تصويت
تعليق بين الفقرات
تفاعلكم فراشاتي
......
بلقمي
الكاتبه زينب
......
بشائر
القلق واضح بوجهي واني استخطي اي سؤال يجيني بسبب وكفتي هنا
واكفه باب غرفتنه
طلع تميم واني اوجهله سؤال
_شنو موضوعك ويه سديم جبرتني امنع احد يدخل يمكم رغم بكل سهولة تكدر تقفل الباب بس اني منعتك اكيد اكو شي ملاحظتك اكثر من مره
مسح وجهه وهو يكول
_وين كاعدين
_منو هم
_بيبي والباقي
_ب الديوانيه ليش
_بشائر انا وسديم راح نتزوج حاجيه الج ب الموضوع
فتحت عيوني بصدمه جبيره
_شنو هيج فجأه زواج بدون اي مقدمات تميم شبيك
_نعقد بس احاجيهم ب الموضوع ونتزوج ورا متخلص دراسه
_لا تميم شيل الفكره من راسك سديم صغيره مو كد مسؤليه زواج
_الموضوع منتهين منه
_مو بكيفك تميم
_مجبورة توافقين لان اختج تضيع من عدنه
_وين كاعدين احنه وتضيع ماغير هيه بيناتنه
_هواي امور تجلهليها يابشائر هسه يصير ابوج زين ويرجع وتتغير كل الموازين دير بالج على سديم
_اختي هيه بدون ماتوصيني
دار ظهره يريد يمشي واني امشي بمحاذاته واحاجي
_اكو شي ماعرف بي
هز راسه بلا
_تميم لاتعيد الصار
_ماصار شي من الاساس
رجعت للغرفه واني مختنكه كعدت سديم واني اهز بكتفها
_كومي سديم كعدي مكافي نوم الدنيا احتركت وانتي متحسين
فتحت عيونها وهيه تحط ايدها مقابل الضوا علمود تشوف زين
_نعسانه
كلت واني محروك كلبي منها كل ماسألها شبيج تكلي كلشي ماكو رغم اكو شي وهذا واضح على ملامحها البهتانه واضح حتى بمشيتها
_هيج سديم مو اني اختج وشكو شي صاير تضمينه علي
لو غريبه عليج شسوين
نفضت روحها من السرير كامت كالت وهيه تحجي سريع
_بشائر والله مو بيدي ضطريت اضم عليج
_شنو تميم جابرج ليش اني اخر من يعلم بخطوبتج سديم اني اختج الجبيره اعتبريني امج ليش هل نفور والفجوة الزارعتها بيناتنه
كعدت وهيه تاخذ نفس بقوة
نزعت الضماد من رجلها وهيه متجاهله كلامي
_خوش سديم ضلي بهل عقليه كولي وراي اهل كولي وراي اخت اخذ شورها عوفي ابوج لايحل ولا يربط بس احنه شنو موقعنه مو صوجج صوجي اني حاركه دمي علمودج
رفعت عيونها وهيه تباوع بجمود
_كلشي صار بسرعه اصلا انتي اول واحد يعرف لان تميم بعده مافتح الموضوع وياهم منين بلا يخطبني من شيماء لو ابوي يفتح الموضوع ويه بيبي واهله وكلشي يصير بشكل رسمي
_ليش ماسولفتي الي من قبل
_برايج عدنه وقت نكعد مثل البشر نسولف ونفضفض ونجهر ونتونس مجاي تشوفنيه نطلع من مشكله نطيح ب الاقوى
_وهسه شنو المشكله اني اكلج شنو شيماء موو حطيتي كورج ويه كورها وراح تولي عساها مارجعت هسه ارتاحي صار عندج وقت تسولفين وتفصفضين وتجهزين
_شبيج تحجين هيج وياي وكانو اني عدوتج مو اختج
بلعت ريكي وكعدت ساكته اهدي بنفسي شبيه هجمت عليها فد مره
_مقهورة منج ولو مايهمني امرج جان عفتج وماجيت اعاتبج
_اعرف والله بشائر كلشي جاي يصير فوك مامتخيله انتي
_دوم احس ضامه شي عني بس ماتوقعت اكو شي جبير لهل درجه
الي يذبحني سكوتها وكانو مجاي تسمعني
_بما انو غيث قرر يخطبني فانا راح اوافق وكلشي من يصير رسمي راح تعرفين بي مو شرط تعرفين اول باول
_بشائر شبيج وياي فهميني ع الاقل والله جنت رايده احجي الج
_وهذا وضع وحده فرحانه لان حتنخطب وضعج معاجبني
_يعني شاسوي مثلا
_لاحظتج من نخطف تميم شلون خفتي ونسيتي نفسج وانتي تبجين علي شفت الخوف والصدك بعيونج انتي مواققه ع الخطوبه ماكو شي يضغط عليج
هزت راسها بلا وهيه تشد شعرها
_ماكو شي من التفكرين بي تعرفين بيه الشي اذا ماريده مستحيل اتقربله وتميم لو ماريده مستحيل اوافق بي كزوج
_مامطمنه حيل احس مراح يعدي شي على خير ولو شيصير كوثر متوافق وهسه تشوفين
_اعرف حاسبه حساب الكوثر هيج هيج متريدنه مو انوب اتزوج ابنها
_مو بعدج صغيره
ابتسمت بوجه بشائر واني اكلها
_لان انتي اكبر مني ودومج تهتمين بينه تشوفيني صغيره لو مهما كبرت بس مراح اتزوج هسه اخلص دراسه رغم انتي اكثر بشر يعرف العمر ب التجارب العشناها والشفناها مو رقم
_انتي زين تتذكرين عندج اخت ملتهيه بس بنفسج
اسمعلها وبالي اكول شكد شايله بكلبج علي لو تدرين الضامته عنج شتسوين واني شايله همج علمود لاتنقهرين
_ضلي ساكته سديم الظاهر صوتي يزعجج
_بشائر مو هيج بس فهميني ليش تحسسني كلشي جاي اسوي خطأ ليش تحسسيني اني المدمره حياة شيماء اني بسبب كلشي نعيشه اني حالي من حالج جاي تحمليني لوم اشياء اكبر من انو اتقبلها
_ يجوز تشوفيني شخص عابر بحياتج
دمعت عيوني من كلامها معقولة هيج تفكر بيه
_والله مو هيج بشائر جاي تخنكيني بكلامج
طلعت من يمي مبين الزعل على ملامحها
غسق...
وسط كلامهم الي يشاقه والي يضحك والي كلبه مليان هموم والي يتنظر شي الي فارق والي مأيس من كلشي
جنت من ضمن الي انتظر
عيوني مافاركه الجهاز واني انتظر مكالمه حسين كال جدو وهو يوجهه كلامه الابوي
_شنو تميم مو جرحه ماطاب شلون يطلع من الظهر ولحد هسه اخابره ماكو والله راح يموتني هل تميم
_مساع خابرته يابه يكول ضايج من البيت رايح يم صديقه
كل سؤال يوجهه الي جدو او اي شخص من الكاعدين اباوع الابوي ماعرف شجاوب شنو الاحجي شنو الاسكت عنه
كال عمو وهو ينتظر هل مره جوابي
_ليش ماجيتي من قبل عمو
عصرت على ايدي ابوي اللازمتها
حازم_من تزوجت امها ماكدرت تجي لان تعودت على امها وهيه متعرف احد هنا غير امي فكان بالها من اطلع من السجن تجي يمي
ابوي يختصر كلشي صار وياي ويسولفلهم امي زينه وباحسن حال شردت بيه منا لان راد محمد يزوجها فهمهم اني هنا بخير كلشي عانيته ماحجه الهم
جنت ماكدر انطق بشي حيلي خلصان وطاقتي خلصانه
وصلت لمرحله انتهى بيه كل القوة الجمعتها لهذا اليوم
فززني من صفنتي صوت مبايلي يرن
عفتهم كاعدين وطلعت سريع بدون ماستأذن للطرمه فتحت خط واني احجي سريع
_حسين جبت امي
_هذا ال.... الكلب صفاء لو اكسر راسه اله هم احد يكلي ليش
بكل صلافه طارد امي من المستشفى من يم امج بكل دم بارد مطلع امج من المستشفى ومرجعها للبيت وصلنه اني وتميم للبيت سد الباب بوجهنه متحلف بيج الكلب يريد يكتلج خلاص على ايده بس يشوفج هل حثاله خيفكر يلزم شعره منج اله ادوس بطنه فشلني كدام الرجال
تميم حتى يكول ماكدر ارجع ايد ورا وايد كدام شنو اكول العمي وبنته كوة قنعته يرجع للبصرة بس صبرلي عبالج اسكتله اني اعلمه
لو اعرف شلون عرف بامج ب المستشفى اني بخير ياكلب كايل اله
عفت التلفون كعدت ب الكاع مهدود حيلي
هنا ايقنت اني ضيعت امي من ايدي
رفعت تلفوني واني احجي بجمود
_شكرا على كلشي حسين ماريد تضيع وياي وقت اكثر تفرغ العائلتك اشوف ابوي شنو يسوي
_حرك كلبي هل ال....
سديت التلفون بدون ماجاوب الغصه وكفت بلعومي نرسمت ملامح اليأس على وجهي حركت شفايفي بحزن اكتم دموعي وحسين يتصل اكثر من مره
اباوع لباب الكراج وارجع اباوع لباب الديوانيه وين اروح شنو اسوي
نزلت راسي بين ايدي دموعي تطيح من عيوني للكاع
ارسم براسي صور عذاب الامي ضرب واهانه اتخيل موقفها لان مالكتني يمها اتخيل موقفها وهيه عبالها تخليت عنها اني
صوت ابوي وايده تندس كتفي
،_شصاير بنيتي
ماكدرت ارفع راسي ولا كدرت انطق بشي
_منو خابرلج بابا وكعتي كلبي
بلعت غصتي واني اكله
_خابر التميم شوفه شنو صار
لسه مامصدكه وما مستوعبه اريد يرجع يخابر ويكلي كلشي جذب
خابر على تميم الي ميجاوب اخر شي جاوب وكله اجي ونسولف راح اوصل
كعدت هادئه بس روحي تحترك ماقبلت ادخل للبيت واني كاعده برا انتظر تميم
سمعت صوت هورن سياره طلعت اركض وابوي وراي
نزل من السياره يحجي بهدوء
_عمي مو هنا دخلو داخل على شنو مسعجلين
اني كلبي يرجف وهذا هامه المكان استخطيت كلامه واردفت
_شلون عرف صفاء امي ب المستشفى
_هذا مو موضوعه كولي شلون امج راح تتقبل وجودج هنا
_انا لازم اروح عفيه اخذني يم امي
التفت على ابوي واني اتوسل بي
_بابا عفيه اخذني اذا متاخذني اني اروح مستحيل اعوفها وحدها
تميم_صفاء النار بعيونه ومايوكف بعينه شي مبين شراني لاتخافين مراح نعوفها بين ايديه
صيحت واني اكلهم
_شبيكككم متفهموووني متفموووني انتووو اكلككم امي راااح تموووت محتااااجه عمللليه من قهرها هسه تروووح من ايدي وااااني السبب
مسحت دموعي الوكعن بحركه كلب واني امشي من يمهم
صوت ابوي وراي وهو يصيح
_غسق تعالي رجعي مو وكت روحه شبيج انتي تخبلتي
_بابا اذا متروح وياي اروح وحدي
تميم_عمو الزمها ورجعها بطني موتتني من الالم خل ارتاح شوية ونرجع
غسق_هسه تاخذني اروح وحدي والله اسويها وميهمني شي
حازم _بوية نصي صوتج ليطلعون
حجيت بغصه واني مقهورة
_اذا صار عليها شي راح اعيش متندمه طول عمري ماكدر اعيش ويه هذا الذنب لحد هسه متندمه لان بعدت عنك والذنب ياكل بيه ماكدر اعيش هذا الشعور مرتين انتهي
رخت ملامحه وهو يضم شفته للداخل اخذ نفس عميق وهو يكل التميم
_انطيني سيارتك انا اخذها واروح واذا سئلوك عني كلهم ماعرف شي عنه
تميم_عمو ماتروح وحدك خيروح عباس وياك
_ماريد اتعبكم وياي وليدي انا وياها كافي
اخذ السويج من تميم صعدت ب السياره وهو يكول
_تاكلين شي ب الاول انوب نروح من اجيتي لحد هسه ماكلتي شي
هزيت راسي بلا واني ادير عيوني ع الجامه وايدي على خدي
نار تحرك بيه ومابيدي اسوي شي خلصت عمري واني اكول مابيدي شي
صنطه الشوارع والدرابين القديمه وضوا القمر الي ينطي امل لليل دخلنه للمنطقه الكاعدين بيها واني اباوع لساعه التلفون
وقت نص اليل اكيد امي وحدها مثل كل يوم
نزلت والهدوء مغطي فرع بيتنه بس صوت طبكه باب السياره واحنه ننزل واضح
دكيت الباب بهدوء ماريد اخوفها بنص الليل
نفتح الباب فجأة بدون محد يكول منو
باوع لعيوني بابتسامه جانبيه
_واخيرا الحلو نور البيت بوجودج بنتي تفضلي
فركت ايدي بقلق واني احجي
_وين امي
لزم فكي حيل عاصره بين ايديه وهو يحجي بفحيح
_تحلمين تشوفيها روحي للك....الرحتيله واجيتيني نص الليل روحي كملي يومج وياه المن لافيه
ايد ابوي وهو يضربه ويبعده مني ويصيح بوجهه
للاسف صفاء يعرف كلشي عنه ويعرف اني مو بنت امي يعرف امي شارده بيه لهذا يعاملنه اسوء معامله
عفتهم واحد يصيح بوجه الثاني عفت كل صياحهم عفت التوقيت الاجيت بي والتفكير
بدون وعي ركضت على امي الواكفه باب الغرفه والكانونه بايدها
ركضت عليها واني احضنها وابجي
_يمه ليش طلعج صفاء من المستشفى جاي اموت من التفكير
لزمت ايدي بقوة وهيه تبعدني منها
حجت بهدو وعينها بعيني
_سويتيها غسق ضيعتي تعبي وسنيني روحي لحياتج الجديده تناسبج هواي عمري ماكنت الام المناسبه الج ولا راح اكون لان هذا شعور الفقر للاب راح يبقى مراودج طول عمرج لان انتي مو من لحمي ودمي تخليتي عني بكل سهولة
لحظه حسيت جاي تحط سجينه بكلبي مو كلام
ابوي وصفاء وكف مشاجرهم وهم يسمعون الامي والضحكه مرسومه على وجهه صفاء رجعت باوعلتها لازمه ايدها واتوسل بيها
_يمه والله رحت عملود اكدر اسويلج العمليه مالي نيه اعوفج اموت ولا اعوفج ماكدر اعيش يمه فهميني انتي امي انتي مو تكولين بس اني امج ليش هسه تكولين مو من لحمي ودمي يمه لاتحركين كلبي الله يخليج
_شوفي حياتج ماما وهذا الصح السويتي احسن من العيشه هنا انتي بنيه بعمر الورد من حقج تعيشين مرتاحه وتضحكين من حقج ترتاحين وايدج ماتتعب بالشغل حياتج كدامج عيشيها ماما اني على طرف الموت
بجيت بقهر واني ابوس ايدها بحركات عشوائيه
_يمه والله اعوف حياتي علمودج لاتكولين هيج جاي تموتيني اسم الله عليج لاتيتميني يمه
بجت وهيه تسحب ايدها مني
_هاي اخر مره تكولين بيها يمه
_عفيه لا يمه لاتسوين هيج امشي وياي هسه نسويلج عمليه وتصيرين زينه نعيش سوا بس اني وياج والله ماتخليت عنج لاتفكيرين هيج ادفع عمري الخاطرج
رافضه كلامي تهز راسها بلا
اشوف الكسره بعينها اشوف العتب الجنت خايفه منه
_احجي شي الله يخليج اموت بدونج شلون ماشوفج
اتوسل بيها بعويني
_روحي بنيتي راضيه عنج اني
نزلت على رجليها ابوسها واتوسل بيها
بتعدت عني وهيه تقفل الباب عليها
دكيت الباب حيل واني اصرخ
_لاتعوفيني يمه لاتيتميني من صدك لاتكسريني شلون اعيش بدونج يمه تتحملين انقهر تتحملين اتحمل سبب كلشي
ادفر ب الباب مفرفحه روحي وهيه صوتها مختفي
دكيت على وجهي والوم بروحي لزم ايدي ابوي وهو يكومني من الكاع
_بسببي بابا بسببي امي راح تعوفني امي خيرتني بينك وبينها
حضني وهو يمشيني من يم الباب بعدت نفسي منه واني واكفه بينه وبين الباب الفاصل امي عني
_ماعوفها اضل هنا مستحيل اعوفها
صفاء_للاسف بيتي مايستقبل امثالج
ضحكته المستفزه وهو مكتف ايديه
حجيت واني رافعه اصبعي بوجهه
_شنو انت وبيتك ادوسك برجلي فد نومنه انت خلك واحد حثاله كل حجايه وصحت بيتي من متت بي ونطميت بي هل قبر مو بيت والله ياصفاء ماعوفك تتهنه ورب الكعبه اكلب نهارك ليل تذكر اني غسق تذكرني زين
_ههههه روحي دعسوقه شنو تسوين مثلا
ضحكت مثل ضحكته من بين دموعي
_ادور مرتك ولدك لو اعرف اطلعهم من جوا الكاع ادورهم واشوفهم ابوهم شنو
_لاتنسين حياة امج بيدي يحلو
_عبالك راح تاثر بيه هل مره مايهمني شي خسارتي اكبر من انو اهتم الكلامك
سحبني ابوي من يمه وهو يصيح علينه طلعت واني كلني ارجف باوعت لبيت ام هيثم وطاحت دموعي ماكو غيرها كايله الابوي امي ب المستشفى سد الباب حيل صفاء
كعدت ب الكاع مهدود حيلي باب البيت
باوعت بعيون ابوي المبين بيهن الحيره وخوفه على وضعي
_ربحتك وخسرتها
_مبين امج جوا تهديد شفتي دموعها ولهفتها كلشي فوك طاقتها مثل ماهددج بامج مهدد امج بيج بكل سهولة بابا لاتشيلين بكلبج على كلامها هسه كومي من الكاع لاتكعدين هنا
باوعت للكاع والملابسي كلهن تراب واني اكله
_هاي الكاع يا ما كعدت بيها ليالي وظهاري واني مطروده من البيت بس جان الفرق صفاء اليطردني وامي التتوسل بي يدخلني هسه امي الطردتني واني اتوسل بيها تتقبلي بابا ليش محد يرديني انا شنو وجودي ب الحياة
_اشش بنيتي من كد ماتعبانه تكولين هيج كافي انتي بحياتي مافكر باي شخص وامج ترجع لاتخافين
_لاتخافين بابا لاتخافين غسق لشوكت تبقون تكولوها واني حياتي جاي تتدمر اكثر من قبل كدام عيوني بشر اني بشر بس اسألك سؤال امي الخلفتني وينها وين طليقتك هسه
كال وهو ينصي راسه
_توفت
وكفت جامده بمكاني واني طول هاي السنين اكول اروح واكول شوفي بنتج العفيتها شنو صارت وشلون عاشت وربت وكبرت وانتصرت على الحياة وحياتها ماوكفت عليج بس كلامه هدم اخر ذره بيه
_لاخر يوم بحياتي مراح اكول الله يرحمها
يتيع...
اصعب بارت اكتبه
.....