قصة # طائر العنقاء
(يالقلبي عصف به الف خريف ومازال يزهر ...)
(هناك إبتعاد راحه وعزله من الضغوط....وهناك إبتعاد لأننا أسرفنا في الحضور …..فأصبح باهتاً في عيون الآخرين….
-وهناك إبتعاد لأننا إستهلكنا طاقتنا مع الكثيرين دون فائدة….
-وهناك إبتعاد لأننا خذلنا من أكثر الناس كان لنا فيهم ثقة واطمئنان !!!
....أن بعض دروس الحياه قاسيه جداً ….نستوعبها بعد أن نكون قد خسرنا الجزء الأجمل والأكبر من العمر)
جتني هوايه شعارات اول واحد صهيب حط احزنني عل منشوري نهالة التعليقات والرسايل من زملائي ومن تبارك مارديت عله احد
ثاني يوم خابرت عله ماما سلمت عليها وطمنت عليهم سديته
خابرت عله تبارك حته تمدد اجازتي كم يوم سويها عشر ايام مكان سبوع كوه وافقت تاخذلي اجازه
تبارك : ضايجه من غيرج فدوه ارجعي
لميس : مو يوميه اخابرج
تبارك : حته اذا مكانج فارغ وهذا العاشق الولهان اكله لكلبي شوكت ترجع وشوكت ترجع
لميس : ولج تبارك ناقصتج لو شوفين الجو والزرع تنسين حته اسمج
تبارك : اي يا عيني دخذيني وياج
لميس : يله مرت الجايه اجيبج وياي هههه حجينه شويه وغلقت الموبايل
بعد مرور سبوع
بغرفت رغد جاي نتحضر حته يودونه لنهر دجله
لبست فستان لونه زيتوني ناسقت شال وحذاء نفس الون مكياج خفيف وايلاينر حطيت الجنطه باايدي والموبايل ،،،،
رغد لبست عبايه مال جتف تكول متعوده عليها بس حلوه مخصره عل جسم ،،،،،
طلعنه صعدنه بالسيارات كلهم جاين رحله جماعيه حته عشه ماخذين ويانه جنه مسوين دولمه وكبه وماخذين لحم ومعلاك ومنقله حته يشوون وصلنه للمكان نزلنه
يجنن تل عالي وجوه نهر دجله
فرشن البنات والولد حضرو المنقله حته يشوون جانت الدنيا العصر قبل الغروب شكد اخذت صور كومه ويه رغد،،،، ويه نسوان ولد عمي،،، ويه عمي وعمتي،،،، وحدي خليت رغد صورني
نزلنه من التل اني ورغد وموسى وعيسى
نزلنه موسى لزم ايد اخته ونزلها
ورجع لزم ايدي ونزلني
لابسه حذاء كعب نوب الكاع تزحلك عاد هو نزلنه
اكو يخت زغير اجرو بفلوس خفت اصعد اباوع عله رغد راحت تركض صعدت بقيت متردد
عيسى : يله يمعوده لتخافين جيبي ايدج
تشجعت نطيته ايدي وايدي الثانيه نطيتها الموسى صعدوني كل واحد من ايد كعدت بنصهم خايفه
موسى : شدعوه هلكد خايفه
لميس : مرعوبه موبس خايفه دير بالكم اوكع تره ماعرف اسبح
ضحك هههههههه
عيسى : لتخافين احنه ننقذج
لميس : صورتنه رغد كم صوره اخذته وصورت وياهم سلفي حطيت ايدي بالمي واليخت سريع صورت المي وهو يطشر عله ايدي صورت الغروب الجو يجنن
موسى : ها بنت عمي تونستي
لميس : اي والله حيل تونست راح ابقه يمكم بعد ماروح هههه ضحكو
كالو كل الهلا بيج نحطج عله راسنه
كتلهم يسلم راسكم رجعنه نزلوني من اليخت صعدنه عل تله لكيناهم شاوين ومجهزين العشه كعدنه نتعشه لمتهم حلوه واكلهم كلش طيب
رتاحيت راحه بهل كم يوم ممرتاحتها بحياتي من صارت ضلمه شغلو لايتات جانو جايبينها وياهم
بعد العشه صبو جاي مسوينه عل جمر كعدنه سوالف وضحك الجو خرافي قمر ونجوم
احنه بالمدينه محرومين من هاي الاجواء
بعد كل فتره اجي لمينه الفراش والغراض ورجعنه غيرت ملابسي
رحت عله فراشي فتحت الموبايل هل مره عل انستا نشرت كم صوره ستوريات نشرتهن
نهالة عليه القلوب والايكات والرسايل
بس صهيب الوحيد يحطلي اغضبني دزلي رسايل مافتحتهن دك مارديت دك رقم لمى عرفته هو مارديت حضرته
يااخي جوز مني
دكت عليه تبارك شعدها نص اليل باوعت عله رغد نايمه ... رديت
لميس : الوووو وج شعندج نص اليل دكين
تبارك : غير العاشق الولهان شاف ستورياتج وتخبل،،،
الستوريات مالتج انتي ولد عمج
لميس : اول شي اني موعدته بشي بعدنا ماكو رسمي بيناتنه مجرد كتلكم راح افكر وثاني شي هذوله مثل اخواني وتره ثنينهم مرتبطين واحد خاطب واحد يحب اسمعه جر نفس حجه كال
_ميخالف ارجعي لبيت اهلج اغار عليج مو بيدي
راسا غلقت الخط وطفيت الموبايل حطيته جوه راسي ونمت كعدت ثاني يوم رغد تنده بيه لميس اكعدي فتحت عيوني شعندج مكعدتني من الصبح
رغد : ابن خالتج هنا يكول ابوج دازه عليج
لميس : شنو متاكده صهيب هنا
رغد : اي كاعد بالستقبال منتضرج يبين حيل مستعجل
لميس : ماشي كليله جايه بس خل ابدل هزت راسها وراحت كمت غسلت رجعت بدلت لبست بنطرون كيلوت لونه ابيض وقميص لونه سمائي لبست شال وحذاء كعب حطيت مكياج خفيف وايلاينر لميت ملابسي حطيتهن بجنطتي شلتها رحت للستقبال
_صباح الخير
الكل
_صباح النور
باوعت لصهيب بخوف
لميس : صاير شي اكو شي
صهيب : لاماكو شي بس جنت بشغل هنا خالي كالي امر عليج اجيبج بطريقي
لميس : جريت نفس الحمد لله اجه اخذ الجنطه شالها جلبو بي كالو تريكو
كالهم مستعجل رحم الله والديكم
عمي : كاله هاي مو جيه تطلع وانته ماماكل من زادنه مامقبوله منك
صهيب : كلكم كرم وجود اجيكم انشاء الله اجيب لمى واجي
الكل هله بيكم ننتضركم
لميس : بوست رغد ومرت عمي وعمي شكرتهم طلعنه وهمه يوصون بيه اجيهم نوب ودزو سلام لماما
ترددت وين اصعد صهيب فتح باب الوره حط الجنطه ويباوع عليه فتحت الباب الكدام وصعدت عيب من بيت عمي يدرون بي مثل اخويه ابن خالتي وزوج اختي اجه صعد اشرنه باايدنه الهم شغل ومشينه بقينه ساكتين فتره كام يد عفس بالمسجل شغل اغاني
حضي جابه عله غنية حسين حجاج
(شوكت ترتاح ياكلبي)
الغنيه تكول
(شوكت ترتاح ياكلبي من يكدر يواسيني اذا مره ردت اضحك الف واحد يبجيني ...شوكت ترتاح ياكلبي منو يكدر يواسيني ...اني نسان كل ذنبي اذا حبيت كل كلبي ...صريح وكلشي ماخبي لان طيب الي ربي)
جنت اشتت بنضري وارفع عيوني فوك حته متنزل دموعي
صهيب : اسمحيلهن ينزلن لضلين تكابرين
لميس : مستحيل انزل دمعه بعد
صهيب : اسف اذيتج وجرحتج
لميس : ياهو بيهن
صهيب : هو شنو ......؟
لميس : ياجرح بيهن هنه هواي
تنهد تنهيده طويله
(.. ثم ..أن إعتذارك يزيل نصف الوجع..والنصف الآخر ..!
تحتفظ به ذاكرتك في صمت)
سكتنه بعد فتره كتله
لميس : تدعي المثاليه والشرف وانته متملكهن خنت زوجتك بااول فرصه طحتلك ويه منو حطيت ايدي عله حلكي اكتم شهكتي الله لايوفقك خليتني اخون اختي
صهيب : اسف والله اسف
لميس : دموعي خانني ونزلن من ذكرت خيانتنه لاختي مسحتهن سكتنه مانطقنه بحرف لحد ماوصلنه نزلت دخلنه البيت اهلي تفاجاؤ وفرحو من شافوني ركضت لحضن ماما
حضنتني هسه نور البيت جان اضلم جرني بابا ياهلا ببنيتي كل يوم اريد اروح اجيبج وامج تكول خليها تتونس بوسته حبيبي بابا شتاقيتلكم جرني مهيمن لج عوبه ضوجه البيت بلاياج ضحكت وبوسته حته تعرفون قيمتي دخلنه للاستقبال اتلفتت لمى وين مشتاقتلها
ماما : قبل شويه راحت متدري بيج راح تجين
بابا : بس شجابج مو خابرتي امج كلتي تريدين ضلين كم يوم بعد
لميس : ضليت متعجبه شنو شجابج شنو صهيب يكول ابوج دزني عليج قبل مااحجي حجه صهيب كالهم
صهيب : اني جبتها جنت بشغل هناك ومريت عليها بطريقي
لميس : صافنه عليه
___
صهيب : يله اني اترخص هسه ادزلكم لمى حته شوف اختها طلعت من يمهم واني بقمت السعاده
السعاده الي غابتني من يوم راحت عبالك مراح اشوفها طول عمري بقيت مثل الضايع ماكو اي اخبار منها ولا تفتح موبايلها ولاتنشر شي لحد مانشرت عل بتعاد عرفتها تحس بتانيب الضمير مثل مااني جاي ياكل بروحي
مرت الايام ملل مو طبيعي لحد مانشرت ستوريات ع الانستا نار وشبت بكلبي
صور هيه ولد عمها اليل ماكدرت انامه من الفجر صعدت سيارتي ونطلقت اله اجيبها رحت جبتها وجيت بس كلامها بالسياره زاد همي وجع كلبي
____
لميس : جنت اغير ملابسي جتي لمى ركضت حضنتها ياروحي مشتاقتلج
لمى : اني اكثر ياعمري البيت جان موحلو من غيرج بس خوش متونسه شفت ستورياتج البارحه وشوفتهن لصهيب
لميس : اي والله هوايه تونست حاسه براحه نفسيه
لمى : الحمد لله همزين غيرتي جو جانت حالتج حاله صدك
صالحتو لو بعد....؟
لميس : ويامن اتصالح
لمى : حبيب القلب شبيج
لميس : هااا لا لا بعدنه
لمى : صالحي وخل يجي يطلبج خل نفرح بيج
لميس : انشاء الله.....
باليل مدده بفراشي فتحت الموبايل دخلت ع مدونه
كتبت
(..ثم ..إعتذارك يزيل نصف الوجع..
والنصف الآخر ..!تحتفظ به ذاكرتك في صمت .!)
(عتذارك متاخر ومرفوض)
اول واحد صهيب حط احزنني عباله جاي اكتب اله ميدري جاي اكتب لنفسي غلقت الموبايل ونمت ،،،،
كعدت عل منبه كمت سبحت وبديت ارتب نفسي لبست فستان بينضل ساك احمر فوكا يلك اسود ولبست حذاء كعب وشال رتبته بطريقه حلوه مكياج خفيف وايلاينر لبست نضارات سود ساعه ذهبيه باايدي شلت ملازمي والموبايل والجنطه رحت للمطبخ
امي كامت تصلي عل نبي (ص ) عين الناس عليج بارده محروسه باسم الرحمن
تريكت اني واكفه اجه مهيمن تعجب بيه ههههه اجه الخط طلعت بنفس الحضه طلع صهيب من بيتهم شافني وكف فاتح حلكه ههههه لابسه نضاره ركزت بتعابير وجهه يموت ضحك حلكه مفتوح صعدت
_صباح الخير عمووو
كال
_ياصباح النور شلونج عمووو وين هل غيبه الج وحشه
ضحكت هههه اجيت عمو بعد ماروح كال
الله يوفقج بنيتي الج وحشه
كتله شكرااا عموو مرينه عله تبارك طلعت هيه ومقداد الابتسامه ملت وجهه صعدت تبارك حضنتي ولج مشتاقتلج حضنتها بوستها حياتي اني اكثر
حجه مقداد كال
مقداد : كافي يابه اكلتيها خلينه شويه هههههه
لميس : دحست راسي جوه الكرسي من الخجل
مقداد : يسعد صباحكم شلونك عمي مشتاقلك بكد رحمت الله
عمي مجيد : اني هم مشتاقلك ههه
لميس : يابه فطسنه ضحك ههههههه عمو كاله هيج شغل ومشه وصلنه الجامعه دخلنه رحنه لقاعتنه اول مادخلت لتمو عليه كل زملائي وزميلاتي
ياهلا نورتي،،،
لميس : هذا نوركم اشكركم
كالو
_مكانج خالي بس ماشاء الله راجعه كلج نشاط وحيويه
كتلهم
اشكركم جان يدخل صهيب صاح الكل عله مقعده كعدنه بمقاعدنه بلشنه محاضرات لحد الضهر طلعنه للخط رجعت للبيت
باليل مدده بفراشي فتحت الموبايل دخلت ع مدونه
كتبت
( أُحبُّ جدا الأصدقاء الذين نُقابلهم بنفس وهج الروح مهما طالت مدة الغياب .. الضحكات نفسها .. و لهفة الحديث وعمقها .. نأتيهم بشتتات و نعود ملمومين)
نهالة القلوب عل منشور اول واحد صهيب التعليقات من زملائي كان كلام حلو وبي تحفيز وطاقه ايجابيه غلقت الموبايل ونمت
كعدت ثاني يوم جهزت نفسي لبست فستان ابيض مشجر ورود زغيره بيجي لبست شال نفس لون الورود حذاء كعب عالي والجنطه والموبايل والنضارات كملت رحت للمطبخ صباح الخير ياحلوه
ماما : صباح النور الريوك جاهز رايحه اشوف اختج
لميس : ليش شبيها
ماما : ماعرف صارلها كم يوم تشكي من معدتها خابرتني هسه تكول تعبانه
لميس : سوده عليه مابيها غير العافيه من اجي الضهر نوديها اني وياج لدكتور
ماما : انشاء الله تريكي اني رايحه لاختج
لميس : تمام سلميلي عليها وكليلها لتكوم من الفراش واذا عدها ملابس وصخه شي من اجي الضهر اغسلهن وسوي كلشي مكانها
ماما : الله يرضه عليج بنيتي
لميس : باستني وراحت تريكت سمعت هورن الخط لبست نضاراتي شلت كتبي وملازمي وطلعت ويه طلعتي
طلع صهيب يريد لجامعه غير يضل يم مرته مريضه،،،،
صعدت صبحت عله عمو مجيد واني العن بي واحجي داخلي ضل يم مرتك حير بيها
حجه عمو كال شبيج ضايجه من الصبح
كتله
ماكو شي مرينه عله تبارك اخذناها رحنه لجامعه خلصنه محاضرات رجعت للبيت دخلت لكيت مهيمن بالاستقبال يتفرج ع تلفزيون
لميس : شونك يحلوو
مهيمن : انتي الحلو واهله هله
لميس : فتريت بالبيت رجعت لمهيمن وين ماما
مهيمن : يم لمى يكولون مريضه
لميس : لعد ياعديم الاحساس غير تروح شوف اختك المريضه
ضربني بالمخده كال
مهيمن : من الصبح رحتله ياعديمة الاحساس ههههههه
لميس : ههههه يله لعد رايحه اشوفها ،،،،
بوجهي عله بيت خالتي حته ملازمي وجنطتي باايدي ماذبيتهن دخلت بيت خالتي
شلونج خالتوو
خالتي : الحمد لله حبيبتي شعجب منورتنه اليوم
لميس : هذا نورج خالتو اجيت اشوف لمى صدك وينها ماما وين
خالتي : يابذات لوما لمى ومرضها متجين ولانشوفج
لميس : حطية ايدي عله كتفها ياخلتوو موتعرفين عندي دوام وقرايه
خالتي : معذوره بنتي لمى وامج فوك روحيلهن
لميس : صعدت ع درج اول مره ادخل غرفتهم جريت نفس طويل دكيت الباب ودخلت لكيتهم لمى نايمه عل جربايه وامي لازمه ايدها وصهيب من الصفحه الثانيه لازم ايد تصنعت الابتسامه
مساء الخير
الكل مساء النور
(اقبض جيدا على جرحك عندما تضحك امامهم ... لئلا تنهار فتخذلك الدموع وتنهمر )
كام صهيب من الجربايه وكف يم الشباك اجيت بمكانه لزمت ايدها شبيج يروحي هزت راسها بتعب باوعت عله ماما وصهيب لوبس ادري شمنتضرين متودوها لطبيب
ماما : مترضه تروح
لميس : مو بكيفها شوكومي خل نوديج نفضت الغطه منها كومتها بالكوه طلعتلها ملابس نزل صهيب غيرت ملابسها اخذناها ونزلنه
ماما اخذت من خالتي عباية راس حطيت ملازمي يم خالتي اخذت بس الجنطه طلعنه لكيته صهيب مشغل السياره ومنتضرنه كتلها ماما صعدي كدام اني اصعد وياها وره حجه هو كال
صهيب : انتي هم تروحين
لميس : صعدتها وصعدت اي اروح
صهيب : ماكو داعي شسوين جايه
لميس : تريدني اعوفها وهيه هذا حالها جريت لمى بحضني كتله بعدين تره اني مكاعده عله راسك
خزرني بعصبيه بمراية السياره
درت وجهي منه كمت اقره المعوذات وامسح عله وجهها لحد ما وصلنه المستشفى نضاراتي بيدي ضوجني لبستهن نزلت ونزلت لمى ساندتها دخلنه اخذنه باص
صهيب : دخلنه المستشفى بصوت حذائها طك طك ملفت لنضر
نوب هيه بنت الاوادم شطالعه ونضارات السود يكطعن عليها ماردت اجيبها بس جتي تكلي مكاعده عله راسك اخ مطايقتني
واكفين ننتضر سرانه الشباب والممرضين رايحه جايه واكف كوه متحمل وصل سرانه دخلت لمى وامها بقت واكفه اجيت يمها حجيت بعصبيه
صهيب : ليش مادخلتي وياهن لو عاجبج مسويه ستعراض لرايح والجاي
نزعت النضاره كالت
لميس : دائما تفكيرك منحط مادخلت لان سوالف مزوجات شعندي داخله
صهيب : لعنت نفسي داخلي ليش دائما اجرحها ليش دائما تفكيري بيها غلط
راحت وكفت بعيد عني رحت حته اعتذر منها طلعن لمى وخالتي من يم الدكتوره يضحكن اول ماطلعن خالتي هلهلت
بالكت مو الجاي افكر بي باوعت عله لميس تفر بااذانها ممفتهمه شي
اجتي لمى لزمت ايدي مبروك حبيبي اني حامل الخبر مثل الصاعقه نزلت عله راسي
راسا باوعت لميس
،،،،،،،
أريد اشوف تعليقاتكم الحلوه وتفاعلكم
ولتنسون التصويت ⭐⭐⭐