ما قلت لك قد الغياب اشتقت لك

الخاتمة

تعال اسكن عيوني والتحف رمشي ونم بالهون وشف وينك وشف روحي ومن هو سـاكن فيها هلابك ياعطش روحي هلابك ياولع مجنـــــون عيوني والغلا كله فرشته لاجل غاليهــــــــا محلك وان طلبت اكثر عطيتك قلبي المفتـــون تمنى واطلب عيوني بكل اعجاب انا اهديهــــا ملكني هاجس الحيره وغربه مالها مضمــــون وانا شوق الغلا خذني افتش عن معانيهــــــا طوتني سالفة عمري رمتني مادريت اشلـــون جميــــل ايامنا يمضي ولا نــــارد موانيهـــا انا لي بالعنى رحله شقيه سرها مكنـــــــون

""الخااااتمه"""

مرت اربع سنوات عام ورى عام على ذكريات الحب والشوق والأحباب هذا وهو الزمن وقف بصفهم وحقق كل الأماني يوم دعاهم الحب لبوه عاشوا هم والحب والأحلام الي انرسمت لهم طول الأيااام

دخل بيت الشعر وبيده ولده مرر انظاره على الكل وابتسم اكيد الشي الي يبي يسويه ب يسعدهم تقدم كم خطوه ووقف قبال ابوه وانحنى ونزله ولده بحظن ابوه :وهذا حمودي جبناه لك ياابو طلال

ابتسم ابوغلا وضم ولد طلال حفيده وسميه :ياهلا بالشيخ محمد يافديت هالوجه
وقفه بحظنه وهو يلعبه ويحرك يده بعشوائيه
وناظر طلال :الا قلي وش عندك نظرتك وراها سر

ضحك طلال وهو يوجه نظره للكل أبو الوليد وابوه وأبو أفنان والشباب :أبد بس بعد نص ساعه اطلعوا برا مجهز لكم شي يحبه قلبكم

أبو الوليد ابتسم له بحب :وش عندك ياولدي والله مافينا حيل للطلعه من الفجر واحنى صاحيين

ابتسم طلال بهدوء :يبه نسيت أن اليوم عيد ولازم نفلها وبعدين احنى يالشباب ورانا سهره
ابتسم الوليد بهدوء :الله يستر منك طلالوه والله انت مهما يصير عندك عيال ماتعقل ابد

ضحك طلال :هههه اسكت لاتروح هيبتي قدام ولدي

ابتسم زايد ولف لزياد :هههه الي يسمعه يقول ولده يفهم وهو عمره 9 شهور

طلال ناظر ل التوأم :اقول انت وياه كل واحد يأخذ مدامه ويطلع والحاظر يخبر الغايب أقصد فهيد وعزيز وحمد وفيصل الي مختفين بالمزرعه اوكيه

وطلع وتركهم ماصدق وهو يترك ولده عند ابوه يبي يروح لحبيبته الي منتظرته بالمزرعه

وقف زايد وناظر للشباب :خلينا نطلع وكل واحد يأخذ زوجته ونشوف اخرتها مع هالخبل وش بيسوي حاس أن وراه مصيبه

ضحك زياد وهو يوقف واشر لولده خالد وجاه ركض :هلا بابا

انحنى زياد له وبهدوء :ياعيون بابا روح نادي ماما قول لها بابا يبيك برى اوكيه

هز رأسه خالد بطفوله وراح يركض لقسم الحريم

ابتسم الوليد وهو يقوم :زين وولدك كبر يلا خليه يترجل بسرعه ويصير مثل عمه وازوجه بشوق حبيبة قلب ابوها

ضحك زايد وهو يناظر له :هههه لا لا ياابو شوق بياخذ من بناتي يختار وحده يا حلا ولا جنى ولا نسيت انه توامي وبعدين مافيه إلا خالد
فيه ولد فهد سامي وولد حمد فارس كلهم بنفس عمر بنتك

ضحك الوليد :ههههه لا لا ماابيهم ابي واحد رجال أامن على بنتي عنده

لمح نواف جالس ويناظر لهم بإهتمام وبمزح :ايه تذكرت نواف صاير رجال بزوجه شوق

ابتسم نواف وتنحنح :احم احم وانا موافق

الوليد ضحك بخفه :هههههه طيب يالشيخ نواف روح قول ل ابوك يظل برا لأن طلالوه مدري وش عنده

وقف نواف وطلع يدور ابوه وهو مبتسم ومبسوط أن الكل صاروا يعاملونه على أنه كبير عمره 8 سنوات يعني كبر وصار يفهم كل شي رغم هذا مازالت طفولته وبراءته وأسلوبه جمييييل ومحبوب من الكل

""""""""""""

ماسك يدها بيده وهو يمشي ويسولف معها :والله من جات هالنتفه الماس ماتترك لي وقت أظل معك وبعد نوافي اااخ من نوافي غيرته للحين ماخفت

ضحكت جمانه بخفه :هههههه فصول الي يسمعك يقول ماتشوفني ابد

تنهد فيصل بحب :والله نتفتك الماسه واقفه بيني وبينك

ابتسمت جمانه :محد يقدر يوقف بيني وبينك انت دنيتي فيصل معك شفت الحياة ونسيت كل الماضي المر الي عشته الله يخليك لي يادنيتي

وقف فيصل ولفها له وصار يتامل ملامحها الي كل مالها تنضج وتزيد جمال يوم عن يوم رفع يده وحطها على كتوفها وابتسم وهو يقرب منها

: يبه يبه الشبااااب يقولون خليك برا لاتدخل لأن طلال مدري وش عنده

لف فيصل له بقهر وابعد يدينه عن جمانه وضرب فيها ببعض :لا حووول نواف ياملقوف يعني انت ماتتركني ابد مع أمك ياليل الشقى انا وش مسوي بحياتي الاقيها من الماس ولا منك

ولف ناظر جمانه وهي حاطه يدها على فمها وتضحك رفع حاجب :وأنتي عاجبك انه جاء بهالوقت

ضحك نواف وكأنه عرف انه خرب على ابوه :هههه يبه والله ماقصدت

رفع طرف ثوبه فيصل وتحرك بسرعه جهة نواف

ونواف من شافه حط رجله ركض وهو يضحك :هههههه اسف يالحبيب

من ابتعد عنه نواف وقف مكانه وصار هو بعد يضحك :هههههه ياهالولد الي مجنني يعني اني كبر وصار يحكي مثل الكبار

أبتسمت جمانه وهي تمسك يده :نسيت أن هالولد الي قربنا من بعض

ابتسم لها بحب وبنبره كلها حنان :مانسيت ولا راح أنسى أي لحظة جمعتني فيك يا أغلى من بهالكون كله

شدت جمانه على يده وقلبها مستحيل يهدأ بوجوده هو حبيبها زوجها واخوها وابوها وكل دنيتها

"""""""""""""""

دق عليها وقال لها يلاقيها برا انتظرها ماجت صار يمشي ويمشي إلى أن لمح طيفها تقدم كم خطوه وعرف انها هي مرر نظره عليها وهي جالسه عند المسبح ومنزله رجولها فيه وتحركها
بهدوء جلس جنبها ورفع ذراعه وحطها على كتفها وابتسم :ريمي وش تسوين هنا

من سمعت نبرة صوته لفت بسرعه وناظرت له بحب :ولاشي كنت انتظرك

ابتسم عبد العزيز وشد ذراعه عليها :لايكون تعبانه حبيبتي مع الحمل ادري انه ب الشهور الأولى يتعب

هزت رأسها ريم بخجل دوم تخجل منه ركزت نظرها عليه بحب من عرفته وهي صارت انسانه ثانيه هو انقذها بهذاك اليوم المشئوم ظنت أن حياتها ب تنتهي عند هذاك الحد بس من انقذها بدأت حياة انسانه جديد ريم ثانيه غير الي قبل كان بقلبها من ذاك اليوم رغم أنها كانت تنفي كل الي تحس فيه تجاهه عافت كل الرجال من سوات فواز فيها بس من خطبها عبد العزيز عرفت انه انسان مافيه منه رغم الي شافه هذاك اليوم ماخبر أحد وكأنه سر ودفنه ببئر عميق وهذا الي زاد ثقتها فيه تزوجها وهو مايعرف ماضيها وهذا طلب منه يبيهم يفتحون حياة جديد حياة تخلو من أي شي سوا الحب

مرر نظراته عليها وضحك بخفه على ملامح وجهها :هههه وين رحتي حبي

توها تنتبه ريم لنفسها وسرحانها فيه نزلت راسها :رحت فيك عبد العزيز انا من شفتك وانا بدأت حياتي من قبل كنت عايشه بلا هدف يمكن لو ماشفتك هذاك اليوم كان مت مت من الخوف الألم تانيب الضمير طلعت لي بهذاك الوقت وانقذتني انتشلتني من الوقت العصيب الي كنت أمر فيه بقيت بقلبي وعقلي لحتى صرت لك وصرت لي عزوز احبك احبك أكثر من كل شي انت حياتي. ..

قاطعها عبد العزيز وهو يحط يده على شفاتها :انتي الي حياتي ااخ يالريم من شفتك بهذاك اليوم وعيوني تعلقت بعيونك حتى النوم جافاني انا مايهمني الي صار هذاك اليوم كل الي يهمني حبيبتي انك صرتي معي ولي ريم لعبد العزيز وعبد العزيز لريم شفتي وشلون لايقن على بعض

نزل يده وسحب رأسها وحطه على صدره وذراعه على كتفها :تدرين ماكنت أثق بالحب من أول نظره كنت اتريق واضحك على طلالوه بس من شفتك عرفت اني طحت صويب بعيونك وتعذبت ببعادك عني واشوقي كانت تزيد لك يوم عن يوم لحتى صرتي حولي ومازالت اشواقي لك تتزايد

وضحك بخفه : هههههه هاذي دعاوي طلال الحين عرفت الحب وعذابه وحسيت فيه المسكين

ريم شدة على تيشيرته :ربي يخليك لي طول العمر يالغالي

ابتسم عبد العزيز بهدوء :ويخليك لي ياريمي

"""""""""""""""

وقف قبال الجلسه الي تطلع على الاسطبلات وهو ماسك يدها غمض عيونه وهو يستنشق الهواء وفتحها بسرعه لف لها ببتسامه :منار تذكرين هالمكان

ابتسمت منار :وشلون مااذكره هنا بهالمكان احتفلنا بعيد ميلادي تذكر يوم غنيت لي هنا

ابتسم حمد بحب :اكيد أذكر أذكر كل شي يجمعني فيك ومستحيل أنسى شي يخصنا

منار ببتسامه : الحمد الله وربي رجع لي ذاكرتي ماادري وشلون نسيت كل شي ادري حبيبي أن هالشي ألمك بس ماكان بيدي ابد بس الحين تذكرت وربي تذكرت كل ماضينا الحلو وبيظل بمذكرتي لآخر يوم بعمري

شد على يدها حمد وتوسعت ابتسامته :صحيح حيل انهدمت وحيل انصدمت كانت هذيك الأيام أسوء أيام حياتي بس دام مناري جنبي كنت أصبر نفسي كنت ماابي أي شي يضرك أو يكدر خاطرك كان ألمي فوق ألمك لاشفتك تبكين لاشفتك تشكين بس كل شي راح ومضى ...

قاطعته منار بحب :مثل ماقلت راح ومضى

سكتت شوي ورفعت يدها تبعد خصل شعرها الي جت على عيونها من الهواء ورجعتها وراء أذنها وابتسمت : ابسألك منهو فينا ياحمد اكثر يموت بصاحبه؟

ناظر لها بنظرات حب حنان عشق من الطفوله
:ابي اقولك نفس الكلام ولو مضت السنين وصرنا شياب منار إنتي الذي بالقلب سكناك
وإنتي ترى أحلامي وطموحي ماشفت أنا مثلك وشرواك ولاشفت أنـا مثلك سموحي وأبيك تعرفي شي عن غلاك وأرجوك بسري لاتبوحي
أحبك وأحبك حيل وأفداك وأرخص لك الغالي وروحي

ضحكت بدلع :مهما قلت ببقى انا الي اموت فيك أكثر

جاء بيتكلم بس حس بيد صغيره تمسك يده نزل نظره وانتبه لولده واقف جنبه ضحك وانحنى وشاله وهو مازال ماسك يد منار :فارس وش جابك هنا

فارس ابتسم بطفوله :اشتقت لكم

ضحكت منار ورفعت يدها تسحب خده :يالبى الي اشتاق لنا
وقربت منه وباسته بخده اليسار وحمد باسه بخده اليمين وهو مستانس ومبسوط بين أحلى ام وأب بالكون كله

"""""""""""""""""

قال لها خالد أن زياد يبيها برا أخذت شالها وطلعت صارت تمشي بالمزرعه وتدوره بعيونها ماتدري وين تلقاه دقت على جواله مارد رفعت نظرها واستقرت عليه وهو واقف عند النخله ومتسند عليها ومن شافها عدل وقفته وتقدم منها حتى صار واقف قباله

توسعت ابتسامتها من شافته يقرب منها وهي تمرر نظرها عليه ياما عاشت معه بالظلام هو الوحيد الي وقف معها هو الي كان نظرها يوم انها عايشه بالظلام نطقت اسمه بكل حب :زياد

زياد ابتسم ورفع الورده الحمراء الي بيده ودخلها ورا اذنها ومن بين شعرها :هاذي الورده ل أحلى ورده بحياتي

نزلت راسها بخجل :تسلم زيود

زياد مد يده ورفع وجهها بطرف أصبعه :يازين الي تستحي اسيل الحين صار لنا 5 سنوات وبعدك تستحين

ابتسمت آسيل بحب :وإلى أن اعجز بعد

ضحك زياد بخفه :ههههه فديتك يابعد قلبي

آسيل بخجل :فداك كوني ياابو خالد

توسعت ابتسامته زود يعشقها من تقول له أبو خالد يحس نبرتها غير تخليه يضيع ببحر ماله بدايه ولا نهاية حط ذراعه على كتفها وسحبها لصدره نزل رأسها قريب منها وهمس لها :تدرين انك سري الصغير وصدفتي الجميله

رفعت نظرها له وضحكت بخفه :وانت تعرف ان حالتي ماتختلف عن حالتك صرت لي النظر وبوجودك افراحي تكتمل

""""""""""""""""""

انتبه لهم من بعيد وهم يمشون توسعت ابتسامته وتقدم منهم بخطوات سريعه قرب من ولده وانحنى ورفعه لفوق بسرعه :هواااااااابا

سامي صرخ وهو طاير بين يدين ابوه :وااااااااا فهيييد

لفت أروى وانتبهت لفهد شايل سامي لفوق ضحكت من سمعته يناديه ب اسمه:ههههههههه

فهد رفع ولده على كتوفه وببتسامه :تمسك زين والا ترى بطيحك اااخ وفهيد بعد ياسامي
من معلمك هاه

ضحكت أروى :هههههه اول مره اسمعه يقولها لك

ابتسم فهد ومسك يدها وصار يمشي معها وولده على كتوفه :مافيه غير وليدوه هو الي معلمه اكيد

ابتسمت أروى ورفعت نظرها لولدها الي ماسك رأس ابوه بقوه ويضحك ببراءه :يالبى حبيبي سامي مين تحب انا ولا بابا

سامي بطفوله :ماما ماما وبس اصلنا لاكبرت بتزوجها

فهد فتح عيونه كلها من سمعه ووقف :وش تقول ياربي بيجلطني هالولد

ضحكت أروى :ههههههه ياقلبي ياناس سامي مايصير تتزوجني

وضمت ذراع فهد :ماما حق بابا وبس صح حبيبي

هز رأسه سامي بزعل :لا لي أنا انا وبس

فهد ابتسم وناظر أروى الي ضامه ذراعه وانحنى ونزل سامي من على كتوفه :اقول سامي حبيبي روح العب مع العيال

راح سامي ركض ابتسم فهد وهو يشوفه يركض ووقف لف لجهة أروى وناظر لها بحب :مادرى أن أمه أخذت عقلي وتفكيري بشقاوتها الي قبل

ابتسمت أروى :ههههه وشقاوتي كانت ماتصير إلا معك ومواقفي بعد

ضحك فهد بخفه :ههههه كل شي كوم ويوم صحيتيني من النوم كوم ولا يوم رشيتي علي المويا

أروى بخجل :فهود مو قلت لعاد تذكرها

ابتسم فهد وقرب منها زود :وشلون مااذكرها وهي مطبوعة ب ذاكرتي تدرين انك أجمل شي صار بحياتي

ناظرت له أروى بحب تعشق هالانسان هو الوحيد الي دخل حياتها وكان له دور كبير بهذاك اليوم المشؤم هو الي وقف معها هو الي سندها هو والوحيد الي صدقها من بين الكل تعشقه لحد الجنون ابتسمت بحب :فهد طيب وش كثر تحبني

فهد قرب منها زود وحط جبينه على جبينها ومسك يدها :تسأليني وش كثر احبك أروى تدرين بعض الحكي ما يوفي أنا ياروحي ادمنتك من أول ماتعاطيتك

نبضات قلبها زادت وهي تسمع كلامه الحنون هذي حياتهم تملاها المشاعر الصادقة الحب والحنان تكلمت بهمس :ياجعلني ماانحرم منك فهيد

ضحك من قلب من سمعها تقول اسمه بهالطريقه :هههههههههه امين ياعيون فهيد ولا منك ياروحي

دق عليها ماردت رفع جواله ودق على أمه وعرف انها طلعت لبرا قفل الجوال ونزله بجيبه وعرف وين تكون الحين وبهالحظه يعرفها زين وشلون مايعرفها وهو تعذب ببعدها المرض حال بينه وبينها لكن رغم كل شي حبهم ماتبدل ولاتغير ابد مشى متوجه لمكانها المعتاد ووقف مكانه أخذ نفس من شافها على المرجيحه وابتسم

قرب منها بخطوات بطيئه مايبيها تحس فيه ووقف وراها رفع يدينه و حطها على يدينها الي متمسكه فيها ونزل رأسه لمستواها :وش تسوي حبيبتي هنا

حست فيه افنان توسعت ابتسامتها :زيود من متى وانت هنا

ضحك زايد واعتدل بوقفته :من شوي وبعدين فني متى بتكبرين هاه بدل ماتلعبين بناتك تلعبين انتي

ضحكت بخفه :ههههه وش اسوي أحب العب وبعدين مين قالك اني هنا

زايد أبعد يده عنها وصار يدفها بهدوء :قلبي قال لي ادري فيك تحبين هالمكان

أفنان ابتسمت من سمعت كلامه وغمضت عيونها والهواء يحرك شعرها وزايد يدفها :في هالمكان لي ذكرى معك صحيح كانت حزينه بس تدري أحب كل شي صار لي معك حتى لو أنه حزين

ابتسم زايد من تذكر اعترافها له وهو رفضها كان بهذاك الوقت تفكيره محصور على نفسه كان أناني حتى على نفسه بمشاعره كله عشان مرضه بس حبيبته ماتركته ابد و إلى الآن من يتذكر الماضي الي كان بعيد فيه عن أفنان يلوم نفسه تكلم بهدوء :فني

أفنان بهدوء :عيون فنك

وقف المرجيحه وتقدم وصار واقف قبالها جلس بهدوء على ركبه ومسك يدينها الثنتين وهو يناظرها بهيام :بقولها لك هنا وبنفس المكان و ااااه لو يرجع الزمن لهذاك اليوم لاارددها إلى أن تملين

سكت شوي ومازال ماسك يدينها شد عليها :أفنان

أفنان بلعت ريقها وابتسمت ونبضات قلبها تتسارع :قلبها

زايد بحب : تدرين ان عشقي لك أكبر من غلا إنسان لإنسان إحساس ما هو كل البشر يفهمونه

ابتسمت أفنان وجت بتتكلم بس قطع عليها وجود طيف جنبهم وهي تجلس على المرجيحه الي جنب أفنان

من شافها زايد رفع يده ومسح وجهه وهمس لافنان :جت عدوتك

ضحكت افنان وهي تناظر طيف :ههههه طيوفه وش تسوين هنا

طيف رفعت اصبعها على رأسها وهي تأشر فيه :ابي اتمرج
وناظرت زايد :زيود تعال دفني مو بس تدف أفنان

ابتسمت أفنان وهزت رأسها بيأس من هالبنت ونزلت نظرها لزايد :زيود روح دفها

وقف زايد وهو يضحك وصار يدف أفنان وطيف بنفس الوقت وضحكاتهم صارت تعلى بالمكان

""""""""""""""

مررت انظارها على المزرعه هنا كان أول لقاء لها معه تذكرت جرائته معها عند المغاسل وبالمطبخ يوم صورها يالله من يقول إنها وصلت بعشقه لهدرجه سلب قلبها وروحها بأسلوبه وحنانه وضحكته الي دوم ماتفارقه رفعت يدها تناظر ساعتها له ربع ساعه من أخذ محمد منها وراح للرجال ماتدري وش بيسوي بس كل الي تعرفه انه مجنون وبيسوي أي شي براسه حست بيده تغطي عيونها من ورأ رفعت يدها وحطتها على يده وضحكت بخفه :هههه طلول

طلال أبعد يده ووقف قبالها وهو يحرك حواجبه :صرفت نقطتنا

ضحكت ملاك :ههههه الله يستر من تصريفاتك
وكتفت يدينها :والحين قلي وش تبي تسوي

ابتسم ورفع الكيس الي بيده :ابي اولع بالدنيا

عقدت حواجبها ومررت نظرها على الكيس وضحكت وكأنها عرفت وش يبي يسوي :هههه مره وحده تبي تولع بالدنيا طلول شكلك بتولدني قبل وقتي

مد يده طلال وحطها على بطنها :بسم الله عليك وبعدين وشلون تولدين وانتي توك ب الخامس

ابتسمت ملاك :أنا ادري عنك انت والله حيل تاعبني الحمل وهذا هو بالخامس اذا ولدت خلاص معاد بجيب لحتى يكبرون محمد واخوه

طلال ضحك بخبث : ههههه هذا إذا ماجاء غيرهم

عقدت ملاك حواجبها بزعل :لا لا يكفونك محمد والي بيجي

طلال ابتسم بحب :ملوكه حبيبتي ادري انك تتعبين بس كل شي ب اجره
انا ابي عيال كثير أبيهم يتربون حولي وقدام عيوني ابي اعطيهم حنان الأب الي انحرمت منه ابي اشوفهم يكبرون قبال عيني ابي اعوض حرماني من اهلي بعيالي

ناظرت له بحنان ومسكت يده وركزت عيونها بعيونه :بتربيهم وتفرح فيهم حبيبي

طلال توسعت ابتسامته وانحنى وطبع بوسه على خد ملاك بهدوء :تسلم لي الي متفاهمه

ملاك ضحكت بخجل :هههه طلول خلينا نولع الدنيا

ضحك بسعادة :هههههههه تعالي

مسك يدها ومشى وهي معه حتى صاروا بوسط المزرعه نزل الكيس بالأرض وطلع الالعاب الناريه وبدأ يضبطها هو وحبيبته والابتسامه مافارقت وجيههم الي تحمل معها كل معاني السعاااااده

""""""""""""""""

رفع يده الوليد وطق الباب تنحنح :احم احم يمه فيه أحد

ام الوليد :لا لا يمه مافيه إلا غلا وامها ادخل

دخل بهدوء ووقف مرر انظاره على الكل أمه وام غلا ودانة قلبه الي واقفه ب الوسط وكالعادة من يشوفها تتمرد دقات قلبه ابتسم وهو يناظر لها بفستانها السماوي القصير وواضح بطنها الكبير وشعرها الي فاتحته شكلها كان حيييل كيوت نزل نظره على بنته وهي ماسكه يد امها ولابسه نفس أمها شكلهم حييل جميل ياكثر ماتذكره هالبنت بحبيبته ايام الطفوله نسخه من أمها وهذا الشي الي زايد من سعادته تقدم منهم كم خطوه وتوسعت ابتسامته وهو يمرر أنظاره على عمته وأمه :وين الكل شكلهم طلعوا يلبون دعوة طلال

ضحكت ام الوليد :هههه أي والله مدري وش عنده طلال

وقفت ام غلا :وانا بعد بلحق الكل قبل لايفوتني الحدث الي بيصير ولاندري عنه

ضحكت دانه بخفه :هههههه يمه الحقي مدري ولدك وش مسوي

ام غلا بحب ونبره كلها حنان :لو ويش يسوي اشوفه بعيوني أحلى من كل شي

دانه انحنت ورفعت بنتها الي واقفه جنبها وماسكه يدها :شوق حبيبتي روحي مع جده

قرب الوليد بسرعه وأخذ شوق منها :دندون متى بتفهمين اني مانعك ماتشيلين هالنقطه

ابتسمت دانه دوم خوفه عليها زايد عن الحدود :الوليد مافيها شي هاذي ملاك تشيل ولدها وهي حامل

رفع الوليد حاجبه :هاذيك ملاك مو دانه وبعدين ولدها صغير وشواقه عمرها 3 سنوات يعني صارت كبيره

باس خد بنته بحب وهمس لها بأذنها :تروحين مع جده اوكيه شوق

ضمت شوق يدينها على رقبة ابوها وباسته بخده :طيب لودي

ضحك بخفه وناظر لدانه دوم هالبنت تقلدها بكل شي :ههههه عيون لودي روحي مع جده حبيبتي اوكيه

هزت رأسها بالإيجاب وهي مبتسمه نزلها و راحت ركض لام غلا مسكت يدها واليد الثانيه مسكت يد ام الوليد وصارت بالنص ضحكوا من شافوها تقرب منهم وتمسك يدينهم وطلعوا لبرا

بعد ماطلعوا ابتسم الوليد بحب وقرب زود من حبيبته الي واقفه بااحلى طله رفع يده وحطها على بطنها الكبير :ومتى بيشرف ولي العهد

ضحكت دانه بخفه :هههه باقي شهر ويشرف

ابتسم الوليد بحب ومسك يدها وبنبره كلها هيام :عندي لك مفاجأة واعتبريها هدية العيد

ناظرت له بحب اشتاقت له من الصبح ماشافته من جوا المزرعه وهو بقسم الرجال وهي بقسم الحريم ركزت نظرها بنسفة غترته وثوبه شكله كان رهيب شدت على يده :شوقتني اعرف وش هي

سحبها وهو يضحك :ههههه دقايق وتعرفين

وصار يمشي وحبيبته تمشي معه لحتى وصلوا لجهة الاسطبل لفت له وضحكت :هههه وش تبي هنا أخاف يفوتنا الحدث الي بيصير

الوليد بنبره حلوه وهو مركز عيونه بعيونها الي غرق فيها من زمن :تطمني هالخبل بينتظرنا كلنا والله أعلم وش عنده

ابتسمت دانه وهي مازالت تمشي معه :لودي قول ليش جايبنا هنا

وقف قبال اسطبل فرسه ولفها له وبدأ يمرر نظراته عليها وعيونه تحكي العشق الحب الاشتياق شوفتها قباله تخليه وكأنه طاير والنسيم حوله عيونه تحظن عيونها اااخ ماتدري أن عيونها تحكي له كل أنواع الغرام عيونها لوحدها قصة غرامه والشقا ومضمونها من تلتفت له يعتبر نفسه على صدره وسام ومن تلتفت له بالغلا ماله مجال ومن تلمحه يسهر لياليه الشقية ماينام رفع يدينه وحطها على كتفها :دندون غمضي عيونك

ابتسمت وعرفت أن عنده شي غمضت عيونها وهو مسك يدها وشد عليها فتح باب الاسطبل ودخل وهو يمشي دانه معه وقف وتوسعت ابتسامته عارف ان هالشي ب يسعدها :افتحي عيونك ياغلاتي

فتحت دانه عيونها بهدوء وبدا يوضح لها الي تشوفه قبالها فرس الوليد الدانه وجنبها مهره صغيره توسعت ابتسامتها وصرخت بفرح وهي تناظر للوليد :لوووودي وش ألي اشوفه متى ولدت الدانه

ضحك الوليد بسعادة :ههههه لها يمكن شهر من ولدت

زادت صوت ضحكاتها وقربت منه وضمته بقوه وهي تدفن رأسها بصدره وبنبره كلها حب :ههههه أحلى مفاجئة وربي أحلى هديه اااه يالوليد سعادتي اليوم ماتوصف حبيبي

حاوطها بيدينه وضمها زود لصدره ودقات قلبه ماتهدى اصلنا من متى وهي تهدى بقربها ابعدها عنه ومازالت ابتسامته مرسومه على وجهه من يشوفها سعيده يحس وكأنه ملك الكون بأكمله :هاذي المهره الصغيره لك مابعد سميتها ببالي اسم بس قلت ابيك انتي تسمينها
وش رأيك

هزت دانه رأسها بالإيجاب وتكلمت بسرعه :ابي اسميها الغلا

ضحك الوليد من نطقت الاسم :ههههه نفس الاسم ببالي

وناظر للفرس والمهره :الدانه والغلا

هزت رأسها بسعادة :ايه الدانه والغلا
ولفت للوليد :لودي ابي أركب على الدانه طلبتك
اشر بااصبعه على عيونه بحب :ابشري كم دندون عندي اطلعي برا وانا اجيبها الحين اوكيه

ابتسمت وطلعت برا تنتظره سحبها الوليد بهدوء ونزل غترته وعدلها وربطها على رأسه بالطريقه الحمدانيه وطلع لدانه قرب منها ووقف هو والفرس اشر لها تقرب منه تقدمت منه دانه حتى صارت واقفه قباله مد يده :قربي عشان أشيلك

دانه بخجل :أنا أعرف أركب لودي

هز رأسه الوليد بالنفي :هاه دندون اذا ماشلتك انا ترى ماراح اخليك تركبين

ابتسمت وهي تقرب منه زود وحاوطت يدينها على رقبته :طيب يلا امري لله

انحنى الوليد وحط ذراعه تحت ركبها ورفعها بخفه وهي متمسكة فيه ركبها على الفرس بسرعه ورفع ثوبه وحطه بفمه وعض عليه وطلع وراها بحركه سريعه حط ثقنه على كتفها :امسكي اللجام زين

مسكت اللجام وهو حط يده على يدها وصار يحرك الحبل والفرس بدت تمشي وتمشي بهدوء والهواء يحرك شعرها قدام عيونه نزل رأسه بشعرها وصار يستنشق ريحة عطرها يالله كم جابه بلهفته هالعطر لحظااات صمت مرت ماتنسمع الا صوت انفاسهم قطع صمتهم صوت قوي رفعوا روسهم للسماء وبدأت توضح لهم الرؤيا الالعاااب الناريه كانت تنطلق وحده ورى الثانيه وتتوزع بشكل جميييل بالسماء وكأنها لوحة متحركه صرخت دانه بفرح وهي تشوف الألعاب النارية بكل الألوان تتوزع بالسماء :واااااو لودي شوف ههههه الحين عرفت طلول وش بيسوي

توسعت ابتسامته وشدها له زووود وهو يحس انه طاير بالسماء نزل ذقنه على كتفها وقرب فمه من أذنها وهمس لها بهيام :دانه ماقلت لك اشتقت لك قد الشجن الي وسط صدري سكن قد الحروف الي تبيك وماحكت وقد الدموع الي على فراقك بكت وقد الوجيه الي اضحكت لي وبقفى ظهري اشتمت اشتقت لك قد ماحوى قلبي بياض وقد السماء وقد الفياض وبقد كل عاشق كتب للي اعشقه اشتقت لك ماقلت لك اشتقت لك

وبهالحظه انطبعت ذكرى رائعه تبقى محفورةً داخل أبطالنا تاخذهم لعالم جميل يتذكرون فيه أجمل اللحظات حتى وإن كانت مؤلمة يبقى لها رونق خاص بقلوبهم هاذي هي الذكريات راحت لكنها ما زالت تنبض بالحياة حفرت داخل أعماقهم وبعض الصور حفظوها في عيونهم وحنين عظيم حبسوه داخلهم و أشواقهم اصبحت واضحة بكلماتهم

&النــــــــــــــــــــــــهايـــــــــــــــــــ ـــــــــــه&

كفارة المجلس

"""سبحانك اللهم وبحمدك ،اشهد أن لا إله إلا انت استغفرك وأتوب إليك ""