السلام عليكم ورحمة الله وبركاته
حابه بس أوضح شويه ثغرات اتسألت ليا:
_أولاً:
_ازاي عدي آخ ليل!؟ :
_فجر بعد ما ابنها مات حالتها النفسيه بقيت مدمره جدااا في نفس الوقت كانت لميس خلفت عدي بس حصلت ليها شويه مضاعفات بعد الحمل خلت البن ينزل متأخر شويه ففجر تولت مهمه ترضيع عدي بعدها على طول بشهرين عرفت انها حامل بليل وبكده عدي بقى اخو ليل في الرضاعه.
_ثانيا:
_شمس ازاي مربيه الأطفال كلهم!؟ :
_فجر بعد ما خلفت ليل كانت لسه نفسيتها وحشه ومش قادره تنسى إبنها الصغير وده كان باين جدا عليها بس كانت بتخفي كل ده لحد ما ليل كملت ٣ سنين أدهم مكنش عاجبه حال فجر نهائي فطلب من وليد وادم ولؤي إنهم يسافروا يغيروا جو وهنا شمس عرضت انها هتخلي بالها من الأطفال والأطفال فضلوا معاها أسبوعين علمتهم وربتهم التربيه الصحيحه، لدرجه ان ليل وأمير بقوا متعلقين بيها جداً.
_ثالثاً:
_فين فؤاد ورحاب والباقي :
_الشخصيات كتيره أساساً فمحبتش أظهر وجودهم هما كمان عشان اللخبطه وكده بس لسه موجودين.
_رابعاً:
_ليه لؤي وقصي منقلوش مع الباقي القاهره!؟ :
_صفيه وقصي رفضوا انهم يسيبوا بلدهم وده اللي خلاهم شبه مستقرين في الصعيد بس ده ميمنعش أن ليهم شقق في القاهره.
_خامساً:
_دي بقي من الحلقات إلى فاتت محدش فهم قصه استنساخ رامي لشكل أدهم هفهمكم :
رامي دخل فنون جميله مخصوص عشان يوم ما يتخرج يقدر انه يخلي نفسه شبه أدهم بالظبط وده اللي حصل كان نسخه منه بالظبط!
طب ازاي كان بيعمل كل حاجه وادهم مش واخد باله!؟
أدهم كان واخد باله بس ميعرفش أن اللي بيعمل كده هو مستنسخ منه بدليل انه قال لفارس ان في حاجات بتطلع وتخرج بأسمه.
ازاي الشرطه صدقت أن في مستنسخ من أدهم!؟
رامي عبقري جدا وده لأنه قدر انه يمشي كل حاجه زي ما هو عاوز زور ورق يساعده في تدخل شحن السلاح وغيرها لكن اللواء نشأت كان عارف ان أدهم بريئ وده لأن كان ما بينهم اتفاق أساساً انهم يمسكوه عشان كده أدهم ظهر في الشاشه وكمل اللعبه مع رامي.
_سادسا :
_ازاي رامي اخ أدهم :
زي و ما وضحت في أول الفصول أن فايده كان ليها ولد تاني بس مجدي قتله واساسا مجدي كان متجوز صفاء قبل فايده، فايده بعد ما قتلت مجدي عرفت انها حامل في رامي.
_سابعاَ:
_ازاي سامر مشكش في موت رجاء :
_مشكش لأن عزيز كان مرتب كل حاجه صح وكان عارف كويس هو بيعمل ايه وكان عامي غشاوه سامر بالشغل وده خلاه مبياخدش باله غير بعد فوات الأوان.
أظن اني كده وضحت كل النفط ولو في حاجه مش مفهومه مستنيه أرائكم ❤️
دمتم بخير.
حبيبه محمد.