السلام عليكم حبايب
#اعاقب لأي ذنب
#تبارك العزاوي..
_انه ضحكت ع شكلها شلون كامت وماتعرف شتسوي انه عرفت كاظم هو راح للمطبخ لان هيج وكت يجوع ههههههه هيه راحت ركضت للغرفه وانه ظليت اضحك ع شكلها بعدين صفنت اذكر شكلها وهيه بين ايده طعم شفايفها لسه بشفتي ااخ يكلبي جن وكعت يااركان هيه مراهقه وكعت بشباكها ااووفف ظليت اذكر سوالفها لحد ماغفيت ونمت ..
ميار :- يلا كومي ماشبعتي نوم ورانا شغل وكومه سوالف يلا عاد فضيها
نرجس :-ايي ماماا هسه كومت اووف ميصير واحد ينام شويه بعد
ميار :- لاميصير هاي شنو شبيها شفتج وفجج اشو مزرك ؟
نرجس :- اهاا شبي فجي شو كمت اشوف بمرايه اشوف اثر العضه مال بارحه مزرك عزه بعيني
ميار :- هيي شبيج اشو صفنتي احجي هاي ليش هيج مزرك
نرجس :- ها هااي ا االبارحه الدوش يدوي فلت من ايدي وانه جاي اسبح 😁😅
ميار :- يربي هلبنت شكد ثولهه امشي عاد دمشي
نرجس :- اي يمه خلي البس شالي واجي وراج طلعت امي ظليت ادردم ع اركان يعني سنون لو تمساح هيج يسوي خرب لفيت شالي ولفيت عبايه عدل وطلعت صبحت عليهم جانو كاعدين طلعت للممشى اغسل وجهي فصار كدامي مبين توه كاعد وشعره مخربط ونازل ع وجهه وعيون تجدح من لمعه الشمس وينشف بيده انه نزلت راسي وفتحت حنفيه وجاي اغسل جان يضحك دحكت عليه بمعنى شكوو؟
أركان :- بويه هيج ترفه وعضه بسيطه سوت هلزراك هههههههههه
نرجس :- لا عيني مو ترفه بس اكو متوحش سنانه عبالك سجينه 😒😒
أركان :- افاا هسه انه صرت متوحش ظاهر ماتبتي من لسانج طويل يرادلج بعد عقاب😉
نرجس :- نننننن عقاب عيبت عليه وفلتت سمعته يضحك وانه كلبي يدك وشعور حلو حيل دخلت امي صاحتني كعدت يمها وتريكت دخل هو انه مدنكه صبح عليهم وراح للاستقبال وراها رجعنا نظف انه كعدتت اصفط فرش مال الغرف وامي كالت
ميار:- يمه بنيتي ماترحين تجيبيلنا مي اشو فحط كلبي
_ماشي يمه هسه اجيبلج رحت اجيب مي من براد نزل وليد كاشخ ومتعطر اجه يعدل بغترته يجام مال مطبخ كتله بشر وين النيه
وليد :- والله ياقوطيه معزومين لعرس صديقي عرس وانه بعدني هههههه
نرجس :- ههههههه بخير بخير بس معزومين ليش منو حيروح وياك
وليد :- انه واركان طلعين انطيني سويج سياره يمج ع ثلاجه
_رحت انطيته السويج وطلع دجيب السراحيه وجان يكفخني هذا العطر اعرفه صفنت ثواني بعدين داخذ الكلاص وجان يدخل للمطبخ ذيج الكشخه كاشخ وهو ضخم ودشداشه مجسمه عليه لبس لون اسود وغتره بيجي باسود وساعته وسبحه بايده الثانيه وكتافه عراض ويمشي بكل غرور فات من يمي اخذ الكلاص من ايدي وسراحيه همين صب مي ويشرب وعينه عليه انه توترت بعد وخر كلاص كال
اركان :- وين صافن الحلو مالي ..
_اها لا مو على شى 😊..غمزلي وطلع يمشي وادحك ع طوله حد ماصاحت امي
ميار :- هم لو مصخره الدفان يطلع ابوي جان طلعه من زمان لج وين ماي يحظيييي مسعده امج اي والله
نرجس :- جااايه جااييه ههههههههههه كملنا كل الشغل وصار بيت يلمع مابي ولا كشايه ورتبنا كم شغله للزينه مال الحنه بقت يجبون الكراسي وهما يرتبوهن اجه عمي فادي جايب وياه عشه وشرابت وببسي وكيك كال اليوم تعبتوا وفرشنا السفره انه ادحك ع باب اشو مااجه لسه احس روحي مشتاقتله يربي شهل شعور اكلت شويه بعدين كمت رحت
اغسل امشي واحجي بيني وبين نفسي وين راح اشو تأخر فتحت مي جاي اغسل اهوو وانه شنو دسأل وين راح وين اجه عسا بستين داهيه اوووف اشو احس روحي مشتاقتله اهووو خلي اوخر هاي افكار من راسي احسن دنشف ايدي ماحس غير ايد كضتني و نسحبت وصرت وراه البيت بس اريد احجي ماكدر من هبطه لمن اشوفه أركان
_ يعنيي هييج تسحبني توكف كلبيي صدك تحجي!!
_ اسم الله عليج جا كلبي كبل كلبج
_ لا ع بختك واي شكو سحبتني هنا هاا
_شنو مشتاقتلي🌚
_منوو اني ههههههه شبيه تخبلت اشتاقلك
_ لاا واضح لعد منو جا منو جان يحجي قبل شويه اممم
_ وانته ليش اخذتها ع نفسك يجوز اقصد غير واحد😌
_لزمتها من فجها .. بس اسمعج حاجيه هيج للراسج اكسره فاهمه
_ااخ فجي اوي دوخر وانته ليش هيج غيران اها🤔
_لان ماريد احد بالج غيرريي
_حجاها بااذني احس جسمي كله خدر ..وو ل ليش ب بله
_لان انتي مالتي وبسس
_ اهااا ي يع يعني شنو مفهمت...
_تظلين ثوله تبعدت عنها كرصتها من خشمها بشقه وكتلها امشي فوتي برد الجو يلا
_ظليت صافنه عليه شبي هذا تصرفاته مو طبيعيه وكلشي مفهمت من حجيه بعدين دخلت هو وراه ربع ساعه فات هو وليد وانه ظليت ادحك عليه وهو يضحك ويشاقه وياه عمتي وعمي فادي شكد حلوه ضحكته اخذت ستكان جاي وصارت عيني ع رسل دحك عليه بنظرات حقد عبالك بايكه ورث الخلفها اوي هيه يوم يومها حقوده وبنص ساعه امي كالت يلا تنوكل انه احس روحي ضجت ماريد اروح واعوفه هو يوم بس احس روحي يمه ماعرف هلشعور شنو مادري كمت هو عينه عليه لحد ما وصلنا باب هو اجه كال انه اوصلكم ويبده السويج امي ماقبلت بس اصر عاد صعدنا وياها انه وامي كعدنا لي وراه وهو شغل سياره امي غفت نص كاعده ونص نايمه
هو فرت المرآيه عليه وشغل اغنيه اوراس ستار :-
"ونكتب حبك الي الاخر نفس اهواك يعشك بي منتهي الله الي سوالكك بيك سوالف ذوبت كلبي يالماضايع يمك عمري اهواك بكد الكون وكد مابي اسرار .وداخو داخو بينا الشمات ماتو ماتو وحبك المامات ""
ويدندن وياه اغنيه وعينه عليه ومبتسم وانه مدنكه راسي وضحكتي صارت للاذن ههههههه رفعت راسي ولتقت عيني بعينه غمزلي يااابه مو غمزه خذت كليبي ظلينا هيج حد ماوصلنا للبيت وصلنا الا دخلنا للبيت يلا راح امي راحت نامت لكيت عمه وسن شغله عدنا تجي بوكت امي تطلع خارج بيت مكمله كلشي وخطيه همين نايمه صعدت للغرفه واحس كلبي طايررر من فرح رحت سبحت وخليت ماسكات وكذا فرحانه ع شنو مادري وكملت رحت نمت ماحسيت لثاني يوم .
أركان :- وراه ماوصلتها لبيتهم رجعت لكيت وليد مسوي نركيله وجاي ومحظر سوني
وليد:- تعال نلعب كيم ونركل نغير جو
اركان :- ااخ يابه اليوم شيخلصك مني اذا ربحت عليك ههههههه
وليد :- انته تربح علي نشوف هاك يلا نبدي
فادي :- عاد بجذب صيحوني وياكم هههههه
وليد:- هايي قدامك جابنك وياحياك بس اروحلك فدوه لاتزعل
فادي :- دنجب لك صغير ازعل انه دنطيني نركيل قبل لا تجي امك تخبصني
اركان وليد :- هههههههههههههههه
اركان :- يلا دنشوف من يربح عليه ..عاد كعدنا نلعب لحد مانعست ورحت نمت بس مشتاقلها..
زينه :- ايي خاله هسه اكعدها هههه..ونرجيسسس ونرجيسس كومي يلا كومي يلا ونرجيسس
نرجس :- وجع وجع وجععع شبيج اهل مداهمات هم مو هيج يدخلو ع البشر
زينه :- طفرت ع فرشها واني خربانه ضحك ايي ست نرجس اشو نستينا طبعا غير الحب هناك😉😉
نرجس :- وجع بكلبج فضحتينا شجاي تحجي انتي ياحب اشو دوخري عني خنكيني
زينه :- اهاا اا عليناا 😉😉😉😉
نرجس :- ياقزرقط شبيج تعالي تعالي ظاهر ناسيه عضاتي وكرصاتي تعالي
زينه :- لاااا بربج والله لسه اذني توجعني سكتنا سكتنا
نرجس :- ايي عفيه ببنتي المطيعه ..وتعالي صدك شجابج عليه من صباح الله بخير
زينه :- جيت انه وامي علمود نروح نشوف صالون ونحجز تجين ويانه
نرجس :- ياا مو احنا المفروض نجي عليكم يلا..لا مابيه اجي وفرتوا اشبع نوم كطيعه شوكت تعرسون ونخلص منكم
زينه :- اهاا تخلصين منا مو ضربتها بمخده
نرجس :- اااخ راح راسي تعالي تعالي رجعت ضربتها همين بمخدتي ههههههههههه صارت عركة مخاد هههه
ميار :- معوددااتتت يلا انزل دنرووحح
نرجس :- عاد نزلنا امي سألتني اذا اروح كتلها مابيه كالتلي هسه تجي وسن وديري بالج عليهم لحد ماتجي سلمن وراحو.. كعدت سويت ريوك اليه لان لكيتهم متريكين قبلي ودصب الجاي عاد دخل ابوي المطبخ
ايهم:- كواج الله بنيتي شونج
نرجس :- هلا يبعد روحي رحت بسته من راسه زينه بشوفتك
ايهم :- اشو هسه حتتريكين بعافيه
نرجس :- هههههه ايي الله يعافيك
ايهم :- يعافي بدنج يابه بس من تخلصين ريوكج اريدج ترتبين الديوان البرا وتبخري عندي كعده فدشويه ماشي يابه
نرجس :- ماشي بابا حاظر
ايهم :- بعد حيلي يلا اودعناكم
راح ابويه وكعدت اتريك خلصت ريوك طلعت رتبت الديوان ومسحته وفرشت الديوانيه وعطره وبخرته اجتي خاله وسن كعدت انظف واساعدها بالبيت وخلينا الغده ع نار رحت صعدت ارتب الغرفه رتبت فراش شلت التلفون لكيت مسج من اركان فتحت مكتوب
_صباح الخير لج وانه صباحي فاكد وجودج ..
_مساء الخير لان صار الظهر☺
كملت ترتيب الغرفه وسمعت رنت المسج فتحته
_ااخخ مساء خيرات يابه شلونج
_زينه الحمد الله وانته ؟
_ مالي بخير
_ ليش شبيك مريض اذا مريض روح لدكتور
_من انه اكلج انتي ثوله تزعلين شلون اروح لدكتور وانه دكتور
_ ههههههه نسيت
_ ايي انسي وانه كليبي مشلعوع
سمعت امي جتي كتله حروح امي تصيحني ودزيتها رحت نزلت لكيتهم جاي يحجون وهوسه تعرفون النسوان من يحجن وجايه عمتي رنا همين وامي دكت ع مرت عمي حيدر هم تجي يعني حتصير لمه
ظلينا نجهز بغده حد مااجوي وفرشنا السفره وكعدنا نتغده وضحك ع سوالف كلش احب لمات انه.....
تابع لاحداث.....
لايك + تعليقاتكم العسل مثلكم اريد تصعد القصه فدوه لعمركم احبكم كولششششششششش واني انزل بين يوم ويوم الي يسألون شوكت انزل ويكولن ليش علمود البارت ياخذ حقه والكل يشوفه اني من ناس اذا اقرا قصه وكاتب ينزل كل يوم مااقراها يروح الحماس وتشويق😑 لهذا افضل هيج بين يوم ويوم همين حجيت هواي شبيدي احب اسولف وياكم هههههههههه مححح❤❤
تبارك.العزاوي...