- ព្រឹកថ្ងៃថ្មី
_ បន្ទាប់ពីធ្វើរឿងមានក្ដីសុខជាមួយគ្នាអស់ពេញមួយយប់ហើយ Jungkook ក៏នៅគេងអោបរាងតូចកំដរ គេគេងយកកម្លាំងវិញព្រោះប្រពន្ធម្នាក់នេះធ្វើឲ្យគេ សប្បាយចិត្តធ្វើឲ្យគេភ្លេចអស់នូវរឿងស្មុគស្មាញ ស្គាល់តែអារម្មណ៍កក់ក្ដៅក្រោយពេលដែលបាន ស្គាល់គ្នា ទទួលស្គាល់ថានាយជាមនុស្សមិនចូលចិត្តធ្វើរឿងផ្អែមល្ហែមជាមួយអ្នកណាឡើយសូម្បីតែជាមួយស្នេហាដំបូងប៉ុន្តែចំពោះ Tae គឺជាករណី លើកលែងតែមួយគត់ ។
« បងនឹងស្រឡាញ់ហើយការពារអូនអស់មួយជីវិត រហូតទាល់តែដង្ហើមរបស់បងអស់ បងសន្យា » នាយសង្ហារបន្លឺឡើងតិចៗស្របពេលគយគន់សម្រស់នៃផ្ទៃមុខដ៏សែនស្អាតឥតខ្ចោះរបស់ប្រពន្ធតូចដែលកំពុងគេងលក់នៅលើទ្រូងខ្លួនឯង មេដៃក៏ លើកបោសអង្អែលលើថ្ពាល់រលោងរបស់គេស្រាលៗ ភាពមិនដឹងខ្យល់អីរបស់រាងតូចកាន់តែធ្វើឲ្យនាយទទួលដឹងពីអារម្មណ៍ខ្លួនឯងច្បាស់ថាជាក្មេងម្នាក់នេះហើយដែលគេនឹងដាក់ជីវិតការពារស្រឡាញ់រហូតតទៅ ។
Skip៚
_ នៅក្នុងបន្ទប់តាមដានសុខភាពរបស់លោកម្ចាស់កំពុងតែមានលោកគ្រូពេទ្យកំពុងវាស់មើលសម្ពាធឈាមនិងអ្វីផ្សេងទៀតដើម្បីកំណត់ពេលវេលាវះកាត់ឲ្យរាងចំណាស់ ឯរាងតូចនិងស្វាមីក៏នៅទីនេះដូចគ្នា ។
« យ៉ាងម៉េចដែរសិស្សច្បង? លោកប៉ាអាចត្រៀមវះកាត់បានហើយឬនៅ? » Jungkook សួរឡើង ក្រោយពេល Namjoon ដែលជាសិស្សច្បងធ្វើការពិនិត្យរួចរាល់ ។
« បើតាមបងពិនិត្យ ពីរថ្ងៃទៀតនេះលោកអ៊ំអាចវះកាត់បានហើយតែក្នុងរយៈពេលមុនការវះកាត់ត្រូវឲ្យគាត់សម្រាកនិងហាត់ប្រាណឲ្យបានច្រើនបំផុតដើម្បីឲ្យសុខភាពកាន់តែរឹងមាំជាងមុននឹងអាចមាន សង្ឃឹមច្រើនលើការវះកាត់ » Namjoon និយាយធ្វើឲ្យគ្រប់គ្នាជាពិសេសរាងតូចញញឹមដោយមានក្ដី សង្ឃឹមជាខ្លាំង ។
« បើអ៊ីចឹងប៉ាខ្ញុំអាចជាដាច់ពីមហារីកដែរទេ? ខ្ញុំមិនចង់ឃើញប៉ាឈឺទៀតទេ » Tae សួរជាមួយទឹកមុខ បារម្ភមកព្រមគ្នា ពេលឃើញលោកប៉ាគេងលើគ្រែអ្នកជំងឺបែបនេះ គេពិតជាមិនស្រួលចិត្តឡើយ ។
« រឿងនេះគឺត្រូវមើលលើលោកអ៊ំហើយថាគាត់នឹងខំប្រឹងជំនះជាមួយវាដែរឬក៏អត់ » លឺ Namjoon និយាយបែបនេះធ្វើឲ្យរាងតូចងាកមើលមុខលោកប៉ា ដែលគាត់ញញឹមមកគេបញ្ជាក់ថាគាត់នឹងប្រឹងប្រែងដើម្បីកូនប្រុសម្នាក់នេះ ។
« អ៊ីចឹងខ្ញុំសុំទៅមើលអ្នកជំងឺផ្សេងហើយ » Namjoon
« អរគុណសិស្សច្បង » Jungkook និងNamjoon ចាប់ដៃលាគ្នាមុននឹងនាយសង្ហារចេញទៅឯរាងក្រាសក៏ចូលមកឈរក្បែរ Tae ។
« ប៉ា...ប៉ាត្រូវតែថែរក្សាសុខភាពខ្លួនឯងដើម្បីកូន បានទេ? » រាងតូចដើរទៅទាញដៃលោកប៉ាមកកាន់ទាំងបារម្ភឯលោកម្ចាស់ក៏ញញឹមហើយលើកដៃម្ខាងទៀតមកដាក់លើដៃរបស់កូនប្រុសថ្នមៗ ។
« ប្រាកដហើយ ប៉ានឹងតស៊ូចាំពរចៅរបស់ខ្លួនឯង នោះអី ប៉ាមិនងាយទៅណានោះទេ » Mr Kim និយាយឡើងធ្វើឲ្យរាងតូចប្រែទឹកមុខទៅអៀនមួួយ រំពេច ភ្នែកក៏ប្រិចញាប់ៗពេលលឺថាគាត់ចង់ឲ្យគេ មានកូនមិនខុសពីបំណងម៉ាក់ក្មេកគេឡើយ នេះគ្រប់មនុស្សចាស់សុទ្ធតែចង់បានចៅពរចឹងឬ?
« ខ្ញុំថាប្រហែលជាលោកម្ចាស់ជិតបានចៅតូចពរ ហើយណា៎ » មីង Yung
« ម៉េចក៏ Yung ដឹង? » Mr Kim
« ភ្នែកអ្នកប្រុសតូចខ្មៅថ្នាក់នេះប្រហែលជាយប់មិញមិនបានគេងហើយ ខ្ញុំថាអ្នកប្រុសត្រឡប់ទៅសម្រាកនៅសណ្ឋាគារសិនក៏បានដែរណា៎ » Yung និយាយបញ្ឆិតបញ្ឆៀងទាំងញញឹមបែបដឹងពីអ្វីម្យ៉ាងទើបភ្លាម នោះ Tae លើកដៃបិទបាំងក្រោមភ្នែករបស់ខ្លួនឯងថែមទាំងសើចមិនសូវសមចេតនាបន្លប់មនុស្សចាស់គ្រប់គ្នាទៀតផង ។
« យប់មិញខ្ញុំគេងតើសគ្រាន់តែគេងបានតិចប៉ុណ្ណោះក៏អាចធ្វើឲ្យភ្នែកដែរហ្អេ៎ ចំមែន!! » Tae ព្យាយាមបិទបាំងហើយក៏លួចក្នាញ់ Jungkook ដែលឈរ សើចមិនជួយនិយាយគេសោះ ។
« ប៉ាមើលមកខ្ញុំបែបហ្នឹងធ្វើអី? » គេសួរទៅរាងចំណាស់ដែលសម្លឹងមកគេទាំងញញឹមដូចដឹងរឿងអ្វី ពេលងាកទៅម្ខាងទៀតក៏ឃើញមនុស្សរបស់លោក ប៉ាមើលមកគេដោយក្រសែរភ្នែកបែបនោះដូចគ្នា ។
« អា៎វ ពូDun មីងYung ក៏ចឹងដែរ ម៉េចក៏នាំគ្នាមើល មកខ្ញុំចឹង? » Tae ជ្រួញចិញ្ចើមសួរ មិនយល់ទេ នៅសុខៗក៏នាំគ្នាទៅជាចឹងអស់ទៅ ។
« មុខអ្នកប្រុសតូចឡើងក្រហមហើយណា៎ » ពូDun ហារឡើងធ្វើឲ្យរាងតូចចាប់អារម្មណ៍ថាមុខខ្លួនឯងកំពុងឡើងកម្ដៅភាយៗឬមួយក៏វាក្រហមពិតមែន?
« ពិត...ពិតមែនហ្អ៎? ហាសហា ប្រហែលជាម៉ាស៊ីនត្រជាក់បន្ទប់នេះខូចហើយ យ៉ាប់មែនទែន!! ហាសហាស » Tae សើចខ្លាំងៗធ្វើជាលើកដៃបក់មុខខ្លួនឯងហើយដើរចេញពីបន្ទប់គេចពីគ្រប់គ្នាភ្លាមធ្វើឲ្យពួកគេអស់សំណើចមិនស្ទើរទេ ។
« នេះខ្ញុំដាក់ដល់១៨អង្សារសេហើយនៅក្ដៅទៀត? ខ្ញុំដាក់ស្ទើរពេកមែនទេ Yung? » Dun អេះក្បាលសួរទៅអ្នកដែលមានអាយុស្មើរគ្នា ។
« នេះលោកមើលមិនដឹងទេហ្អីថាអ្នកប្រុសតូចណា៎ គាត់អៀន » លឺ Yung ប្រាប់ទើបនាយងក់ក្បាលយល់ ។
« ប្រពន្ធ Jung នេះពូកែអៀនមែនហើយ » Mr Kim
« តែក៏គួរឲ្យស្រឡាញ់ណាស់ដែរលោកប៉ា » Jungkook ពោលទាំងសើចតិចៗក្នាញ់ជាមួយចរិតរបស់ប្រពន្ធ ។
« ឆាប់ទៅតាមទៅ តិចលោគេក្ដៅពេកចូលទៅពួនក្នុងទូទឹកកក » Mr Kim
« អ៊ីចឹងចាំខ្ញុំមកមើលលោកប៉ាទៀត ជម្រាបលា » រាងក្រាសលារួចទើបរហ័សទៅតាមរកប្រពន្ធមិនចឹងខ្លាចដូចប៉ាក្មេកនិយាយ រត់ចូលក្នុងទូទឹកកកបាត់ ស្ដាយប្រពន្ធមួយទទេរ ។
Skip៚
« វ៉ា...!!! » សម្លេងបន្លឺឡើងបែបភ្ញាក់ផ្អើលរបស់ក្មេងតូចដោយក្ដីរំភើបព្រោះ Jungkook នាំគេឡើងមកលើអគារខ្ពស់បំផុតរបស់ញូវយ៉កអាចឲ្យគេបានឃើញច្បាស់ពីភាពស្រស់ស្អាតនៃទីក្រុងស៊ីវីល័យ មួយនេះ អ្វីៗក៏ទំនើបគួរឲ្យទាក់ភ្នែកជាពិសេសបណ្ដុំ អគារសេដ្ឋកិច្ចខ្ពស់សន្លឹមឈរបង្អួតភ្នែកគេឲ្យមើល មិនចេះឆ្អែតនោះឡើយ ។
« យ៉ាងម៉េចដែរស្អាតទេ? » រាងក្រាសសួរស្រប ពេលលូកដៃអោបចង្កេះតូចពីក្រោយហើយដាក់ ចង្ការលើស្មារគេ ។
« ធ្លាប់តែឃើញក្នុងអ៊ីនធើណិតឃើញថាស្អាតហើយតែពេលឃើញពិតចឹងស្អាតលើសពីការគិតទៅទៀត បងដឹងទេ? អូនប៉ងចង់មកកន្លែងនេះយូរណាស់ ហើយ » Tae និយាយហើយស្ញេញដាក់លោកប្ដីទាំងមិនដឹងខ្លួនតែមានដឹងទេថាភាពមិនដឹងខ្យល់អី របស់គេនេះហើយជាមន្តស្នេហ៍ទាក់ទាញចិត្ត Jungkook ជាពិសេសនោះ ។
« បើចឹងអូនសប្បាយចិត្តទេ? » Jungkook
« ហិហិសប្បាយណាស់ » Tae
« បើបងធ្វើឲ្យអូនសប្បាយ បែបនេះគួរតែឲ្យរង្វាន់បងខ្លះហើយ » លឺប្ដីពោលដូច្នេះធ្វើឲ្យរាងតូចបង្វិលខ្លួនមកឈរចំពោះមុខនាយវិញ ។
« បងចង់បានរង្វាន់អី? » Tae សួរទើប Jungkook លើកដៃអោបចង្កេះរាងតូចមកផ្អឹបនឹងខ្លួនស្ងាត់មួយ សន្ទុះទើបដាច់ចិត្តបន្លឺប្រយោគឡើង ។
« បងចង់បានកូន » សម្ដីជាមួយទឹកមុខប្រាកដប្រជា របស់នាយហាក់បីដូចជាធ្វើឲ្យរាងតូចប្រែទឹកមុខមួយរំពេច ខ្លួនក៏នៅស្ងៀមទ្រឹងភ្លាម ក្រែង Jungkook ថាមិនទាន់ចង់បានកូននោះអីតែហេតុអីពេលនេះនាយផ្លាស់ប្ដូរចិត្តទៅវិញ?
To be continued.....🍰🍧