نبدأ بذكر الله ﷽🤎✨
غسق الليل
بارت 28
قراءة ممتعة
⛔ لا تنسون التصويت حبايبي
..................................... ♡
- أرغب أن أضع راسي فوق صَدر أمي لعل الأثقال التِي أحملها فوق كتفِي تسُقط والدمُوع المتحجرة فِي جوف عيني تنوي التحُرر والخروج...
بلعت ريك هزيت راسي وكمت بدون كلام كعدت على الكرويته افكر وفكر
شسوي؟
اكتله ودخل السجن !!
عادي صار عندي القتل شي سهل بس ماكدر اكتله هو بذات شيطان..
والشيطان صعب قتله شلون اتخلص منه؟؟
فكرت لدرجة ما حسيت بي
من ناداني لحد ما صار كدامي رافع حاجبه كعد مخلي رجل فوك الاخ..
ورث جكاره عيونه مثل عيون الأسد من يناضر فريسته بقيت اباوع بصمت
عيونه سوه هيه التحجي زفر الدخان وحجه بصوت راهي..
-: كومـي تغـدي
عروسـتي..
- ماريـد شبـعانة
-: كلامـي ما يصيـر ثنيـن !!
كلبت عيوني بملل ورديت بعدم مبالاة
- وانا ما عيد كلامي شبحي
عض شفته شمر الجكاره داعسها برجله ورد
-: يله بيبي
لا تخليني اعيد كلامي هواي تره ما يصير خير ابد..
- ليش هوه اني شفت الخير من شفتك ؟؟
غمض عيونه تمتم بكلام مو مفهوم ضرب الكاع برجله وكف يمي جراني من ايدي
للمطبخ سحب كرسي كعدني وكعد بمكانه نزلت نضري للأكل..
بعده على نفس حطته رفعت راسي اله مو مهتم الي شمرلي خاشوكه واردف
-: اكلي يله
وبدون كلام مفهوم؟!
هزيت راسي حتى مالي نفس اكل اكلت قليل لأن نفسيتي نسدت شلون جنت جوعانه
بس من تصرف بهل طريقه نسدت نفسي احسه كلش مريض يرادله طبيب نفسي وبأسرع وقت..
-: الصفنه مو الج للحمار
عروستي.
رفعت حاجبي بنزعاج ورديت
- دايمآ تشبهني بالحمار
لعد انتَ شكد حيوان حتى تحبني؟؟
ضحك خفيف هاز راسه مسح وجهه ورد
-: احسب لل ثلاثه اذا شفتج كدامي
اصلخ جلدج عن عضمج وانا جاد بكل حرف كلته..
- ثلاثينـي جـاد
ههههههههههههههههه
كمز من مكانه قبل لا يوصلي طلعت اركض وضحك مدري شبيه تخبلت والله
صرت وره الكرويته وهو كدامي رفعت حاجبي رفع اصبعه ويحجي عود معصب..
-: تعاي تعاي هنا
هزيت راسي بلا ورديت
- متوازيه
-: ما سويلج شي
- شايفني كدامك جاهل وتضحك علي بجم كلمه اصلآ واضح من نبرة صوتك
وتعابير وجهك على اعصابك شبيك ما تتحمل شقة نفسيتك تره ممله..
-: من ليمته انتِ تتشاقين؟؟
- مادري عاجبني العب على الحبلين
( اشو عاجبني اخونك 🙂💔 )
زفر انفاسه فرك كصته حيلل ندار يمشي بكل هدوء كل خطوه يخطيها انا ارجع عدت خطوات
ما حسيت اله اتعثر ونطب على ضهري شهكت من خله اديي على خصري..
بلعت ريك ابتسم بشر ورد
-: ضحكتج خلتني اطيرآ بـ سمه عيديها اشوف..
زميت شفايفي بعدم فهم من كلامه تحركت اريد اكوم هز راسه ويحجي
-: تؤ تؤ
- اريد اكوم بربك تره والله بس حبيت اغير جو وبعد ما اتشاقه توبه بس وخر
تـره ضـهري بــدى يوجـعني !.
ضحك بخبث عقدت حاجبي ادي بدت تتجول على جسمي خله ايده على بطني
والثانيه بخصري ثواني بس حركهن بعشوائيه مسببلي رعشه لكامل جسمي..
وضحك هستيري وبصوت عالي بقيت اضحك ودفع بي ذني المكانين نقطة ضعفي
بقى (يدغدغني) دقايق لحد ما بقيت اكح وختنكت كعدني يمسح على وجهي..
ختنكت كلش حتى النفس ما اخذه يفرك ناحيه صدري ويدك لحد ما اجاني النفس
شهكت اتنفس بصوت عالي مثل السمجه وخلوها بالماي..
حضني يحجي بخوف
-: اشش اش خلاص تنفسي تنفسي خرب عدت عدت..
وخرته مني امسح بوجهي رفعت راسي تلاكت عيونه سوه
وجهه احمر صاير عيونه السود حاده حاجبه الي كل الوكت معكود ومرفوع.
خشمه حاد لحيته خفيفه صدره معضل شرايين ايده بارزه وحتى ركبته
كأنما هوه الجان مختنك مو انا اخذت نفس هزيت راسي وكفت..
وبعده لازمني من ايدي
-: هوب هوب وين رايحه رتاحي لا تتحركين تردين ماي؟؟
- لا لا ماريد بس اريد انام تعبانه
هز راسه دنك شالني شهكت بصوت عالي ضربته على صدره وحجيت منزعجه
- نزلني شكو كل شوي وشايلني
-: اشش صوتج
بس تدرين مستعد ادفع كل عمري بس حتى اسمع ضحكتج جن دوه لجروحي ثمرتي..
سكتت خلاني على الجربايه غطيت حتى راسي اريد انام ايده طبطب على متني
تحركت منزعجه اخر شي ما تحملت عطت بي بعصبيه..
- شنيي طفلل انيي تطبطب عليه اريدد انخمد افف ياربي
ضحك ورد
-: انـتِ فعـلآ طفلـتي
نيـاط گلـبي انتِ
ثمـرة فـوئادي
بلعت ريك عضيت شفايفي ضغطت على الفراش حيلل من كلامه كلبي يدك حيلل
من كال نياط كلبي انتِ..
ما تأثرت بس مادري حسيت بكلامه لأول مره يحجي بهل طريقة حنين لأبعد شكل
مهما كان هذا شبح او شايار ياريت يبقى على حاله وما يتغير..
لأن صدقآ تعبت ومابيه حيل للضرب والبجي بعد مر اليوم عادي بليل كعدني
كباله بالكاع وهو كعد كبالي بس على الكرويته يحسسني انا المجرمة وهو القاضي..
بعد صمت دام دقايق فتح حلكه وحجه
-: اجه الوكت عروستي باعي ديري بالج احذرج ديري بالج تلعبين بذيلج تلكيني كدامج
بنفس اللحظه وصدكيني ما اتردد وسويها مجزره بسببج..
نسيتي الكتلج علي لو اعيد كلامي؟؟
- مو على اساس كلمتك ما تصير ثنين؟؟
ما نسيت اتذكر كلشي..
-: امـوت على ربـج
- وين تموت علي هو انتَ يوميه تكفر بي حتى الله بيوم القيامه يحتار شيسوي بيك ..
ضحك خفيف وحجه
-: حتاري بنفسج نيـاط كلبـي
- اممم لا تخاف عليه خاف على نفسك جرح كلبي انتَ..
-: صايره خوش تردين وتعرفين تحجين عروستي حبيتج كاعد اشوف القوه بعيونج
معقوله ما تنكسرين بسهوله؟؟
رفعت اكتافي بعدم مبالاة ورديت
- مشتبه ما عندي أي قوه لأن انا فعلآ نكسرت من زمان ماكو شي بعد احافض علي منك..
كلشي اخذته مني صحتي عقلي احلامي شرفي بعد شلون انكسر؟؟
-: سهلة سهلة كلشي بالوكت المناسب ورانه عمر طويلل..
عقدت حاجبي
- شدراك اجوز تموت انا اموت قابل الأعمار بيدنه.
-: ادري ادري
ثمرتي احبج
ضحكت خفيف هازه راسي
- هذا حبك ماريده
انتَ فاهم الحـب غلط
تنهد ورد بصوت خافت
-: احبجج نيـاط كلبـي
ثمرتي
عروستي
اشتهي اضمج بقفص كلبي بصديري انتِ ثابته طلقة صوبتني وما تقبل تطلع
أذتني بس حبيتها أذيتها وكرهتني مادري شلون اخليها تطيب وتبقى راكده بنص صدري للموت ما تطلع منه..
رفعت ايدي ترجف مسحت وجهي وركبتي وخرت شعري من وجهي خليته وره اذني
بالعه ماي ريكي خفت وكلبي دك قوي من تحرك وصار يمي..
كنبص كدامي بلعت ريك للمره الألف مد ايده لوجهي رتعبت خفيف اصابعه
تمسد على خدي بخفوت حجه وعيونه على كامل وجهي
-: لا تخافين مني بعد ما ضربج
حجيت مستغربه من كلامه
- ليش.. ليش دا تحجي بهل طريقة!؟
ابتسم خفيف ورد
-: مادري صدكيني مادري
- ليش تحجي بهل طريقة من ليمته انتَ تتغزل بيه من ليمته كلامك هيج حنين؟.
-: انا. انا احم
ماعرف كومي كومي
كومني من ايدي حسبالي رجع للضرب بس صعدني الدرج بصمت دخلنه للغرفه
سد الباب وحجه
-: نامي وراج شغل هواي
هزيت راسي تمددت على الفراش بعيده عن مكانه قدر المستطاع دخل للحمام
بقيت افكر بكلامه شنو التغير؟.
او يمكن ما تغير مجرد انفصام بالشخصية زميت شفتي بعدم معرفة
بقيت اتمطرح بفراشي اريد انام ماكدر نفتح باب الحمام..
طلع يمشي لاف المنشفة على خصره رفعت الغطى على راسي بسرعة بدون صوت
دقايق حسيته شال الغطى ونام يمي ايده نمدت على خصري..
قربني لحضنه اجيت ادور وجهي بس ما خلاني وجهي صار بصدره
ايده تلعب بشعري بقيت متشنجه هاي اول مره هيج انام..
-: تؤ تؤ لا تررجفين ما ائذيج ليش بعدج ما نايمة؟.
بللت شفايفي وحجيت
- ما نعسانه حاولت انام ما كدرت
ضروري تنامين تره تأخر الوكت كل يوميه انتِ هيج وكت نايمه
شربتي دواج؟؟
هزيت راسي ورديت
- لا نسيت
وخر مني ندار للجرار البصف الجربايه فتحه طلع منه كبسول وشراب.
اول شي نطاني الكبسول كعدت اخذتها بسرعة خليتها بحلكي..
بعدها نطاني الشراب شوي مر مو كلش خلالي بالقبق شربني ..
كله هو يشربني بلعته وبقيت امطك لأن حلكي صار مر فجاءة يمكن نطاني هواي
دارني علي بسرعة خله ايده وره راسي قربني اله ماخذ شفايفي..
بقيت ساكته وخر من يمه مسح شفتي رجع الدوه لمكانه نام جراني منومني على صدره
بقيت ساكته مستغربة منه حيلل احس مو شبح واحد ثاني
غمضت عيوني ونمت..
ثاني يوم.
ندهني يضربني على خدي بخفوت وخرت ايده وضميت وجهي بالغطى
بعدني نعسانه ما نمت البارحه زين كل شوي افز
-: عروستي صارت الساعه بـ 8 خليتج نايمه هواي يله كومي بسرعة يله
زفرت انفاسي وخرت الغطى مني دنك كعدني وحجه
-: فوتي للحمام حضرتلج ملابس تلكينهن بالحمام لبسيهن وتعاي تريكي يله حبابة
- تمام تمام كمت
رحت للحمام شمرت ملابسي وكفت جوه الدوش الماي ينزل على جسمي صافنه
الأفكار منفجره براسي
افضحه !
اشرد؟
اكيد لا ماريد بعد اعيش التجارب العشتهن من شردت..
شلون شلون فكري زين ثمار رفعت راسي مسحت وجهي من الماي بعد مرور
نص ساعه هزيت راسي وحجي بعقلي
ايي ثمار سويها انتِ كدها
بس هاي الطريقه تخلصج منه ستغليها وشوفي شلون يصير الٱنتقام .!!
مو هوه يريدني أنتقم لعد خلي يشوف أنتقامي..
لبست الملابس بسرعة احس تأخرت بنطرون واسع لون حني بلوزه بنفس اللون
شال بنفس اللون بس شوي اغمق احس هل مره احلى نفس ستايلي..
لبست بس الملابس والشال خليته على ركبتي مو هسه اللبسه نزلت جوه رحت للمطبخ
لكيته مخلص ومنتضرني سحبت كرسي
وكعدت
مديت ايدي للخبزه وخرتها من سمعت صوته
-: مو شكلج تأخرتي !؟
- لا ابد
-: 40 دقيقة
خلصتيها جوه الدوش؟
- ايي لعد وين؟!
-: كل مره اذا تتأخرين على الأقل 4 دقايق شي طبيعي بس هل مره بقيتي اكثر من
20 دقيقة بالحمام عروستي بيمن جنتي تفكرين؟؟
جسمي رجف من طريقه كلامه وشلون يحجي بثقة بس انا ما بينتله شي رفعت كتفي وحجيت
- تره اني مره مو مثلك دقايق وتطلع اريد اخذ راحتي حتى بالحمام لاحكني !؟
ابتسم نزل نضره لجسمي اخذت الخبزه خليتها بحلكي وهوه حجه
-: امم هسه عرفت قصدج
- شـنو عرفـت؟؟
-: شـعر ايـدج ماكـو
شهكت بقيت اكح ختنكت من الخبزه لزكت بالعومي يضحك بصوت اكتافه تهتز
لويت شفتي اقلد على ضحكته سكت يمسح بوجهه ويهمس بصوت خافت..
عقدت حاجبي نزلت ردان البلوزه غطيت ايدي ورجعت اكل وهو هم خلصنا
كام يغسل المواعين وانا بقيت منتظره مخليه ايدي على خدي..
اباوع علي شلون يغسل فتحت شفايفي وحجيت
- تـرهم سـت بيـت معدلة !.
ندار عليه عاكد حاجبه عض شفته وحجه
-: لا تخليني هسه امثل بيج
ادبسزز
- اشاقة تره
-: سدي بوزج بدون كلام صايرة هواي تتشاقين ست ثمار خير شكو؟؟
- خير يصيبك والله ماكو نفس الض***
انتَ شلونك اخبارك..
كل جسمه ندار عليه سند ضهره على الكاونتر شبه ابتسامه على ثغرة يباوع
بكل تركيز بلعت ريك بتوتر نزلت نضري للكاع بخوف من نضراته..
-: رفعـي راسج
اشـوف
رفعت راسي ابتسم ورد
-: لا تخافـين اخـذي نفـس راح يوكـف كلبـج
شبيـج متشنجه؟؟
ابتسمت بدوري ابتسامه بريئة ورديت بكل ثقة
- لا ما بيه شي بس شسمه لأن انتَ نظراتك تخوف اخاف ونزل راسي..
ادنه يمي رفع راسي بيده دنك قليل صار بمستواي انفاسه تلفح بوجهي
مد راسه طبع قبلة بكل هدوء على شفتي وخر مني ابتسم وخر شعري من وجهي وحجه
-: كتلـج بعد ما اضربـج
راح احاول وأنتِ ساعديني ماشي !؟
من ثولي هزيت راسي بس اريده يوخر وخر مني كمل طلعنه بصاله
نطيته الحجاب وكف وراي لم شعري خلا بقراصه ثواني حسيت بشفايفه على ركبتي من وره..
ما نطيت أي ردت فعل خلي يسوي الـ يريده حاليآ هو المسيطر لف الحجاب
بدون ما اباوع لنفسي وشوف شكلي شلون شبك ايدي وطلعنه بره البيت..
قفل الباب فتحلي باب السياره صعدت سد الباب وندار صعد يمي حرك السياره بدون كلام
بس مركز على الشارع تنهدت بصوت تجيت راسي للجامه..
كلبي يدك قوي ايدي ترجف وجسمي نمل من الرهبه ماعرف ليش هيج خفت.
مد ايده يلعب بـ سياره ثواني وشتغلت اغنية جانت كلماتها.
اهٍ على قلبٍ هواهُ محكمُ
فاض الجوى منهُ فضلمآ يكتمُ
ويحي انا بحتُ لها بسرِ
أشكو لها قلبٍ بنارها مغرمُ
ولمحتُ من عينيها ناري فحرقتي
قالت على قلبي هواها محرمُ
كانت حياتي فلما بانت بنأيها
صار الردى أه عليه أرحمُ
وجهت نضري عليه عيونه بيهن حزن
حزن كلمه ما توصفهن محد يكدر محد بس اني فهمت علي تنهدت ورجعت نضري للشارع..
هو السبب هو سبب خراب حياته وحياتي هو أختار الطريق الغلط.
مهما كان ومهما عاش السوا شي غلط وما ينغفر بسهوله..
بس بنهاية الله غفورٍ رحيم ياريت لو يتوب ويمارس حياته طبيعي ياريت لو
يتركني اعيش باقي حياتي بعيده عنه وعن مشاكله ماكدر احبه ماكدر اتقبلة بحياتي..
اني مو ضعيفة شخصيه ولا ما عندي كرامه حتى احبه وتقبلة بشويه كلام منه
اذا يفرشلي الكاع ذهب ما حبه مو بيدي كلبي ما يهوا من اشوفه اتمنى لو يختفي من كدامي..
بس هو هذا الحجي ما يصرفله مصر على حبه مصر على اذيتي يستمتع
من يشوفني ابجي وترجا يعوفني يزيد اكثر كأنما يفهم غلط..
مثل كل مره من اكله اكرهك يكلي وانا احبج يفهم ويترجم كلامي على حسب
تفكيرة حتى الكلام هم يدخل بي ويفسره..
مادري شلون راح ادبرها رفعت راسي للسما وحجيت بكلبي
- يارب ساعدني وكون وياي كاعد تشوف انتَ بعد حياتي بيدك اتمنى
نهاية هذا الصبر خير ياربي دليني على الصح من الغلط ضايعة وبس عندك الطريق ياربي ساعدني...
بعد مرور ماعرف شكد وكت وكفت السياره بلعت ريك وانا اشوف كبالي بيت عمران
نداريت عليه نضره على البيت عاكد حاجبه كأنما يدرس الموضوع براسه..
ندار عليه وحجه
-: مادري شلون راح افاركج اسبوع بس اسبوع ونرجع مثل قبل ماريد أي غلط
احجي بكل هدوء لا تخلينه يشك تره ينتبه وانا بشغلي متواجد
اذا يريدني هاج هذا..
مد ايده لجيب بنطرونه طلع مبايل نطانيا وكمل
بي رقمي اذا يريده ومن اتصل عليج جاوبي وذا عدج وكت اتصلي عليه انتِ
ماشي !؟
هزيت راسي اخذت المبايل ورديت
- تمام
-: فهمتـي؟!
- فهمـت والله
-: ادنــي
- هـا !؟
حجيت بفهاوه فرك وجهه نزع حزام السياره مد ضهره خله ايده وره راسي
باسني بشفايفي الحمدالله السياره مضللة جان تخزينه..
بقى يتفنن بشفايفي ياخذ الفوك وينزل ع الجوه حرفيآ ختنكت وخر مني شهكت
بصوت اتنفس وكح خربطلي كل وجهي وخر الحجاب من يم ركبتي.
دعس راسه يشم بصوت وانا بس جامده ما سوي شي خليت ايدي على شعره
عتيته حيل لأن عضني الچلب وخر مني بسرعة يفرك براسه..
مو شعره طويل بسرعة وخر تأذى على الأقل عنده نقطة ضعف ابتسم غمزلي
رجعت لمكاني مسحت شفتي برداني وعدلت حجابي..
شمر عليه كلنس وحجه
-: مسـحي شفايفـج
اخذت الكلنس مسحت شفتي وركبتي.
-: اليوم عنده اجازه تلكينه بالبيت هو ومرته دكي الباب سلمي عادي
احجي ويا بطريقة الأخت تجنبي تباوعين بعيونه ديري بالج عروستي..
- ليش ؟؟؟
رديت بستغراب
-: بدون سبب نفذي الكتلج علي بدون اسأله ماشي؟؟.
- اوك
-: يله نزلي ومبايلج لا تنسينه
اخذت المبايل ونزلت امشي كل خطوه رجليه ترجف وصلت يم الباب
نداريت عليه بعده واكف رجعت ضهري للباب اخذت نفس زفرته بصوت..
يله ثمار شمتانيه دكي الباب كاعد يباوع عليج لا تخلينه يشك بشي.
شجعت نفسي رفعت ايدي ضغطت على الجرس..
من توتري رجعت ضغطت عليها ونداريت اباوع بعده واكف بس السياره مشتغله
سمعت صوته يحجي بصوت عالي
- جـاي يابـه
كلبي ينبض بعنف احس شوي ويطلع من صدري رفعت ايدي خليتها ناحية صدري
اخر شيء نداريت ماكو السياره رايح !!
بنفس اللحظة نفتح الباب رجعت نضري للباب تلاكت عيونه سوه فتح عيونه بصدمة
فك وجهه تصلب بلعت ريك نزل نضره لكل جسمي رفع راسه ورد بصوت خافت
عمران - ثم.. ثمار
هزيت راسي رد احس بعده مو مصدك
عمران - وين. وين رحتي انتِ ؟؟
تدرين شكد دورت عليج لو ما تدرين ؟!
-: اسفة والله مو قصدي اخليك بقلق ممكن افوت نحجي جوه؟!
- اي اي فوتي اسف تشوشت
ابتسمت مجامله ودخلت يمشي ويأشر بيده كدامي امشي ويا احسه ما طايقني
او ضايج لأن طلعت من البيت معالم وجهه تحجي وعيونه هم..
فتح الباب وحجه
- فوتي يابه البيت بيتج
تعاي بصاله نكعد..
-: شكرآ
هز راسه وما رد تنهدت دخلنه للصالة كعدت على الكرويته وهو كعد كبالي وحجه
- يله حجيلي كلشي وين جنتي
ليش طلعتي من البيت بدون ما تكليلي لا وحتى ما رجعتي بعد خليتيني اعيش بدوامة قلق وضميري ياكل بيه لأن ما حافضت عليج..
مسحت وجهي بهدوء ورديت
-: سمعت زوجتك تحجي مو قصدي اتصنط عليكم بس سمعت بصدفة مادري بس
حسيت كلامها صح وبلحضة طلعت من البيت واني اسفه مره ثانيه بس مو مهم هسه رجعت وريد منك شغلة..
- شغلة شنو؟
ما كتيلي عد منو جنتي؟؟
-: رحت لعمتي جنت عدها عزلت نفسي فترة ارتب افكاري وخذت القرار اجيتك للبيت
لأن تذكرت كلامك من كتلي حسبيني اخوج مالي غيرك لأن عمتي رجعت للبصرة
وما رضيت ارجع وياها رجعت هنا حتى تساعدني..
- اساعدج بشنو احجي خوفتيني
ببللت شفايفي وحجيت
-: راح ازوج
رفع راسه متفاجاء فاتح عيونه بصدمة ضحك خفيف هاز راسه ورد
عمران - على كيفج وحده وحده
تتزوجين !؟
منو ؟؟
وليمته هذا الحجي وشكد عمرج أنتِ أساساً
-: من زمان بس عمتي ما وافقت ورجعت للبصرة ما بقالي غيرك فدوة ساعدني
مو تكول انتِ مثل اختي والعمر مو مهم ترة
- شلون اساعدج؟
-: هو يريد يتقدملي وحاير المن يتقدم اذا وافقت راح اتصل علي يجي الك
يتقدملي..
احجي وحاول اسيطر على دموعي وتوتري فرك وجهه حيلل زفر انفاسه ورد
- غير اعرف اسمه !
عمره
شيشتغل؟
شلون تعرفتي عليه ؟؟
مو جايتني تحجين بكل فهاوه والله يريد يتقدملي وحاير المن
ليمته حبيتي هو يحبج؟؟
اخ لو تعرف شلون تعرفت عليه وحبه شسوه بيه جان طكتك جلطه
-: اسمه شايار فالح
عمره 30
شغلة جراح عضام
تعرفت علي من رحت وي ماما للبصرة ساعدنه بهواي شغلات وحتى احم
اا ماما حبته صارت بيناتنه نضرات جنت اضن مجرد نضرات عابره ونسى وي مرور الوكت.
بس طلعت غلطانة اذا ما شوفه ابقى حزينه وكئيبة ما رتاح اذا ما اسمع صوته.
جنت اوهم نفسي بحبه بس كلشي تغير، من عترفلي بحبه..
عمران - لج هاي انتِ من ليمته كبرتي وتحجين بهل طريقة ؟
عمره 30 سنه يعني اكبر منج بـ 11 سنة صدك تحجين؟؟
-: العمر مجرد رقم انا
انا ماكدر اعيش بدونه كل حياتي تخيلتها وي حياته نعيش سوه ونموت سوه..
ضحك هاز راسه
عمران - واكعه انتِ
شنو يشتغل كتيلي ؟!
-: جراح عضام
- جراح عضام.
همم زين وين بضبط يشتغل ؟
-: بشارع ***
- ويامن اجيتي؟
-: توني؟!
رديت بستغراب هز راسه
-: بتكـسي
- الله كريـم
حجه هل كلمات احسه أقتنع بهل سهوله
كلامي وتمثيلي اثرن بي
وافق بسرعة
-: زوجتك وين ؟
حجيت اباوع على البيت تنهد ورد
- بـ
- ثمـاار انتِ
فزينه ثنينه على صوتها واكفه بالباب عاكده حاجبها شعرها ينكط مي
وكفت بسرعة وهوه بقى كاعد خله رجل فوك رجل مو مهتم..
شهد - هاي انتِ عزا مو مصدكه تمنيت اشوفج كدامي وعتذر منج على كلامي وضني بسوء بيج اسفه والله ما جانت افكر زين
عقلي متشوش،..
تنهدت ورديت بهدوء
-: ماكو داعي تعتذرين حبيبتي
كلامج ما بي شي الصار صار..
حجيت بعدم مبالاة لأن مليت اتصرف بطيبة گلب بينما المقابل يكسر كلبي
بكل حقارة..
ادنت يمي حضنتني بقيت واكفه بمكاني
اسفة
حجيت يم اذني بخفوت كلبت عيوني بملل شوف هاي شكد فاضية
شبيهم فجأة صارو يعتذرون؟؟
وخرت منها على شفايفي ابتسامه متصنعه
عمران - شهد حضري الغرفة لثمار راح تبقى فترة عدنه..
ثمار -: او يمكن اسبوع
عمران - أسبوع؟؟
ثمار -: ايي أسبوع احنا هواي مستعجلين وانا بصراحة ماريد ابقى هواي هنا
حتى لا اكثر عليكم اريد أبني حياة جديدة وأستقر بسعادة
شهد - لعد وين ترحين؟
ثمار -: أزوج
حجيت ورجعت كعدت على الكرويته
شهد - صدك؟
يا حبيبتي مبروك شكد فرحتلج
ثمار -: يبارك بيج
عمران - ما بيها مجال لعد انا راح اروح اشوفه لأخذ عقلج وتفكيرج ست ثمار
ثمار -: متأكده راح تحبة.
حجيت بابتسامة ضحك هز راسه طلع بره الصاله راحت شهد وراه
تنهدت مسحت وجهي زلغت اضافري شحجي انا؟؟
ههههه اخذ عقلي وتفكيري !
صح اخذهم وما قصر خلاني مخبلة بعد هزيت راسي يله ثمار مو مشكلة تحملي.
اخر شي راح يعرف كلشي !!
فزيت من صفنتي على دكة المبايل اخذته فتحته اجاني صوته يحجي بهدوء
-: شسويتي عروستي سولفيلي؟
- عمران جاي لمكان شغلك
-: برافو عروستي يعني قنعتي ؟!
- همم أقتنع وبكل سهولة
-: مو كتلج هو بس يريد يتخلص منج خلي يجي اهلآ وسهلآ منتظره انا
- خـوش
سديت الخط بوجهه لعبان نفس بكل ما للكلمة من معنى بعدها اجتي شهد
أضطريت امثل كدامها حياتي صايرة عبارة عن تمثيل وأبتسامات جذب حتى ابين للناس
شكد اني سعيده..
شهد - تدرين امي شكد سألت عليج لحد هذا اليوم ما ناسيتج صح رجعت للبصرة
بس من تخابرني تسأل عليج اذا عرفنه شي عنج او لا هواي تعلقت بيج ..
-: الله يحفضها الج شكد حنينة
هنيالج عليها سلميلي عليها وطمنيها اني بخير
شهد - ان شاءالله اكيد
زين عرفيني شوي عن حبيبج؟؟
ضحكت بداخلي على كلمه حبيبج لو يصير جان عفطت عليها بس عيب
ابتسمت كل عاده اخفي حزني ورديت بكل هدوء عكس النار البيه
-: اسمه شايار
عمره 30
يشتغل جراح عضام
شهد - اسمه غريب تره
-: مو بس اسمه هو كله غريب
شهد - ما فهمت قصدج؟
تنهدت ورديت
-: هيج انسي
شنو كاعد تسوين؟
شهد - اسوي غدى غير
-: ايي اعرف تره اقصد شنو تطبخين!؟
- هاا اطبخ سوب دجاج وتمن احمر
-: امم حلوو ستعجلي لأن اني ميته جوع
تردين مساعده؟؟
حجيت اباوع عليها رفعت راسها مستغربة من طريقة كلامي هزت راسها وردت
شهد - شكرآ اني اطبخ
كاعد احس بعدج ما مسامحتني ومو طايقتني ابد..
ثمار -: صراحة ليش اجذب عليج
ايي بعدني مو بسهوله اكدر اسامح بعد انتِ حجيتي كلام كسر شي بداخلي مستحيل
يترمم بعد خصوصآ من كلتي وحده من الشارع..
شفت بعيونها الندم والدموع بقيت اباوع بعيونها برود هزت راسها بأسى ورجعت
تشتغل..
طلعت من المطبخ من دك مبايلي منو غيره يعني رحت للغرفة سديت الباب كعدت على
الجربايه فتحت الخط وحجيت
- نعـم
-: نعم الله ضـلوعج
- قصدك كسر الله ضلوعي!؟
-: تؤ تؤ
سمعي باجر راح اجي اخطبج من هذا صخمان وراها بيومين العرس
بعد شتردين عروستي !!
بقيت صافنه بهل سريعه؟!
شلون قنعه؟
-: عروستي مهرج
10 بـ 10
- ليش دا تحجي وياي بهل طريقة تعرفني كلش زين ما مهتمه بهيج شغلات
تحجي وكأنو هاي اول مره راح نزوج..
-: جؤ هل مره غير وتختلف
انتِ عروستي جدام الكل
تنهدت ورديت
- اكرهـك
اخذ نفس بصوت وحجه
-: اعشـكج نيـاط كلبـي انتِ
- نجب يله لا تصير براسي رومنسي وينك وين الرومانسية !؟؟
انتَ فالح بس بـ ضرب والصريخ هذا التكدر علي..
-: تؤ نسيتي شغلة !!
- شني هيه بلة؟؟
-: ***
- ضحكت ورديت
- منو كلك*** ***وكايلاتلك *** حلو؟؟؟
سمعت بس صوت ضحكته المقرفه دخلت لأذني وخرت المبايل دقايق ورجعته من حجه بضحك
-: اكرطج انا على هل كلام بربوك
- اي انتَ تكيف اعرفك بس صدكني مو بسهولة اخليك سعيد كل لحضه راح اتعبك وياي
-: سعيد لو مجيد؟.
- ههه ما ضحك كواد
-: اه عروستي
اه نيـاط كلبـي شلعتيهن كون انتِ هسه كبالي
- شتسوي مثلآ!
-: كل خيـر
-: من وين يجي الخير اذا أنتَ
موجود
-: اكلج عروستي شبيج تحجين هيج من ليمته صرتي تحجين هيج اصلآ؟
- من اليوم ورايح احجي على حسب الشخص الأحجي ويا وانتَ هذا الحجي الـ يفيدك
-: ثمره اكرطج على هل حجي يعني كل يوم راح تحجين بهل طريقة؟؟
- امم
-: ابوس الأم التطلع من شفايفج سهلة كلها اسبوع ونشوف تبقين على كلامج هذا
لو تغيرين !!
- لا تطمن ما غير لو تخلي طلقة براسي ما خاف منك بعد على شنو اشو كلشي جربته
على جسمي ضرب تعنيف وأغتصاب على شنو اخاف بله؟؟
-: هم صح
حجه هل كلمتين وسد الخط بوجهي من حركه كلبي تفلت على شاشه المبايل
صفنت ثواني وشمرته على الجربايه بعشوائية الله ياخذك
الله ينتقم منك
بجاه الأمام علي كون حوبتي ما تتعداك يارب بلكي ينشل سرطان حتى اشفي
غليلي بي ما طالبة هواي سرطان لو شلل امين امين...
اجه عمران وحجالي نفس الكلام بقيت اهز براسي عود مستحيه وكذا اريد اصير
بغرفتي اوكف كدام المرايا وتفل بنص كصتي على تمثيلي هذا..
مر اليوم هيج ثاني يوم اصرت عليه شهد لازم اروح للصالون عود خطبتي اليوم
زر** على هل يوم...
طبعآ لازم اوافق ما بيدي حل اذا ارفض يشكون بيه هاي اذا اذكياء همه..
المهم رحنه للصالون حفيت وجهي وسوتلي شيره الله لا يطيها العافيه كون
ناقصة وجع انا شلعت حتى الجلد من انعل ستغفرالله..
تهي بهي هوه معتدي عليه وماخذ شرفي ومتزوجني وهمه حسبالهم ما شايف حتى شعري
ام الصالون من شافت شعري بقته على نفس كصته بس ساوته رادت تصبغه وما قبلت..
انا شعري ضخين كلش صح كصيته بس يرجع بسرعة خلصنه رجعنه للبيت الساعه بـ 11 طلعنه من البيت بـ 8 الصبح عزا يبو شكد مر وكت..
بسياره وعمران كل شوي ينافخ اخر شيء حجه بضحك
عمران - ادري مودي نسوان لو منكع فاصوليا ؟؟
شدعوه هيج تأخرتن..
شهد - غير عروسه
هيه هاي العاده اصلآ ما تأخرنه هواي
عمران -: مو عرسس هوه خطبه خطبه لعد بالعرس شكد تبقن؟.
شهد - العرس يختلف طبعآ اقل شيء 11 ساعة
عمران -: ول ول
شلون هيج حتى الفاصوليا تستوي وتحترك هم ونتن بعدجن بصالون !.
ثمار -: شلزكت بالفاصوليا ما سمحلك تره
بعدين هذا كله الحجي على مود انتَ تجيبنه وتودينه خلاص بطلت اروح بتكسي مره ثانيه..
عمران -: كلشي اله العروسه تزعل
شهد - اكيد
وياك اوكف على مطعم جيبنه غدى تره ما لحك اطبخ..
-: ان شاءالله
بقو يحجون بيناتهم لحد ما وصلنه نزلت ميته تعب وجوع شترانه عمران لفات صاج
كل وحده لفه انا اكلتها بسياره وهمه ضموهن دخلت لغرفتي..
سديت الباب شمرت الحجاب من راسي رحت للحمام غسلت وجهي شمرت جسمي
على الجربايه وجتني رساله اخذت المبايل جانت منه كاتب
-: عروستي
طالعه جنج العافية
للحضة اجيت اخطفج بس كلت خليها للعرس ههه حتى اكون بكامل قواي
العقليه والجسدية..
رديت علي
- ما بقت عدك عافيه امين يارب انتَ عدك عقل من الأساس؟
بنفس اللحظه شافها ورد
-: فتحي كامرا
- ليش
-: عروستي مشتاكلج يله بسرعة
- مو توك مراقبني وشفتني على شنو بعد هل عياره لو هيه بعد دوده بيك
شافه ثواني هتز مبايلي دك عليه كامرا فتحته ودرت الكامرا للحايط سمعت صوته يحجي
-: بـت الكلـب
بربـوك ..
رديت علي بعدم مبالاة
- ابوك الكلب
كـواد
-: اويلي اتسرسح انا
- على شنو تتسرسح؟.
غلطت على ابوك وسبيتك!.
-: فالح العار الكواد والشبح يرحون سبع فدوات لشفايفج..
- ههه هذا الشبل من ذاكه الأسد
-: بربوك ديري الكامرا على وجهج جنه قندرا خلي اشوفه
- لعد شوف وجهك
-: اشوف صرتي تقصفين هم ايا بربوك صدك لو كالو الخوف يعدل الشوف..
- والله انا من زمان اقصفك
بس انتَ اثول ما تفهم يله ولي اريد انطمر بعد شوي وتجي تشوفني..
-: خلي الكامرا مفتوحه لا تسدينها..
- انتَ وينك شو ما شوف شي منك
-: انا كلي يمج بس جسد باقي هنا نياط كلبي..
- عساهن يتكطعن واحد واحد
حجيت بعصبيه
-: اذا يتكطعن بسببج قابل انا ماي عيني..
حجه بخفوت وصوت راهي بلعت ريك وسديت الكامرا شمرت المبايل غطيت راسي ونمت
مادري شكد مر وكت كعدت على صوت شهد تحجي وتضرب بكتفي
- كومي اكو وحده خطبتها بعد ساعتين نايمة
تلملمت بغطاي وحجيت بصوت يادوب طلع مني
-: من يجي الشيخ كعديني
- يا يا كومي ولج حجييج هذا لعد ليمته تتجهزين..
-: بابا دا اكلج بعدد وكت ساعتين خليني انام بعد ساعه وكعديني..
ملت مني انا جنت نعسانه فعلآ راحت الله لا يطيج انتِ هم فوك راسي وكعتي
متأكده كاعد تهتم بيه بس حتى تتخلص مني اعرفها انا سوالف الحيايه..
نمت وره مدري شكد كعدت بعد ما بيها مجال سبحت لبست فستان اسود مثل حياتي
مخصر من فوك من جوه كلوش ما خليت ولا نقطة مكياج طلعت للصاله.
لكيت شهد محضره الضيافه الكيك والببسي ومعدله نفسها هو اصلآ محد بس انا وياها
تنهدت كعدت على الكرويته
شهد - خلي مكياج اذا ما تعرفين اخليلج انا..
ابتسمت ورديت
-: لا شكرآ ما احتاج خطيبي كلي لا تخلين مكياج ما يحبه
شهد - بس ما يصير غير خطبه لازم شوي تعدلين نفسج وحتى فستانج لونه مو مقبول
ثمار -: مو شسوي خطيبي كلي اخذي لون اسود احب اشوفه عليج..
احجي وبتسامه على شفايفي هزت راسها وسكتت كلبت عيوني شكد تدخل
دقايق اجه عمران لابس وكاشخ شافني ابتسم وحجه
-: خطيبج وصل كاعد بالدوانيه والشيخ والشهود هم جيبي الضيافه وينها شهد؟؟
- مادري توه هنا
حجيتها وانا انطي الكهوه اخذاها باوع علي وحجه مبتسم
-: طالعه حلوه
ابتسمت مجامله اخذ الكهوه وراح لتفتت على صوت شهد تحجي
- جان لبستي شي يغطي جسمج زحمه تره كدام الغريب هيج تطلعين..
وبعدين انا من الغيرة؟؟
تجاهلتها ورجعت للصاله كاعده على اعصابي ليمته يخلص هل يوم ..
اجه وكت العقد كعدت على كرسي يم الباب الفاصل بين الصاله والدوانيه..
مخليه بيدي قرآن وبين اصابعي حبات هيل رجليه منكعات بالمي راسي مغطيته
دموعي تنزل بصمت ياربي صعب والله ياريت لو جانو اهلي عايشين..
شتاقيتلهم هوااي والله هواي كلام ما يعبر عن البداخلي ولا حتى البجي
اريد اوكف على كبرهم احجي وعاتبهم شلون هيج يسوون بيه...
نطيت الموافقه باركونه اجه عمران باركلي وكال خطيبج راح يدخل يلبسج
الحلقة كلبي يدك قوي مادري شلون ما نفجرت خله ايده على يدة الباب..
فتحه قليل خليت ايدي على ايده وحجيت بخفوت
-: انـي مغصـوبة
بنفس اللحظة سمعت صوته يحجي بصوت شبه عالي
-: نيـاط كلـبي
................................. ♡
يتبــــــــــــع
القفلة انا من يمي نجلطت وتحمست والله 😩🙂🤡
⛔ لا تنسون التصويت ومتابعه لحسابي
الكاتبة 𝒎𝒆𝒊𝒏 🦋