إيَّاهُ أَنا أُحِبُّهُ .. إيَّاهُ
مَا كُنتُ أُحِبُّ سَاعَةً لَوْلاهُ
أَهْواهُ أَنا .. وكَم سَهِرتُ اللَّيْلا
الرُوحُ بِرُوحِ رُوحِهِ قَد حَلاَّ .
#للــكـاتــبة :yaqeen.hassan
#اســتاذي الـمـغـرور
اهم شي النجمة قبل القراءة 🙏🦋
قراءة ممتعة💞
✨•••••••••••••••••••••••••••••••••••••••••✨
ثائر : اني رح اسوي اللي ردتي ورح اثبت برائتج وحتى لو بروحي
بس المهم تسامحيني
ليال : طلع من حزام البنطرون.مسدس اني شفتة وخترعت
ثائر : اني رايح لبغداد ورح اثبت برائتج كدام الكل ورح انهي حياتي لان اني كتلج حياتي بدونج متسوةةة
ليال : اخر 3 كلمات يمكن جانن كافيات حتى خلني اعترف اكثر بحبي او عشقي
لزمت ايدة اللي شايلة المسدس
وحجيتت بشهكة واني ابجي واتوسل بي
_ مو هذا الاريدة اذا جانت برائتي على حساب حياتك فاني ماريدهة اذا تحبني لتسوي هيج
ماريدك تتدخل همام رح يرجع ويحل كلشي انت لتسوي هيج لتخيلني اضل اكرهك لطول العمر
اني ما استاهل تخسر روحك علمودي اني منووو
اذا جنت تحبني ومتكدر بدوني فعوف هالشي ولتروح لبغداد دخيلك لا تسوي هيج دخيلك
_ حجيت بنبرة بيهة كل حركة كلبي وبين كل كلمة اشهك وتنزل دمعة من عيني فكرة ان ثائر يموت خبلتني وهوة صافن علية ومصدوم
حجيت بهدوء _ اني ما استاهل تخسر حياتك علمودي لتسوي هيج اذا انت تحبني
_ مشيت وعفتة واني اشهك قوووي ماعرف شنو مشاعري بذيج اللحضة مشاعر خوف حبب
بس فكرة الموت جانت بالي وتذكرت كلام خالو من كال من تخسرين شخص عزيز عليج تخيلت ثائر يموت
كمت ازيد بالبجي كل ما امشي خطوة لحد موصلت يم خالو الي جان توة جاي رحت لحضنة لزمت قميص قووووي وكمت اشهك وابجي بصوت عالي وهوة حار بية وميعرف شيسوي
اخذني للسيارة واني ابجي ومبطلت
قيس: كافي بجي يروحي بس فهميني شصار شكو شبيج عفتج كلشي مابيج شصار وياج ونكلبتي هيج
ليال : حطيت ايدي على وجهي وضليت ابجي الطرريق كلة اول موصلنة للبيت صعدت وركض لغرفتي وقفلت الباب
وكعت بالكاع منهارة وخوووف بكلبي قوووي اذا راح لبغداد وقتل نفسة اكيد محد رح يمنعة احمد يكرهة ومطايق وجودة اكيد مرح يصدك
ربي دخيلك لا تفجعني بي هوة الشخص الوحيد الحبيتة رغم اذيتة الية بس اني ماكدر اشوفة هيج
خلي ينساني ويعيش حياتة حتة اني ارتاح
دعيت دعوة طالعة من اعماقق كلبي
هذا اللي المفروض اتمنالة الموت بسبب اللي سواه بية هسة جاي ادعيلة
شعور متناقض لدرجة اني مافاهمتة لهذا لا تسئلون علي
بجيت لمدة ثلاث ساعات متواصلة وكل ما اصفن واتذكر حجية ارجع ابجي يمكن باخر فترة صار عندي طاقة للبجي مو طبيعية
ورة ما تعبت كمت سبحت وطلعت من الغرفة وخالو صافن علية ومبين ضايج حتى محجة شي
رحت للمطبخ لكيتة داز اكل وهوة ماكل كعدت اكلت لكمتين ومن شفتة هيج ضجت رحت كعدت بصفة وحصرت روحي بحضنة هوة محضني بس اني قويت على حضنة يمكن هوة الوحيد اللي جان خايف علية بكد الدنيا جان من يشوف دموعي يتخبل
_ اسفة
قيس : روحي نامي باجر وراج دوام
ليال : انت هم خالو _ حجيت برجفة وجنت كوة حاصرة دموعي
قيس : شنو الضامتة علية شنو يسويلج هالشلال يعني نروح مثل الورد ترجعين منتهية شجاج احجيلي
ليال : اتذكر اهلي واختنك وماكدر اسكت
قيس : بس لشوكت رح تضلين هيج تتذكريهم وتبجين 4 ساعات رح تضلين هيج
ليال : شنو اسوي خالو والله مو بيدي
قيس : لا تسوين شي انت لو جنت تحبيني مجان بجيتي تذكرين شكتلج كتلج اذا تعزيني وعندي خاطر يمج بعد ماريد اشوف دموعج بس انت الضاهر لا تعزيني ولا الي خاطر يمج
ليال : خالووو لا تحجي هيج فدوة
قيس : ليال كومي
ليال : ماااا
قيس : شلون يعني مرح تخليني اكوم
ليال : هزيت راسي بلا واني حاضنتة قوي
قيس : لياااال
ليال : ما ماكوم الة وانت راضي
قيس : باجر وراي دوام
ليال : معلية اني
قيس : تعانديني موو خوش اني هم كاعد وطز بالدوام خلي نشوف عناد منو اليمشي
ليال : هههه _ ضحكت علي اخذ لريمونت وتعمد يطلع اخبار لان يدري بية اتخبل منهة مليت واني صافنة احير شسوي باوعت علي نعس فد مرة
بتسمت وبستة من خدة باوع علية رافع حاجبة
_ اسفة يلة روح نام ادري بيك ما زعلان مني
قيس : واثقة من روحج همان
ليال : ههههههه ادري بيك متزعل مني لان اني احبكككككك
قيس : خبلة لتعيطين العالم نايمة يلة كومي انت هم نامي خلاص ما زعلان
ليال : تمام تصبح على خير
_ رحت للغرفة ضليت كاعدة مكدرت انام ضل تفكيري كلة بثائر معقولة سواهة لا يالله
ضليت افتر بالغرفة وتمنيت من الله يدزلي رسالة او يدك علية بس حتى اتطمن
اي لا تباوعون علية اني ميتة خوف علية ليش لان احبة هذا شي لازم الكل يعرفة
( على كيفج لترزلين متابعيني 😂😂😂)
اوكي اسفة
فجا خطرت على بالي فكرة اخذت الموبايل نزلت فيس لان اني ماعندي ما احبة سويت حساب بسرعة
ورحت بحثت على حساب استاذ علي بحثت بالاصدقاء مالتة ولكيتة لكيت هيبتي
طبعا الحساب سويتة باسم مختلف مو اسمي
دخلت المراسلة وجنت ميتة خوف
دزيت واني افكر بكل حرف اكتبة
_هلوو
ليال : صفنت بعد مدزيتهة وضليت انتضر بقلق تمنيت يجاوبني
ورة نص ساعة جاوب فتت لكيتة كاتب
ثائر : لتخافين مرح اروح نامي وانت مرتاحة انت حطيتي غلاتج وحبج بالنص وانت غالية علية بدرجة متنوصف لهذا تطمني ونامي مرتاحة
وهااا طريقة مراسلتج فاشلة ركزي شوية رقمج عندي وطالعلي اشعار ان انت سويتي
ليال : ماعرف اضحك او ابجي ياالله شعوري مينوصف
مسحت دموعي النزلت وطلعت من الحساب بعد ما تطمنت علي اخيراا
مددت ونمت ووكلت امري لله هوة يحل السالفة
رجعت حياتي تمشي وثائر هم بتعدت عنة مردت اتعلق بي لهذا تركتة
قربت الامتحانات كاعدة اقرة
بالغرفة جان تندك الباب وضلت تندك
_ خالووو الباب
قيس : اني بالحمام ولج روحي انت
ليال : هففف _ كمت من مكاني رحت فتحت الباب وجان انصدم ضليت صافنة شديصيرر معقولة اني جاي اتخيل
ذولة اهلي موو ذولة اهلي
احمد : حتضلين صافنة وخري
ليال : وخرت واني بعدني متصنمة من الصدمة باوعت لماما تباوعلي واحسهة تريد تحضني بس اكو شي مانعهة وبابا مباوع بوجهي طبو واني سديت الباب طلع خالو وسلم عليهم
وطلعو جايين لان همام رح يجي باجر وكايللهم ان يجون لاربيل هنا دك عندي ناقوس الخطر
رح يحجي همام اكيد
احمد : زين خالو هوة همام ليش لح بالموضوع كال الة باربيل احنة مو عدنة شغل
قيس : شبيك احمد الموضوع مهم
احمد؛ اذا جان الموضوع اللي بالي ادفرة وارجعة لامريكا
قيس : انت شجايك صاير متنطاق
احمد : خالو متدري انت
ليال : كمت من يمهم رحت للغرفة حطيت ايدي على حلكي اكتم شهكاتي كوة
ماعرف فرحانة او زعلانة ماعرف شعوري شنو
جريت الموبايل ودكيت على همام واني ابجي
همام : هااا شبيج تبجين
ليال : ليش
همام : شنوو ليش لازم الكل يعرف مدام ثائر باربيل اني حجيت وياه وتفقنة باجر نشالله كلشي يتوضح
ليال : شلون حجيت وياه
همام : معليج بهاي انت المهم ضلي بالغرفة حتى ليسمعوج حجي اوك حبيبي
ليال : خايفة همام خايفة
همام : اني موجود يروحي اني موجود مستحيل اعوفج ولتنكدين علية باجر ارجع للعراق الحبيب اخخخ ياروح الوطن
ليال : توصل بالسلامة
همام : يلة يروحي بعدين نحجي مو دافرغ الشقة
ليال : تمام دير بالك على نفسك احبك
همام : جا غير انة امون بيج
ليال : ههههه باي _ سديتة منة وسويت الكالة ضليت بالغرفة مطلعت بس نفتحت الباب وفاتت سارة حطت الجنطة وكامت تبدل
سارة : همام رح يحجي بموضوعج مو
ليال : شمعرفني
سارة : اكيد ضحكتي علي بكلمتين وخليتي يوكف وياج
ليال : كوة لزمت اعصابي هنا صدك عصبت بدال ما انقهر
_ اي وهسة شتريدين
سارة : ماريد شي بس صدككي بابا واحمد مرح يصدكون مسرحيتج هاي
ليال : ضليت صافنة عليهة شحجي وياهة هاي بلة
دنجت راسي ورجعت اقرة
اسمع سوالفهم واكول وينك همام وينك يروحي تعال عاد وطلع برائتي
مددت على الجرباية وغفيت صحيت على صوت خالو كاعد على الجرباية يمي
ليال : ها خالو
قيس: كومي حبيبتي كومي تغدي ما اكلتي وخلي امج وسارة يرتاحون
ليال : هسة همة وين
قيس : ابوج واحمد راحو يرتاحون بالغرففة مالتي
ليال : تمام كايمة بس اجيب كتبي
_ كمت اخذت كتبي ورحت البلكونة كعدت وفرشتهن على الميز خالو جابلي اكل وكعد يمي
قيس : سئلت عليج امج
ليال : شكالت
قيس : مو كبال ابوج بالمطبخ كالت شلونهة
ليال : بابا واحمد حجو
قيس : احمد ضل ياكل خ..... هواي لحد ما رزلتة
ليال : ماريد اطلع كدامة
قيس : معليج اذا حجو وياج اني اعرف شلون اسكتة لعد هوة عندة عادي يسوي هيج ببنات العالم بس انت وثائر حرام
ليال : شنو مفهمت منو مسوي هيج
قيس : ليش متعرفين
ليال : ماعرف شنو
قيس : خليهة يجي يوم وتعرفي مو وكت هالسالفة
ليال : خالووو ليش تثير فضولي وتسكتني
قيس : هههههه نجبي واقري ام فضول
ليال : ماشي هههه _ قريبت وقريت وهيج مى الوكت همات لحد الليل هم طللعت بالبلكونة وحدي كلهم نامو
دكيت على همام
همام : ها يروحي
ليال : وين صرت
همام : دابدل
ليال : يعني شوكت طيارتك
همام : ب4
ليال : شوكت تجي اريدك
همام : ليش شبيج خوما سمعوج حجي
ليال : لا بس مداستحمل اشوفهم هيج مديباوعون بخلقتي
همام : ليلتي صبري يروحي مبقة شي كم ساعة
ليال : رح نجي اني وخالو ناخذك
همام : اوك اني ب8 يجوز واصل
ليال : تمام دير بالك على نفسك
همام : ليال احبج يروحي
ليال : واني بعد احبك كوومة انت والاحذية
همام : ههههههه ام مصلحة يلة روحي بااي احبج
ليال : باي _ سديتة ومنة وبذيج الليلة مكدرت انام عيوني مغمضت شكد حاولت بس مكدرت لل7 كعدت خالو وبدلت بهدوء بالغرفة طلعنة اني وياه بالسيارة واني الطريق كلة ادعي واقرة ايات
وصلنة للمطار
نزلت وية خالو وكعدنة ننتضر همام لمحت ضل شخص من بعيد باوعت وركزت هذا منو
عزاا ثائر عيونة تدور على شخص
باوع علية وشبح ابتسامة صارت على شفتة
اني دنجت معقولة همام كايلة تعال المطار شوية وشفت همام طلع
توني داحجي تقرب همام على ثائر سلم علي وحجو شوية واني الكلمة بعدهة واكفة بحلكي من الصدمة
كمت من مكاني ركضت لهمام
شافني وضحك هم تقرب الية وحضنتة قوووي
وكمت ابجي وهوة يضحك علية وحسيت عيون ثائر مركزة بية اجو خالو
وسلم علي واني ما ارضة اعوف حضنة
قيس : همام منو هذا صاحبك
ليال : عزاا خالو ميعرف ثائر
همام : لا خالو هذا ثائر
ليال : ركزت بملامح خالو صارت كلها غضب راد يتقدم لزمت ايدة قووي
همام : خالو محد الة ذنب بالصار ثائر حب ليال وليال حبت ثائر وهاي كل القصة وهمة مكفرو او سوو جريمة واني حجيت ويا ثائر خصيصا حتة يجي للمطار ونرجع للبيت سوة ونحجي الحقيقة
مو ثائر
ليال : كلها بجفة وكلمة همام مال ليال حبتة بجفة ثانية ثائر راسن باوع علية بنضراتة القديمة نضرات الحب اللي جان يبينهة الية
دنجت راسي وهوة نتبه لهمام وكالة اي
همام : يلة لعد امشو
ليال : مشينة واني كلبي يدك قوي وايدي ترجف بقربة رجعتلي ذكرياتت هواي
من جنة نطلع من المدرسةة
من جان يغمزلي ويبتسم
من جان يكلي كلمة احبج كومة
ماتخيل اكو شخص مثل ثائر
يمكن ثقتي بهمام ان رح يصلح الوضع خلتني ارجع اهتم لثائر
واركز وارجع لحبي الة
طلعنة من المطار ومشينة للسيارة باوعت لثائر يمشي ويباوع منا ومنا
عبالك خايف من شي
اني لازمة ايد همام وامشي واباوع علي
هنا فجا من ورة سمعت ضربةةة قوووووية دوت باذني
وعيطة همام درت وجهي على البطيئ وشفت همام لزم جتفة ووكع بالكاع رجف جسمي من المنضر ثائر عاط بية
ثائر : ليااااااال ركضضضضضضي
ليال : يمكن من الصدمة هنا اني منتبهت لاي شي بس حسيت شي صار على خشمي مثل الوصلة تنفست الريحة مثل الكحول واغمى علية ووكعت
محسيت باللي صار بعد هالحضة
يتبع......
✨•••••••••••••••••••••••••••••••••••••••••✨
لهنا ينتهي البارت 💛
اتمنى يعجبكم طبعا حماسكم القصة بهالايام ديزيدني اني حماس ومتحمسة اكثر منكم همات ❤😂
لهذا علمود هالحماس تروحون تحطوون لايك
واذا تريدون بارت باجر
كتبولي رايكم بالقصة هنااا؟؟
و تحبون ثائر لو لا 😂؟؟
وتحبوني لو لا؟؟ 🔪🙂
جاوبو واذا شفت تفاعل قوي باجر انشر بارت
تمام احبكككككم هوووووواي 💛💛💛💛☁
~الــكـاتـبة : yaqeen.hassan~