البارت خالص من التسعه وهستوه اجت الكهرباء ونشرته كلش اعتذر ♥️
#برائتي وجبروتك
بقلمي #نور الشمري
#البارت الواحد والثلاثون
#من طبيعة الإنسان أن يظلم إذا لم يجد ما يمنعه من الظلم جدياً، فإنّ الإنسان ليس ظالماً بطبعه كما يتصور البعض إنّه في الواقع يحب العدل ولكنه لا يعرف مأتاه، فهو يظلم ولا يدري أنّه ظالم فكل عمل يقوم به يحسبه عدلاً، ويصفق له الأتباع والأعوان فيظن أنّه ظل الله في الأرض.
اسيل : من شفت رسالته وهو يسئل وتصرفاته مال ذاكليوم كرهته ابو عين زاغيه نسونجي ميستحي والله اله اشره ع الحبل يدخل البنيه خاص ومنو بعد حماة بت اخو يعني مثل بته بلا رجوله صدك الرجوله قلت للأسف وصارو الذكور شكثرهم والرجال ينحسبون ع الأصابع كتبت رساله اله واني افور نار من جهه عمر الي ماكاعد يرد عليه وماعرف عنه أي شي
ومن جهه هذا شرمها إلي ماحس ع روحي اله كتبتله جريده ونازله عليه رزاله ونص
💬 اول شي وعليكم السلام ورحمة الله وبركاته ثاني شي يا استاذ بكر عيب عليك تدخل لخاص لبنيه وهي هسه من عرضك ومثل بتك يعني ع الاقل كول بنيه مخطوبه او لا كول آخوها اعرفه يصير نسيبي عيب ادخل الها واكعد ازحف يعني جنت متصورتك رجال بس للاسف طلعت ذكر وحالك حال الملطلطين إلي تارسين مواقع التواصل للأسف وسفه ع شيبات إلى براسك
دزيته واني افور نار ولسه ما انطفه غليلي منه اكره شخص يدخل خاص و فوكاها بعد اعرفه يعني شيحس من يسوي هيج بقيت الوب بالغرفه اكو شي بداخلي انبني وصحاني من الي كاعد اسوي فتحت عيوني وباوعت ع شكلي بالمرايه
لج اسييييل هاي انتي شسويتي يا ثوله يا غبيه شسويتييي لج اكو وحده تحجي هيج يارب يارب ما شايفها يارب خل الحك امسحها اهمداني ادري شجاني تخبلت وطلعت حركتي بي يعني وين راح عقلي من سويت وكتبتها يا الله دخلت ع البرنامج ورحت اريد امسحها جان تطلع خطين وصورته جوه يبوووو
هنا تمنيت الكاع تنشك وتبلعني ع هل الفاشله طلع جوه يكتب يبو يبوو شسوي اركعه بلوك لا شنو بلوك اريد اكحلها اعميها خل استر ع روحي و اكتبله اعتذار
هستوني كاعد اكتب جان يرد عليه
💬 السلام عليكم اعتذر اذا سببتلج ازعاج او مشكله بس اول اعرفي السبب وبعدين احكمي وكولي اشبه منو وليش داخل يا بت الناس مو حلو الاستعجال والحكم ع البشر
دخلت الج علمود اسئلج ع ضي لان ادك عليها مغلق وماكو ع كل البرامج وبالي كله يمها واشهب من دكيت عليه طالع وماجان عدي غير أن اسئلج اشوفها خو مابيها شي
يعني مو نيتي ازحف وهذه مو تربيتي ورجولتي ادخل للبنه خاص ولأن حسبتج حسبت ضي راسلتج مو ابالي اقلل من شاني وشانج ومكاني اني هم عدي عرض والدنيا دواره باجر عكبه الله يسلط ع مرتي لو بتي واحد ومن تحجين لا اضلين اجفصين حجي ما تعرفين شلون تكولي رتبي كلاماتج واحجيهن اشو لا كدامج اني وتخجلين واضلين تمتمين ولا هم يحزنون واعتذر إذا ازعجتج ومرة الثانيه اعرف السبب وبعدين احجي خاتون
YOU ARE READING
برائتي و جبروتك
神秘 / 惊悚قصه حقيقية 100٪. ..... باللهجه العراقية بين يوم وليله استيقضت على ذالك الكابوس الذي غير حياتي.... خسرت به أعز الناس الى قلبي....حبيبي قبل أن يصبح زوجي عشيقي قبل أن يصبح اب أولادي.... لأصبح انا قاتلته وانا بريئه كيف لا أعلم.... لاسكن السجون ويصبح قضب...
