راسي
سيف:/ تي اقعد ياراجل معقوله اتخليني في مناسبة كيف هذي
خنجر:/ ارحمنا وبرا تمرقد شن شارب اليوم
سيف:/ تي غير هي خليك
خنجر:/ سيف وراي خدمة
سيف:/ مش مسامحك لا دنيا ولا اخره معقولة في مناسبة كيف هذي ما تكون معاي
خنجر:/ اليوم الي اتصاوبت فيه كان في حد يلحق فيك؟
سيف:/ شن خطر عليك
خنجر:/ جاوب
سيف:/ الحق كآني لاحظت سيارة تلحق فيا حاجة يومين اول ما نطلع من الحوش تلحقني نوصل الخدمة ونرد وهي ورايا
خنجر:/ هز براسه
تمام هيا تصبح علي خير
سيف:/ عارف انك كان سكرت راسك خلاص
باهي اقل حاجه الصبح تعال للقهوة نبيك
خنجر:/ شن صاير احكي
سيف:/ لالا خليها غدوه توا امروح انت
خنجر:/ سيف تكلم راني مش رايق
سيف:/ ولآنك مش رايق مش حنتكلم🙂
خنجر:/ خدي نفس وابتسم بالسيف😂
سيييييف تكلم
سيف:/ تعرف تخوف لما تضحك الضحكة هذي😂
خنجر:/ سييييف
سيف:/ قبل بنكلمك ع وضعك لآمتى بتقعد هكي
خنجر./ اي وضع؟
سيف:/ من الاخير رد مرتك ني عارفك تبيها غير تكابر واني متآكد بعد الشي الي درته امها مش شايله عليك و
خنجر:/ سكر الموضوع مداما ني نهيته معاش تفتحه وعارف الغرض انت شنو من الزواج هذا اساساً مصلحتهم ومصلحتي تمت ومعاش يربطني بيهم شي
سيف:/ تعرف شن مشكلتك الي هي العناد اتسكر في راسك علي امور وتوهم في نفسك ان القرار الصح معاك انت بس وماتتقبلش راي غيرك اني مش مستعد انشوفك ادمر في حياتك ونبدا نتفرج وساكت
خنجر:/ طلع دخانه وبدي ايدخن
اي دمار تحكي عنه هو مزال فيا شي مترمم
سيف:/ الماضي ديرله مسح وانهيه وقصة العيله كدلك درت الي تقدر عليه واكثر ويكفي انك انقدتهم من مصيبه اكبر خلاااص
خنجر:/ تنهد
سيف:/ ني حاس بيك معاش تبدا ضحية لذكرياتك اني حاس ان هذي هي الي حتقدر ترد خنجر الاول
خنجر:/ ضحك ضحكة
لين الي بجنبهم التفتوا (ولاد عم واقارب سيف)
خنجر:/ 😂ضحكتني وني ماعندي نية نضحك قلت اترد خنجر الاول
سيف:/ تعرف فاقد خنجر الاول خوي وصاحبي الي من وعيت ع الدنيا وهو واقف معاي خنجر الي ديما يضحك وجوه سمح الي نحسد فيه ع جوه الي مخليه محبوب من الكل ما كنت حاط في بالي ان في يوم اتولي هكي
خنجر:/ الله غالب هذي الدنيا
سيف:/ عارف الي مريت بيه صعب بكل وكله ورا بعضه بس ني وراك لوين اترد وقتلك حاس هالبنت قادره انها اتردك شفت عيونك لما واقف اتكلم في امها وهي مقابلاتك وخوفك عليها ممكن بتقولي لآنها تحت مسؤوليتي وغيره لكن الي شفته اني ما كان ليه علاقه بالقصة خنجر انت تبيها غير تكابر نعرفك زييين
خنجر:/ سكت وتنهد
تصبح علي خير
سيف:/ تنهد قدامك الخير
________________
خش وليد لشقته نهى كانت واعية مش قادره ترقد
وليد:/ السلام عليكم
نهى:/ وعليكم السلام 💔
خدي دبشه وخش الحمام
طلع ومن التعب رقد ع طول
وليد ما ينلام لآن انجبر علي شي هو ما يبيه ولا كان متقبله فردود فعله طبيعية جداً
عمره ما تحاول تكسب قلب مش ليك 💔👌
_____________
روح خنجر للحوش وكلام سيف عالق في باله
خش بيرقد وفي باله كلام مراد
تعالوا انردو شوية لقبل شهر
من لما روح خنجر من مصراته وقبل اختفائه بيوم تقابل مع مراد في المزرعة
مراد:/ مش مسامحك لا دنيا ولا اخره طعنتك ليا ولا في يوم حننساها
خنجر:/ مراد رد لعقلك الي درته انت عارفه زين ماك غابي فيه بدال ماجاي اتلومني برا صلح غلطك ورد مرتك
مراد:/ سوسن مش راضية ترد وانت السبب
خنجر:/ اي اني السبب قتلك برا حب وتمعشق علي مرتك صح
مراد:/ انت عارف اني نبيها وهي كدلك تبيني ليييش ادير هكي فهمني
خنجر:/ اذا كنت تبيها حق خيرك ما وقفت وواجهت امي وسوسن وقلت نبيها الي وضحته ليهم انك حتساعدها فقط يعني زواج مصلحه اذا كان العكس ليش ماقلت
مراد سكت وما عرف شن ايرد
كنت نمهدلهم بايخه علي طول انقوللهم نبيها
خنجر:/ ني مصلحتي تمت وغلطي قاعد انصلح فيه وشبه نهيت كل شي انت رد لعقلك وبلا حركاتك المفرخ الي ادير فيها
وجاي بيمشي
مراد:/ حط حاجه في بالك ان ني نبيها وتبيني وناخدها غصباً عنك ومش قلت متزوجها ع خاطر اتساعدها بيناتنا الايام ونشوفوا ياخنجر اذا هي مساعده او لا
خنجر ضغط ع يده وتجاهل مراد وفات
فاق بروحه وغمض عيونه ايحاول يرقد
لما اتكون تايه ومش عارف طريقك
لما اتحس نفسك في دوامه انت مش قادر تطلع منها ولا قادر تتآقلم عليها
طبيعة خنجر ان كتوم وغامض من النوعية الي ايضم داخله وماايبينش
وورا قساوته قلب مجروح
مشاكل وذكريات وقصص ماليها نهاية
وزاد ان كان حاط في باله ان اوسمة تبي مراد ومع هذا كان عارف ان مشاعر مراد عباره عن طهقه لا غير
تنهد ورقد
_________
جي يوم حفلة سهى
ليلى التعب والسهر والحزن والكسرة في عيونها من الصبح مع سهى الي فرحانه وكل شوي ايكلم فيها سيف
ليلى :/قلبها يعتصر من الآلم ومع هذا كانت فرحانه نوعاً ما ان علاقة وسهى وسيف تعدلت
_____________
اوسمة :/ طالعه من المحاضرة وراسها مصدع ترجى في خالها
رهف:/ طوولت بينا الدكتوره اليوم
اوسمة:/ اي بكلل راسي 😣
رهف:/ تشرح بلا توقف كآنها راديو صدعتلي راسي
اوسمة:// سرحت في الولد الي كان واقف بعيد هيئته كيف خنجر
رهف:/ هييييي وينك 😂
اوسمة:/ ها شنو!
رهف:/ حي البنت امكبده 😂😂😂😂
اوسمه:/ هههه لالا فهمتي غلط
___________
لبست ليلى قفطان اسود طويل وفيه اكمام بسيط ونازك
ومكياج بسيط
طالعه اتهبل
سهى:/ بتركبي معايا ره🥺
ليلى:/ 😨لالا شن نركب بيجيني خنجر توا كلمته وجاي في الطريق فكيني
سهى:/ ليلى راك تغيرتي واجد💔
ليلى:/ تنهدت وخدت عبايتها ولبست وشاحها ودقايق وجاها خنجر
_______________________
حنان:/ انت لآمتى حتقعد اتآجل
سالم:/ مش توا
حنان://لآمتى راهو مش كويس التآجيل ولادك جاهزين وكل شي واتي ديره وريحنا
سالم:/ ان شاء الله خير
اوسمة مش عاجبتني
حنان:/ مافيها شي غير ضغط القرايا
سالم:/ اها
حنان:/ياسالم سعاد شوف وضعها كيف بدي و
سالم:/ قاطعها سكريلي علي موضوعها اسمها مانبي نسمعه الشي الي داراته مش هيّن وني تحملتها واجد غير لآني عارف انها حتتشرد وماعندها وين تمشي كان هذا من زمان طلقتها
حنان:/. ردبااالك الانسان مش معصوم من الغلط وني مش زعلانه منها نهائياً برضاي عليك ياخوي رد زي قبل وانسى الي صار
سالم:/ تنهد ان شاء الله
__________________________
اوسمة:/ كنت نحاول ننساه بكل الطرق بس عجزت
صورته في كل مكان
ملازمني حتى في احلامي
متمنية نرقد وانوض ونلقى نفسي ناسيته نهائياً💔💔
___________
خشت سهى وبجنبها سيف وباين الحب في عيونهم
سيف:/كان مرتبك وحالته حاله وبعدها بدي عادي
سيف:/تخايلي اطيحي من الدروج 🙂
سهى:/ شدني راني بنطيح ياسيف 😨
سيف:/ شدني كان غلاك صحيح 😂
سهى:/ بلا تفاها وشدني بنطيح حق 😨
سيف:/ حط يده ع خصرها وباليد الثانية ماسك يدها
ليلى:/ تنحرق بصمت
اتشوف في ضحكهم مع بعض والحب الي في عيونهم اتشوف في سهى الي مجرد ما ردلها سيف نست مرضها والفرحة في عيونها حست نفسها انها كانت حترتكب كارثة كبيرة لو فرقتهم عن بعض حست الذنب الكبير الي كانت حديره
تشوفلهم والدموع في عيونها
تبتسم والغصه داخلها
______________
خنجر بعد وصل ليلى وهو فايت حس بسيارة تلحق فيه خفض سرعته وسحب سلاحه
ودقايق واختفت السيارة
______________
ربيعة:/ ضماته انسى الي فات ياولدي وبرا صلح غلطك وجيب مرتك وبناتك
مراد:/ يما انتي وقفتي مع خنجر
ربيعة:/ اكيده ياولدي وباهي الي وقفت معاه الي داره خنجر شي كبير من غير ان تكفل بعلاج الام ردلهم حقهم ورد البنات لقرايتهن
مراد:/ كيف ؟
ربيعة:/ الفترة الي كاين فيها خنجر في مصراته وصى سيف ووليد ان ايكملوا اوراقهن الحاصل دارو كم حاجه بيش قدرو يوصلوا لملفاتهم الي في منطقتهم والحمد الله قدرو
وقالي سيف ان قدر خنجر ايرد ورثهم الي خدوه منهم ماكنت متوقعته بيدير هكي بس بجد فاجئني والي داره كبير بكل والحمد الله وضعهم تحسن وكله بفضل الله
مراد:/ اها قتيلي ردهن لقرايتهن كويس بكللل
ربيعه:/ برا تراضا انت وخوك ياولدي ماتخلي شي في الدنيا هذي ايفرقكم
مراد:/ واخد البنت الي نبيها ومزال تبيني ننسى 😒
ربيعه:/ وبكل صحة وجه اتقول فيها
اي تبيها واي قطاف زايد رد لعقلك
مراد:/ يما
ربيعة:/ فمك ضمه عني كان ماترد لعقلك وترد مرتك وتتصافى انت وخوك لا اني امك ولا انت ولدي وتم الكلام
مراد:/ بس
ربيعه:/ لا بس ولا شي فكك من الكلام الفاضي وبعدين اي حب جاي تحكي عنه هبالك الي درته لسوسن الي العالم كله شهد عليه ينتسي بسهوله
مراد:/تنهد
______________
وفاتت هاليلة وكل واحد باله في شي
نهى اتحاول تتآقلم وتنسى
وليد علي نفس الحال كل يوم للآسوء
اوسمة عقلها وقلبها مع خنجر
ليلى دموعها ما جفوا 💔
سهى فرحانه ونفس الوقت ليلى امنغصه فرحتها حاسه ان فيها شي
سيف في باله خنجر والوضع الي فيه
خنجر مش عارف ايسيطر علي نفسك
حاس قلبه يبي وعقله رافض
وعي الصبح صلى وفطر وطلع ع طول وفي لحظات غير الطريق والقي نفسه قدام الكلية
اوسمة ناضت صلت وفطرت ومشت ع طول وصلها خالها وفات
خنجر:/ ابتسم وشغل السيارة ومشي
وهو في الطريق يتصل خاله
خنجر:/ ايوا
عمر:/ تعال ابسرعه العقيد علي انقتل انتبه لروحك وانت جاي
#يتبع