🌟النجوم في زمه الله لي كدا، النجمة بتشجعني اكتر ومعناها ان البارت عجبكم
فزوره انهاردة
فيه فرق كبير بين الرجولة والذُّكورة..
الذُّكورة هي النوع.. الرجولة هي الفِكر.. الذُّكورة هي الجنس.. الرجولة هي السلوك.. الذُّكورة هي البيولوجيا.. الرجولة هي الموقف.
هذا الكتاب ليس عن “الرجل الشرقي”، الذي سمعنا عنه وعرفناه قديمًا.. بل هو عن “الذَّكَر الشرقي” الذي تسلل إلينا مؤخرًا، وعاش بيننا بديلًا عنه.. تلك النسخة الباهتة في ألوانها، والمُشوَّهة في ملامحها. “الذُّكورية الشرقية”- بهذا الشكل وذلك السلوك- مرض صعب جدًّا.. مش بس مرض.. دي مُتلازمة مَرضية كاملة.. تبدأ من تربية الآباء والأمهات لأبنائهم وبناتهم.. وتنتهي نهايات مأساوية مُجحِفة للجميع.
الكتاب دة هيحاول يقربويستعرض ويحلِّل ويفهم.أعراض، وأنواع، وأسباب، ومُضاعفات “الذُّكورية الشرقيةويقدم رؤى واقعية لتغيير وعلاج هذه المُتلازمة المَرضية المستعصية.
والحقيقة إن هذا التغييرلو ما بدأش يحصل من الآن فتأكدوا.إن هذا الديناصور البشري الضخم.لو لم يُدرِك..ويفهم ويتطور..ويقوم بتفكيك.وإعادة تركيب نفسه من جديد فلن يكون له أي مكان، سوى ركن بعيد مُختَفٍ، في أحد متاحف العالم، تحته لافتة صغيرة مكتوب عليها بخط غير واضح.
فما اسم الروايه يا سكاكر 🤸♀️؟!
اللهم صل على سيدنا محمد وعلى آله وصحبه أجمعين ♥️
وقف الشباب يطالعونهم بنظرات غيرة فـ من هذا حتى يأخذ اهتمامهم !!
قامت جوري باحتضانه
مازن بسخرية:الحق يا سليم جوري بتتحضن وانت واقف
سليم بغيرة: وده مين ده وازاي تحضنه
بعد احتضانه لجوري وضع يده على كتف نغم
سليم بغيظ: واد يا يزن الحق نغم نظراتها كأنها هتقوله زوجتك نفسي
يزن بضيق: انا هلاحق على مين ولا مين انا تعبت بقى من البت دي
مازن بفخر: شوف عطيات مهما كانت مجنونة لكن عمرها ما تقرب من حد و لحظة واحدة ايه ده؟؟
لم يكمل جملته حتى وجد مليكة تتعلق بذراعه بشدة
يزن بضحك: عمرها ما ايه
مازن بغيرة : لا كده الموضوع زاد عن حدة اوي انا لازم اعرف مين ده
سليم بهدوء مصطنع: يلا وبلاش مشاكل
ذهبوا ناحية الفتيات وجدوا ابتسامتهم تملأ وجوههم مما زاد ضيقهم
اما عن الفتيات فمليكة لم تترك ذراعة بعد
علي: لسه لزقة زي ما انتي يا كوكو
مليكة: لزقة في عينك ده انا نسمة
نغم بفرحة : وحشتنا خالص يا علوش
علي: والله وانتو بس خلاص جيت وقاعد معاكوا كام شهر وهنخربها
جوري: ضمنا ماما هتطردنا كلنا من البيت
قاطع حديثهم حمحمت الشباب فألتفتوا لهم بعد ان تركت مليكة ذراع علي ووقفت بجوارة
سليم بضيق: متشرفناش بحضرتك
على بهدوء: انا علي محمد اخو جوري الكبير
اطلق سليم تنهيدة سعيدة
سليم بابتسامة واسعة: بجد، اهلًا وسهلًا مكنتش اعرف انك اخوها اصلي مشوفتاكش قبل كدا
مليكة: لا ما علوش كان مسافر ولسة راجع
مازن بغيرة: وانتِ مالك أنتِ ملكيش دعوة هو بيسأله هو ؟
مليكة : ماله ده ليا دعوة طبعا ده علوشتي!
لاحظ علي نبرة الغيرة في صوت مازن فقام بوضع يدة علي كتف مليكة وتابع
علي بخبث: لا ما انا وميكي زي توم وجيري كده نموت بعض ساعات لكن اكتر من صحاب
مازن بسخرية: طب عن اذنك يا علوشتها هاخد منك ميكي اصل عندها شغل كتير
مليكة: معلش يا علوش ورايا شغل
علي: لا عادي يا ميكي استني قبل ما تروحي خدي الشوكولاتة اللي بتحبيها اهي
نغم: يا سلام وانا فين اللبن بالشوكولاتة بتاعي؟
علي بحنية: وانا اقدر انسي نغومة طبعًا جبته وجبت احلى شيبسي لأحلى جوري و في البيت هتلاقوا كتير
مازن بهمس: هقتلة مش هقدر استحمل اكتر من كدة
يزن بتخطيط: انا همسكه واخده برا وانت اقتلة
سليم بضحك :اهدوا يا شباب مش كده ده علوشة
مازن:طبعًا ما هو طلع اخوها
مازن بصوت مرتفع : يلا على المكتب ورانا شغل كتير جدًا اوي خالص اصلًا لازم نخلصه
ذهب لمكتبة وذهبت مليكة خلفه سريعًا
علي: هروح ارتاح انا بقى
نغم: هنسهر سوا بليل صح؟
علي : طبعا هنسهر زي زمان انا رجعت وقاعدلكم بعد الشغل هعدي اجيبكم
يزن بتهديد لسليم:سليم انا مش ضامن نفسي ماشية احسن ما اتهور واطربق الشركة فوق دماغتهم هما وعلوش بتاعهم
سليم: احم سلام يا علي اتمني تزورنا تاني
يزن بهمس مسموع: يارب تزورة عقربة قبل ما يفكر يجي
علي وهو يحرك حاجبيه لأعلى واسفل: سلام يا نغومة
وغمز له في نهاية جملته
.
.
.
*سبحان الله وبحمده سبحان الله العظيم *
.
.
اما عن إياد فكان يحاول الحديث مع ندى لكنها كانت تتجاهلة
إياد : اسمعي بس يا ندى هقولك هفهمك ايه اللي حصل
ندى بإستخفاف :تفهمني ايه تفهمني كذبك وخداعك
إياد بإندفاع: في ايه ياختي هو انا كدبت عليكي انتِ
ندى : ولو كنزي صحبتي وانا وهي واحد اصلًا!
إياد بخبث: طب ايه رأيك لو تصالحينا على بعض
ندى بقرف: وانا مالي انت لازم تجتهد وتصالحها لوحدك
إياد بحدة : هو في ايه بالظبط انتي بتتكلمي من تحت ضرسك كدا لي ولا كأني قاتلك قتيل ما هي كمان غلطت هو انا لوحدي اللي غلطت
ولسوء الحظ وجد ادم بوجه
آدم بصوت مرتفع: في ايه انت بتزعقلها كده ليه يا حيوان انت
إياد بدهشة:انا حيوان! مين العجل اللي دخل فجأة ده
ندى بسعادة: ادم جيت امتى يا حبيبي
ادم: جيت انهاردة الصبح وقولت لازم اعملك مفاجأة هو انا عندي كام ندوش يعني
ندى بخجل: معندكش غيري طبعًا
إياد بملل: اتنين لمون يا فزاع اصل شكل الكلام هيحلو ايه يا جماعة انا واقف مش كده بلاش محن الكلاب دة
ادم بإندفاع: ايوة يعني انت مين وعايز من خطيبتي ايه
ندى: اهدى يا ادم وانا هفهمك
ادم بحدة : انا هادي اهو اتفضلي
ندى: ادم ده إياد صاحب كنزي إياد ده ادم خطيبي
إياد بجمود: متشرفتش بيك
آدم بغيرة:عايز من خطيبتي ايه
إياد بسخرية: هعوز من دي ايه، انا بس عايزها تصالحني على كنزي بما انها صاحبتها
ادم بإعتراض: وانا مش موافق
ندى بإستغراب :ليه بس يا ادم
ادم: ده اخر كلام انت حر انت وهي لكن ملكوش دعوة بخطيبتي يلا يا ندى
ثم امسك بيدها واخذها وذهب
إياد بسخرية: ايه العبط اللي حصل ده هو ايه اللي خطيبتي خطيبتي هو بيفكر نفسه هو مفيش حد تبع كنزي عاقل ياربي
وقرر الاستغناء عن ندى فـ ما من فائدة منها واكمل تخطيط معتمدًا على ذاته
.
.
.
*سبحان الله وبحمده سبحان الله العظيم *
.
.
دلفت عليه المكتب وهي تنظر لاوراق الصفقة
مليكة بتساؤل: مستر مازن هو البند ده هيتنفذ ازاي
كان مشغولًا بهاتفة ويضع سماعاته ويبدوا عليه التركيز الشديد ولم يلتفت لها حتى
مليكة بضيق : مستر مازن ركز معايا دقيقة
مازن : استني استني
اقتربت منه مليكة لترى ماذا يفعل وجدتة يلعب لعبة ببجي
مليكة: حاسب حاسب هتموت ايوه ايوه تعالى كدة حاسب جاي من وراك
مازن بإنفعال: ياه مت اوف كنت خلاص هكسب
مليكة بضحك:انت بوت علي فكرة ومش بتعرف تلعب
مازن بتذمر: لا انا بعرف العب بس معرفتش اركز منك
مليكة : يعني العيب فيا؟ طيب تعالى جيم انا وانت واللي يموت الأول يجيب للتاني نوتيلا
مازن: ماشي هاتي الكرسي وتعالي
احضرت مليكة الكرسي بالفعل وجلست وبدأ بالعب متناسيًا الصفقة والعمل
مليكة بإنتصار :هه، كنت فاكر انك هتموتي انا
مازن بصراخ:فلتي المرة دي بس المرة اللي جاية هقتلك اصبري بس
قاطع صراخهم ولوج سليم و جوري عليهم
سليم:ايه اللي بيحصل هنا
نظر مازن لسليم واردف قائلا
مازن: مفيش حاجة يا سليم
مليكة بإندفاع: وكسبت
واخذت تقفز في سعادة لفوزها على مازن
مازن بتذمر: لا علي فكرة انتِ غشاشة انا كنت بكلم سليم
مليكة : مليش دعوه محدش قالك متركزش اعترف انك بوت اصلًا
حمحم سليم بحدة ليلفت انتباهم
مليكة بتوتر: مستر مازن انا كنت عايزاك تفهمني البند ده
مازن بتمثيل: وريني كدة
جوري وهي تكتم ضحكاتها: مليكة انا ونغم هنمشي كمان ساعة هتيجي
مازن بسرعة: لا مليكة لسه وراها شغل روحوا انتو
اؤمات له جوري وغادرت المكتب
سليم بجمود: خلصوا شغلكم ومتعلوش صوتكم تاني
اومئ الاثنان بنعم فـ غادر المكتب وتركهما
نظروا الاثنين لبعد بنظرات ذات مغزى
مليكة: تقبل حقيقة انك بوت وهات النوتيلا
مازن بتذمر: ماشي هجيبها بس هنلعب جيم تاني
مليكة : ماشي بس مش دلوقتي عشان لازم اروح بدري
مازن بغيرة:وده ليه ان شاء الله
مليكة: هنسهر انهاردة عند جوري
مازن في نفسه(هنشوف هتروحي بدري ازاي)
.
.
.
.
.
عند يزن
كان ذاهب لمكتبة بعدما علم أن مدير الشركة أتى ونغم تستقبله
كاد يدلف لكن توقف حينما استمع لصوت ضحكات من الداخل دلف سريعًا وصدم مما رأي
يونس:مش ده اسمة ايه ده اللي في الدار
نغم:مستر يزن
يونس :اه صح ازيك يا يزن انا مدير شركة **** اللي هتعملوا معاها الصفقة
كان يزن مصدوم وكأن على رأسه الطير أو بمعنى أدق كان يشعر ببوادر صدمة قلبية
نغم بقلق:حضرتك كويس
مسح يزن على وجهه لتهدئه نفسه قليلًا
يزن بهمس: يعني انت مدير الزفت الشركة التانية ده معناة هشوف سحنتك دي في الدار والشركة
يزن بترحاب مزيف: يامرحب يا مرحب
يونس بإبتسامة:اهلًا بيك
نغم: تحب تشرب ايه يا يونس
يونس: هاخد قهوة زيادة يا جميل
نغم:وحضرتك يا مستر يزن
يزن بجمود: سم هطفح سم
ابتلعت نغم ريقها بتوتر واردفت
نغم: ه هجيب لحضرتك قهوة معانا
أحضرت القهوة وعادت سريعًا فهي لا تريد ان تترك يزن مع يونس بمفردهم كثيرًا كي لا يقتلا بعضهم البعض
نغم بتوتر من طريقة حديث يزن التي لا تبشر بالخير :احم ندخل في الشغل على طول احسن
جلسوا وتحدثوا على تفاصيل صفقة الأدوية الجديدة
يونس: نغم ايه رأيك بعد الشركة نخرج شوية
نغم بأسف:اسفة يا يونس بس انا ورايا معاد خليها يوم تاني
يزن بهمس غاضب :مع سي علي الاحقها منين ولا منين بس
يونس محاولًا اغاظة يزن : لا بس دة يانهار جمال الطقم هياكل منك حتة كل يوم تحلوي اكتر كدا مش معقول
نظرت نغم لثيابها ثم له بإستغراب فـ هي ترتدي شئ عادى!
ضرب يزن على مكتبه بشدة وقد طفح به الكيل
يزن بنبره قاتل:ياريت يا نغم تخرجي وتاخدي الباب في ايدك عشان حابب ادخل في تفاصيل أعمق في الصفقة
بلعت نغم ريقها بصعوبة من نظراته وخرجت سريعًا
شمر يزن عن ساعديه
يزن بالهدوء السابق للعاصفة: هو انا مش ضربتك قبل كدا كان لازم تمشي من لسعة الشوربة الأولى، لكن انت نطيت في الحلة واضح ان صحتك جت على الضرب
يونس بحدة : انا مسمحلكش انت زودتها اوي بعدين ازاي تتكلم معايا كده انا مش هتعامل معاك انا عايز اقابل سليم
يزن بسخرية: سليم؟ وماله نجيبلك سليم بس قبل ما نجيبهولك عايزك في موضوع كده
كاد يلكمة في وجهه لكن قاطعة ولوج سليم
سليم :استاذ يونس اتفضل آنسة علا هتوديك مكتب استاذ مازن هو اللي هيكمل معاك
يونس: ياريت يكون احسن
ثم نظر ليزن بتكبر و ذهب بغرور خلف علا
سليم بحدة: هو انا هلاحق عليك ولا على مازن بعدين ايه العبط اللي كنت هتعمله ده
يزن بضيق :انت مش متخيل هو مستفز اد ايه
سليم:انت غيران على نغم
يزن بتوتر :ا انا اغير من الكائن اللي شبه السبيط المقلى ده اكيد لا
سليم:متحاولش باين عليك أمسك اعصابك شويه هي صفقة وهتعدي وبعدين اعترفلها مستني ايه
يزن بتوتر:باين ايه مفيش الكلام الفارغ ده
سليم بسخرية:ياعم نظراتك واضحة زي الشمس
تنهد يزن: لما اشوف ايه حوار علي ده كمان الأول
سليم بضحك :ماله ده ابو نسب
يزن بغيظ:ماهو اخوها فا خلاص حاطط في بطنك بطيخة حسبي الله
خرج من مكتبة وقابل نغم
يزن بحدة: اليوم خلص اتفضلي روحي عشان تقابلي علوشك
أنهى جملتة بغضب وذهب
نغم بهمس: لا سايكو سايكو مفيش كلام
.
.
*سبحان الله وبحمده سبحان الله العظيم *
.
.
في المساء اجتمعوا جميعًا بإستثناء مليكة فهي مازالت في العمل
والده جوري (نجوى) وهي كل خمس دقائق تحتضن علي : وحشتني يا علوش يا حبيبي عارف انا عملتلك الرز بلبن اللي بتحبه
قبل يدها بحنان وأخذ منها الطبق
ثم اردف
علي: وحشني الرز بلبن بتاعك اوي يا امي تسلم ايدك
إياد بغيرة: ايه وانا مليش منا بحبه انا كمان
نظرت له بإستحقار واردفت
نجوى: انت ملكش غير الشبشب لحد ما تحترم نفسك
محمد : اكيد يا نوجا يا حبيبتي عاملة حسابي
نجوي:ولا انت كمان ليك، مش بتتفق مع عيالك خدي يا بت يا نغم انتي هبلة و اكيد ضحكوا عليكي
اخذت منها نغم الطبق بسعادة طفلة
نغم بتمثيل: اه يا طنط والله ضحكوا عليا
جوري بغيظ:يا سلام يعني انتِ مكنتيش موافقة؟
نغم: تؤ تؤ مكنتش موافقة انتو اجبرتوني
إياد : سبحااانة الملاك البريئ
محمد بإمتنان: ياه يا ولاد وحشتني لمتكوا المجنونة كدة حواليا مش ناقص غير البت مليكة
نجوى : الا صحيح هي فين
جوري: لسه مخل...
كادت تنهي جملتها لولا رنين جرس المنزل
نجوى: افتح يا إياد
إياد : مش قادر يا امي خلي...
نجوى : هتقوم بكرامتك ولا اقومك بطريقتي
نهض سريعًا ليفتح الباب واردف بصوت عالٍ
إياد : طبعًا ما انا مش واخد رز بلبن انا لو معايا رز بلبن كان زماني قاعد ومتهنن
قام بفتح الباب وجدها مليكة
مليكة: ايه يا اخي ساعة عشان تفتح الزفت اوعى كده هما فين اومال
إياد بسخرية: طب اديني فرصة اقولك ادخلي حتى
مليكة: انا لسه هستني عزومة هما فين قولتلي؟
جوري من الداخل: احنا في اوضتي تعالي
ذهبت إليهم مليكة وهي تحمل معاها الشوكولاتات من اجل السهرة
مليكة: انا جيت
علي:ايه التأخير ده كله
مليكة: كنت محشورة في المكتب كان عندي شغل كتير امسكوا الشوكلاتة قبل ما تسيح
اعطتها لهم مليكة ووجدت مع علي طبق من الارز باللبن
مليكة: ايه ده هو انا مليش رز بلبن يا نوجا ولا ايه
إياد : لا يا حبيبتي احنا مغضوب علينا
نجوى : ايوة مليكش الرز بلبن ده عشان علي ونغم بس
مليكة بإستغراب: وانا عملت ايه طيب
نجوى : مش بتتفقي معاهم وتوافقيهم على جنانهم يبقى ملكيش
مليكة بتذمر: طب اشمعنا نغم
نجوى : نغم طيبة وانا عارفكوا ضحكتوا عليها
اخرجت لهم نغم لسانها
محمد: انا هروح انام بقى عندي شغل الصبح تصبحوا على خير
نجوى :انا كمان هقوم انام تصبح على خير يا علي تصبحِ على خير يا نغومة
جوري: طبعًا ما احنا لقطاء
إياد : انا حاسس من الاول انك كسباني في كيس قلبظ
نظرت لهم نجوى بقرف وتركتهم وذهبت مع محمد لتخلد للنوم
علي: تعالولي بقي لاحسن ده انا فايتني كتير عاوز اعرف كل حاجة بالتفصيل
إياد بملل : اقولك يا اخويا وماله انا ورايا حاجة عايز تعرف ايه
علي:كل حاجة يعني مثلًا مين المانجا اللي جوري كانت بتحكليلي عليها دي وماما قالبه عليكوا بسببها
حكى له اياد كل ما حدث مع كنزي منذ ان تعرف عليها
على بسخرية: شكلك عرة اوي دلوقتي
مليكة بضحك: عشان موكوس ما هو لو بيعرف يصيع كان زمانه في حته تانية خالص
إياد : سيبنالك انتي الصياعة ياختي اما نشوف هتعملي ايه مع نوتيلا
مليكة بإنفعال: ولاا انت عرفت نوتيلا منين انت بتتصنت علينا
إياد بتوتر :وانا مالي انتم اللي صوتكم عالي
علي: لا ما تاخدونيش في دوكة وبراحة عليا مليكة هتقوليلي دلوقتي مين نوتيلا
مليكة بلا مباله: نوتيلا ده مديري في الشركة اسمه مازن بس بنقول عليه نوتيلا بس!
اومأ علي وعقله يدور فيه شئ
علي بتفكير: نوتيلا ده اللي كان واقف انهاردة وفضل يزعق ده ابو عين خضرة؟
مليكة: الله ينور عليك هو ده
على بحماس:لا ده شكل السهرة صباحي احكي بالتفصيل
حكت له مليكة كل شئ من مقابلته في السوبر ماركت إلى هذا الوقت
نظر علي لنغم نظرة ثاقبة: ها وانتي يا حاجة عملتي ايه في غيابي
نغم بتوتر من نظرتة :انا لا لا انا معملتش حاجه انت عارفني هادية ومش بتاعت مشاكل
على بإبتسامة جانبية :يعني اللي كان واقف جنب نوتيلتها وكان بيبرق ليا وليكي ده ميخصكيش
نغم بتنهيدة يأس من إخفاء الأمر فهي تعلم جيدًا ان علي شديد الملاحظة و عاجلًا ام أجلًا سيعلم فا حكت له كل شئ هي الأخرى
علي بثقة: معجبة بيه صح؟ اعترفي هو شكلة حليوة و البنات بتحبة
مليكة :والله الواد ده معلم وبيفهم
جوري:انتي مشوفتيش وهي بتحكي عنه كانت بتسبل ازاي
إياد بتأثر مزيف: شوفوا الحب وعمايله بتتكلم عنه ولا كأنها بتتكلم عن توم كروز
ضربتهم نغم بغضب
نغم: انتم رخمين على فكرة بطلوا الهبل ده
علي:نغم انا صاحبكم وطول عمري اللي مربيكم هتخبي عليا
نغم بخجل :تمام انا معجبة بيه شوية صغيرين
على بضحك:خلاص عرفنا انك بتحبيه طب وهو
نغم بأحباط: بحالات شوية يكون كويس وشوية يكلمني بقرف كأني قتلاله حد عارف هو طور لاهي في برسيمة بالظبط داهية تاخد اللي لابيفهم ولا بيحس.
جوري:يا ستير للدرجادي ده شكلة ميؤس منه مايبنش عليه غبي كدا
إياد :حاولتي تلمحيله
نغم وهي تلوي فمها: تلميح! بماذا يفيد البوح والبعيد لوح لا ومش اي لوح ده لوح تلج بعيد عنك
علي:اسكت ياض تلمح لمين ده هو اللي يجي ليها مش هي اللي تروحله انا بنتي ست البنات
نغم:مبينلهاش مجي
على بخبث وتخطيط:لا باينلها و باينلها اوي
.
*سبحان الله وبحمده سبحان الله العظيم *
..
...
يتبع
رأيكم؟
تقيمكم للبارت من (١٠)
يزن هيعمل ايه بعد ما اكتشف حبه؟
والسؤال الاهم
علي ناوي على ايه
علي☝️