تكملة بارت الثلاثون وغلسو عن السحك مليان سحك ههههههه
ضي : بعد ما غمضت عيوني ومادري بعد شنو صار كعدت واني بغرفه عدلت كعدتي اباوع مغذي بيدي وكانونه عدلة وردت اكوم مكدرت منها صفنت واني اريد استوعب إلى دايصير كدامي معقوله كل هذا احس نفسي بفلم هندي وكاعد يختبروني او احس روحي مضحكه وجانو يضحكون عليه
ليش يا جدو ليش مو انت الي حبيتك حته اكثر من والدي هيج هيج تاالي قدمتلي اكثر فاجعه بحياتي صافنه ع السكف اريد استوعب إلى دايصير اريد استوعب إلى صار حقيقه مو حلم
ولا كذبه كمت اغمض وافتح بعيوني وأريد بس اشرد من هذا الواقع المر ههه جنت اسمع دائما من الناس تكول لا تثق باي احد حته اهلك لان كلهم وقت مصلحتهم ينسون كلشي وماعد يهمهم غير نفسهم
بس جنت استغرب واكول مو لهدرجه ابوك أو امك او اخوك او اختك أو جدك عمك خالك خالتك عمتك يكونون هيج بلا رحمه وبلا ضمير شنو فكرت من سويت هيج
هم اتعذبت يا جدو هم انبك ضميرك هم اتاذيت وانت اشوفني بهذا الحاله واني اكول جنت بارد اتجاه قضية أسد وماجنت اديرللها بال ومن طلعت جان كل همك اني ابتعد عن اشهب لان جنت تعرف اشهب راح يكون السيف إلى يقطع ركبتك
جنت خايف منه مو هههه جنت خايف ان هو يعرف بيه مظلومه اذا ضليت يمه وراح يدور ويكله وساعتها راح يسجنك مثل ما سجني حسبي الله ونعم الوكيل بيك حجيتها وغمضت عيوني ومن غمضتهن نزلت دموع وياهن كل هذا الكلام جان يدور براسي اريد اشوفه واصير وياه وجهه لوجهه
اريد اعاتبه واعرف ليش سوه كل هذا ليش هدم حياتي وخلاني ضايعه بلا طريق ليش هذا الحقد كله ليش وليش وليش وليش جان هواي تسائلات ادور براسي
دخلت السستر وهي تراقب بالمغذي واني اباوع عليها باوعتلها وهمست بالايطالي ماعرفت شنو حجت بس حاجيتها بالانكليزي وكتلها ماعرف إيطاليا هزت رأسها وعافتني وطلعت
دقايق ودخل عمو بكر من بره خايف عليه عيونه حمر دم و شرايين كلهه مبينه كلهه مبينه باوعلي وكال شلون صرتي احسن مو
هزيت راسي اي وهمست
- وين اشه
بعدني ممكمله اسمه جان يجيني صوته
-هنااا دخل سد الباب وكعد كدامي وضل يباوع ببرود وهمس
-اي بكر كمل يعني ماجنت تشتغل ويه والدك
- لا ابد كتلك جنت ادرس ومن خلصت دراسه فتحت شغلي وحدي وحته اخوي موسى كل همه بالمدرسه ودروسه والطلاب وبعيد عن سوالف التجاره ماله ابويه واحمد يعني جان احمد اكثر شخص يدخل بشغل ابويه
باوعتلهم وهمست ع شنو تحجون ووين حمزه بعده هنا
اشهب : اي بعده رامي يمه ننتضر شوكت يطي امر نقله للعراق ونحاكمه
هزيت راسي اي وسكتت صافنه ماعدي الجرئه حته ارفع راسي واحط عيني بعينه دك تلفون عمو بكر وكف وهمس هذا موسى
باوعت عليه وهمست بابا نزلت دموعي شكد مشتاقتله بس خايفه خايفه يكون وره ايد مثل جدي صرت مااثق حته بخيالي
همس اشهب وهو يكله مترد شبيك محد يعرف لحد الان رد ولا تكول اي شي اذا سالوك
هز راسه عمو بكر ورد ع الاتصال مال بابا وفتح مكبر الصوت
- الو ها بكر شلونك
- هلا خويه الحمدالله وانت
- الحمدالله بشر مالكيت شي خبر أو معلومه عن القاتل
هز راسه اشهب العمو بكر بمعنى لا همس عمر بكر
- لا لسه ماكو ليش شعجب فكرت تسئل
- ههه اني دوم افكر بس تدري بابوي من يكول كلمه شنو وهسه هو خابصني من الصبح لسه خابرهم خابرهم يكول بالي يم ضي
نزلت دموعي بابتسامه باله يمي لو يم الحقيقه خايف ينفضح الله والله ماصدك كل هذا شنو من بشر ماعرف شنو من قلب عده ماعرف من اي طينه مخلوق هم ماعرف
ضل عمو بكر يحجي ويه بابا وبعدها سده اريد اطلع ماريد ابقه هنا ماتحمل المستشفى تخنكني
طلعوني من المستشفى وورجعت للفندق جنت بعالم ثاني سرحانه حته مالي نفس اجاوب ع احد اوحجي ويه احد كاعده ع الجربايه وصافنه بالفراغ واشهب كدامي صافن بليل اتصل رامي وكال باجر ارجعو واني هاليومين اجيبه واجي لا يضل بالك
هز راسه اشهب إلى جان ساكت وحرف واحد ما حجه بي واني هم ساكته ماجيت اي كلمه ثاني يوم كعدت واخذت غراضنا ورجعنا للعراق جنت صافنه حسيت ع ايد عمر بكر انحطت ع ايدي وهو يباوعلي
- لا تخافين اني وعدج القاتل ياخذ جزائه مهما يكن ومنو ما جان واوي غلط ولازم يتحاسب يا ضي لا يضل بالج ابد
هزيت واسي باي ورجعت للوره وضليت صافنه من الجامع ع الغيوم وع كل شي لحد الان ما مستوعبه هذا الشي لحد الان احس دماغي واكف ماصدك ولله ماصدك
رجعت للبيت وعمو راح هنا حسبت من صدك اني وحيده هسه خفت ولأول مره اخاف من اشهب ومن بقائي وياه وحدي دخلت للبيت واتلكوني جهالي اخذتهم بحضني وابجي وكلها تباوع مصدومين من الموقف الي اني بي
وليش ابجي بعدتهم ورجعت حضنتهم من جديد اخذتهم وصعدت الغرفتي ماعدي الجرئه اضل يمهم واحط عيني بعينهم جدي قاتل زوجي الله شكد حلو سولف ها للعاقل منو يصدك منو يصدك كل هذا
والله اني الي هسه كاعد اعيش اللحظه ماكاعد اصدكها هم الجوه يصدكون هذا الشي
مرت يومين ماانزل من غرفتي وماعرف اي شي اسيل اجيبلي اكل وهي حالها حال هم بس تكابر وتبين ان راجعه اسيل القويه بس مبين عليها الحزن والانكسار وره يومين وبعد ما جمع اشهب كل الادله وحطهم بغرفتي ومن دون ما احد يعرف ما خبر ولا واحد من البيت وهذا الي صدمني اكثر باشهب
خلص واخذهم وراح المحكمه وقدم بلاغ ورفع دعوه ع جدي وعمو احمد ويومها بليل اجاني الخبر من اتصل عمو بكر بيه وكال
- الشرطه اعتقل احمد يا ضي وراح يتحاكم ويتحدد المحكمه كلشي وراح الكل ياخذ حكمه
ابتسمت بس ماكو فرح مجرد ابتسامه وهمست وجدو
- ما معروف يكولون ع اساس صاله يومين طالع علمود بضاعه مال اقمسه جايته هههه بس بعد ناتمشي علينا هذه الاكلاوات اكيد عرف وحته ابنه عافه طعم للشرطه وانهزم
صفنت ع كلام عمو بكر صحيح والله صحيح بيومها بليل اتصلت امي تبجي ومصدومه وتحجي
- ولج يمه ضي كولي جذب هذا الحجي كواي جذب ولج ابوج طاح وانجلط من سمع ومرت عمج راحت الاهلها وعمج العار اخذو للشرطه وجدهج مامعروف وين وبيبيتج حالها حال
واني ماعرف افكر بيج لو بابوج لو ببيبيتج لو بيمن ولج يمه منين اجتنا هاي المصيبه ولج خاف اشهب جذاب يريد يفر السالفه عليها ولج ضي يمه احجيلج كلمه وكولي جذاب افترى عليهم مثل ما افترى عليج
ضحكت وهمست
- لا ماما مو جذاب الشي صار كدامي واصلا اشهب مايعرف منو سلمان احمد بعدين عرف منو هذهو يوم كلمن ياخذ جزائه وهلمره راح اصير انانيه من صدك واكون وحده حقيره وراح اكون اني الي رافع الشكوه هلمره مو اشهب
سديته واني ابجي ماعرف شبيه احس روحي راح تطلع من القهر ونار بكلبي مو طبيعيه كلساع واكول حلم وهسه اكعد منه والكه كلشي ع حطيته وارجع الكه نفسي بنفس النقطه وكلشي كذب
يومين عشت بيهم المر ماعرف افكر ولا اقرر يومين عازله نفسي بعيده عن الكل وحايره شسوي وشراح يسو اشهب ووين ممكن يكون جدي وراح ينكمش ويأخذ جزائه لو لا
وره هدا اليومين اندكت الباب ودخل اشهب جنت كاعده ع الجربايه مانزلت ابد من اجيت من إيطاليا لحد الان دخل كعد كدامي باوعتلي وهمس
بعد ٣ ايام المحكمه ببغداد ترحين لو
- اي اكيد همستها وباوعت عليه بس وجدي
- هم راح يلقون القبض عليه راح يبحثون عليه ونشوف تاليتها شنو
هزيت راسي اي وكمت همس ضي باوعتله اشرلي اكعد رجعت كعدت باوعلي وصار ٤ ايام ما حاطه عيني بعينه دكنت ولمعت دموعه بعيوني
باوعلي مبتسم وكال ضي شبيج جبانه هه ما متعود اشوفج بهل الضعف هذا رجعي ضي وأخذي حقج وحق سكت شويه ورجع كمل كلامه وهو يباوع بعيوني
حق زوجج أسد من عيونه الدنيا تخوف صارت يا ضي ومنك وبيك صار يقتلك ويهدم حياتك وهسه دورج حته توكفين ع رجليج بعد ما عرفتي قاتل زوجج منو اخذي ثاره يا ضي واني وياج بكل خطوه تخطيها
حجتها ووكف باوعت وهمست اشهب اعتذر بخصوص
- ضي ماريد هدا الموضوع ينفتح إلى جامعني وياج قضية أسد وبس بس تخلص كلمن يروح بطريقه ولا تخافين أطفال يكونون عدج بس اول شي ينلزم جدج ويأخذ عقابه وتدرين ترحين وين متردين وصح
مايهمني بعد اي شي اسوي لان اكتشفت اني شنو بحياتج اعرف زواجنا ع شنو ابنى واعرف ان أسد جان كلشي عدج مو بسهوله تبدلي وهذه من حبج واصلج ومحظوظ اشهب بيج يا ضي
عافني وطلع وبعدها اجو الجهال ضلو يمي يشاقون ويلعبون وياي واني ابتسم وياهم ع الواهس مرت الثلاث ايام تركض ركض اجه حمزه هو رامي
وبيومها كعدت الصبح بدلت ولفيت حجابي وكعدت انتضر صالي اكثر من اسبوع ما نازله جوه ولا طالعه من الغرفه وحدي للحمام ماعدي الجرئه احط عيني بعين عمو علي شكله اكله جدي قتل ابنك علمود فلوس وسمعه ااه يا دنيا شكد قاسيه ويانا
عمو بكر اخ يا بكر حاله حال وعازل نفسه بشقه مالته لا يطلع ولا يطب ولا يحاجي احد ومن ادك عليه ميرد بس يحاجيني رساله وحالته حال مو سهله ابوه مجرم واديه ملطخه بدم الأبرياء ويتاجر بأشياء غير قانونيه
بدلت ونزلت صار عمو علي كدامي دنكت ولمعت الدمع بعيني اكثر من اسبوع اشرد منه وحالتي حال اخذني بحضنه وهمس اششش دموعج غالي بنيتي الله موجود انتي شعليج بكل هذا انتي اصلا رباج أسد من عمرج ١٦ سنه يعني انتي ترباية وليدي مو ياهو الجان واعرف طينتج شنو روحي واني بضهرج لا تخافين واشهب اذا حاجاج كلمه كليله عليه
ابتسمت وهزيت راسي اي طلعت لكيته بسياره ركبت وياها ورحنا لبغداد بطياره لان منلحك بسياره اول ما دخلنا للمحكمه لبس اشهب روب المحاماة وحظر كلشي بين اديه كل التسجيلات والتهديدات وكل شي جمعناه
اجت امي ومرت عمي وو بابا من شفتهم نزلت دموعي اخذتني امي بحضنها َصارت تبجي وياي وبابا واكف ع صفحه مبين تعبان وكوه واكف باوعلي وهمس
السموحه بنيتي سامحيني هزيت راسي لا لا تكول هيج انت اضل ابوي وهو جان ابوك ولازم اتسمع منه اخذني بحضنه وصار يبجي جنت انتضر عمو بكر بس مااجه
بلشت الجلسه وجان جدي غايب عنها ومامعروف وين اراضي واكفه اباوع ع المكان الي واكف بي عمو احمد يا ما وكفت بي واتهموني بي ظلم وزور اااه يا دنيا شكد دوره اليوم اليوم راح اشوف الكل محكوم يا اشهب اليوم بنسبه الي يوم نصر جان الشهر التاسع بسنة ٢٠١٧ وجنت فرحانه لان راح اشوف الكل ماخذ جزائه ماعد القاتل الحقيقي بس هم يجي يوم
بلش القاضي يحجي وبلش اشهب يحجي ويقدم الادله واحد وره الثاني ويستدعي الشهود ودخل حمزه وبلش يعيد نفس الكلام الي كاله النا ومحامي عمر أحمد حاط ايده ع خده وصافن
مايعرف شيسوي لان كل الادله ضدهم ماعدهم حته دليل واحد الهم
اشهب: حظرة القاضي هذه الادله جميعها أمامك واطلب منك بالحكم العادل بحق الجميع
هز راسه القاضي وبلش يحكم واول ما بلش بلش بالقياس ولأن مات واخذ جزائه رجع ع أكرم إكرام إلى جان واكف ويباوع بغضب إلى والاشهب واشهب يردله النضره ببرود وع خدوده ابتسامه نصر
رجع كمل كلامه القاضي وهو يحكم ع أكرم بسجن ل١٠ سنوات بتهمه مساعدة المجرم خلص ودار ع عمو احمد وكذالك الحكم كان عليه ١٢ سنه اما حمزه حمزه كان الحكم مالته مؤبد
يعني ماكو امل انه يطلع وحكم أصدقائه إلى طمعهم الفلوس خمس سنوات وكل شخص كان اله ايد بالقتل انحكم
ماعدا جدي إلى امر القاضي بالبحث عنه وتقديمه للعداله
انتهت الجلسه وكملن راح المكانه الصحيح جنت واكف مبتسمه واني احس براحه ان واخيرا ثبتت برائتي ١٠٠ بل ١٠٠ واخيرا طلعت برائتي بس للاسف القاتل جان شخص مني وبيه
اول ما طلعت هجمت عليه مرت عمي وهي تصيح وتغلط وتفشر عليه وكانما ضلمتهم زور بعدها اشهب وهو يحجي وياها بهدوء صدمني صراحه ماعرف ليش من يلبس الروب مال المحاماه يكون هادئ بكل شي رزن
- شنو ناويه تلحكين رجلج للسجن عادي كولي اذا تردين بالخدمه احنه
سكتت من كاللها هيج اشهب وانسحبت وهي تخزر بيه انتبهت ع اشهب يباوع الرامي ويحجي وياه
-ماعرف شلون اشكر منك انت جنت عون إلى صراحه لو ما انت ماجان كدرت اكمش حمزه
- تدلل ابو فراس معروفك مانساه انت صاحب واجب عليه وتريد بالخدمه اني
- مايدلل عليك ظالم بس شي واحد اريد اللهم وهم بسجن يعني خاف يحسون بالغربه هههه يعني صيرللهم فرعون ماوصيك
- افه لا توصي اذا ماخليت هم يندمون ويتمنون يموتون بهاي الكم سنه ما اسمه رامي
جنت واكفه اسمع كلامهم هزيت راسي وتقدمت باوعلي بابا وجرني الحضني عيونه ذبلانه ومبين مريض وكوه واكف كعد ع الكراسي وهمس مابقه شي مابقه شي واخذكم ونروح منا مانضل هنا بعد نبتعد عن كل شي تحملي بنيتي وسامحيني
- مسامح بابا لا يضل بالك
بيومها رجعت الا بيل واني احس بالفرح اليوم انام مرتاحه من كل شخص اذاني وظلمني هو هسه داخل السجن ودايضوك إلى اني ضحكته هم
بيومها رجعت للبيت وحضنت جهالي فرحانه والبيت مله فرحان بس اكو غصه بصدري وهي غصت اهلي ماصورت يكون المجرم جدي ماصورت بيوم انحط بهيج موقف
مرت الايام واني مانزل هواي حنان ماكو مختفيه من يوم إلى رجعنا من إيطاليا هي ماكو وبعدين عرفت هي عد أهلها وتخاف ترجع لا اشهب يكتلها
مرت الايام تركض ركض اشهب ماكو مختفي ماشوفه غير صدفه لان كل وقتي فوك مانزل قليل واذا انزل من يكون اشهب وعمو على خارج البيت لان لحد الان ماعدي القوه اواجهمم
مرت الايام وللاشهر تركض ركض اسيل تغيرت هواي ورجعت اسيل القديمه بس أقوى من قبل ولحد الان تتنتضو عمر ع امل يرجعلها جنت كاعده واقري ليث ويوسف جان تندك الباب دخل هو باوعلي وباوع للجهال واشر للهم يطلعون
طلع يوسف بس ليث ضل باوعتله وكال ليثو بابا اطلع شوي عدي كلام ويه امك
باوعت عليه وكتله يلا حبيبي روح طلع واني باوعتله
اول ماطلع ليث سد الباب وباوعلي وهمس ضي راح اسئلج سؤال واجاوبيني عليه بكل صراحه ماشي
هزيت راسي اي وخايفه من سؤاله أتقدم صار كدامي وهمس
اسيل : بعد ما احت حنان لبيت أهلها فجئه وبدون مانعرف السبب ارتاحينا منها هواي خلصت منها ومن شرها مرت الايام ورجعو اشهب وضي وياهم خبر يفرح
انعرف المجرم منو بس الصدمه معرفة المجرم منو انصدمنا كلنا صدمة عمرنا إلى ماجنت مصورتها ابد بيوم من الايام وضليت صافنه معقوله اكو هيج بشر واكو هيج جد زين تمام انت علمود فلوسك وسمعتك سويت هيج زين
مكدرت اجازف بهذني لخاطر سعادة حفيدتك
بقينا ايام البيت متوتر ومحد يحجي كلمه واشهب يركض بالقضيه صارت الجلسه وكل شخص اخذ جزائه جنت اتمنه اشوف عمر واشوف الفرحه بعيونه
من انعرف قاتل صديقه بيومها بليل اتصل تلفون اشهب ورد اشهب وهو يضحك
- هلا ابو عميره هاي تاليت الصحبه هيج تجازيني وماتسئل ولا توكف وياي يا صدك وشلونك هسه ايي الحمدالله شوكت ترجع اها ان شاءالله لعد بإذن الله مع السلامه الله وياك
جنت كاعده وانتضر يكول شنو هذا عمر اكيد هم بعد ماعرف اشهب بمرضه راح اله وماصبر لحد ماتخلص عمليته
باوعلي اشهب وكال وهو يوجهه الكلام العمر علي
- عمر يسلم عليك خابر يباركلي علمود القضيه
- الحمدالله الله يسلمه شلونه شلون عمليته وضعه شوكت يرجع
- يكول زين تدري بعمر مايحول حته لو بي شي وكال مو هسه ارجع بعد اضل بالهند هنا اشوف وضعي ياله ارجع
حسيت بفرح وحزن بنفس الوكت اطمنا مابي شي بس ضجت من عرفت ميريد يرجع حته لا يضعف يمي
مرت الايام وللاشهر واني كل يوم ارجع اقوه ومثل قبل بس اشاقه واضحك بس من داخلي حزن وانكسر جبير عمر ماكو عرفت دائما هو واشهب ع اتصال وهو بعده بالهند مارجع كل يوم ادزله رساله يشوفه ومايرد
كل يوم اكتبله شعر مثل ما جان هو يسوي واني جنت بس أقره انكلبت الأدوار هسه وهو ماكو ولا تنازل ودز رساله بعد
بيوم جنت هستوني اريد اروح للجامعه وطلعت فتحت باب الشارع جان يصير كدامي رجال احس نفسي شايفته بس وين ماذكر باوعلي وابتسم وهمس اسيل
فتحت عيونه مستغربه وهمست منو حضرتك ورايد من
هو رأسا حس ع روحه وكال ضي هنا من كال ضي اذكرت هذا عمها عزا صخام نزلت راسي وعضيت شفتي وكلت اي اي تفضل فتحت الباب اله انتبهت عليه صافن عليه وع شفايفي واني اعض بيهن من الخجل لان ماعرفته
هو حس ع روحي ودخل بس بعد ما خزرته هو رأسا ضحك وكال اشبعين بت اشهب روزه
باوعتله بخزره وهمست غير عمتها اني
- اي صح بس انتي عدي وشم بخدج مطيج انوث سكت ورايا دخل للاستقبال وهو يمسح ع راسه صفنت هذا شبي يحجي صدك لو شنو من زمان ماشايفته وعرفت من ضي صاله ٣ أشهر حاجز نفسه بالشقه مالته من وره عملة ابوه وأخوه
دخلت اطيت علم للضي وطلعت من طلعت شفته كاعد كدام الباب أبتسملي ودار وجهه واني رديتله النضره بخزره ومشيت فوكاها بنص بيتنا ويتحارش الحقير ارجع من الدوام واكول الضي عليه
كملت دوامي ورجعت من الدوام والتهيت ويه الجهال للسب كعدت ويه ضي اسولف جانت فرحانه لان عمها اجاها
باوعتلها وهمست
- اكلج ضي عمج هم فد يوم شفتي زحف ع وحده
- شنو ههههه لا يأبه وبعدين عمي يحب بنيه ويرديها هههههه وهو مو من هذا النوع ليش،
سكتت وكتلها لا هيج لعد اشتبهت عليه اليوم شفت وحدا يشبهه يتحارش ببنيه
عفتها وكمت دخلت لغرفتي كاعد اكتب رساله العمر جان تجيني رساله ع الماسنجر
💬 انتي اسيل
صفنت منو هذا اني الفيس مالتي مسميته روز روز ع اسم روزه لان احب هذا الاسم
دخلت ع المحادثه ودخلت ع صفحته من شفته انصدمت بكر عم ضي والعباس اتاكدت انت زاحف اليوم منو يخلصك مني والله اليوم أشرك ع الحبل انتضروني يا نسونجي يا زاحوف
ضي : تقرب همس يصير ازوج مو
باوعت عليه بصدمه وهمست شتزوج كعد ع الجربايه وكال
- ازوج يعني شزوج بقره مثلا لو دجاجه حته يطونا
حليب وبيض غير مره شبيج
- واني شكو جاي تحتاجيني هيج
ضحك وكال اخذ اذنج غير لان لازم اخذ اذنجن ياله ازوج
باوعتله وهمست
- ايي بالعافيه لعد روح منو لازمك وازفك بيدي اذا تريد
جان يخزرني ويعوفني ويطلع يا شبي هذا عفته وكعدت اباوع ع أوراق ليث ويوسف واصلحهن
مرت الايام وبيوم اجه عمو بكر صالي أشهر ماشايفته وأخير طلع من شقته ضليت اسولف واضحك وياه وهو كلساع سائلني ع اسيل
واني اباوع له بغموض جان يسكت ويهمس بصوت ناصي حته لو اكو امل اخوها مايطيها لواحد ابن مجرم آيس بكر
طبعا سمعته بس مثلت عليه أن اني ما سمعته وهمست عمو حجيت وياي باوعلي وكال لالا يلا اروح اني
راح وبليل استلمتني اسيل هم تسئل عليه عرفت صاير شي بينهم ابتسم واني ادعي ثنينهم ماكعد حظهم بالحب بلكت يكعد حظهم سوه والله يجمعهم سوه
بيوم جنت كاعده وقمر جانت تلعب بالألعاب روز و وزه كاعده تتفرج ع التلفزيون بعدها طلعت اغنيه ع الام ع طيور الجنه وروز كل ما تسمعها تبجي وتريد ساره بيومهم مثل كل مره كعدت تبجي
رحت عليها كاعد احجي وياها جان يدخل اشهب سكتت كامت قمر كعدت كدامنا وحجت
- ماما شبيها روزه
- تبجي ع امهم حبيبتي
- ليش هي وين امها ليش عافتها مو خوش ام هذه ماما هي وأم ابراهيم ويوسف وفراس شريرات مو خوش امهات
بجت روزه حيل وصعدت تركض فوك تبجي بعدني اريد احجي واخز بقمر جان يصيح اشهب
- قمررر تعاااي هناا
شنو هلحجي هذا مو عيب هاااااا حجاها ورفع ايده يريد يضربها وكفت وصحت اشهببب باوعلي ونزل ايده وصك ع سنونه وحجه ربي بتج عدل ضييي لا اربيها انييي
حجاها وصعد لحك روزه واني اباوع ع قمر تبجي اخذتها وصعدت الغرفتي سكتته وضليت احجي وياها
- ميصير هيج تحجي
- ماعرف هيج راح يزعل عمو معبالي كلمتي هيج اضوج
- ميخالف هلمره صارت المره الثانيه ما ريدها تتكرر ماشي هزت رأسها وعفتها مرت يومين واشهب صالح قمر واشترالها ايباد من هذا الجديد وهي طارت فرح
مرت الايام وجنت دوم احاجي امي وابوي بابا حالته بالنازل وبيبي هم وبابا كل ما خابره يكلي تحملي ماضل شي واخذكم يمي انتي وجهالج واني اكله كوم بسلامه وكلشي يهون
بيوم صادف
ليلة راس السنه ٢٠١٨ أصدقاء اشهب رادو يحتفلون ببيته لان جبير وكالو نجي يمك
صدك بيومها خظرنا كلشي اني واسيل وبعدها عفتها وصعدت حته اشوف ليث جان ضايج حيل ماعرف شبي
دخلت وهمست شبي حبيبي باوعلي وهو مبرطم همس اشتاقيت البابا
أخذته بحضني وهمست تريد تروح ازوره هز راسه ايي فرحان ابتسمت ودموعي بعيوني ماشي تدلل لعد
أخذته بحضني وصرت العب بشعره واحجي وياه جان هو يباوعلي ويكول ماما اسئلج سؤال
- اي حبيبي اسئل
- لا يلا هيج
سكتت شويه وضل يحوص اخر شي همس
- ماما
- ها حبيبي شنو
- ماما اخذينا منا والله ماتحمل ليش عافنا بابا ليش عافنا هنا عد هذا الوحش الما يرحم يضربني وذاكليوم راد يضرب قمر وحش
- لا تخاف حبيبي جدو وبيبي راح يطلعونا منا ومايخلوك تبقه هنا انت اصبر نسيت بابا شنو جان يكولك ها
هز راسه بأي وهو عيونه مليانه دموع بس يكابر دخلت قمر وهي تباوع علينا بعصبيه دفعت ليث وكالت بصوتها الطفولي
-وخر هذه حظن مالتي
ضحك ليث واني ضحكت جريتهم ثنينهم ع حظني واني اطمنهم واحجي الهم قصص مثل قبل غفو وهم نايمين ع ايدي ماحس غير الباب انفتح حيل باوعت رأسا
اسيل
- اخ لج ضي تعاي شوفي شلون يركصون جوبي اموع واسيح اني ع الجمال الصكوكه
وكفت واني اغطي بي واضحك عليهم
- أي من يسمعج اخوج عود سيحي وموعي ع الصكوكه مثل الصابون السائل من يسح ع وصلة المسح
ضربتني حيل ع متني وصاحت عابت فال الله ولا فالح تردين حبل مشنقتي يتعلك خل اعرس اول
- هههه لاحكه ع العرس
كاعد احجي وياها وهي فاتحه البرده شويه منها وتباوع عليهم وهم يركصون جوبي طفرت وهي اصيح صخااااااام لج لحكيلي ضي صخاااام
- شكو ولج شبيح صوتجج الجهال نايمه
حجت ووجهه مخطوف وعيونها مليانات دموع
- ولج اشهب شافني واني اباوع عليهم يمه اليوم ابات بنجف عزا بعيني لج يوم لحكيلي......يتبع
،،،،،، وللحكاية بقيه،،،،،
قرائة ممتعه احبتي
طبعا اكو شي اريد اكول اعرف هواي راح يكولون شنو هل الفلم الهندي وشنو هذا وين عايشين احنه ومن هذا الحجي عادي ترا والله اني هم مثلكم من وصلتني القصه انصدمت مثلكم وكتلها ماكو هيج حجي مستحيل اصدك بيج
لحد ما صورتلي القضيه وشوفتني هواي ادله وكالت شوفي ترا الي منا وبينا هم سبب خراب حياتنا يا نور ومن عدها صدكت كلامها مو بس هيج
اني تختارين هلقصه لموعضه وحكمه كلش جبيره راح تعرفوه بآخر بارت وهذا الفلم الهندي ترا شي كلش عادي لان صدك إلى منا وبينا يضلمونا واني وحده من الناس انضلمت من ناس قريبه عليه واكبر دليل إلى كاعد نشوفه هسه والي منتشر بمجتمعنا حاليا اب يقتل أبنائه علمود خلاف ويه زوجته ام تقتل أطفالها بدون سبب اخ يقتل اخو علمود قطعة كاع فلان انتحر وهكذا حاليا مجتمعنا هيج هذه مو بنضركم افلام هنديه لو مو هنديه ترا صدكوني احنه واقعنا بذات فلم هندي محد يتحمله
يعني كل هذا حقيقه والله شاهد عليه القصه حقيقيه وانقله بضبط يعني هذا مو فلم هندي او خيال هذا واقعنا إلى كاعد نغشم ارواحنا ان ماكو هيج شي وهو مجرد فلم هندي واسفه ع الاطاله
تصويتاتكم وتوقعاتكم وتعليقاتكم
اذا البارت عبر آلاف تصويت انزل باجر وبارت غومنسيييي هم 😉🤣
#نور الشمري
#نوشه