إلسلام عليكم ♥
عُدنا في قصه بغداديه ، حقيقيه
جاهزين؟!
___________________________________________
(هَل أحببتني إليوم)
♡
1982...
بغداد _ حَي آلعامل ،
4:00 مساءآ
"
حامد ،
يتمشى بالفرع الي كُل سكانه من الأقارب
يبرم بشواربه الي لونها قُمحي ، ومسح على شعره ،المبروم
،أبتسم وهو يشوفها تباوع عليه بتأمل
ونظرات عيونها ، تمتده بالحُب
، قطع حبال النظرات صوت ، أخو رائد وهو
يكول
ويحط ايده على كتف حامد!
: ها شمصفنك؟ هسه تجي امها
تلعب بيك جوله
جاوبه وهو يبعد ، أيده من على كتفه
: نجب !!
: لك انت شكد بلا اخلاق
جاوبه
: تربيه الوالد 🙂؟!!!
رد
: ابقى ويه حسانك يالفاشل ؟!
أبتسم ورجع ، تطلع لمكانها
بس هي " اختفت من ناظريه ؟! ضرب جبتها
ومشه وهو يتهند
وصل للبيت ، وفتح الباب ودخل !
سمع صوت بنت أخته الطفولي وهو يسحبه من قميصه
: ها خالو جنت يم حسناء؟!
عض على شفته وحجه!
: أمشي لا تخليني أسب امج يولي فضحتيني
ضمت ضحكاتها بأيدها
وهربت من غضبه عليها ،
، كعد على الكراسي الخشبيه الموجوده في الحديقه
ويحطيها الزرع المُتسلق!
والطبلات ألي عليهم قماش احمر ويتوسطهم
" قوري الجاي والأستكانات
، 🇮🇶🍀
" سحب نفس وهو يفكر فيها ! ،
وبشعرها الذهبي ألي يوصل لأكعاب رجليها ،
وبشرتها ، البيضه الصافيه
يفكر بعيونها الخُضر ، وأبتسامتها البريئه
🔗♥
" هو نفسه ميعرف شلون دخلت قلبه ، وتوسطته
وسيطرت على أفكاره
ومشاعره
♥
، كُل ميريد يرتبط فيها والدته ترفض! وتكول
: بنت خالتك وين رايحه؟! حتى تاخذ الغريبه
المنعرفها
، ويلتزم الصمت لان هو م جان! عنده أصرار
فقط حُب بلا نهايه واضحه ،
" اخذ نفس واجه أخو رائد ! وكال
: دعوفها بس تصفن؟ قابل حسناء وحده بالبلد
دكوم نروح ل.. وناخذلنا فد اثنين
يكعدن لراسك وزن
♥🌿
جاوب وهو يسحب نفس من جكارته
ويضيق نظراته
: بطل هاي السوالف! راح تكعدنا ع حديده
تاخذ ربعك وعلى طاري
إني ابن ... وعلى حسابي
♥🔗
ضحك وجاوب : والله من تعبي ؟ وفلوسي اصرفهن بكيفي دكوم ياعيني والله انسيك حسناء وام
حسناء وعشيرة حسناء
، مع إقناع قليل !
قبل أن هو يروح ويا ! ولحد الليل إله دخلوا منطقتهم
والاثنين مو بعقلهم ، واحد يكول للثاني
: انت خليتني أسكر؟
: لا والله انتَ
، حجه ، حامد وهو يهذي وصوته ثكيل َ ،
: اوكف؟ خلي انزل هاي حسناء
ضحك الثاني
: ها أي أنزل واني انتظرك
، فتح باب! السياره بصعوبه و كف يم باب بيتهم وهو
يترانح ويصرخ بأسمها
: حسناء ؟ حبييتي حسناء طلعيلي إني جيت علمودج
ماكو رد منها واستمر يصرخ
: حسناء ؟ زعلانه مني طلعي
خل اراضيج
، سحب نفس واندار على اخوه؛ وهو يسأله
: اشو حسناء متطلع
جاوبه رائد
: طلعت الك أم حسناء
جاوب بصرخه
: لا بشرفك
: اي وداعتك!
، التفت على ام حسناء الي ، تنظر اله بنظرات
غضب وهي
تصرخ بوجهه
: لك شعندك ويه بنتي؟
، سمع صوت الباب السياره تنفتح وتنسد
التفت
اخوه رأئد يركض خايف
وهو بالوسط
صرخ عليه
: ولك عدنا سياره ؟ تعال اخذني
صرخت والدة حسناء
: إني أعلمك تعالي؟ يا ممتربي
هرب وهو يركض بخطوات
ثكيله
ويضحك ، على الوضع وصل البيت ونطرح بالأرض يم اخو رائد ، الي متمدد بالحديقه
، طلع الصبح عليهم وهم متمددين بالأرض!
صحى حامد
وهو ينهض ومستغرب الوضع ! حرك رائد برجله وهو يحجي بصوت خافت
: ولك كوم انعل يومك هسه يجي ابويه!
صحى رائد وهو مفزوع ويصرخ!
: ها داهمونا 🙂؟!
" مر هذا اليوم على خير ! وأجت أم حسناء وحجت
لأم حامد ألي صار وبعد هذا الصار
جانت كلمة ام حامد
كالأتي
: والله ي حامد ؟ ان حطيت حسناء بالك؟!
اعتبرني مو امك
تالي عمري أخذ خدامات البيوت
" وبعد هذا الصار. " اعتزل حامد كل شخص من عائلته والتجئ للخمر
، الا ان صار أدمانه وأعتاد عليه حتى ينسي
صورة حسناء من باله !
يوم من الأيام اخذته خطواته لبيتهم " وكعد على البلوكات ينتظرها ،
فتحت الباب بهدوء وهي تمد رأسها
أخذ جرعة حياة من شاف ، وجها وسمع صوتها
سألها
: شمدريج اني هنا؟
جاوبته بأبتسامه "
: كَلبي دليلي!!
، سحب نفس من جكارته ويضيق نظراته
وحجه
: حسناء بعد ماتحمل حالتي؟ كلهم محاربينا
لا امج ولا أمي
مسحت دموعها وحجت"
: البي خير الله يقدمه لاتشيل هم '
حجه "
: أجه ابن عمج عليكم!
جاوبت
: اي
حجه
: طلعتي وشوفتي وجهج مو وحجه وياج؟
وعادي أبتسمي اله وهو بادلج
جاوبت
: لا والله مطلعت ، خفت منك لا تعرف
أبتسم وحجه
: يلا دخلي إني رايح للشغل
، كالت
: بداعتي لا تشرب؟ موزين عليك
أبتسم وهز رأسه وابتعد !
، بعد أيام ! كاعد بالباب ، وسمع خطوات " رفع راسه
بنت خالته
بعبايتها السوده وكذلتها الي طالعه منها
ابتسمت وحجت
: شلونك حامد؟
جاوب
: ع الله ؟ وين جنتي
جاوبت
: يم حسناء اخذتلها ماعون حلاوه وكعدنا نسولف
بس شنو ؟ سوده عليه ذبلانه.
يمكن تحب
سحب نفس يهدء من غضبه وحجه
: ديري بالج تجيبين طاريها ع لسانج
ضحكت بدلع وردت
: هو تاليتك ، الي! ابن امك
جبان
نهضت ولزمتها من مقدمة العباء وصرخت بيها
: هسه إني اعلمج الجبان شلون صاير
جرها وبدء يضرب بلا وعي ، ولحسن حظه
البيت فارغ
والاهل طالعين ،
من ' وعى على نفسه ابتعد عنها وهي تصرخ وتنهض ! بعزم تمسح دموعها
وتلم شعرها وتحجي بتوعد
: إذا ماحرمتك منها ، ماطلع سحر بنت أمي؟!
إذا ماحرمتك من شعرها الي هايم بي
كول ماكالت،
بنت الخدامه يضربني علمودها
" لفت عباتها ومشت مثل العاصفه ألي تركت كلماتها
تطير أفكاره ،
ويبقى بلا حل!!
، القلق يراوده عليها بس كُل ميزوره الخوف من
كلمات سحر!! يردد
: مُراهقه متسوي شيء مجرد كلام !،
" بعد أسبوع راح لبيتهم ،
وكعد بنفس المكان وطلعت اله شافها وجها تعبان
" وعيونها تملئها الهالات السود
سأل
: ، حسنائي؟ شبيج مريضه! وجهج تعبان
هزت راسها برفض ،
وحجت
: لا عيني ، من شفتك صرت زينه
حجيت
: زين ، ديري بالج على نفسج بنيتي ألحلوه
وراح ،
وبعد أسبوع من اليوم الي راح الها
سمع اخبار ماتسر
حجت والدته ويه خالته
: شفتيها يكولون حسناء بنت ام حسناء مريضه
حيل ؟ ومايدرون شنو السبب
، سمع واختل توازنه وربطها ! بكلام سحر
ماكدر يسيطر على أتزانه
ومشى لخالته وهو يصرخ
: والله لو طلعتي انتي وبنتج الجن ايد بالموضوع!،
ماعندي مشكله تطردن من البيت وماتعتبنه بعدد
، طلع وهو يسحب نفس بصعوبه
، ويمسح على شعره بتوتر '
وراح الها '
" دخل للبيت لأن يعرف عدم وجود والدتها بهذا الوقت
فتح باب الصاله وشافها نايمه!
تقرب الها جسمه يرتجف من منظرها
كعد يم رأسها وهو يمسح على شعرها '
، شعرها ألي جان الفرع كُله يضرب المثل بي
صاير خُصلات معدوده
، وبشرتها تعبانه
" والضعف ماخذ منها ماخذ!
نزلت دموعه لأول مره وهو يحجي
: حسناء ؟ كعدي شوفيني إني يمج
حسنائي متلوك الج النومه
، صحت بصعوبه وهي تباوع وتبتسم!
حجت
: حامد ؟!
جاوبها وهو يمسح دموعه
: أي ياعيون ابوج! حامد يلا كعدي والله مافوتج من ايدي ' وتصيرين الي
، نزلت دموعها ومسحهم بأيده
: والله موبيدي؟ مادري شبيه
، نهض منها ، وهو يكول
: إني هسه أعرف ؟ والله ادفنها بارضها إذا هي!
، وعده اليوم وصحى على
موت حسناء !!!
والسبب السحر والشعوذة ، الي سوتهم
" سحر "
" بعد هذا الصار ، حامد اعتزل ! وتوفى بعد
سنه من من وفاة حسناء! بسبب
الخُمر الي بده يأخذه عاده حتى ينساها !؟
☠🗡
النهايه...
__________________________________________
العبره
" هذه واحده من حالات السحر والشعوذه ، ألي تصير باليوم يمكن أكثر من 100. مره
والضحايا نهايتهم
ي اما
" شفاء
او مرض نفسي
او
موت...
" هذا يمكن راح يكون عبره لمن يعتبر..
___________________________________________
#شنو_رأئيكم؟!
🌾🌿
_ نعيمه بصدمه !!