السادس والثلاثين
بقلمي_ترانيم هادي ♥️🕊️.
_حبايبي اريدكم تتفاعلون دوسو النجمه وعلقو بين الفقرات حتى القصه تصعد ,
جنوب...
رحت للغرفه طلعت ملابس ورحت سبحت طلعت لكيت انمار ستوه جاي
انمار... نعيما
جنوب... ابتسمتله وخرت منه رحت انشف بشعري وبالي الف شغله
حايره شلون راح اعيش وياه
والماضي الي محاوطني
من جهه انمار
ومن جهه ازان
خايفه لاتطلع سالفه عليه من جديد
ويدري انو جنت بعلاقه وي ابن عمه شلون حيكون موقفه ورده فعله...
ومن جهه كلام سيرين يرن ابالي
ماعرف شلون اطبق النصيحه وابدي بحياتي
قاطع شرودي صوته وهوه ينده بيه
انمار... وين صافنه
جنوب... ها هيج محتاج شي
ابتسملي وحضني غمضت عيني حتى اسيطر على رجفتي بلعت ريكي باسني بخفه من شفتي ووخر
انمار... عذريني
جنوب... على شنو ؟
انمار... جاي اضغط عليج واعرفنج لحد هسه مامتعوده عليـه
جنوب... ماعرفت شجاوبه سكتت ، رجع باسني من خدوي ووخر سحبني من أيدي سحب الكرسي وكعدني
انمار... ماريدنج تضمين شي عليه جنوب انه مارايد منج شي بالعكس اريدن راحتج اهم
اعرفن لساج مامتعوده عالوضع وحتى فتره خطوبتنا ماطولت ولاحتى تعرفنا على بعض
بس انشالله بالايام الجايه
علاقتنا حتكون احسن بس ساعديني وبطلي تتوترين بكربي
جنوب... المشكله مو بيك بيه انه صدكني حتعبك وياي كلش
انمار... الزواج مومجرد تقضيه واجبات وحقوق وانما هوه اجتماع روحين بجسد انتي دامج صرتي مني وبيه معناها صرتي مثل روحي
دام المشكله بيج معناها مشكلتي هم مفهوم
جنوب... حـظنته وهوه جرني عليه وحضني بقوه كل كلامه صح ومبيه غلط
ماريد اخسر انمار بسبب ازان وبسبب الماضي
ازان صار ماضي وانتهى
وهسه حياتي بدت وي انمار
انمار... يله مرتي كومي سويلي اكل موشفتيني نطيتج مجال
جنوب... ها وين راح الحجي
انمار... عند البطون تعمي العيون
جنوب... ههههههه اي صدكت
عفته ورحت حتى اسوي اكل نزلن ميس وشذر من فوك اجن يمي
شوي ودخل ازان وريم وياه انه شفته احوالي تخربطت
ازان... شلونجن يُبا
شذر... هلا بيك شعجب جاينا اليوم
ريم... جينا من اهلي وكلنا نمرلكم
ميس... اي تفظلو
ازان... جنوب شلونج
جنوب... عاين عليه ووجه كلامه الي،الحمد الله
تفظلو عمي جوا
_راحو همه جوا وانه بقيت بالمطبخ
جنوب... اهدي جنوب ماضي وخلاص لاتتوترين ولاتخذلين انمار
ميس... ولجج شماله وجهج انكلب اصفر حتى المايدري ينتبه عليج
جنوب... الحقير شكو جايبها وجاي
ميس... بيت عمه وحقه يجي اتجاهلي لهالخوثه
جنوب... اي انشالله
ميس... دوخري مني احسلج الحجي مايفيد وياج
جنوب... يااا خايبه شمالج تراها مامهتمه بس انه اتحسر على روحي جيف صدكت بهالعار
ميس... انسي السالفه كلساع عايدتها
جنوب... ياصدك خطيه ازان راد اسويله اكل
ميس... ميحتاج روحي جيبي الكيك وانه راح اسوي العصير
جنوب... اي يله
ميس... راحت جنوب تجيب الكيك وانه طلعت الفواكه حتى اخلطهن
دخل رضوان من برى عاينلي مستغرب
رضوان... منو يمنا ؟
ميس... ازان وريم هسه اجو
رضوان... شعدهم جايين
ميس... خير شبيك واذا اجى
رضوان... وشبه بضلوعج شبيه مثلاً
ميس... بلعت ريكي بفشله تنهدت بالم من تصرفاته وتهجمه عليه ، ماله داعي هالحجي انه مكتلك شي
_عافني وراح بدون ميجاوبني عفت السجينه من أيدي وتشبثت بالميز
دموعي لاارادياً نزلت متت من اسلوبه وياي ليش هيج يعاملني ....
دخلت جنوب للمطبخ شافتني خلت أيدها على خدها واجت يمي
جنوب... ياخيه شمالج
ميس... انتي كملي تعبت
جنوب... هستوج مابيج شي شماله نكلب حالج
ميس... سولفتله الصار وهيه صافنه ضلت ساكته مابيدها حيله
خلصنا ورحنا يمهم جانو كاعدين ويسولفون
كعدت بصف رضوان
اعاينله وجها احمر وقابض على أيده
ميس... بيك شي ؟
رضوان... تؤ
انمار... شمالكم صافنين وتخوزرون صاير شي ؟
ازان... والله مدري كلها مالها خلك
ذاكر... شهل نفسيه بويه
ريم... عمي ماكو شي بس مبين المود موزين هالايام
خلا رجل على رجل ابتسم وحجى
رضوان... اي كلش
_كمت للمطبخ اخذت المواعين غسلتهن ورتبتهن نداريت واشوف ازان واكف
خليت أيدي على كلبي بخوف وخزرته
جنوب... طلع صوت حركه وكفت كلبي
ازان... سلامه كلبج
اجى تقدم عليه ردت اروح وسحبني من أيدي
جنوب... هييي ايدك وخرها احسلك
ازان... اعصابج عيني
جنوب... وخر من كدامي
ازان... حبيتي ؟
جنوب... منو؟
ازان... انمار
جنوب... ههههه وليش ماحبه طبعا احبه زوجي شعندي غيره
ازان... وهيج نسيتي حبنا
جنوب... طز بيك وبحبك هيج حب لا اريده ولاعترف بيه خلي هالحب الك
ازان... تراها لحد هسه متحمل تجاوزج ليش تخليني اسوي شي ميعجبج
جنوب... كتفت ايدي لصدري وحجيت،شسوي بالله ها شوفني عضلاتك وسوي كلشي تريده فاهم متخوفني
ازان... صبرك ياللهي المهم الله يسعدج
جنوب... شكراً
ازان... جنوب اعذريني عالصار بس كلشي قسمه ويجوز احنا قسمتنا مو سوا الله يسعدج وي انمار واعتبري الصار مجرد شي عابر وصار ماضي
جنوب... كلامه كلش صدمني حسيته سجاجين ونغرست بيه
بلحظتها كلش تندمت لان ضيعت وقتي على هيج شخص ميستاهل وتندمت اكثر لان عاملت انمار بجفا وبرود
عفته ومشيت رحت كعدت بصف انمار حظني من كتفي وملتهي يسولف وياهم
همست بخفه بصوت ممسموع
جنوب... حمدالله لان انـتـهـه بحياتي
اندار عليه عاكد حاجبه ابتسملي وضمني لحظنه اكثر
انمار... وانه أحمد ربي لان دخلتي لحياتي واحتليتي كلبي
ريم... احم احنا هناه شجاي تتهامسون
انمار... مرتي وكحه ماتكعد تتحارش بيه
جنوب... فشلني بكلامه كرصته من زنده وهمه كلهم يضحكون
مياده...
ضميت المبايل وطلعت من الغرفه ابوي كاعد بالطارمه والعوجيه بأيده
وامي كاعده يمه حنين بالغرفه الثانيه هيه وجهالها لازمتهن اذا يطلعون يكتلهم أبوي
حنين... ها خيه
مياده... ليش حابستهم عوفيهم
حنين... ماشفتي شلون كاظ عوجيته وكاعد خافن يطك واحد بيهم ويموته
مياده... يالله شهل حال
حنين... الله كريم
مياده... سمعت دك الباب ماهتميت بس صوته الي فزز كلبي ميزته بلحظات
طلعت لكيته واكف حالته حاله لازم عكازه ورجله مجبره والكدمات الي بوجها
مياده بكلبي... وففف ضرار ماتفوتها حتى لوتسوي زينيه
عاين عليه وصفن اتحمحم واندار على أبوي
ايهاب... عمي انه اليوم جايك بشغله وماريدنك تردني
ابوي... اي بويه تدلل
ايهاب... عمي انه جاي اطلب ايد مياده والتريد يجرالك ومن بأجر ادزن امي حتى تقوم بالأصول حسب الواجب
شفت أبوي بلع ريكه عاين على امي ورجع وجه نظره على أيهاب
ابوي... عمي اعذرني بس البت واحد من صوبنا رأيدها وماباقي هواي حتى يخطبها
ايهاب... عمي الله يخليك عوف هالسالفه تكدر ترفضه انه هسه جيت وطلبتها منك
ابوي... بسك من هالحجي قسمه مالك يمي والبت قسمتها لغيرك
مياده... نصدمت من كلامه شقصده بهالحجي عاينلي أيهاب بنظره استفهام
هزيتله راسي ودموعي بسرعه جرت ، ضلو يتحاجون وايهاب يقنع بأبوي بس قافل
وحتى مانطا مجال يحجي اخر شي وكع بأيها وطرده
قبل لايطلع وكف بعتبه الباب وعاينلي
ايهاب... كبل ضعتي من أيدي وماكدرت اخذنج بس هسه لواثنينا بهالحياه لو اثنينا بالأخره
عافنا وطلع وأبوي ضل يعيط ويصيح
ابوي... ولج يالعار شعدج ويا وهالكد مستقتي عليج
اجى عليه يريد يضربني وامي لزمته
امي... امشي مناا ولج
مياده... شقصدكم من تردون تنطوني هالحجي صح اااحجو
اجت حنين سحبتني من أيدي للغرفه قفلتها وكعدنا اثنينا
ضليت اروح وارد بالغرفه حسيت الهوى مايدخل لريتي ودموعي ينزلن مثل الشلال
حسيت بدوخه لزمت الحايط اريد اتكئ على شي كامت حنين لزمتني وكعدتني
حنين... يالله دخيلك على كيفج وي روحج
شهكت بخنكه ودموعي تجري
مياده... يريد يكتلني مره ثانيه ولجج يريد يضيعني من هالحياه مره ثانيه اااموت والله اااموت تعبت شتحمل اكثر
يريد يزوجني وانه حتى مادري
_سمعنا دك الباب وصوت امي جاي كامت حنين فتحت الباب اجت يمي وغمتني
امي... همداج يالعوبه عفتي الزين ورحتي عالحافي
حنين... يمه ماشوفين حالها
امي... اسكتي انتي بيج خير موكليوم رادتلي مكفخه ماعرفتي تكسبين الرجال
حنين سكتت ودمعتها صارت بطرف عينها
امي... الرجال مابيه شي ولاينعاب وماشالله عليه متمكن وبيت وراتب شتردين بعد
مياده... يمهه ماااريدن لاتحرموني منه مره ثانيه الله يخليج ساعديني لاتوكفين ضدي بكل مره
امي... احنا ادرى بمصلحتج بعدين تبوسين أيدج وجه وكفا على هالقسمه
عافتنا وراحت مشت حنين وراها وانه بقيت بحيرتي تعجبت على اسلوبها
شلون هيج بايعتني وحتى مامهتمه
انه على نفس الكعده واجت حنين تلطم على وجها
حنين... تصخمتي ولجج
مياده... شكوو ؟
حنين... تذكرين الرجال الي بطرف الشارع الثاني الي مكظيها يزوج ويطلك
مياده... ماذكره
حنين... ولجج ابو سبع نسوان يالعوبه
مياده... اي شبيه
حنين... هوه هذا راح ينطيج اله ابوي وفوكاها عنده جناين وداخل بالعمرين
مياده... لطمت على صدري شهل ضيم هذا وفوكاها فرحانين
كمت على حيلي حرت شسوي وشعمل رحت جانو على نفس الكعده
ابوي... وخري من وجهي يالفكر
مياده... ماااازوججج
ابوي... وغصب عنج تزوجين ماطالب رأيج انه والرجال باجر يجي كومي يامره فهميها لابتلي بيها
مياده... هالزواج مايصير الاعلى جثتي وتحلم تخرب حياتي مره ثانيه
ماكفاااك من جبرررتني كبل وهسه جاي تعيدها تعبببببتني شرايد مني
اجت امي تريد تسحبني من أيدي وخرت منها جان كاعد عالكرسي وعوجيته بأيده كعدت يم رجله واتوسله
مياده... احلفك بالله لاسوي هيج بويه بنتك انه منك وبيك لاتظلمني مايوجعك كلبك علينه وانت تشوفنا بهالحال
عليك العباس لاتزوجني لاتحرمني منه مره ثانيه اموتن والله تعبت هواي وتحملت وخلص صبري لاتشمرني بهالطريقه
_حجيت اخر كلمه وماحس غير وهوه ضاربني بالعوجيه الدم ضلت يتنافر من حلكي حسيت سنوني تكسرن
ابوي... وفوكاها تكوليها بوجهي يال*** وعلي بس اشوفنه خاطي عتبه الباب احطن جيله براسه واخلص منه تعااالي خذيها من وجهي لابتلي بيها
_اجت امي سحبتني هيه وحنين واخذني للغرفه
يمشن بيه وانه بس جسد يتحرك حتى روحي تعبت
دخلني للغرفه كمت وطلعتهن قفلت الباب
رحت اخذت المبايل دزيتله رساله
مياده... فدوه سامحني ماكدر اتحمل اكثر تعبت هواي لاابوي رحمني ولاالدنيا رحمتني
_ الدم مستمر يجري مسحته بطرف دشداشتي عفت المبايل وطلعت رحت للمطبخ اخذت جداحه
اخذت جيلكان النفط جانت امي تخلي حتى تحرك بيه السعف مال تنور اخذته ورشيت على ملابسي ترست روحي ترس
طلعت حنين لطمت على صدرها وضلت تعيط انه ماهمني شي غير بس اريد اخلص من العذاب العايشته تعبت مالي طاقه احمل بعد
ابوي... عووووفي من أيدج لاتتخبلين
حنين... فدوه اروحلجج لاسوين هيج
مياده... بعمرك ماوكفت بظهري وصرت وياي دوم اسال روحي اذا انت صدك اب شلون تعامل بناتك بهالطريقه وبهالقسوه
مايرفلك جفن ولايوجعك كلبك علينه تعبت ومالي طاقه ابقى بهالدنيا
اخذت الجداحه ردت اشعلها وسمعت صوته وراي
_شصاير
عاينتله جان واكف وعاكد حواجبه عاينلي وعيونه جحضت نزلت راسي وصرت اشهك بالبجي
ضرار... ذبي الجداحه من أيدج
مياده... مااريدن خلني اخلص من حياتي وارتاح
ضرار... ذبببي كتلج
اجى سحب الجداحه من أيدي اجت حنين سحبتني من أيدي اخذتني سبحتني وضمدت الجرح الصار بحلكي
شوي واجت امي كالت ضرار يريدج اخذت الشال وخليت العبايه على راسي
ضرار... من رخصتك اريدن احجي وياها شوي
ابوي... اي بويه
عافنا وطلع وانه على نفس الوكفه
ضرار... تعالي كعدي
رحت كعدت كدامه السبحه بأيده ويفر بيها والجكاره بحلكه حتى ماعاينتله
ضرار... ليش سويتي هيج ؟
مياده... مكدرت اجاوبه وبس دموعي تجري تنهد وحجى
ضرار... بويه الانتحار مولعبه وكليلي بالله شراح تستفادين وهاي اذا متي شعرفج من راح تحركين روحج تموتين وتولين يم ربج
هاي من غير الحرك والتشوهات التصيرلج
محد راح يتضرر غيرج
مافكرتي بروحج وبحركه كلب امج عليج
هناه انتي محترك كلبج ويم ربج هم تحترك روحج على هالعمله
مياده... ماافكرت بشي غير بس اريد اخلص روحي من الااني بيه اكلهم تعبت حجيت عيطت كلشي مفاد هسه جاي ينعاد عليه الصار ويردون يطوني مره ثانيه وبدون مادري
ضرار... الله كريم كلشي ينحل
مياده... كام طلع وانه بقيت كاعده سمعت اصواتهم برى ماكلعت مابيه حتى احرك نفسي
كمت طلعت برى ضرار رايح
رحت للغرفه الثانيه نزعت عباتي وشالي وكعدت مكابله الحيطان وبس دموعي تجري
ماعرف شكد مر وقت ودخلت امي عليه
امي... حطي عبايه على راسج وتعالي
مياده... وين ؟
امي... فضيها
مياده... كمت لبست الشال والعبايه طلعت باب الاستقبال مزدود وحنين وامي واكفات
عاينتلي حنين وضحكت
حنين... يله دخلي منتظريج
مياده... شصاير !!!
حنين... بعدين تعرفين
مياده... دكيت الباب سلمت عليهم ودخلت تفأجأت من شفت أيهاب كاعد وبصفه السيد
ابتسملي ودار وجها
ايهاب... البت موجوده يلا نتوكل
السيد... تعالي اكعدي
مياده... لحظات هيه خوف,توتر,رجفه سرت بجسمي ماعرفت شلون أوصف شعوري
معققوله تصير صدك وانجمع وي الاحبـه
غمضت عيني بقوه خاف حلم واكعد منه...
رحت كعدت بصف ابوي بدا السيد يقرا ايات
اخر كلمه سمعتها منه حتى اردد وراه...
مياده... نعم قبلت وانت وكيلي
كلتها ودموعي نزلت وكأن بهالحظات الي مرت ملكت الدنيا طلع أبوي يوصل السيد كام هوه واجى يمي ميكدر يدنك من رجليه مجبره
كمت لزمته من أيده مسح دموعي وباسني من جبيني
ايهاب... الف مبروك واخيرا صرتي مرتي
مياده... الله يبارك بيك
ايهاب... ليش هالدموع خافن غيرتي رأيج وماترديني
مياده... لا لا بالعباس اريدك
ايهاب... هههههه انه رايدج اكثـر
سيرين ....
سجلت رقم مياده حتى اتصل عليها فجأه انفتح الباب ودخل ضرار
المبايل بيدي والمكالمه مفتوحه...
نشف دمي وانه على نفس الوكفه سديت المكالمه خلى أيديه بجيبه واجى تقدم عليه
ضرار... شغله وحده اريد اعرفها انتي تفكرين بعقلج لو بـط***؟
سيرين... ش شنو ها ؟
ضرار... يعني من طكيتيها ركضه من جوا ليفوك مافكرتي ممكن اسمع صوت ركضتج وعلى شي ساعه اكعد ؟
سيرين... انه شلون مافكرت هيج اصرف بدون حتى مافكر (بكـلبي)
عاط بوجهي وعيونه بكصته
ضرار... اااااحجي شبيج نخلستي
سيرين... شحجي
ضرار... جيبي الموبايل
سيرين... عفت الموبايل ورى ظهري ورجعت ليورى
اجى عليه لزمني من أذني وجهه قريب على وجهي وانفاسه تضرب بوجهي
ضرار... جيبي كلت
سيرين... مد أيده حتى انطي المبايل عفته بيده دفعني ووخر مني
فتحه يكلب بيه شفته دخل على سجل المكالمات عيونه جحضت ودماراته بينت ماحس غير وهوه خانكني وطابكني وي الحايط
حسيت روحي طلعت بين أيديه
حجى بغضب وحده
ضرار... منين جبتي الرقمم ااااحجي
سيرين... ضرار خنكتني وخرر
ضرار... لججج عايقه احجي لاتخليني ابتلي بيج
سيرين... من مبايلك اخذته
دفعني وكعت افرك بصدري حتى الهوى يدخل لريتي روحي طلعت
واكف ويعاين عليه وعيونه حمر من العصبيه
ضرار... بت جابر الصلفه شسويلج وتعقلين
عافني وطلع من الغرفه رحت وراه لكيته لازم مبايله وعاكد حاجبه
سيرين... ليش مكتلي مياده عايشه؟
ضرار... مالج شغل لاتدخلين
سيرين... لاااا الي غرض حضرتتتك حارك كلبي وليل ونهار روحي تلوب وتالي تطلع عايشه كلي ليييش سويت هيجج
_اندار عليه كتف أيديه ويعاينلي ختنكت بحسرتي ودموعي جرت سحبني عليه وحضني
ضرار... ديربالج هالجليد البكلبج يذوب
دفعني ارتديت ليورى اخذ مبايله وطلع ضليت متصنمه بمكاني لااخذ منه حق ولاباطل
شوي ورهف كعدت خذتها ونزلت ليجوا
_لليل وضرار ماكو اخوته يتصلون عليه وماكو
روحي تلوب وكلبي دكاته مومنتظمه حالي متخربط كلش وماعرف شبيه...
عفتهم وطلعت برى الولد جانو كاعدين بالحديقه يسولفون وممنتبهين عليه وكفت على جهه
رضوان... وينه هسه هوه
بسول... مارضى يحجي
انور... وليش مايرضى بس لاكـتله !
درغام... لا بس خيربي حتى لايتعدى حدوده مره ثانيه
حيدري... هوه وين يعرفه
رضوان... شلون مايعرفه چا غير ابن عمت سيرين
سيرين... بـدر ؟
_ يــــتـبــع . . . . .